Ҳалокати кӯдак дар пайи садама дар Ховалинг

Ронандаи ноӯҳдабаро дар ноҳияи Хуросон ду пиёдагардро пахш кард

62
(Таҷдидшуда 11:45 23.07.2019)
Вазорати умури дохилаи Тоҷикистон аз як садамаи маргбор дар ноҳияи Хуросон хабар медиҳад, ки дар пай талафоти ҷонӣ дошт

ДУШАНБЕ, 23 июл — Sputnik. Камолзода Зикрулло, ҳангоми ҳаракат дар роҳ аз ӯҳдаи идораи мошин набаромада дар ҳудуди деҳаи Коммунизми ноҳияи Хуросон ду пиёдагардро пахш намудааст, иттилоъ медиҳад дафтари матбуоти Вазорати умури дохилаи Тоҷикистон.

Ба иттилои манбаъ, ҳодисаи мазкур 22- юми июли соли равон тахминан соати 11:40 дақиқа рух додаст.

"Ронандаи автомашинаи тамғаи "Митсубиси-Монтеро", Камолзода Зикруллои 20- сола, сокини ноҳияи А.Ҷомӣ,ҳангоми ҳаракат аз самти ноҳияи Хуросон ба самти ноҳияи А.Ҷомӣ, дар ҳудуди деҳаи Коммунизми ноҳияи Хуросон бехатарии ҳаракати роҳро таъмин карда натавониста, пиёдагардон: Қодирова Ойсоат Умбетовнаи 53- сола ва хурдсол Қодирова Мадинаи 4-сола, сокинони деҳаи Коммунизмро пахш намудааст",- таъкид намудааст Вазорати умури дохилаи Тоҷикистон.

Ду садамаи маргбор: марги ду дучархарони ноболиғу пирамард

Зимнан манбаъ қайд намудаст, ки дар натиҷа, Қодирова ҷароҳати вазнини ҷисмонӣ бардошта, ҳангоми ба беморхона интиқол додан, дар роҳ ба ҳалокат расидааст. Хурдсол, Қодирова Мадина  ҷароҳати ҷисмонӣ бардошта, дар беморхона бистарӣ шудааст. 

ВУД: дар ду садамаи нақлиётӣ, ронанда ва мусофир ҷон доданд

Вазорати умури дохилаи Тоҷикистон зикр намудааст, ки айни замон ҳодискаи мазкур аз тарафи кормандони ҳифзи ҳуқуқ мавриди таҳқиқ қарор дорад.

62
Барчаспҳо:
ҳалок, пиёдагард, мошин, садама, ноҳияи Хуросон
Торгово-экономическая ярмарка-выставка СУГД 2017

Мусодираи 27 тон гӯшти пастсифат дар Суғд: се соҳибкор барои ҳасиббарорӣ нигоҳ медоштанд

892
(Таҷдидшуда 12:47 14.08.2020)
Дар як сардхона ё амбори нигаҳдории маҳсулот дар ноҳияи Бобоҷон Ғафуров 27 тон гӯшти мурғи пастсифат ошкор карда шудааст, ки бо мақсади истифода дар сехҳои ҳасиббарорӣ нигаҳдорӣ мешуд

ДУШАНБЕ, 14 авг – Sputnik. Бино ба иттилои Акбар Шарифӣ, котиби матбуоти РВКД дар вилояти Суғд, ин миқдор бори бесифат ба се соҳибкори сокинони ноҳияи Бобоҷон Ғафуров тааллуқ дошта, бо мақсади коркард дар коргоҳҳои истеҳсоли ҳасиб бе риояи қоидаҳои санитарию беҳдоштӣ нигаҳдорӣ мешуд.

"Дар доираи чораҳои фаврӣ-ҷустуҷӯии мақомоти ҳифзи ҳуқуқ, зимни санҷиши сардхона дар ҳудуди ҷамоати деҳоти ба номи Дадобой Холматови ноҳияи Б. Ғафуров, нигаҳдорӣ шудани 27 тон гӯшти мурғи пастсифат ва бидуни борпечи кафолатдиҳандаи бехатарӣ, ки истеъмолкунанда тавонад оиди сифатнокиии маҳсулот маълумот гирад дарёфт карда шудааст", - гуфт Шарифӣ.

