Ҳавопаймо, акс аз бойгонӣ

Нишасти ҳавопаймои Душанбе Маскав дар миёнароҳ ба далели вазъи саломатии сарнишин

641
(Таҷдидшуда 13:52 21.08.2019)
Ҳавопаймои ширкати “Уралские авилинии”, ки дар масири Душанбе – фурудгоҳи Жуковскийи Маскав парвоз дошт дар миёнароҳ нишасти изтирорӣ анҷом дод

ДУШАНБЕ, 21 авг — Sputnik. Ҳавопаймо, ки аз шаҳри Душанбе ба фурудгоҳи Жуковский парвоз дошт, ба далели бад шудани вазъи саломатии сарнишин - духтарчаи хурдсол, дар Оренбург фуруд омадааст, хабар дод РИА Новости бо такя ба дафтари матбуоти ширкати “Уралские авиалинии”.

Манбаъ афзуд, вазъи саломатии мусофири ноболиғ, соли таваллудаш 2006 ҳангоми парвоз бад шуд ва фармондеҳи ҳайати халабонҳо тасмим гирифтааст, ки нишасти изтирорӣ анҷом диҳад.

“Ҳангоми парвози рақами U6 2424 дар масири Душанбе – Жуковский вазъи саломатии духтарчаи мутаваллиди соли 2006 ба далели кори номуназзами қалб бад шуд. Барои расондани кумаки тиббии зарурӣ фармондеҳи ҳавопаймо тасмим гирифт, ки нишасти маҷбурӣ дар наздиктарин фурудгоҳ дар Оренбург анҷом диҳад”, - омадааст дар иттилоия.

Ширкат илова намудааст, ки дар фурудгоҳ бемори ноболиғро ҳайати табибон пешвоз гирифтанд ва ӯро дар беморхона бистарӣ намудаанд.

Ин дар ҳолест, ки рӯзи гузашта нишасти изтирории дигар дар фурудгоҳи Нур-Султони Қазоқистон сурат гирифт. Тибқи иттилои мақомоти қазоқ, ҳавопаймо, ки аз Чин парвоз дошт, ба далели осеби чархҳо дар Нур-Султон нишасти изтирорӣ анҷом дод. Манбаъ таъкид намуд, ки зимни нишаст касе осеб надид.

641
Барчаспҳо:
нишасти изтирорӣ, ҳавопаймо, Тоҷикистон-Русия
Автомобили на проезжей части, архивное фото

Шарҳи ВКД дар бораи садамае, ки ҷони Диловари Зуҳуриёнро гирифт

1713
(Таҷдидшуда 11:53 20.10.2020)
Вазорати корҳои дохилаи Тоҷикистон иттилоъ додааст, ки дар мошин ҳамроҳ бо оҳангсоз овозхон Диловари Зуҳуриён боз як нафари дигар ҳузур дошт, ки низ дар ҷои ҳодиса ба ҳалокат расид

ДУШАНБЕ, 20 окт — Sputnik. Бино бар иттилои Вазорати умури дохилаи Тоҷикистон садамаи маргбор санаи 19-уми октябри соли равон, тахминан соати 01:00 шаб рӯх додааст.

Тибқи иттилои манбаъ, ронандаи худрави "Мерседес-бенс", Зуҳуров Диловар Тағоймуродович, соли таваллудаш 1974, сокини ноҳияи Данғара, ҳангоми ҳаракат дар роҳи "Душанбе-Ваҳдат-Кулоб", дар ҳудуди деҳоти Бурунови шаҳри Ваҳдат аз уҳдаи идораи нақлиёт набаромада ба боркаши "Шакман", бархӯрдааст.

Мошини боркаш таҳти идораи Орифов Бахтиёр Ибрагимович, соли таваллудаш 1988, сокини ноҳияи Рӯдакӣ будааст.

