Девушка в наручниках, архивное фото

Духтари 18-сола барои дуздии телефони “HUAWEI” дастгир шуд

551
(Таҷдидшуда 11:55 08.08.2019)
Вазорати умури дохилаи Тоҷикистон хабар додааст, ки бо гумони ду ҳолати дуздӣ, ки яке дар ноҳияи Ҷ. Балхӣ ва дигаре ноҳияи Шоҳмансури шаҳри Душанбе рӯх додааст як ҷавондухтари 18-сола ва зани 23-сола боздошт шудааст

ДУШАНБЕ, 8 авг — Sputnik. Бино бар иттилои дафтари матбуоти Вазорати умури дохилаи Тоҷикистон, кормандони милитсияи ноҳияи Ҷалолиддини Балхӣ ҷавондухтари 18-сола бо гумони дуздии телефони “HUAWEI-Y6 Prime 2018” аз дохили мағозаи соҳибкор боздошт карданд.  

“Ба ШВКД дар ноҳияи Ҷаллолиддини Балхӣ аризаи зани 38-солаи сокини ноҳияи мазкур ворид гардидааст, ки рӯзи 1-уми августи соли равон шахсони номаълум бо роҳи пинҳонӣ аз дохили мағозааш, воқеъ дар бозори “Баҳор”-и ноҳияи Ҷ.Балхӣ, 1-адад телефони мобилии тамғаи “HUAWEI-Y6 Prime 2018”, ки арзишаш 2300-сомониро ташкил медиҳад, дуздида аз ҷои ҳодиса ғайб задаанд”,  -таъкид намудааст манбаъ. 

Дар вақти намозхонӣ ба дуздӣ машғул мешудааст: боздошти дузди чолок дар Хуҷанд

Манбаъ қайд намудааст, ки кормандони милитсия ҷавондухтари 18-солаи сокини ҷамоати шаҳраки Гулистони ноҳияи Ҷ.Балхӣ бо гумони дуздӣ дастгир карданд.

Инчунин, як ҳодисаи дигари дуздӣ, ки дар он ҷавондухтар айбдор мешавад, дар пойтахти Тоҷикистон рух додааст.

Боздошти зани 36-солаи сокини Дарвоз ба иттиҳоми дуздӣ дар Корвон

Ба ШВКД-1 дар ноҳияи Шоҳмансур аризаи зани 31-солаи сокини ҳамин ноҳия ворид гардидааст, ки санаи 6-уми августи соли равон, шахсони номаълум бо роҳи пинҳонӣ ба хонаи истиқоматиаш даромада, аз он ҷо 17 ҳазор сомониро дуздида, аз ҷои ҳодиса ғайб задаанд.

“Кормандони милитсия зани 23-солаи сокини кӯчаи Убайди Зоконии пойтахтро бо ҷурми дуздӣ дастгир намуданд”, - таъкид дошт манбаъ.

Вазорати умури дохилаи Тоҷикистон эълон намудааст, ки дар ҳоли ҳозир аз рӯи ин ҳодисаҳои мазкур тафтишот идома доранд.

551
Барчаспҳо:
дуздӣ, ноболиғ, духтар, ҷавондухтар, боздошт, Вазорати умури дохилӣ, Тоҷикистон
Смотровая вышка на кыргызско-таджикском участке границы. Архивное фото

“Ҳамлаи мусаллаҳона ба говҳо”: ҳодисаи дигаре дар марзи Тоҷикистону Қирғизистон

525
(Таҷдидшуда 18:19 06.06.2020)
Дар марзи Тоҷикистону Қирғизистон чандин говро бо корд захмӣ карда, пойҳои чандеро ҳам батамом шикастаанд

ДУШАНБЕ, 6 июн – Sputnik. Иқбол Тешаев, сухангӯи ҳукумати шаҳри Исфара ба Sputnik Тоҷикистон гуфт, ин ҳодиса ду рӯз пеш - 4 июн дар мавзеьи Пули Офтобрӯяи мутааллиқи деҳаи Ворух, наздикии марзи Тоҷикистону Қирғизистон иттифоқ афтодааст.

