Задержание, архивное фото

Дар ноҳияи Ҳамадонӣ дузди дучарха дастгир шуд

170
(Таҷдидшуда 13:25 20.07.2019)
Кормандони милитсияи шаҳри Душанбе марди 45- солаи ноҳияи Ҳамадониро бо гумони дуздӣ дастгир намуданд

ДУШАНБЕ, 20 июл — Sputnik. Бино ба иттилои дафтари матбуоти Вазорати умури дохилаи Тоҷикистон, кормандони милитсияи пойтахт мардеро дастгир намуданд, ки аз мағозаи соҳибкор дар ҳамин ноҳия як адад дучарха дуздида буд.

 Манбаъ хабар медиҳад, ки ба ШВКД дар ноҳияи Ҳамадонӣ марди 25-солаи сокини ҳамин ноҳия, соҳибкори инфиродӣ,  муроҷиат намудаст,ки  рӯзи 18-уми июли соли равон,тахминан соати 14:00, шахси номаълум бо тариқи пинҳонӣ ба мағозаи хусусиаш, воқеъ дар бозори марказии ноҳия ворид шуда, аз он ҷо 1-адад дучархаи тамғаи "Стелс"-ро дуздида, аз ҷойи ҳодиса ғайб задааст.

Ба гуфтаи ин соҳибкор арзиши дучарха 3 ҳазору 500-сомониро ташкил медиҳад. 

Телефонро маҷбурӣ гирифту ғайб зад, гумонбари дуздӣ дастгир шудааст

Зимнан аснои гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 45-солаи сокини деҳаи Сомониёни ноҳияи мазкур бо гумони дуздӣ дастгир карда шуд.

Дар вақти намозхонӣ ба дуздӣ машғул мешудааст: боздошти дузди чолок дар Хуҷанд

Дар ҳоли ҳозир кормандони милитсия аз руйи ҳодисаи мазкур тафтишотро идома доранд.

170
Барчаспҳо:
дастгир, дуздӣ, Ҳамадонӣ
Арест, архивное фото

Муноқишаи оилавӣ ба марг анҷомид: сокини Чиптеппа ҳамсари 30 - солаашро кушт

174
(Таҷдидшуда 11:52 14.08.2020)
Зани 30 - сола аснои муноқишаи оилавӣ аз дасти ҳамсари худ сахт ҷароҳатдор шуд ва дар беморхона ҷон аз даст дод

ДУШАНБЕ, 14 авг — Sputnik. Кормандони милитсияи сокини 34 - солаи  деҳоти Чиптеппаи ноҳияи Рӯдакиро боздошт намуданд, ки дар куштори ҳамсари ҷавони худ муттаҳам дониста мешавад.

Ба иттилои котиботи Вазорати умури дохилаи Тоҷикистон, ҳодисаи рӯзи 12 - уми август, тахминан соати 23:00 рух додааст.

Гуфта мешавад, куштор дар заминаи муноқишаи оилавӣ сар задааст.

Куштор дар Вахш: писар ба хотири ҳамсари худ падарашро бо қарабоӣ зада кушт

"Номбурда дар хонаи истиқоматиаш бо ҳамсари худ зани 30-сола ҷангу ҷанҷол карда, бо корд 1-маротиба ба рони пойи росташ задааст", - таъкид мешавад дар хабар.

Зимнан, ҷабридида ҷароҳати вазнини ҷисмонӣ бардошта, дар беморхонаи ноҳия ба ҳалокат расидааст.

ВУД Тоҷикистон мегӯяд, феълан аз рӯи ин ҳодиса тафтишот идома дорад.

174
Барчаспҳо:
ҳамсар, куштор, Рӯдакӣ
Президент Таджикистана Эмомали Рахмон

Дастури Эмомалӣ Раҳмон барои тоза кардани прокуратура ва судҳо аз “одамони тасодуфӣ”

436
(Таҷдидшуда 09:02 14.08.2020)
Президенти Тоҷикистон Эмомалӣ Раҳмон бори дигар ба мушкилоти системаи судӣ ва додситонии ҷумҳурӣ ишора кард

ДУШАНБЕ, 12 авг — Sputnik. Президенти Тоҷикистон Эмомалӣ Раҳмон пас аз як зумра тағйироти кадрӣ бо прокурорҳо ва судяҳои ба вазифаҳои нав таъиншуда гуфтугӯ анҷом дод, хабар медиҳад дафтари матбуоти сарвари давлат.