"Дар натиҷа ронандаи автомашинаи тамғаи "Мерседес-бенс", Зуҳуров Д.Т ва мусофираш Зокиров Искандар Ҷобирович, соли таваллудаш 1970, сокини шаҳри Душанбе ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидаанд", - омадааст дар хабарнома.

Манбаъ афзуда, ки аз руи ҳодисаи мазкур таҳқиқот идома дорад.

Ёдрас мешавем, ки Диловари Зуҳуриён, оҳангсози шинохтаи тоҷик, муаллифи оҳангҳои маъруфи эстрадаи муосири Тоҷикистон мебошад.

Зуҳуриён барои ситораҳои Тоҷикистон, аз ҷумла Сурайё Қосимова, Шабнами Сурайё, Манижа Давлатова, Садриддини Наҷмиддин ва дигарон оҳанг эҷод кардааст.

1713
Барчаспҳо:
ҳалокат, нақлиётӣ, садама, Тоҷикистон
Жители города Душанбе в защитных масках на улице

Бидуни фавт: афзоиши гирифторони коронавирус дар Тоҷикистон

484
(Таҷдидшуда 20:24 19.10.2020)
Вазорати тандурустии Тоҷикистон омори тозаи сироят, шифоёбӣ ва марг аз коронавирус дар кишварро нашр кард

ДУШАНБЕ, 19 окт – Sputnik. Вазорати тандурустӣ ва ҳифзи иҷтимоии аҳолии Тоҷикистон иттилоъ додааст, ки дар як шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ дар мамлакат ба  10533 нафар баробар гардид.

Пешбинии анҷоми ҳамагирии коронавирус: як соли дигар "сабр"

Ҳамзамон,  дар як шабонарӯзи охир 52 нафар пас аз табобат ба хонҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 9563  (90,8%)  баробар гардид. Инчунин, бар асари ин беморӣ  80 нафар фавтидаанд.

Путин аз сабти номи ваксинаи дуввуми Русия алайҳи COVID-19 хабар дод: сеюмаш дар роҳ аст

Ҳукумати Ҷумҳурии Тоҷикистон ва Вазорати тандурустӣ аз тамоми сокинони кишвар даъват ба амал меорад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

484
Барчаспҳо:
вируси корона, омор, Вазорати тандурустӣ ва ҳифзи иҷтимоии аҳолии ҶТ, Тоҷикистон
День 21 октября

Ҷашнҳои рӯзи 21 октябр дар Тоҷикистон ва ҷаҳон

0
(Таҷдидшуда 18:50 20.10.2020)
Рӯзи 21 октябр дар Иёлоти Муттаҳидаи Амрико ҳамчун рӯзи ширинӣ ва дар Бритониёи Кабир рӯзи себ таҷлли мешавад

Рӯзи 21 октябр дар ҷаҳон чӣ рух дод

Соли 1969 дар  Тошканд аввалин Кинофестивали байналмилалии давлатҳои Осиё, Африқо ва Амрикои Лотинӣ доир шуд.

Город Ташкент, архивное фото
Город Ташкент, архивное фото

Соли 1994 Академияи телевизионии Русия ҷоизаи ҳамасолаи "ТЭФИ"-ро таъсис дод.

Вручение телевизионной премии ТЭФИ 2017
© Sputnik / Владимир Астапкович
Вручение телевизионной премии "ТЭФИ 2017"

Рӯзи 21 октябр дар Тоҷикистон чӣ рух дод

Соли 2009 дар Душанбе созишнома миёни Ҳукумати Тоҷикистон ва Бонки рушди УрОсиё (БРАО) дар бораи фаъолият ва кушодани дафтари Бонк дар Тоҷикистон ба имзо расид

© Sputnik / Стас Этвеш / Вишнякова Мария

Соли 2010 дар шаҳри Душанбе Кумита оид ба ҳимояи ҳуқуқи журналистон зери номи “Кумитаи 29 сентябр” таъсис ёфт.

