Подростки

ВУД: дар Душанбе се роҳзани ноболиғ дастгир шуд

119
Кормандони милитсия пойтахт се ноболиғеро дастгир намуданд, ки дар лату кӯб ва бо роҳи зӯрӣ тасарруф намудани пулҳои марди 41 сола айбдор мешаванд

ДУШАНБЕ, 22 авг — Sputnik. Кормандони милитсия Тоҷикистон бо иттиҳоми роҳзани се ноболиғ, сокини пойтахтро дастгир намуданд, иттилоъ додааст дафтари матбуоти Вазорати уимури дохилаи Тоҷикистон.

Тавре манбаъ иттилоъ додааст, рӯзи 21-уми августи соли равон ба шуъбаи Вазорати корҳои дохилӣ ноҳияи Сино, шаҳрванд Ҷ.Исматови 41 сола, истиқоматкунандаи шаҳри Кулоб шикоят овардааст, ки дар санаи мазкур ҳангоми дар кӯчаи Гипрозем қарор доштанаш, шахсони номаълум ӯро лату кӯб намуда, бо роҳи зӯрӣ аз дасташ 1600-сомониро тасарруф намуда, аз ҷойи ҳодиса ғайб задаанд.

Кормандони милитсия ахиран А.Азимбоев соли таваллудаш 2001, истиқоматкунандаи кӯчаи Балъамӣ, М.Додаров соли таваллудаш 2002, истиқоматкунандаи кӯчаи А.Кашевой ва С.Холов соли таваллудаш 2003, истиқоматкунандаи кӯчаи Нахимова ҳамчун гумонбар дар содир намудани  ин ҷинояти  ғоратгарӣ дастгир карда шуданд.

Садамаи қасдан ташкилшуда ва роҳзании гуруҳии тоҷикон алайҳи ҳамватан дар Маскав

Дар ҳоли ҳозир аз сӯи кормандони милитсияи Тоҷикистон тафтишоти мазкур тафтишот идома дорад.

Ёдрас мешавем, ки ахиран Вазорати умури дохилии Тоҷикистон аз ҳамлаи як ниқобпӯши мусаллаҳ ба бонки “Эсхата” хабар дод, ки субҳи 30 апрел сурат гирифтааст. Ҳамлагар бо зӯрӣ пулро гирифтааст, аммо гурехтан натавонистааст.

ВУД мегӯяд, бо иттиҳоми ҳамла ба бонки “Эсхата” марди 22-сола, сокини ноҳияи Хуросон боздошт гардид.

119
Барчаспҳо:
ВУД Тоҷикистон, кормандони милитсия, боздошт, ноболиғ, роҳзанӣ, Тоҷикистон
Сейсмография, архивное фото

Тоҷикистонро заминларзаи 5 - баллӣ такон дод

435
(Таҷдидшуда 14:35 05.08.2020)
Имрӯз дар марзи Тоҷикистону Қирғизистон заминҷунбӣ рух дод. Қувваи заминҷунбӣ дар марказаш 5 балл буд

ДУШАНБЕ, 5 авг — Sputnik. Имрӯз соати 13:18 ба вақти маҳаллӣ дар қаламрави  Тоҷикистон зилзила ба амал омад.

Тибқи иттилои Хадамоти геофизикии Академияи миллии илмҳои Ҷумҳурии Тоҷикистон, маркази зилзила  дар 245 км шимолу шарқи Душанбе, дар марзи Тоҷикистону Қирғизистон  — 12 км шарқи Исфара воқеъ будааст.

Сокинони Тоҷикистон: замин сахт ҷунбид, ҳамсояҳо аз тарс ба берун баромаданд

Бино ба гузориши АМИТ "Ховар" қувваи заминларза дар марказаш 5 баллро ташкил дод.

Тоҷикистонро заминларзаи 4 - балла такон дод

Манбаъ афзуда, ки дар бораи хисороти зилзила иттилоъ дода нашудааст.

435
Барчаспҳо:
зилзила, Тоҷикистон, заминҷунбӣ
Учения служб чрезвычайных ситуаций, архивное фото

Марг баъди наҷот: писараки 17-соларо аз об гирифтанд, вале дар роҳ ба бемористон ҷон дод

125
(Таҷдидшуда 14:11 05.08.2020)
Кумитаи ҳолатҳои фавқуллодаи Тоҷикистон менависад, ба ин наврас кормандони ниҳод кӯмаки аввалия расонида, ёрии таъҷилиро даъват карданд, вале писарак дар роҳ ба бемористон ҷон бохт

ДУШАНБЕ, 5 авг — Sputnik. Бино бар иттилои манбаъ, ҳодиса 4 август, тахминан соатҳои 12:00 рух дод.

Гуфта мешавад, писараки ғарқшуда, 17-сола, сокини  кӯчаи Шафақи ноҳияи Исмоили Сомонии пойтахт будааст.

Тибқи маълумоти Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар шаҳри Душанбе, ин ҳодиса дар дарёи Душанбе, наздикии Маркази гармидиҳии №2, воқеъ дар маҳаллаи Хоҷамбиёи поён рух додааст.

"Гурӯҳи зудамали Раёсати Кумита фавран ба ҷойи ҳодиса расид ва якҷо бо сокинони маҳаллӣ ҷавонро аз об берун оварданд. То омадани мошини ёрии таъҷилӣ ҳама кумаккҳои аввалияи тиббӣ барояш расонда шуд", - менависад манбаъ.

Пайдо шудани ҷасади зани номаълум аз соҳили дарёи назди Донишгоҳи миллии Тоҷикистон

Аммо мутаассифона, дар роҳи интиқол ба бемористон наврас ҷони худро аз даст дод, афзудааст КҲФ ва аз волидон хоҳиш кардааст, ки фарзанонашонро беназорат нагузоранд ва ба шаҳрвандон таъкид кардааст, ки қоидаҳои бехатариро риоя кунанд.

125
Самолет компании Сомон Эйр, архивное фото

Парвози махсус: Тоҷикистон ҳудуди 200 шаҳрвандашро аз Қазоқистон баргардонид

0
Тариқи парвози махсуси навбатӣ шаҳрвандони Тоҷикистонро аз хориҷ баргардониданд: ин дафъа тоҷикистониён аз Қазоқистон ба Душанбе интиқол ёфтанд

ДУШАНБЕ, 5 авг — Sputnik. Тоҷикистониёнро аз Қазоқоситон баргардониданд, хабар медиҳад Сафорати Тоҷикистон дар Қазоқистон.

Парвози махсус тариқи ширкати "Сомон Эйр" рӯзи 4 август анҷом дода шуд.

Ҳамагӣ аз Қазоқистон 190 шаҳрванди Тоҷикистон баргардонида шуданд.

Дар роибита бо пандемияи коронавирус дар тамоми ҷаҳон мусофиронро аз ташхиси коронавирус гузарониданд.

Парвози махсус: шаҳрвандони Тоҷикистон аз Амрико ва Аврупо баргаштанд

 

Дар ҳолати муайян гардидани коронавирус шаҳрвандони баргардонидашуда ба карантини 14-рӯза фаро гирифта мешаванд.

0