Маҳсулоти гӯштии дарёфтшуда барои муайян кардани сифат ва кафолатнокии бехатарӣ ба мақомоти давлатии назораткунанда Маркази назорати давлатии санитарию эпидемиологӣ, Маркази стандартизатсия метрология сертификатсия ва нозироти савдо ва ба Маркази ташхиси озуқаворӣ дар вилояти Суғд пешниҳод шудааст, ки дар вақти ташхис мутахассисони ҳар се мақомот маҳсулоти гӯштиро барои истеъмол номутобиқ арзёбӣ кардаанд.

Соҳибкор мехост ба Тоҷикистон 219 тонна гӯшти мурғи пастсифат ворид намояд

Чанде қабл телевизиони Тоҷикистон бо пахши як гузориш аз боздошти ду сокини ноҳияи ба номи Бобоҷон Ғафуров Пӯлотов Азизҷон Ҳасанҷоничи 19 - сола ва Тоҷибоев Абдухолиқ Абдуғаффоровичи 33 - сола, сокинони ҷамоати деҳоти Ғозиёни аз сӯи кормандони Раёсати кумитаи давлатии амнияти миллии Ҷумҳурии Тоҷикистон дар вилояти Суғд хабар дода буд, ки барои ба даст овардани даромади муфт ба фурӯши беш аз 2 тон гӯшти кирмкардашудаи чорво машғул шудаанд.

892
Барчаспҳо:
пастсифат, гӯшт, мусодира, Суғд

Мӯъминободу Обигармро заминларзаи 5 - балла такон дод

217
Дар наздикии навоҳии Мӯъминобод ва Обигарм заминларзаи 5 - балла рух дода буд, ки дар пай талафоти ҷонӣ надошт

ДУШАНБЕ, 14 авг — Sputnik. Бегоҳи рӯзи 13 - уми август, тахминан соати 18:07 дақиқа  дар Тоҷикистон заминҷунбии 5 - балла рух дод, хабар медиҳад Хадамоти ягонаи геофизикии Академияи илмҳои Русия.

Ба иттилои манбаъ, ларзиши замин дар 102 километрии дуртар аз шаҳри Душанбе эҳсос мешуд.

Гуфта мешавад, макони заминҷунбӣ 43 километр аз Мӯъминобод ва 33 километр аз Обигарм ҷойгир буд.

Дар Тоҷикистон боз замин ҷунбид

Феълан, маълумот дар мавриди талафоти ҷонӣ ва хисороти молӣ рӯи даст нест.

Ёдовар мешавем, заминҷунбии қаблӣ бо шиддати 4,9 балл 5 август дар минтақаҳои наздисарҳадии Тоҷикистону Ӯзбекистон рух дода буд.

217
Эмомалӣ Раҳмон, раисиҷумҳури Тоҷикистон дар ҷаласаи Ҳукумат

Вахон ном ниҳоданд: ҳимояти Ҳукумат аз тағйири ном дар Ишкошим

0
(Таҷдидшуда 15:02 14.08.2020)
Эмомалӣ Раҳмон, раисиҷумҳури Тоҷикистон аз Вахон ном гирифтани яке аз ҷамоатҳои ноҳияи Ишкошим ҷонибдорӣ кард

ДУШАНБЕ, 14 авг — Sputnik. Маҷлиси вакилони халқи Вилояти мухтори куҳистони Бадахшон пешниҳод кардааст, ки номи ҷамоати деҳоти Шитхарви ноҳияи Ишкошим тағйир дода шавад.

Вакилони ВМКБ ба ҳайси номи нав барои ҷамоати деҳоти Шитхарв - Вахонро пешниҳод кардаанд.

Эмомалӣ Раҳмон бо имзои қарори Ҳукумат аз Вахон ном гирифтани ҷамоати деҳоти Шитхарв ҷонибдорӣ карда, барои тасдиқ ба Маҷлиси миллии Тоҷикистон пешниҳод намудаст.

Қаблан Ҳукумат номи яке аз қуллаҳои баландтарини Помирро, ки ҷуғрофидони рус Николай Корженевский ба номи ҳамсараш Евгения Корженевская гузошта буд, тағйир дод. Қуллаи Корженевская, ки бо баландии 7 ҳазору 105 метр аз баландтаринҳо дар минтақа мебошад, минбаъд бо қарори Ҳукумати Тоҷикистон номи “Озодӣ” гирифт.

Бо қарори дигари Ҳукумат қуллаи  6230-метрӣ, ки соли 2009 “Озодӣ” номгузорӣ шуда буд, тайғири ном карда, “Сангталак”  ном гирифт.

0
Барчаспҳо:
тағйири ном, Ҳукумат, Тоҷикистон