Раҷаббой Аҳмадзода, раиси вилоят Суғд бо раванди бартарафсозии оқибатҳои офати табиӣ дар Конибодом шинос гардид

Конибодом: сабаби таъхири хонасозӣ ба зарардидагони сел маълум шуд

138
Қарор буд, дар моҳи август чанд манзили навсохт, барои сокинони зарардида аз борони сел дар шаҳри Конибодом ба истифода дода шавад, аммо камбуди маблағ сабаби ба таъхир мондани корҳои сохтмонӣ шудааст

ДУШАНБЕ, 5 сен — Sputnik. Зарурати сохтмони хонаҳои нав барои сокинони ҷамоатҳои Ортиқ Ҳамробоев ва Пӯлотони шаҳри Конибодом дар ҳоле ба вуҷуд омад, ки борони сели шаби 2 ба 3-юми июн, ҳудуди 20 хонаи сокинонро ба пуррагӣ вайрон карда, даҳҳо сар чорворо бо худ бурд. Бар асари ин офати табиӣ, ҳудуди 40 манзили дигар дар шаҳри Конибодом хароб ва даҳҳо адад нақлиёти сокинон корношоям гардид.

Як манбаъи огоҳ аз рафти бартарафкунии паёмадҳои офати табиӣ дар шаҳри Конибодом, дар суҳбат бо Sputnik Тоҷикистон гуфт, мушкили камбуди маблағ, сабаби ба таъхир мондонаи корҳои сохтмонӣ шудааст.

“Дар моҳи август корҳои сохтмонӣ бояд ба охир мерасиданд ва сокинон ба хонаҳои нав медаромаданд, аммо азбаски зарар калон буд ва мушкили маблағ ба миён омад, корҳои сохтмонӣ дар вақташ иҷро нашуданд. Ҳоло 90% корҳо иҷро шудаанд ва то моҳи октябр сокинон ба хонаҳои нави худ медароянд”, -  гуфт манбаъ.

Комиссияи бартарафкунии паёмадҳои офати табиӣ, рӯзи 12-уми июн хисороти расида аз борони сел дар ҷамоатҳои Ғафурҷон Ортиқов ва Пӯлотони шаҳри Конибодомро  дар маҷмӯъ 8 милиону 345 ҳазору 329 сомонӣ ҳисоб карда буд.

Мақомот ва сокинон рухдоди ин офати табиӣ дар шаҳри Конибодомро камсобиқа давоми даҳсолаҳои охир маънидод карда буданд.

Бино ба иттилоъи расмӣ, барои бартарафкунии паёмадҳои ин офати табиӣ аз ҳисоби ҳукуматҳои шаҳру навоҳии Суғд беш аз 300 тонна семент, 99 ҳазор дона хишт фиристода шудааст. Дар умум барои корҳои бартарафсозӣ 20 тонна маводи сӯзишворӣ дастрас карда шудааст.

Дар паи рухдоди ин офати табиӣ рӯзи 8-уми июн, Раҷаббой Аҳмадзода,  раиси вилояти Суғд аснои сафараш  ба шаҳри Конибодом, якҷо бо масъулини шаҳр аз рафти корҳои бартарафсозии офати табиӣ ҷаласа орост.

Дар ин сафараш Аҳмадзода масъулинро вазифадор намуд, то ба сокиноне, ки бар асари офати табиӣ хонаҳояшон пурра вайрон шудааст, то моҳи август сохтмони 20 манзили навро ба анҷом расонида, беш аз 40 манзили харобргаштаро аз асароти селро таъмир намоянд.

Масъулин аз шаҳри Конибодом мегӯянд, азбаски зарари расида аз офати табиӣ зиёд буд, барои бартараф кардани он ба мушкилиҳои зиёд дучор шудаанд, аз ҷумла ба мушкили камбуди маблағ, ки сабаби ба қафо мондани корҳои сохтмонӣ гардидааст.

То ин замон шуморе аз хонаҳое, ки аз таъсири офати табиӣ қисман хароб гашта буданд, бо кӯмаки соҳибкорону саховатмандон, ҳукумати шаҳри Конибодом  ва ҳукуматҳои шаҳру ноҳияҳои Суғд таъмир карда шудаанд.

138
Барчаспҳо:
хисорот, сел, хона, Конибодом, Тоҷикистон-Суғд
Детская игрушка возле дороги

Пахши ду ноболиғ дар роҳ: якеш ба ҳалокат расид дигаре дар беморхона бистарӣ гардид

131
(Таҷдидшуда 11:36 02.07.2020)
Вазорати умури дохилаи Тоҷикистон аз рух додани садамаи марргбор дар ноҳияи Ховалинг, ки бар асари он як писар 9 ба ҳалокат расидааст хабар дод

ДУШАНБЕ, 2 июл — Sputnik.  Бино бар иттилои дафтари матбуоти Вазорати умури дохилаи Тоҷикистон садамаи маргбор санаи 1-уми июли соли равон, тахминан соати 16:00, дар наздикии шаҳраки Ховалинг рух додааст.

