Боз як маҷруҳи дигари садамаи Рязан дар беморхона ҷон дод

© Sputnik / Томас ТхайцукМедицинская каталка в больнице, архивное фото
Медицинская каталка в больнице, архивное фото - Sputnik Тоҷикистон
Обуна шудан
Яке аз маҷруҳони дигари садамаи маргбор дар ноҳияи Сасови вилояти Рязан дар шуъбаи эҳёгарӣ ҷон додааст

ДУШАНБЕ, 11 авг — Sputnik. Ҳасан Шамсиев, роҳбари созмони ҷамъиятии “Сомонӣ” дар саҳифааш хабар дод, ки Саидхон Саидов дар шуъбаи эҳёгарӣ ҷон дод. Ӯ ба пайвандони марҳум ҳамдардӣ баён намуда, сабри ҷамил хостааст.

Врач в больнице, архивное фото - Sputnik Тоҷикистон
Табибон саломатии як маҷруҳи садамаи маргбор дар Рязанскро ваҳим арзёбӣ мекунанд

Субҳи 6 август бар асари бархӯрди мусофирбари “Мерседес” бо худрави “Тойота” дар вилояти Рязан 6 шаҳрванди Тоҷикистон худи ҳамон рӯз ба ҳалокат расида, аз ҳар ду мошин 8 нафар бо ҷароҳатҳои гуногуни ҷисмонӣ дар беморхона бистарӣ шудаанд.

Мақомоти Тоҷикистон иттилоъ доданд, ки дар садамаи мазкур - Назримова Назира Ҷамшедовна, соли таваллудаш 2005, Насринова Гулдона- 1983, Саидов Абдуллоҳ Саидбекович - 1974, Маҳмудов Валиҷон Турсуналиевич - 1989, Халилов Ислом -1974, Муллоев Фирӯз Бурҳонович – соли таваллудаш 1977 ҷон бохтанд.

Раёсати умури дохилии вилояти Рязан бар асоси тафтишоти пешакӣ сабаби садамаи пурқурбонии субҳи 6 августро ғалабаи хоб бар ронандаи мусофирбар гуфтааст.

Ронандаи мусофирбари ҳомили шаҳрвандони Тоҷикистонро бар асоси иттилои муқаддамотӣ хоб бурдааст, хабар дод РИА Новости аз қавли Александр Поташов, сухангӯи Раёсати умури дохилӣ.

“Бар асоси иттилои муқаддамотӣ ронандаро сари идораи мусофирбар хоб бурдааст. Феълан бархе ташхисҳои техникӣ таъин шудаанд”, - изҳор доштааст Поташов.

Лентаи хабарҳо
0