Мошини БДА

Парванда ва 38,5 ҳазор сомонӣ ҷаримаи Салимов барои зӯрӣ ба сари нозири БДА видео

2333
(Таҷдидшуда 20:03 23.08.2019)
Додгоҳи ноҳияи Шаҳринав кашмакаши як ронандаи солхӯрда бо нозири роҳро, ки навори он ба интернет роҳ ёфта буд, баррасӣ карда, ронандаро ба андозаи беш аз 38 ҳазор сомонӣ ҷарима баст

ДУШАНБЕ, 23 авг — Sputnik. Тибқи гузориши Вазорати умури дохилии Тоҷикистон, кашмакаши Усмон Салимов, сокини ноҳияи Шаҳринав, ронандаи автомобили “Тико” бо нозири роҳ моҳи апрели соли равон сурат гирифта, навори он дар шабакаи интернет нашр гардида буд.

Бар асоси гузориш, нозирони роҳ бо мақсади санҷиши ҳуҷҷатҳои техникӣ мошини Салимовро нигоҳ доштаанд. ВУД афзуд, ки асноди ронанда норасоӣ доштаанд ва ӯ ба ҷои итоат ба қонун, обрӯй ва нуфузи нозирони роҳро паст задааст.

“Ронанда ҷои он, ки итоатгари қонун мебуд, баръакс бо дағалию суханҳои носазо дар ҷои ҷамъиятӣ обрӯй ва нуфузи нозирони роҳро паст зада, худро сохтакорона бемору беҳуш рӯи роҳ партофтааст”, - гузориш дод ВУД.

Ин ниҳод таъкид кардааст, ки барои таъмини адолат ва волоияти қонун дар ҷомеа чунин кирдори ронанда мавриди санҷишу тафтишот қарор дода шуда, алайҳи ӯ бар асоси ду моддаи Кодекси ҷиноӣ парванда оғозу баъди анҷоми тафтиш ба додгоҳ ирсол гардид.  

Додгоҳи ноҳияи Шаҳринав бар асоси моддаҳои 328-и Кодекси ҷиноӣ – барои истифодаи зӯроварӣ ба муқобили намояндаи ҳокимият ба андозаи 200 нишондиҳанда, муодили 11 ҳазор сомонӣ ва бар асоси моддаи 330 – барои таҳқири намояндаи ҳокимият ба андозаи 500 нишондиҳанда, муодили  27 ҳазору 500 сомонӣ ба фоидаи давлат ҷарима бастааст.

ВУД афзудааст, ҷавобгарии ҷиноии Салимов, ки маҷмуан ба андозаи 38 ҳазору 500 сомонӣ ҷаримабандӣ шуд, барои дигар ронандагони мағруру нописанд бояд дарси ибрат шавад ва набояд фаромӯш кард, ки зӯроварӣ нисбати намояндаи ҳокимият ҷавобгарии ҷиноятӣ дорад.

2333
Пляжный зонт

Наҷоти як кӯдак аз ғарқшавӣ ба марги 11 нафар анҷомид

356
(Таҷдидшуда 17:20 11.07.2020)
Ин ҳодиса дар яке аз пляжҳои Миср рух додааст. Ба далели зиёд сар задани чунин ҳодисаҳо, сокинон онр "пляжи марг" ном гузоштаанд

ДУШАНБЕ, 11 июл – Sputnik. Ёздаҳ нафар дар пляжи Александрияи Миср ғарқ шуданд, хабар медиҳад Akhbar el-Youm.

Ҷавони 26 - сола, ки гирифтори бемории рӯҳӣ буд, дар канали Чузӣ ғарқ шуд

Ба иттилои манбаъ, ғарқшавии 11 нафар дар ҳолест, ки қаблан мақомоти давлатӣ дар доираи чораҳои пешгирикунанда аз паҳншавии коронавирус пляжро баста буданд ва аз сокинон дархост намуданд, ки дар ин манотиқ дигар ба шиноварӣ машғул нашаванд.

Гуфта мешавад, ҳодиса соати 05:20 дақиқаи ба вақти маҳаллӣ рух додааст. Сокинон ба хотири ба дасти кормандони пулис науфтодан, субҳи барвақт ба пляж рафтанд.