“Ба қавли соҳибони говҳо, марзбонони қирғиз 9 сар моли калони шохдорро бо кордҳои махсуси низомӣ захмӣ кардаанд. Пойҳои чанд говро аз ду ҷой ва чанди дигарро аз 4 ҷой бо корд буридаанд, ки то расидани ба деҳа аз ин ҷароҳатҳо хуни зиёд рафтааст. Бо ин ҳам қаноат карда, ин афрод чор пои ду говро шикастаанд”, - гуфт Иқбол Тешаев.

Ин дуввумин ҳодисаест, ки тайи як ҳафтаи ахир дар марзи Тоҷикистону Қирғизистон иттифоқ меафтад.

Субҳи 2 июни соли 2020 расонаҳои Қирғизистон аз як типарронӣ дар маҳаллаи Кӯктоши ноҳияи Бодканди Қирғизистон, ки бо деҳаи Чоркӯҳи шаҳри Исфараи вилояти Суғди Тоҷикистон ҳаммарз аст, иттилоъ пахш карданд.

Бино ба ин иттилоъ, шахсони номаълум як шаҳрванди Қирғизистонро аз қаламрави Тоҷикистон ҳадафи 11 тири туфанги шикорӣ қарор додаанд.

Вышка на пограничном посту Максат в Лейлекском районе Баткенской области.
© Фото / пресс-служба правительства / Алишер Алиев

Ҷониби Тоҷикистон гуфт, ки ҳамчунин тирандозӣ сурат нагирифта, онро касе ҳам нашунидааст ва дар деҳаҳои марзии Тоҷикистон дар қиёс бо Қирғизистон ҳеҷ кас ҳеҷ гуна силоҳ надорад. 24 май боз дар мавзеьи Пули Офтобрӯяи деҳаи Ворух дар пайи тирандозӣ миёни марзбонони ду кишвар сарбози 19 - солаи тоҷик Давлатёр Зоиров захмӣ шуд.

Пас аз он 28 май Шукрона Шарофоваи, зани 25 – сола, сокини ҷамоати Чоркуҳи Исфара аз тири туфанги шикории Соат Бахтибеков, сокини деҳаи Куктоши ҷамоати деҳоти Оқсойи Бодканд захмӣ гардид.

Сухангӯи ҳукумати шаҳри Исфара ин ҳамаро тавтиаҳои мақомоти Қирғизистон унвон мекунад.

“Онҳо ба ҳар васила мехоҳанд, ки як ҷанҷолеро ба вуҷуд оварда, пойи ду кишварро ба ихтилоф кашонанд ва аз ин ҳисоб замин ғасб намоянд. Ҳатто ба ҳайвоноти хонагӣ ҳам раҳм надоранд. Мо ҳадс мезанем, ки пушти ин ҳама чӣ гап асту кист”, - гуфт Иқбол Тешаев.

Ихтилофҳои марзӣ миёни Тоҷикистону Қирғизистон ҳанӯз аз солҳои 70 – 80 – и асри гузашта идома дорад. Ду кишвар дар ҳоли ҳозир комиссияеро барои таъйин ва аломатгузории марзҳо эъзом кардаанд.

525
Расул Бокиев поздравил соотечественников с Наврузом

Кумаки Расул Боқиев ба кӯдакон дар доираи иқдоми умумирусиягии "Раҳмат ба шумо"

72
Ҷудочии машҳури тоҷик Расул Боқиев дар бораи иштирокаш дар маросими умумирусиягии “Раҳмат бар шумо” (Спасибо вам), ва кумакаш ба кӯдакон гуфт

ДУШАНБЕ, 6  июн — Sputnik. Вакили Думаи давлатӣ, варзишгар ва собиқ боксчӣ Николай Валуев ва устоди шоистаи варзиши Тоҷикистон,  Расул Бокиев дар якҷоягӣ бо Федератсияи минтақавии бокс дар доираи иқдоми башардӯстонаи умумирусиягии "Ташаккур ба шумо" ба муассисаҳои иҷтимоии шаҳри Брянск ва вилояти Брянск доруҳо, таҷҳизоти варзишӣ ва маҷмӯаҳои таълимӣ барои эҷодкорӣ тақдим кардаанд.

