Лола Ғуломова, қурбонии хушунати хонаводагӣ

"Дипломати амрикоӣ ҳамсари тоҷикашро паронду худкушӣ кард"

6480
(Таҷдидшуда 16:46 09.06.2019)
Ҷейсон Риф, дипломати амрикоии 51-сола ҳамсари тоҷикаш – Лола Ғуломоваи 45-соларо, ки дар ҳоли ҷудошавӣ аз ҳам қарор доштаанд, парондаасту баъдан худкушӣ кардааст

ДУШАНБЕ, 9 июн — Sputnik. Тибқи гузориши Washington Post, пулис дар пайи дарёфти хабар ба хонаи ин ҷуфт дар наздикии Донишгоҳи Амрико дар шимолу ғарби Вашингтон ҳозир шуда, баъди шикастани дар Ҷейсонро бо силоҳ дар даст дидаанд. Пулис амр додааст, ки Ҷейсон силоҳро канор гузорад, аммо ӯ ба сараш тир холӣ кардаасту дар беморхона ҷон додааст.  Дар утоқи дигар ҷасади Лола Ғуломоваро пайдо кардаанд, ки аз зарби якчанд тир ба ҳалокат расидааст.

Пулис бовар дорад, ки шавҳар ҳамсарашро парондасту баъдан худкушӣ кард.

Ин зану шавҳар дар хадамоти дипломатии ИМА – Ҷейсон дар Департаменти давлатӣ ва Лола Ғуломова дар Вазорати савдои ИМА кор мекардааст. Ба гузориши Washington Post ин ҷуфт дар замони таҳсил дар Донишгоҳи Ҷон Ҳопкинс шинос шуда, соли 2000-ум ақди никоҳ бастаанду соҳиби ду духтарча шуданд.

Ба иттилои манбаъ, ҳангоми рух додани фоҷиа фарзандон, ки ноболиғ мебошанд дар хона қарор надоштаанд.

Наздикони ин хонавода изҳор доштаанд, ки нофаҳмӣ соли 2015 баъди бозгашти ин ҷуфт аз як сафар рух дод, вақте Ҷейсон фаҳмидааст, ки ҳамсараш барои кори чорсола дар Белград розӣ шудааст. Ба иттилои манбаъ, ин кор бояд соли 2020 оғоз мешуд ва Ғуломова ният доштааст, духтаронро низ бо худ барад.  

Дар пайи танишҳо Ғуломова хостори талоқ шуда, аз додгоҳ хостааст, ӯро аз Ҷеймс Риф ҷудо кунад. Додгоҳ моҳи марти соли равон дар пайи ҳозир нашудани Риф ба мурофиаҳо қарори ҷудошавиро содир карда, модарро саробони духтарон таъин кардааст.

Лидер КНДР Ким Чен Ын на станции Хасан в Приморском крае
пресс-служба администрации Приморского края

Аммо Риф розӣ нашуда, бо ҷалби вакили нави дифоъ аз ин қарор шикоят бурдааст. Вакили нав даъво кардаст, ки зерҳимояаш муроҷиатномаҳои заруриро нагирифтааст. Додгоҳи олии ҳавзаи Колумб мурофаи навбатиро пеш аз зуҳри рӯзи ҷумъаи 7 июн таъин кардааст, аммо дар ин рӯз фоҷиа рух додааст.

Ба навиштаи Washington Post хабари марги Лола Ғуломова, ки ҳамкорони собиқаш аз ӯ танҳо ба некӣ ёд мекунанд, ҳамаро дар ҳолати шок қарор додааст.

Ғуломова дар Вазорати савдои ИМА дар раёсати Русия, Украина ва Авросиё кор мекардааст. Ӯ бахшҳои кумак ба зарардидагони тӯфони Катрин, масоили НАСА, сафорати ИМА дар Маскав дар умури кайҳон фаъолият карда, яке аз ҳамоҳангсозони сафари Барак Обама, раисиҷумҳури пешини ИМА ба Ҳиндустон дар соли 2010-ум будааст.

Шиносҳои Лола Ғуломова аз ниҳодҳои гуногуни ИМА аз ӯ ҳамчун нафари хайрхоҳ ёд кардаанд, ки зиндагиро дӯст медошт.

6480
Бойцы Талибан в Провинции Нанганхар, архивное фото

Такзиби даргузашти роҳбари Толибон

175
(Таҷдидшуда 19:32 02.06.2020)
Созмони террористии Толибон, ки дар Тоҷикистону Русия мамнӯъ мебошад, даргузашти роҳбари созмон бар асари коронавирусро рад кард

ДУШАНБЕ, 2 июн - Sputnik. Забеҳулло Муҷоҳид, сухангӯи Толибони Афғонистон даргузашти раиси ин гурӯҳ бар асари мубтало шудан ба Ковид-19-ро рад кард.

Ба гузориши сомонаи "Парстудей", ба нақл аз хабаргузории садо ва симои Эрон, Забеҳулло Муҷоҳид рӯзи сешанбе гузоришҳо дар бораи даргузашти Мулло Ҳебатуллоҳ Охундзодаро рад кард ва гуфт, ки вай ҳамчунон раёсати Толибонро бар ӯҳда дорад.

Манбаъ зикр кардааст, ки пеш аз ин нашрияи амрикоии  Foreign Policy дар гузорише иддао карда буд, ки саркардаи Толибони Афғонистон ба далели олуда шудан ба вируси корона ҷон бохтааст.

Ин расона афзудааст, ки бархе аз коршиносони масоили сиёсии Афғонистон бар ин боваранд, ки расонаҳои амрикоӣ қасд доранд миёни сарони Толибони ин кишвар ихтилоф эҷод кунанд, то музокироти сулҳ миёни давлати Афғонистон ва Толибон баргузор нашавад.