"Даҳ нафар ба ҳангоми наҷот додани як кӯдак аз ғарқшавӣ худ зери об рафтанд. Наҷотбахшон танҳо ҷасади 6 нафарро берун оварданд. Корҳои кофтукобӣ идома дорад", - таъкид мешавад дар хабар.

Зикр мегардад, ки дар Миср сар аз моҳи март, аз замони авҷ гирифтани маризии коронавирус ҳамаи пляжҳо баста шудаанд ва кормандони пулис ҳамарӯза аз ҳузури одамон назорат мебаранд.

356
Барчаспҳо:
Миср, ғарқ, кӯдак

Дар Тоҷикистон шумораи ширкатҳои сохтмонӣ 14% кам шудааст

76
(Таҷдидшуда 16:36 11.07.2020)
Бо вуҷуди кам шудани шумораи ширкатҳои сохтмонӣ, дар Тоҷикистон ҳаҷми манзилҳои сохта ба истифода додашуда 24 фоиз зиёд шудааст

 

ДУШАНБЕ, 11 июл – Sputnik. Дар Тоҷикистон шумораи ширкатҳои сохтмонӣ аз аввали сол кам шудааст, мегӯяд  Агентии омори назди Президенти ҷумҳурӣ.

Тибқи маълумоти расмӣ, дар панҷ моҳи соли 2020 шумораи ширкатҳои сохтмонӣ дар Тоҷикистон 14,2% кам шудааст. Ҳамин тариқ, дар аввали моҳи июн дар кишвар 638 корхона фаъол мондааст.

Ҳамзамон, аз моҳи январ то моҳи майи соли 2020, ташкилотҳои пудратӣ ба маблағи зиёда аз 214 миллион доллар корро ба сомон расонидаанд, ки ин нишондиҳанда дар муқоиса бо давраи давраи соли 2019 555 ҳазор доллар бештар мебошад.

Тибқи маълумотҳои оморӣ, корҳои асосии пудратӣ аз ҳисоби ширкатҳо ба маблағи 136,4 ҳазор доллар иҷро карда шуданд (62,2% аз ҳаҷми умумии). Ғайр аз ин, пули саҳмияҳо - 81,7 ҳазор доллар ва фондҳои давлатӣ - 2,7 ҳазор доллар ҷалб карда шуданд.

Аз андоз сарпечӣ кард: Ожонси зидди фасод намояндаи "Озод сохтмон"-ро дастгир кард

Аз аввали сол, ширкатҳои сохтмонӣ зиёда аз 20 муассисаи таълимӣ ва тиббӣ, инчунин 365,2 ҳазор метри мураббаъ манзилро ба истифода доданд, ки ин нисбат ба соли 2019 24,6% зиёд аст.

76
Пожилой мужчина в кепке

Шифо ёфтани пирамарди 109 сола дар Эрон аз коронавирус

0
Пирамарди 109 - сола, ки давоми як ҳафта дар шӯъбаи эҳёгарӣ дар ҳолати вазнин қарор дошт, ахиран шифо ёфт ва аз бемористон мураххас шуд

ДУШАНБЕ, 11 июл – Sputnik. Дар Эрон пирамарди 109 солаи мубтало ба коронавирус тавонист бемориро шикаст диҳад ва беҳбуд ёбад, хабар медиҳад ИРНА.

Ба иттилои манбаъ, бемори 109 - сола ба муддати як ҳафта дар бахши муроқибатҳои вижаи бемористони Гулистони шаҳри Кирмоншоҳ бистарӣ буд ва рӯзи ҷумъа пас аз беҳбудии комил аз бемористон ҷавоб шуд.

Шавҳар кардан мехоҳем: эътирози арӯсшавандаҳо барои манъи баргузории маросими тӯй

То кунун даҳҳо бемори мубтало ба коронавирус дар Эрон бо беш аз 90 сол син бо иродаи қавӣ тавонистаанд аз ин беморӣ беҳбуд ёбанд.  

Қайд мегардад, ки то рӯзи шанбе 11 июл шумори беморони коронавирус дар Эрон ба 255 ҳазору 117 нафар расида, ки 217 ҳазору 666 нафар аз онон беҳбуд ёфта  аз бемористонҳо рухсат ёфтаанд.

0
Барчаспҳо:
сиҳатӣ, пирамард, Эрон
Мавзуҳо:
Пайомадҳои COVID-19 дар Тоҷикистон ва ҷаҳон