Ҳабс, акс аз бойгонӣ

Боздошти муттаҳам дар ҳамла ба хонаи сардори милисаи Турсунзода бо гранатомёт

1565
(Таҷдидшуда 14:05 17.06.2019)
Додситонии кулли Русия муттаҳам дар ҳамлаи мусаллаҳона ба хонаи сардори милисаи ноҳияи Турсунзодаро ба Тоҷикистон истирдод кардааст

ДУШАНБЕ, 10 июн — Sputnik. Тибқи иттилои мақомоти Русия, муттаҳам бо дархости ҷониби Тоҷикистон моҳи октябри соли гузашта дар вилояти Оренбург боздошт гардида буд.

Расонаҳои минтақавӣ навиштаанд, ки зимни санҷиш барои истирдод муайян шудааст, ки мақомоти Тоҷикистон боздоштшударо дар сӯиқасди куштор муттаҳам мекунанд.

Бар асоси парванда, муттаҳам бо шариконаш моҳи феврали соли 1998 хостаанд аз сардори шуъбаи корҳои дохилии ноҳияи Турсунзода барои ифтитоҳи парванда алайҳи онҳо қасос гиранд.

Раҳмон дар бораи ҳамла ба масҷидҳо: ин боз нишон медиҳад, ки терроризм дину миллат надорад

Бо ин мақсад муттаҳамон хонаи сардори милисаро аз автомат ва гранатомёти дастӣ ҳадафи тирпарронӣ қарор додаанд.

“Дар пайи ин ҳамла, хонаи сардори шӯъбаи умури дохилӣ ва ҳамсояаш хароб шудаанд, аммо ҳеч кас ба ҳалокат нарасидааст”, - омадааст дар иттилоия.

Манбаъ таъкид кардааст, ки муттаҳам дар ҳамла мавриди пайгард қарор дошт ва моҳи октябри соли гузашта дар вилояти Оренбург боздошт гардид. Ҷузъиёти бештари ҳодиса ироа нашудааст.

1565
Служба в армии, архивное фото

Вазорат: Нақшаи даъват 89% иҷро шуд, касе аз “облава” шикоят накардааст

55
(Таҷдидшуда 11:03 21.10.2020)
Вазорати дифои Тоҷикистон аз иҷрои 89 дарсади нақшаи тирамоҳии даъвати ҷавонон ба сафи артиш хабар медиҳад.

ДУШАНБЕ, 21 октябр - Sputnik. Аз ин ниҳод ба Sputnik Тоҷикистон гуфтанд, тайи 20 рӯзи даъват дар баробари вилояти мухтори куҳистони Бадахшон (ВМКБ) нақшаи даъватро шаҳри Душанбе низ сад фисад иҷро кард.

Тибқи иттилои манбаъ, нақшаи даъват дар вилояти Хатлон 91%, дар Суғд 80%  ва ноавҳоии тобеи марказ 92%  иҷро шудааст.

Манбаъ мегӯяд, то ҳол ба унвонии ин вазорат ягон шикоят аз облава ворид нашудааст ва масъалаи даъвати имсола нисбати солҳои пеш дар сатҳи беҳтар ба роҳ монда шуда шумори ихтиёриён бештар шудааст

Дар Бадахшон ҷавононро пеш аз хизмат ронандагӣ меомӯзонанд

Бар асоси фармони Эмомалӣ Раҳмон, раисҷумҳури Тоҷикистон даъвати тирамоҳии ҷавонон ба артиш якуми октябр шурӯъ гардида, то ноябр идома хоҳад кард. Имсол ҷавонони соли таваллудашон 1993-2002 ба хидмати ҳарбӣ мераванд.

 

55
Медсестра держит в руках ампулу с вакциной Гам-Ковид-Вак

Барои эҳтиёт: дастури Бердимуҳаммадов барои харидории ваксина алайҳи COVID-19

107
(Таҷдидшуда 11:07 21.10.2020)
Президенти Туркманистон Қурбонгулӣ Бердимуҳаммадов, сарфи назар аз он, ки расман дар кишвар ягон ҳолати гирифторӣ ба ин беморӣ мавҷуд надорад, амр додааст, ки ваксинаи зидди коронавирус харидорӣ кунанд

ДУШАНБЕ, 21 октябр - Sputnik. Президенти Туркманистон Қурбонгулӣ Бердимуҳамедов фармон додааст, ки ваксинаи зидди сирояти коронавирус харидорӣ шавад, менависад рӯзномаи русизабони ҳукумати "Нейтральный Туркменистан".