Дар суҳбат бо кадрҳои тозатаъйин Раҳмон қайд кардааст, ки мансабдорони давлатӣ бояд қонунро қатъиян риоя кунанд ва барои ҷомеа намуна бошанд.

“Худатон дар ҷомеа намунаи ибрат бошед ва барои таъмини волоияти қонуну тартибот кӯшиш ба харҷ диҳед” - таъкид намудааст президент.

Инчунин, Эмомалӣ Раҳмон бо сардори Суди Олӣ Шоҳиён Шермуҳаммад ва прокурори генералии Тоҷикистон Юсуф Раҳмон гуфтугӯ кардааст.

Эмомалӣ Раҳмон аз қонуншиканӣ, даст ба ҷиноятҳои дорои хусусияти коррупсионӣ задан ва содир намудани рафторе, ки шаъну шарафи корманди мақомоти прокуратура ва судиро доғдор менамоянд, мисолҳои мушаххас оварда, ба раиси Суди Олӣ ва Прокурори генералӣ дастури қатъӣ доданд, ки бо гузаронидани санҷишҳои тахассусӣ ва омӯзиши фаъолияти ҳар як корманди соҳа сафи мақомоти судӣ ва прокуратураро, ки аз шохаҳои муҳими давлатдорӣ ба ҳисоб мераванд, аз шахсони тасодуфӣ тоза намоянд.

Мавриди зикр аст, ки қаблан пас аз чунин дастур аз ҷониби президент ба Хадамоти гумрук, ин ниҳод фавран аттестатсияи пурраи кормандонро гузаронида, пас аз он даҳҳо кормандашро аз барканор кард.

436
Барчаспҳо:
дастур, Прокуратура, Суд, Эмомалӣ Раҳмон, президент, Тоҷикистон
Рустам Эмомали на день физкультурника подарил спортсменам Хорога спортивную форму

Либосҳои варзишӣ ва тӯбу кимоно: тӯҳфаи Рустами Эмомалӣ ба варзишгарони Хоруғ

0
(Таҷдидшуда 12:26 14.08.2020)
Рустами Эмомалӣ президенти Федератсияи футболи Тоҷикистон ва раиси шаҳри Душанбе (ФФТ) ба ба варзишгарони шаҳри Хоруғ либосу лавозимоти варзишӣ тақдим кардааст

ДУШАНБЕ, 14 авг — Sputnik.  Бино ба иттилои дафтари матбуотии Федератсияи футболи Тоҷикистон туҳфаҳои Рустами Эмомалӣ ба муносибати Рӯзи варзишгарон супорида шудааст.

Ба иттилои манбаъ, туҳфаҳои президенти ФФТ аз қабили либосҳои варзишӣ, тӯбҳои гуногун ва кимоно супурда ба мактабҳои варзишӣ оид ба футболу волейбол, баскетболу бокс ва дзюдои маркази маъмурии ВМКБ супорида шуд.

Сураҷ Чоршанбиев, мудири бахши ҷавонон ва варзиши дастгоҳи ҳукумати ВМКБ аз номи варзишгарони Хоруғ ба Рустами Эмомалӣ барои дастгирии варзишгарону мураббиёни вилоят изҳори миннатдорӣ намуда, қайд кардааст, ки фароҳам овардани имконоти нав барои рушди варзиш афзалияти кори ҳукумати маҳаллӣ мебошад.

Номбурда гуфтааст, ба туфайли дастгирии ФФТ дар Бадахшон якчанд майдони футбол бо рӯйпӯши сунъӣ сохта шуда, инчунин навъҳои дигари варзиш - волейболу футбол, боксу гӯштингирӣ ва ғайра дар ҳоли рушд аст.

0
Барчаспҳо:
ВМКБ, Рустами Эмомалӣ, ФФТ, Тоҷикистон