Девушка в наручниках, архивное фото

Духтари 18-сола барои дуздии телефони “HUAWEI” дастгир шуд

565
(Таҷдидшуда 11:55 08.08.2019)
Вазорати умури дохилаи Тоҷикистон хабар додааст, ки бо гумони ду ҳолати дуздӣ, ки яке дар ноҳияи Ҷ. Балхӣ ва дигаре ноҳияи Шоҳмансури шаҳри Душанбе рӯх додааст як ҷавондухтари 18-сола ва зани 23-сола боздошт шудааст

ДУШАНБЕ, 8 авг — Sputnik. Бино бар иттилои дафтари матбуоти Вазорати умури дохилаи Тоҷикистон, кормандони милитсияи ноҳияи Ҷалолиддини Балхӣ ҷавондухтари 18-сола бо гумони дуздии телефони “HUAWEI-Y6 Prime 2018” аз дохили мағозаи соҳибкор боздошт карданд.  

“Ба ШВКД дар ноҳияи Ҷаллолиддини Балхӣ аризаи зани 38-солаи сокини ноҳияи мазкур ворид гардидааст, ки рӯзи 1-уми августи соли равон шахсони номаълум бо роҳи пинҳонӣ аз дохили мағозааш, воқеъ дар бозори “Баҳор”-и ноҳияи Ҷ.Балхӣ, 1-адад телефони мобилии тамғаи “HUAWEI-Y6 Prime 2018”, ки арзишаш 2300-сомониро ташкил медиҳад, дуздида аз ҷои ҳодиса ғайб задаанд”,  -таъкид намудааст манбаъ. 

Дар вақти намозхонӣ ба дуздӣ машғул мешудааст: боздошти дузди чолок дар Хуҷанд

Манбаъ қайд намудааст, ки кормандони милитсия ҷавондухтари 18-солаи сокини ҷамоати шаҳраки Гулистони ноҳияи Ҷ.Балхӣ бо гумони дуздӣ дастгир карданд.

Инчунин, як ҳодисаи дигари дуздӣ, ки дар он ҷавондухтар айбдор мешавад, дар пойтахти Тоҷикистон рух додааст.

Боздошти зани 36-солаи сокини Дарвоз ба иттиҳоми дуздӣ дар Корвон

Ба ШВКД-1 дар ноҳияи Шоҳмансур аризаи зани 31-солаи сокини ҳамин ноҳия ворид гардидааст, ки санаи 6-уми августи соли равон, шахсони номаълум бо роҳи пинҳонӣ ба хонаи истиқоматиаш даромада, аз он ҷо 17 ҳазор сомониро дуздида, аз ҷои ҳодиса ғайб задаанд.

“Кормандони милитсия зани 23-солаи сокини кӯчаи Убайди Зоконии пойтахтро бо ҷурми дуздӣ дастгир намуданд”, - таъкид дошт манбаъ.

Вазорати умури дохилаи Тоҷикистон эълон намудааст, ки дар ҳоли ҳозир аз рӯи ин ҳодисаҳои мазкур тафтишот идома доранд.

565
Барчаспҳо:
дуздӣ, ноболиғ, духтар, ҷавондухтар, боздошт, Вазорати умури дохилӣ, Тоҷикистон
Кадр из видеоролика, в котором Гулмурод Халимов заявил о присоединении к ИГ, архивное фото

Гулмурод зинда ё мурда? СММ ӯро ба рӯйхати афроди таҳти таҳрим шомил кард

441
(Таҷдидшуда 16:07 22.10.2020)
Қаблан Рамазон Раҳимзода вазири умури дохилаи Тоҷикистон низ гуфта буд, ки то ҷасади Гулмурод Ҳалимовро набинад ба марги ӯ боварӣ ҳосил намекунад

ДУШАНБЕ, 22 окт – Sputnik. Дар пасманзари сару садоҳо дар мавриди фавти Гулмурод Ҳалимов собиқ фармондеҳи ОМОН - и ВУД Тоҷкистон, ки фирорӣ шуда буд, СММ ӯро ба феҳрасти афроди таҳти таҳрим қарор дошта, шомил намуд, хабар медиҳад "Парс тудей".

Ба иттилои манбаъ, дар рӯйхати мазкур ҳар шаш моҳ номи афроде, ки мутаалиқ ба шабакаи Алқоида ва ё гурӯҳи террористии ДОИШ мебошанд, нашр мешавад. Ин навбат ҳам дар мобайни номҳои афроди таҳти таҳрим қароргирифта, исми Гулмурод Ҳалимов низ зикр шудааст.

Бояд гуфт, генерал Рамазон Раҳимзода вазири умури дохилаи Тоҷикистон то кунун чанд бор эълом кардааст, ки дар расонаҳо борҳо хабарҳое аз кушта шудани Ҳалимовро мушоҳида карда вале то замоне, ки ҷасади ӯро ба чашми хеш набинад, марги Ҳалимовро бовар нахоҳад кард.

Ҳалимов ҳамоно дар сархати афроди таҳти пайгарди ВУД Тоҷикистон

Раҳимзода чанде моҳ қабл зимни нишасти хабарӣ гуфт, иттилоъ дарёфт намуданд, ки Ҳалимов дар пайи як амалиёти махсус кушта шудааст. Вазир афзуд, дар мавриди Ҳумайро Мирова, собиқ корманди Хадамоти гумруки Тоҷикистон ва ҳамсари Ҳалимов, ки баъдан бо ӯ пайваст, феълан иттилое рӯи даст надоранд.