175
Батальон солдат США загружается в военный самолет

Коронавирус шуданд: хуруҷи низомиёни олмонӣ аз Афғонистон

89
Пештар гуфта шуда буд, ки садҳо нафар аз низомиёни хориҷӣ дар Афғонистон ба маризии коронавирус мубтало шуданд

ДУШАНБЕ, 2 июн - Sputnik. Шуморе аз низомиёни олмонии мустақар дар Афғонистон ба далели гирифторӣ ба коронавирус, хоки ин кишварро тарк карданд.

Ба гузориши радиои бурунмарзии Садои  Хуросон, чаҳор низомии олмоние, ки дар фурудгоҳи Кобул карантин буданд, шаҳри Мазори Шариф- маркази вилояти Балх  дар шимоли Афғонистонро  тарк карданд.

Афзоиши гирифторони коронавирус дар Афғонистон: аз 11 ҳазор гузашт

Дар ҳоле теъдоде аз низомиёни олмонӣ ба далели гирифторӣ ба корона аз хоки Афғонистон хориҷ шуданд, ки пеш аз ин неруи ҳавоии ин кишвар аз гирифтории бархе аз низомиёнаш ба корона хабар дода буд.

Пештар гуфта шуда буд, ки садҳо нафар аз низомиёни хориҷӣ ба фармондеҳии Амрико мустақар дар Афғонистон ба корона мубтало шуданд, ки ҳамин масъала боиси нигаронии мардум, мақомот ва низомиёни ин кишвар шуда буд.

89
Барчаспҳо:
Олмон, низомиён, Афғонистон
Мавзуҳо:
Пайомадҳои COVID-19 дар Тоҷикистон ва ҷаҳон

Омори 7 рӯзи охири баҳор дар Хуҷанд: тасфу “илтиҳоби шуш” кам шудааст

0
(Таҷдидшуда 00:51 03.06.2020)
Маркази ёрии таъҷилии тиббии шаҳри Хуҷанд, омори табъи баланду хуруҷи бемории “илтиҳоби шуш” дар охирин рӯзҳои фасли баҳорро ироа кард

ДУШАНБЕ, 2 июн – Sputnik. Мирзонабӣ Мирзоҳошимов, сартабиби Маркази ёрии таъҷилии тиббӣ дар шаҳри Хуҷанд дар суҳбат ба Sputnik Тоҷикистон гуфт, рӯзҳои охири фасли баҳор, мавридҳои баландшавии ҳарорати бадан ва хуруҷи "илтиҳоби шуш" дар миёни сокинон коҳиш ёфтааст.

"Давоми як ҳафта, яъне аз рӯзи 25 то 31 - уми май дар умум ба сатансияҳои Маркази ёрии таъҷилии тиббии шаҳри Хуҷанд 52 муроҷиати сокинон бо аломатҳои бемории "илтиҳоби шуш" ба қайд гирифта шудааст. Дар ин шумор занону мардон қариб, ки баробар буда, ҳамаи онҳо барои табобат ба беморхонаи клиникавии Суғд интиқол дода шудаанд", - гуфт Мирзоҳошимов.

Бино ба иттилои сартабиб, давоми ҳафт рӯзи охири баҳори имсол ҷамъан 746 сокин аз ду тарфи соҳили дарёи Сир дар Хуҷанд бо аломатҳои мухталифи беморӣ аз ҷумла фишорбаландӣ, шамолхӯрдагӣ ва бемориҳои қанду қалбӣ барои расонидани ёри фаврии тиббӣ ба онҳо муроҷиат кардаанд, ки аз ин шумор бештар аз 120 ҳолати нотобшавиҳо аз баландшавии табъ будааст.

Мирзонабӣ Мирзоҳошимов зикр намуд, ки аз рӯи муроҷиати сокинон, мушоҳида мешавад, ки дар рӯзҳои нахустини фасли тобистон суръати сироятёбӣ ба "илтиҳоби шуш" назар ба моҳҳои фасли баҳор хеле поён поён рафтааст.

"Рӯзҳои аввали моҳи май то 70 – 80 нафар муроҷиати сокинон танҳо бо ҳолати баландшавии тасф ва гирифторӣ ба бемории "илтиҳоби шуш" дар як шабонарӯз ба қайд гирифта мешуд. Хушбахтона дар оғози фасли тобистон сабти ин қабил маризӣ дар миёни сокинони шаҳр то ба 8 – 10 ҳолатӣ кам шудааст", - иброз намуд сартабиб.

Сартабиби Маркази ёрии таъҷилии тиббӣ мегӯяд, ба роҳ мондани табобати бемории илтиҳоби шуш дар марказҳои саломатӣ дар маҳалҳо ва ҳам гузаронидани корҳои тарғиботии пешгирии бемориҳои сироятӣ  ба коҳишёбии шиддати авҷи ин маризӣ таъсири амиқ расонидааст. Аммо табибон таъкид меварзанд, ки ки барои пурра нобуд шудани "илтиҳоби шуш" боз ҳам нақши сокинон муҳим ва  минбаъд ҳам набояд риояи гигиенаи тиббӣ сарфи назар шавад.

Маркази ёрии таъҷилии тиббии Хуҷанд ҳоло аз 15 бригада ва беш аз 80 табибу ҳамшираву ронанда иборат буда, онҳо ба аҳолии наздик ба 185 ҳазор нафараи маркази вилояти Суғд ёрии тиббӣ мерасонанд.

0
Барчаспҳо:
мошин, ёрии таъҷилӣ, Тоҷикистон