Мошини пулис, акс аз бойгонӣ

Ҷанҷолу кордкашии ҷавонони 21-сола: яке маҳбасию дигаре дар беморхона бистарист

238
(Таҷдидшуда 20:50 21.08.2019)
Вазорати умури дохилии Тоҷикистон аз ҷанҷоли ду ҷавони 21-сола хабар дод, ки бо кордкашӣ анҷомидааст

ДУШАНБЕ, 21 авг — Sputnik. Тибқи иттилои ВУД, кордкашӣ, ки бо бистарӣ шудани як ҷавони 21-сола дар беморхона ва маҳбасӣ шудани ҳамсоли дигараш шуд, шаби 19-уми август рух додааст.

Бар асоси хабари ин ниҳод, маъмурини милиса марди 21-сола, сокини маҳаллаи Шарифободи ноҳия Шаҳринавро бо гумони қасдан расонидани зарари вазнин ба саломатӣ дастгир кардаанд.

“Номбурда, рӯзи 19-уми августи соли 2019, тахминан соати 22:30-дақиқа, дар сари пули ноҳияи Шаҳринав бо марди 21-солаи сокини ҷамоати деҳоти А.Ҳасанови ҳамин ноҳия ҷангу ҷанҷол карда, бо корд 3-маротиба ба қафаси синнааш задааст”, - омадааст дар иттилоия.

ВУД афзуд, ки дар натиҷа, ҷабрдида ҷароҳати вазнинӣ ҷисмонӣ бардошта, дар беморхона бистарӣ гардидааст ва феълан таҳқиқи ин ҳодиса идома дорад.

Ин дар ҳолест, ки ахиран мақмоти умури дохилаи Тоҷикистон аз боздошт шудани сокини 33 - солаи шаҳри Истаравшан хабар доданд, ки дар қасдан расонидани зарари ҷисмонӣ ба фарзанди ноболиғаш гумонбар дониста мешавад

Ба иттилои Вазорати умури дохилаи Тоҷикистон, ҳодисаи мазкур рӯзи 12- уми августи соли равон, тахминан соати 23:00 дар шаҳри Истаравшан рух додааст. Манбаъ меафзояд, падари хонавода, марди 33 - сола пас аз муноқишаи оилавӣ бо ҳамсари 35 - солаи худ даст ба чунин амали зишт  задааст.

238
Барчаспҳо:
беморхона, ҳабс, парванда, ҷавонон, ҷанҷол, кордкашӣ, Вазорати умури дохилаи ҶТ, Тоҷикистон
Кровать в номере, архивное фото

Боздошти боз як ҷавоне, ки дар Душанбе даст ба ташкил ва нигаҳдошти фоҳишахона задааст

782
(Таҷдидшуда 12:49 07.08.2020)
Вазорати умури дохилаи Тоҷикистон аз боздошти ҷавони 21-сола хабар дод, ки дар ташкил ва нигаҳдошти фоҳишахона гумонбар дониста мешавад

ДУШАНБЕ, 7 авг — Sputnik. Бино бар иттилои дафтари матбуоти Вазорати умури дохилаи Тоҷикистон, дар пойтахти кишвар аз ҷониби кормандони милитсия ҷавони 21-солаи сокини шаҳри Душанбе бо гумони ташкил ва нигаҳдошти фоҳишахона дастгир карда шуд.

Гуфта шудааст, ки номбурда, санаи 6-уми августи соли 2020, хонаи истиқоматиаш дар кӯчаи М.Қурбонов воқеъбударо ба фоҳишахона табдил додаааст.

Инчунин ВУД қайд кардааст, ки номбурда барои алоқаи ҷинсӣ намудани марди 35 ва зани 38-солаи сокинони пойтахт дар хонааш шароит муҳайё намуда, аз онҳо 150-сомонӣ мукофотпулӣ гирифтааст.

Вазорати умури дохилаи Тоҷикистон қайд намудааст, ки дар ҳоли ҳозир, аз рӯи ҳодисаи мазкур тафтишот идома дорад.