ВУД Тоҷикистон хабар додааст, ки ронандаи автомашинаи тамғаи “Форланд”, Мансуров Фирӯз Исматуллоевич, соли таваллудаш 1987, сокини ҷамоати деҳоти Ғ.Мирзои ноҳияи Ховалинг, ҳангоми ҳаракат кардан аз самти шаҳраки Ховалинг ба самти деҳаи Лоҳутӣ дар гардишгоҳи роҳи деҳаи Токак аз ӯҳдаи идораи воситаи нақлиёт набаромада, ноболиғон, Ҳусейнов Сафарбек Ҳамиддулоевич, соли таваллудаш 2005, ва Хуршеди Ҷамшед, соли таваллудаш 2011, сокинони ҷамоати деҳоти Ҷонбахтро пахш намудааст.

Манбаъ қайд намудааст, ки дар натиҷа ноболиғ, Хуршеди Ҷ. ҷароҳати вазнини ҷисмонӣ бардошта, дар ҷойи ҳодиса ба ҳалокат расиддааст.

Ҳамзамон ноболиғи дигар Ҳусейнов С.Ҳ. ҷароҳатҳои гуногуни ҷисмонӣ бардошта, дар беморхона бистарӣ гардидааст.

Дар ҳоли ҳозир кормандони милитсияи Тоҷикистон аз руи ин ҳодиса таҳқиқотро идома доранд.

131
Барчаспҳо:
писар, ҳалокат, пахш, Ховалинг, вазорати умури дохила, Тоҷикистон
Журналисты на открытии выставки победителей IV международного конкурса фотожурналистики имени Андрея Стенина в Москве.

Озмуни ёдбуди Стенин овоздиҳиро барои истифодабарандагони интернет оғоз мекунад

63
(Таҷдидшуда 00:25 02.07.2020)
Ҳадафи озмун дастгирии ҷавонон ва ҷалби таваҷҷӯҳи ҷомеа ба чолишҳои фотожурналистикаи муосир мебошад

ДУШАНБЕ, 1 июл — Sputnik. Тибқи анъана дар муаянсозии беҳтарин кори иштирокдорони озмуни ба номи Андрей Стенин—2020 корбарони интернет низ иштирок карда метавонанд, ки барои онҳо овоздиҳӣ бо забонҳои русӣ ва англисӣ дар сомонаи озмун нашр шудааст.

Барои иштирок дар овоздиҳии онлайн, шумо бояд дар яке аз шабакаҳои иҷтимоӣ: ВКонтакте, Facebook, Twitter ё нармафзори чинӣ Weibo дошта бошед. Овоздиҳӣ то соати 23.59 (бо вақти Маскав) 31 июл кушода аст. Ғолиби овоздиҳии онлайн дар авоили моҳи август эълон хоҳад шуд ва муаллифи аксҳои маъмул дар Интернет дипломи озмунро хоҳад гирифт.

Ба гуфтаи баргузоркунандаи озмуни ба номи Андрей Стенин, роҳбари лоиҳаҳои визуалӣ дар МИА "Россия сегодня" Оксана Олейник, овоздиҳии интернетӣ ба аудиторияи онлайнӣ имконият медиҳад, ки бо хулосаи коршиносону доварони байналхалқӣ баҳс кунанд.

"Имрӯз, вақте ки ҳама метавонанд ба таври оддӣ ба воситаи пахш кардани тугмаи камера дар дастгоҳи мобилӣ акс бигиранд, бисёр одамон дар бораи акс доварӣ мекунанд ва аксар вақт - бо дониш ва диди хуб. Озмуни мо беҳтаринҳоеро интихоб менамояд, ки дар ҷаҳони фотожурналистикаи муосири ҷаҳонӣ мавҷуданд ва ба мо бениҳоят аҷиб аст, ки интихоби озмунро аз тарафи тамошобин, ки барои онҳо аксҳо сохта шудаанд, баҳо медиҳад”,-гуфт Олейник.

Гуфта мешавад барандагони озмун моҳи сентябр дар сомонаи stenincontest.ru | stenincontest.com эълон шуда, баъдан намоиши кори барандагон доир мешавад.

Ба гуфтаи Оксана Олейник, кадом навъи кор барои аудиторияи интернет дурахшонтарин ва муҳимтарин аст - овоздиҳии онлайнӣ нишон хоҳад дод.

“Мо ҳама ҳавасмандони аксбардориро даъват менамоем, ки дар он ширкат варзанд ва мунтазири натиҷаҳои он бошанд! ", - гуфт Олейник.

Озмуни байналмилалии фотожурналистии ёдбуди Андрей Стенинро хабаргузории байналмилалии "Россия сегодня" бо ҳамкорӣ ва сарпарастии Кумисюни Русия дар умури ЮНЕСКО баргузор мекунад. Ҳадаф аз баргузории он пуштибонӣ аз фотожурналистҳои ҷавон ва ҷалби таваҷҷуҳи ҷомеа ба вазифаҳои фотожурналистика дар ҷаҳони имрӯз аст.