Расул Боқиев ба Sputnik Тоҷикистон дар бораи кӯмакҳояш ба кӯдакон дар Русия гуфт, ки иштирокаш  дар чорабиниҳои хайриявӣ се моҳ пеш оғоз ёфтааст.

"Се моҳ пеш маро Горди миллӣ ва Раёсати рӯҳонии мусулмонони Маскав даъват карданд, ки дар чорабинӣ ширкат кунам. Имконияти хурсанд кардани кӯдаконе шуд, ки гирифтори коронавирусанду дар шӯъбаҳо имкони ба берун баромадан надоранд. Мо ба он ҷо бо  тӯҳфаҳо рафтем ва барои кӯдакон фазои хурсанди сохтем" гуфт ҷудочии тоҷик.

Варзишгар гуфт, ки ин чорабинӣ хеле таъсирбахш буд ва аз шикаташ адр чунин як чорабинӣ хурсанд аст ва эҳсоси хубе мекунад.

Пас аз ин, варзишгари тоҷик барои иштирок дар иқдоми мазкур ба Брянск даъват карда шуд.

"Ин иқдом аллакай аз ҷониби варзишгари маъруф ва вакил аз ҳизби “Единая Россия” Николай Валуев буд. Маро даъват карданд ва бо хушнудӣ иштирок кардам. Мо барои хариди тӯҳфаҳо ба кӯдакон маблағи муайян ҷудо кардем" гуфт Боқиев.

Ҷудочии шинохта гуфтааст,  дар ин лаҳзаи душвор мо бояд муттаҳид бошем ва ҳар як шаҳрванд бояд кори хуберо анҷом диҳад.

Қаблан Илдар Аляутдинов, муфтии Маскав, паҳлавони шинохтаро барои кумакҳояш изҳори ташаккур карда, барои амалҳои хайрхоҳонааш  сипоснома тақдтим карда буд.

Расул Боқиев, фарзанди паҳлавони маъруфи тоҷик Мураббии шоистаи Тоҷикистон Худойназар Боқиев аз варзишкорони шинохтаи кишвар буда 38 сол дошта, дар ноҳияи Рӯдакӣ ба дунё омадааст.

Номбурда соли 2008 барандаи нишони биринҷии Олимпиадаи Пекин ва  соли 2007 дар Рио-Де-Жанейро нишони биринҷии қаҳрамонии дунёро ба даст овардааст.

Паҳлавони шинохта, ҳамзамон солҳои 2007, 2010, 2011 ва 2012 барандаи Ҷоми ҷаҳон ва 2009 қаҳрамони гуштии ҷудои Русия шуда буд.

Дорандаи унвони Устоди шоистаи варзиши Тоҷикистон буда тайи чанд соли ахир дар Русия иқомат мекунад ва  соли 2015 дар Маскав барои омодасозии варзишкорони ҳирфаӣ “Мактаби гуштии Расул Боқиев”-ро ташкил кард.

72
Российской военно-транспортной авиации 89 лет

Дар Рашт домуллое, ки ба мардуми 4 ҷамоат хизмат мекард даргузашт

24
Домулло Пирмуҳаммади Қаландакӣ дар масҷиди ҷомеъӣ шаҳри Навобод имомхатиб буда, ба мардуми 4 ҷамоат хизмат намуда буд

ДУШАНБЕ, 6 июн – Sputnik. Даргузашти домулло Пирмуҳаммади Қаландакӣ дар водии Раштро  Фарҳод Худоёров сокини раштзамин дар сафҳаи худ дар Фейсбук нашр намудааст.

Ба навиштаи ин корбар, домуло Пирмуҳаммади Қаландакӣ 87 - сол умр дошта аз маризии қалб ранҷ мекашидаст. Иллати марги домулло низ аз тапидан бозмондани қалбаш арзёбӣ мешавад.

Шифои муллои шинохтаи Тоҷикистон аз коронавирус-акс

Домулло Пирмуҳаммади Қаландакӣ солҳои тӯлонӣ имомхатиби масҷиди ҷомеи шаҳраки Навобод буда ба мардуми 4 ҷамоат хизмати шоиста дар соҳаи дини мубини Ислом намудааст.

24
Барчаспҳо:
даргузашт, имомхатиб, Рашт