"Сарвари давлат оид ба корҳои ташкилӣ доир ба хариди ваксинаҳои нави баландсифат бар зидди сирояти коронавирус, ки ҳоло дар давлатҳои мухталиф истеҳсол мешаванд, дастурҳои мушаххас дод", - гуфта мешавад дар изҳорот.

Дар кадом кишварҳо ваксина харида мешавад, мушаххас нашудааст, аммо ду ҳафта қабл зимни як гуфтугӯи телефонӣ бо президенти Русия Владимир Путин Бердимуҳаммадов гуфт, ки Туркманистон ба дастовардҳои олимони Русия дар эҷоди ваксина алайҳи коронавирус баҳои баланд медиҳад ва мехоҳад дар ин самт ҳамкорӣ кунад.

Дар Туркманистон, бо вуҷуди гузоришҳои мақомот дар бораи набудани ҳолатҳои коронавирус, режими ниқоб ва маҳдудиятҳои дигар ҷорӣ шудааст.

Ёдовар мешавем, Вазорати тандурустии Русия моҳи август аввалин ваксинаро дар ҷаҳон барои пешгирии COVID-19 ба қайд гирифт, ки онро Маркази илмии электрохимиявии Гамалея таҳия карда,  он "Sputnik V" ном дорад.

Русия арзиши як вояи ваксинаи зидди коронавирусро гуфт

Чанд рӯз қабл президенти Русия Владимир Путин аз сабти номи ваксинаи дуюми русии "ЭпиВакКороны"  алайҳи COVID-19 ва инчунин сабти қарибулвуқӯи сеюм ваксина хабар дод.

 

107
Вакцинация против COVID-19 в Москве

Вирусшинос гуфт, ваксинаи зидди COVID-19 ба кӣ кумак намекунад

0
(Таҷдидшуда 11:34 21.10.2020)
Вирусшинох гуруҳи одамонро номбар кард, ки ваксинаи коронавируси COVID-19 метавонад барои онҳо бесамар бошад

ДУШАНБЕ, 21 октябр - Sputnik. Ваксинаи коронавирус метавонад одамонеро, ки норасоии масуният доранд муҳофизат накунад, мегӯяд доктори илмҳои тиб, вирусшинос Анатолий Алтштейн.

Барои чунин гурӯҳи одамон эмкунӣ шояд муассир набошад, менависад портали ura.ru.

Ба гуфтаи табиб, бемороне, ки чунин патология доранд, метавонанд баъди гузаронидани ваксина дар пайдоиши антитело ба коронавирус мушкилӣ кашанд.

Инчунин, вирусшинос шубҳа кард, ки имкон дорад одамонро аз рӯи қобилияти ташаккули иммунитет ба бемориҳо ба гурӯҳҳои махсус тақсим кард.

"Инсонщо бо қобилияти тавлиди антитела аз ҳам фарқ мекунанд, аммо ба гурӯҳҳо ҷудо кардани онҳо хеле душвор аст. Ин на ба вазъи саломатӣ, балки ба хусусиятҳои организм вобаста аст, ки касе намедонад" гуфт табиб.

Ёдовар мешавем, Вазорати тандурустии Русия моҳи август аввалин ваксинаро дар ҷаҳон барои пешгирии COVID-19 ба қайд гирифт, ки онро Маркази илмии электрохимиявии Гамалея таҳия карда,  он "Sputnik V" ном дорад.

Путин аз сабти номи ваксинаи дуввуми Русия алайҳи COVID-19 хабар дод: сеюмаш дар роҳ аст

Чанд рӯз қабл президенти Русия Владимир Путин аз сабти номи ваксинаи дуюми русии "ЭпиВакКороны"  алайҳи COVID-19 ва инчунин сабти қарибулвуқӯи сеюм ваксина хабар дод.

0
Барчаспҳо:
одамон, пизишк, вирус