Ин озмун майдоне барои ҳунарнамоии хабарнигорону аккосҳои ҷавон аст, ки истеъдод доранд ва ҳар падидаеро бо диде навҷӯёна менигаранд ва рухдодҳоро бо тасвир ба намоиш мегузоранд.

Шарикони байналмилалии ВАО-и озмун: агентии хабарӣ ва радиои Sputnik, агентии иттилоотии Askanews, медиахолдинги Independent Media, агентии хабарии Notimex, агентии иттилоотии ANA, шабакаи телевизион ва сомонаи RT, Shanghai United Media Group (SUMG), сомонаи рӯзномаи интернетии China Daily, сомонаи интернетии The Paper, шабакаи расонаҳои Al Mayadeen, агентии хабарии Prensa Latina, агентии хабарии News1, сомонаи хабарии DBW, пойгоҳи хабарии Brasil247.

Ҳамчун шарикони соҳа озмунро дастгирӣ мекунанд: Маҷаллаи National Geographic Россия, портали Russian Photo, портали Photo-study.ru, мактабӣ аккосии “Академияи аксбардорӣ”, портали иттилоотӣ YOung JOurnalists, маҷаллаи Fotoargenta, клуби фотожурналистикаи Ню-Дели, маҷаллаи Enfoque Visual, маҷалла LF Magazine, сайти шарики байналмилали шарик - фестивали PhotON.

63
Министр культуры Таджикистана Зульфия Давлатзода

Ҳамдардии вазири фарҳанг бо хонаводаи Амонулло Қодиров

0
(Таҷдидшуда 19:02 02.07.2020)
Раҳбарияти Вазорати фарҳанги Тоҷикистон бо аҳли хонаводаи Амонулло Қодиров, Ҳунарпешаи халқии Тоҷикистон изҳори ҳамдардӣ кардааст

ДУШАНБЕ, 2 июл — Sputnik. Фарҳангиёни Тоҷикистон ба аҳли хонаводаи Амонулло Қодиров, Ҳунарпешаи халқии Тоҷикистон изҳори таслият кард, хабар медиҳад Вазорати фарҳанг.

"Вазорати фарҳанги Ҷумҳурии Тоҷикистон ва аҳли фарҳанги кишвар аз даргузашти собиқадори соҳаи театр, Ҳунарпешаи халқии Тоҷикистон Амон Қодиров андӯҳгин буда, ба наздикону пайвандони марҳум изҳори тасаллият менамоянд", - омадааст дар номаи таслият.

Ёдрас мешавем, ки Амонулло Қодиров, Ҳунарпешаи халқии Тоҷикистон, рӯзи 28 июн дар шаҳри Душанбе дар синни 75-солагӣ аз олам чашм пӯшид.

Амонулло Қодиров 10 июни соли 1945 дар ноҳияи Шаҳринав ба дунё омада, соли 1965 Омӯзишгоҳи ҷумҳуриявии маданӣ-равшаннамоии ноҳияи Ленин (ҳоло Коллеҷи фарҳанги ноҳияи Рӯдакӣ) ва соли 1971 Институти давлатии санъати театрии ба номи А.Луначарскийи шаҳри Маскавро хатм кардааст.

Ӯ қариб тамоми умр дар театри ҷавонони ба номи Маҳмудҷон Воҳидов ҳунарнамоӣ карда, соли 1982 сазовори унвони Ҳунарпешаи шоистаи Тоҷикистон ва соли 1994 соҳиби унвони Ҳунарпешаи халқии Тоҷикистон шуд.

Қодиров бо даҳҳо нақшаш дар театр ва синамои тоҷик, бахусус бо нақши Ҳодӣ дар дуэти Шодию Ҳодӣ ҳамроҳ бо Шодӣ Солеҳов дар ёдҳо мемонад.

"Дар ҳаҷв доди ҳунарро медиҳад. Ҳарчанд образҳои лирикӣ, драмавӣ, фоҷиавиро низ бо маҳорати баланд иҷро мекунад, ҳолати рӯҳию дунёи ботинии қаҳрамононашро ҳамаҷониба мекушояд. Тамошогарон ба истеъдодаш дар беш аз шаст спектакли театр, аз қабили «Дон Жуан», «Умри ҷовид», «Латифаҳои деҳот», «Якпула савдо, садпула ғавғо», «Робиаи Балхӣ», «Умед», «Табиби зӯракӣ» баҳои баланд додаанд", - омадааст дар маълумоти Википедия.

Амонулло Қодиров ҳамчунин дар филмҳои «Субҳи Ганг», «Достони Сиёвуш», «Ҳафт арӯси дуздидашуда», «Аспҳо дар моҳтобшаб», «Хоби хирси сафед» ва дар чандин намоишномаи телевизионӣ нақшҳои мондагор офарида, дар дубляжи даҳҳо филм ба забони тоҷикӣ низ иштирок кардааст.

0
Барчаспҳо:
вазир, Вазорати фарҳанги ҶТ, ҳамдардӣ, ҳунарпеша, Тоҷикистон