782
Барчаспҳо:
чолокӣ, ҷавон, нигаҳдорӣ, фоҳишахона, ВУД, Тоҷикистон
Мужчина применяет насилие в отношении женщины. Архивное фото

Отеллои тоҷик: мард ҳамсари 26-солаи худро аз рашк бӯғӣ карда кушт

696
(Таҷдидшуда 11:36 07.08.2020)
Вазорати корҳои дохилаи Тоҷикистон аз боздошти марди 35-сола хабар доданд, ки ҳамсари ҷавони худро аз ҳисиёти рашк бӯғӣ карда ба ҳалокат расондааст

ДУШАНБЕ, 7 авг — Sputnik. Бино бар иттилои дафтари матбуоти вазорати умури дохилаи Тоҷикистон, ахиран аз ҷониби кормандони милитсия марди 35-солаи сокини ҷамоати деҳоти Урметани ноҳияи Айнӣ бо гумони содир намудани ҷинояти одамкушӣ дастгир карда шуд.

Масъулини ВКД таъкид доштанд, ки номбурда, санаи 4-уми августи соли равон, тахминан соати 22:30-дақиқа, дар хонаи истиқоматиаш бо ҳамсараш ҷавонзани 26-сола, аз ҳисиёти рашк ҷангу ҷанҷол карда, ӯро бо роҳи бӯғӣ кардан ба ҳалокат расонидааст.

Манбаъ қайд кардааст, ки марди 35-сола баъдан, бо мақсади рӯйпуш кардани кирдорҳои ҷинояткоронаи худ, бо ресмон гардани марҳумро баста, ба сутуни хонаи истиқоматиаш овезон карда, ресмонро бурида ба наздиконаш нишон додааст, ки ҳамсараш ҷавонзани 26-сола худро бо роҳи доркашӣ ба ҳалокат расонидааст.

Дар ҳоли ҳозир, нисбати гумонбаршаванда парвандаи ҷиноятӣ бо моддаи 104 қисми 1 Кодекси ҷиноятии Тоҷикистон оғоз карда шуда, тафтишот идома дорад.

696
Барчаспҳо:
зан, ҷавон, ҳалокат, ҳамсар, мард, боздошт, Тоҷикистон
Деньги в кошельке, архивное фото

Агентии омор гуфт, дар замони пандемия меҳмонхонаву тарабхонаҳо чи қадар пул кор карданд

0
Дар тоҷикистон давоми шаш моҳи соли ҷори ҳаҷми хидматрасониҳои пулакӣ махсусан дар меҳмонхонаҳо ва хӯроки умумӣ ба таври назаррас коҳиш ёфтааст

ДУШАНБЕ, 8 авг — Sputnik. Бино ба иттилои Агентии омори Тоҷикистон дар шаш моҳи соли равон ҳаҷми хидматрасониҳои пулакӣ 5 миллиарду 789,5 миллион сомониро (561,5 миллион доллар) ташкил дод, ки ин нисбат ба ҳамин давраи соли гузашта 4,8% камтар аст.

Ба иттилои манбъаъ, ҳиссаи  хизматрасонии пулакии корхонаҳои давлатӣ 20,3% ҳаҷми умумиро ташкил медиҳад.

Агентии омор мегӯяд, аз рӯи ҳаҷми хизматрасонӣ ба ҳар сари аҳолӣ, шаҳри Душанбе нисбат ба дигар минтақаҳо бартарӣ дорад. Ҳаҷми хидматрасонӣ дар шаҳри Душанбе аз ҳисоби миёнаи кишвар 5,2 маротиба зиёдтар аст.

Ин ниҳод мегӯяд, дар моҳҳои январ-июни соли равон гардиши хӯроки умумӣ, аз ҷумла хидматрасонии меҳмонхонаҳо ва тарабхонаҳо 523,3 миллион сомониро (50,7 миллион доллар) ташкил дод, ки нисбат ба ҳамин давраи соли 2014 20% кам мебошад.

Қаблан иттилоъ дода шуда буд, ки соли равон ҳаҷми хидматрасониҳои пулакӣ ба аҳолии Тоҷикистон беш аз 13,1 миллиард сомонӣ пешбинӣ шудааст.

Афзоиши ҳаҷми хидматрасониҳои пулакӣ дар соли 2020 3,5% пешбинӣ шудааст. 

Коршиносон мегӯянд, коҳиши хизматрасониҳои пулакӣ дар қатори дигар соҳаҳо ба пандемияи коронавирус бастагӣ дорад, чун баргузории тӯйҳо маҳдуд гашт ва ё сарҳадод баста шудан, ки хориҷиён биёянду меҳмонхонаҳои мо истифода баранд.

0