Мужчина на высушенной плотине Manjara Dam в Индии, архивное фото

Шаҳрдорӣ: обро захира кунед дар баъзе кӯчаҳои Душанбе интиқоли он қатъ мегардад

280
(Таҷдидшуда 10:12 03.09.2019)
Дар баъзе кӯчаҳои пойтахти Тоҷикистон то санаи 4 сентябр бо мақсади гузаронидани корҳои таъмирӣ интиқоли оби нӯшокӣ қатъ мегардад

ДУШАНБЕ, 3 сен — Sputnik. Аз 2 сентябри соли равон  бо мақсади гузаронидани корҳои таъмирӣ интиқоли оби нӯшокӣ дар канали дериватсионии силсиланеругоҳи барқӣ-обии Варзоб,  аз сарбанди рақами 2 то ҳавзи фишории НБО рақами 3 ба муддати як шабонарӯз қатъ карда мешавад, иттилоъ додааст дафтари матбуоти раиси шаҳри Душанбе.

Тибқи иттилои манбаъ, Рустами Эмомалӣ, раиси шаҳри Душанбе дар ин бора  қарореро ҳам ба тасвиб расонидааст.

Раиси шаҳри Душанбе дар қарори худ ҶДММ “Баракат 2013” вазифадор намудааст, ки корҳои таъмирии канали обпартои НБО-3-ро мутобиқи талаботи қоидаҳои сохтмонӣ ба роҳ монад.

Тибқи санади мазкур дар маҳаллаҳои Шараф, Ал-Берунӣ, Беморхонаи клиникии ҷумҳуриявии №3 ба номи Дяков, Муассисаи давлатии “Боғи ҳайвоноти шаҳри Душанбе”, КВД “Варзишгоҳи марказии ҷумҳуриявӣ”, ҶДММ “Кохи Наврӯз” ва кӯчаи Варзишгарони ноҳияи Сино ва хиёбонҳои Исмоили Сомонӣ, Ҳ.Шерозӣ, кӯчаҳои М.Турсунзода, Шевченко, Шероз, С.Носир, Шотемур, Ф.Ниёзӣ, А.Командир, М.Холов, Л.Шералӣ, Ғ.Абдулло, Азизбеков, Ф.Шаҳобов, Л.Толстой, М.Миршакар, Пушкин ва Теҳрони ноҳияи Исмоили Сомонии шаҳри Душанбе  интиқоли оби нӯшокӣ  ба муддати як шабонарӯз, аз  соати 22:00 –и  3 сентябр  то соати 22:00- и 4  сентябри соли  равон  қатъ мегардад.

Раиси шаҳр ҳамчунин  раисони ноҳияҳои Исмоилӣ Сомонӣ, Сино, Фирдавсӣ, Шоҳмансур ва Корхонаи воҳиди давлатии “Обу корези Душанбе”-ро муваззаф намудааст, ки  дар давраи иҷрои корҳои таъмирӣ бо истифода аз мошинҳои обкашӣ сокинони минтақаҳои беобмондаро бо оби нӯшокӣ таъмин намоянд.

Рустами Эмомалӣ ба маркази назорати давлатии санитарию эпидемиологии пойтахти кишвар супориш додааст, ки дар ҷараёни иҷрои корҳои таъмирӣ, таъмини аҳолиро бо оби нӯшокӣ мутобиқ ба талаботи санитарию эпидемиологӣ таҳти назорат қарор диҳад.

Ҳамзамон мақомоти шаҳри Душанбе аз истиқоматкунандагони маҳаллаю кӯчаҳои зикргардида хоҳиш  намудааст, ки миқдори зарурии оби нӯшокиро  барои як шабонарӯз захира намоянд.

280
Барчаспҳо:
Рустам Эмомалӣ, қарори Рустам, пойтахт, интиқоли обрасонӣ, об, Душанбе, Тоҷикистон
Сломанный велосипед, архивное фото

Ронандае, ки дар Ашт дучархарони 60 - соларо пахш карда фирор намуд, боздошт шуд

95
(Таҷдидшуда 12:16 13.08.2020)
Сокини 60 - солаи ноҳияи Ашт, ки савори дучарха буд, зери чархи автомашинаи номаълум монда, ҷон бохт

ДУШАНБЕ, 13 авг — Sputnik. Кормандони пулис ахиран ронандае, уи дучархаронро дар ноҳияи Ашт пахш карда фирор намуд, боздошт карданд, хабар медиҳад котиботи ВУД.

Ба иттилои манбаъ, ҳодисаи мазкур рӯзи 12 - уми август тахминан соати 05:25 дақиқа рух додааст.