Соли 2010 дар шаҳри Душанбе татбиқи "Барномаи сиёсати хориҷии Ҷумҳурии Тоҷикистон дар самти муҳоҷирати меҳнатӣ барои солҳои 2006-2010" муҳокима карда шуд.

Соли 2014 Донишгоҳи (славянии) Тоҷикистону Русия ва Донишгоҳи "Сока" — и  Ҷопон созишномаи ҳамкорӣ ба имзо расониданд.

Здание Российско-Таджикского (славянского) университета, архивное фото
© Sputnik Амир Исаев
Здание Российско-Таджикского (славянского) университета, архивное фото

Соли 2015 дар Осорхонаи миллии Тоҷикистон намоиши "Шамоил. Асрҳои Х1Х-ХХ. Сухан ва тасвир" оғоз гардида, 20 ноябр ба анҷом расид.

© Sputnik / Стас Этвеш / Вишнякова Мария

Соли 2016 масоили вақт ва дурнамои ҳамкории Тоҷикистону Аморати Муттаҳидаи Араб баррасӣ шуданд.

Соли 2016 вазоратҳои корҳои хориҷии Ҷумҳурии Тоҷикистон ва Ҷумҳурии Туркия барномаи ҳамкории мутақобила барои солҳои 2017-2020 –ро ба имзо расониданд.

Соли 2015 дар чойхонаи миллии қасри таърихии Арбоб Президенти Ҷумҳурии Тоҷикистон Эмомалӣ Раҳмон бо роҳбарону фаъолони вилояти Суғд машварати корӣ доир намуданд.

Дворец Арбоб в Худжанде
© Sputnik / Стас Этвеш
Дворец Арбоб в Худжанде

Соли 2016 дар Қасри миллат дар мулоқоти Эмомалӣ Раҳмон ва Вазири корҳои хориҷии Туркия Мавлют Човушоғлу масоили вақт ва дурнамои ҳамкории ду давлат ва дигар мавзӯъҳои муҳим баррасӣ шуданд.

Ҷашнҳои рӯзи 21 октябр

  • Дар ИМА — Рӯзи ширинӣ.
  • Дар Британияи Кабир —  Рӯзи себ.
  • Рӯзи қувваҳои мусаллаҳ дар Гондурас.
  • Рӯзи инқилоб дар Сомалӣ ва Судон.

Рӯзи 21 октябр дар Тоҷикистон кӣ ба дунё омадааст

Нарзулло Азимов (1934)- адабиётшинос, профессор.

Зинаида Захарова (1929) – актрисаи театр, Ҳунарпешаи Шоистаи Тоҷикистон.

Маҳмуд Исмоилов (1929-2011) – доктори илми биологӣ, профессор, узви вобастаи АИ Тоҷикистон, Ходими шоистаи илми ҷумҳурӣ.

Солеҳҷон Фармонов (1922) – актёри театр, Ҳунарпешаи шоистаи Тоҷикистон.

Марианна Фофанова (1921) – шоира, мутарҷим, Корманди шоистаи маданияти Тоҷикистон.

Григорий Ясвоин (1884 – 1963) – доктори илми тиб, профессор, Ходими шоистаи Тоҷикистон.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 14 октябр дар Тоҷикистон ва ҷаҳон
Ҷашнҳои рӯзи 15 октябр дар Тоҷикистон ва ҷаҳон
Ҷашнҳои рӯзи 16 октябр дар Тоҷикистон ва ҷаҳон
Ҷашнҳои рӯзи 17 октябр дар Тоҷикистон ва ҷаҳон
Ҷашнҳои рӯзи 18 октябр дар Тоҷикистон ва ҷаҳон
Ҷашнҳои рӯзи 19 октябр дар Тоҷикистон ва ҷаҳон
Ҷашнҳои рӯзи 20 октябр дар Тоҷикистон ва ҷаҳон