Вазорати мудофиаи Русия моҳи сентябри соли 2017 хабар дода буд, ки дар шаҳри Дайруззори Сурия дар натиҷаи ҳамлаҳои қувваҳои ҳавоии Русия собиқ фармондеҳи ОМОН-и ВУД Тоҷикистон Гулмурод Ҳалимов кушта шуд.

Гулмурод Ҳалимов сарҳангу фармондеҳи пешини нерӯҳои таъиноти махсуси ВУД Тоҷикистон буд, ки соли 2015 аз Тоҷикистон фирор карду ба гурӯҳи тундрави ДОИШ пайваст. Пас аз он ки вай дар паёме видеоӣ пайвастанаш ба ДОИШ-ро эълом кард.

441
Пожилая женщина

Марги мармузи пиразани 69 - сола дар Душанбе: танҳо зиндагӣ мекард

775
Чун дари пиразан чанд рӯз боз маҳкам буд, ҳамсояҳои ӯ ба дафтари КҲФ тамос гирифта, дархост намуданд, ки имдодгарон омада дари бастаи зани 69 - соларо боз кунанд

ДУШАНБЕ, 22 окт – Sputnik. Кумитаи ҳолатҳои фавқулодаи Тоҷикистон аз дарёфт шудани ҷасади зани 69 - сола дар манзили зисташ, хабар медиҳад.

Талафоти бузург дар фурудгоҳи Хуҷанд: Абдумалик Ҳафизов, муовини сартабиб даргузашт

Ба иттилои котиботи кумитаи мазкур, ҳамсояҳои кампири 69 - солаи рус ба идораи КҲФ тамос гирифта, изҳор доштанд, ки дари ҳамсояи пирашон чанд рӯз боз маҳкам аст.

"Ҳамсояҳо аз он бим доштанд, ки пиразан шояд мариз шуда бошад. Ӯ танҳо ба сар мебурд", - таъкид мешавад дар хабар.

Зимнан, наҷотбахшон ба маҳалли ҳодиса, кӯчаи Деҳоти 58 ҳозир шуда, дари пиразани танҳоро тавонистанд кушоянд. Аммо, аснои ворид шудан ба хонаи ӯ, ҷисми беҷонашро дар рӯи кати хоб пайдо намуданд.

Манбаъ меафзояд, иллати марги пиразан номаълум буда, наҷотбахшон ҷасадашро барои дақиқ намудани сабаби фавт, ба мақомоти марбута таслим намуданд.

775
Барчаспҳо:
ҳалок, пиразан, Душанбе

Тавсифи Зеленский аз Раҳмон: сазоворед

0
(Таҷдидшуда 19:04 22.10.2020)
Раисҷумҳури Украина Владимир Зеленский ба унвони раисҷумҳури Тоҷикистон Эмомалӣ Раҳмон ба муносибати интихоб шуданаш ба мансаби президентӣ барқияи шодбошӣ ирсол кардааст

ДУШАНБЕ, 21 окт — Sputnik. Тавре котиботи раисҷумҳури Тоҷикистон менависад, раисҷумҳури Украина кишвардори Тоҷикистон Эмомалӣ Раҳмонро ба муносибати пирӯзӣ дар интихобот муборакбод гуфта, ба Эмомалӣ Раҳмон муваффақият таманно кардааст ва ӯро чун роҳбари сазовор ба боварии мардуми Тоҷикистон тавсиф кардааст.

Президент Республики Таджикистан Эмомали Рахмон
© Официальная страница пресс-службы президента РТ в Facebook

"Ғалабаи Шумо дар интихоботи кунунӣ далели боварии мардуми тоҷик ба Шумо ва дастгирии васеи роҳи интихобкардаи сиёсиву иҷтимоии рушди Ҷумҳурии Тоҷикистон мебошад,-  таъкид кардааст вай.

Раисҷумҳури Украина афзудааст, "аз номи мардуми Украина ва шахсан аз номи худам Шуморо ба муносибати аз нав интихоб шуданатон ба мақоми Президенти Ҷумҳурии Тоҷикистон самимона табрик менамоям".

Зеленский изҳори умедворӣ кардааст, ки минбаъд, муносибатҳои Тоҷикистону Украина ба сатҳи нав мебароянд.

Раҳмон ба Зеленский: мо ба ояндаи муносибатҳои дӯстӣ назари нек дорем

"Аз ин фурсати хурсандибахш истифода бурда, ба Шумо, Ҷаноби Олӣ сиҳатии комил ва дар фаъоляти пурмасъулиятатон минбаъд ҳам муваффақият, ба мардуми дӯсти тоҷик бошад, сулҳ, ризоият ва шукуфоӣ орзумандам", - гуфтааст дар анҷом вай.

Ба иттилои котиботи президент ҳамчунин аз номи резиденти Венгрия Янош Адер ва Президенти Ҷумҳурии Федеративии Бразилия Ҷейр Месиас Болсона ба Эмомалӣ Раҳмон барқияи шодбошӣ расидааст.

0