"Ронандаи автомашинаи номаълум дар ҳудуди ҷамоати деҳоти Шодобаи ноҳияи Ашт, аз уҳдаи идораи воситаи нақлиёт набаромада дучархарон, Нурматов Ҷамолиддини 60 - сола, сокини ҷамоати деҳоти Шодобаи ноҳияи мазкурро пахш намуда, аз ҷойи ҳодиса ғайб задааст". - таъкид мешавад дар хабар.

Садама дар шоҳроҳи Душанбе-Хуҷанд: ВУД аз қурбонии ҳодиса гуфт

Манбаъ меафзояд, Нурматов ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расид.

Зимнан, кормандони милитсия муайян намуданд, ки ҷинояти мазкурро ронандаи автомашинаи тамғаи "Мерседес-Бенс" Тураев Дилшодҷони 20 - сола, сокини ҷамоати деҳоти Ошобаи ҳамин ноҳия содир намудааст.

ВУД Тоҷикистон мегӯяд, аз рӯи ҳодисаи мазкур тафтишот идома дорад.

95
Барчаспҳо:
ҳалок, дучархарон, садама, Ашт
ДТП на дороге Душанбе-Куляб

Садамаи мошин бо 28 тонна бор дар шоҳроҳи Душанбе-Кӯлоб - аксҳо аз ҷои ҳодиса

630
(Таҷдидшуда 18:30 12.08.2020)
Кумитаи ҳолатҳои фавқуллодаи Тоҷикистон аз садамаи мошини боркаш дар шоҳроҳи Душанбе-Кӯлоб хабар медиҳад

ДУШАНБЕ, 12 авг — Sputnik. Тибқи иттилои манбаъ, садамаи мошини боркаш, ки аз Душанбе ба самти шаҳри Кӯлоб равон буд, тақрибан соати 02 шаб иттифоқ афтод.

"Садама дар километри 87-ум дар қаламрави ноҳияи Данғара, ҷамоати Оқсу рух дод. Бино ба гузориши Раёсати Кумитаи ҳолатҳои фавқулодда ва мудофиаи градании назди Ҳукумати Ҷумҳурии Тоҷикистон дар вилояти Хатлон ин мошин 28 тонна тахтаро ба Кӯлоб мебурд", - омадааст дар хабарнома.

Манбаъ афзуда, ки ронанда Хушвақ Абдуллоев беосеб аз мошин берун шудааст, аммо мусофири он Фаррух Абдуллоев дар дохили мошин мондааст.

1 / 2
ДТП на дороге Душанбе-Куляб

Кормандони Кумита якҷо бо сардори БДА, кормандони тиб ва шаҳрвандон бо воситаи 1 мошини ёрии таъҷилӣ, 2 мехлопата, 2 кран ва нақлиёти дигари боркаш  барои наҷот додани мусофири дармонда ҷалб шудаанд.

Бар пояи хабари КҲФ соати 06:20 дақиқа мусофирро аз дохили мошин берун оварданд ва ба бемористон интиқол додаанд.

Дар бораи вазъи саломатии мусофир хабаре нашр нашудааст.

630
Барчаспҳо:
Кӯлоб, Душанбе, садамаи нақлиётӣ

Парвози махсус аз Машҳад ба Душанбе: 122 мусофир вориди Тоҷикистон мешаванд

0
Парвози махсус дар ҳамоҳангӣ бо сафорати Тоҷикистон дар Эрон сурат гирифта, 122 мусофир озими Тоҷикистон хоҳанд шуд

ДУШАНБЕ, 13 авг — Sputnik. Интизор меравад, имрӯз 13 - уми август аз шаҳри Машҳади Эрон парвози махсус ба Тоҷикистон анҷом ёбад, хабар медиҳад Парс тудей.

Ба иттилои манбаъ, парвози махсус бо ҳамоҳангии сафорати Тоҷикистон дар ҷумҳурии исломии Эрон ва бар асоси меъёрҳои шадиди тандурустӣ анҷом мешавад.

Хушхабари Муҳриддин: ҳамарӯза 2 парвоз самти Тоҷикистону Русия сурат мегирад

Гуфта мешавад, қаблан сафорати Тоҷикистон дар Эрон хоҳишмандони сафар ба Тоҷикистонро номнависи карда буд.

"Дар парвози имрӯз ҳудуди 122 мусофир аз ҷумла шаҳрвандони Тоҷикистон ва Эрон озими Душанбе ҳастанд, ки дар идома бо ҳамин парвоз шаҳрвандони эронии сокини Тоҷикистон ба ватанашон боз хоҳанд гашт.

Дар пайи шуюи вируси корона парвозҳои мамулии миёни кишварҳои дӯст ва бародари Эрон ва Тоҷикистон қатъ шуда ва дар ин охир танҳо ду парвози ихтисосӣ миёни ду кишвар анҷом шуда, ки инак парвози севвум дар роҳ аст.

Қарор аст, парвози оянда дар масири Машҳад ба Душанбе ва баръакс рӯзи  3 -юми сентиябр сурат гирад.

0