Председатель Центральной избирательной комиссии (ЦИК) РФ Элла Памфилова

Ба раиси Коммисияи маркази интихоботӣ, ниқобпӯш аз Осиёи Марказӣ ҳамла овардаст

352
(Таҷдидшуда 20:51 07.09.2019)
Гумонбаршуда дар ҳамла ба Элла Памфилова раиси Коммисияи интихоботии Русия, шаҳрванди яке аз кишварҳои Осиёи Марказӣ будааст

ДУШАНБЕ, 7 сен - Sputnik.  Ба иттилои намояндаи расмии Вазорати умури дохилаи Русия Ирина Волк, дастандаркори ҳамла ба манзили истиқоматии Элла Памфилова аз ҷониби кормандони пулис аллакай боздошт шудааст.

Ба гуфтаи Ирина Волк нафари ҳамлавар ҷавони 36 - сола буда шаҳрванди яке аз кишварҳои Осиёи Марказӣ будааст. Феълан маълумоти бештаре дар бораи боздоштшуда эълом нашудааст ва танҳо зикр гардид, ки дар зудтарин фурсат гумонбарро ба Кумитаи тафтишотӣ мебаранд.

Ёдовар мешавем, ки ҳамлагари ниқобпӯш шаби панҷшанбе ба роҳрави хонаи раиси Комиссияи марказии интихоботи Русия дар наздикии шаҳри Маскав роҳ ёфта, бо дастгоҳи барқзананда – “электрошокер” чанд бор ба сараш задааст.

Ба ситоди интихоботии Владимир Зеленский пулис омад

Шабакаи  Telegram-канал Baza, навиштааст, ки бахти Памфилова баландӣ кардааст, чун ҳамлагар зоҳиран ба кор даровардани дастгоҳи барқзанро фаромуш кардаасту танҳо якчанд зарба задааст.

Манбаъ таъкид кардааст, ки аз хона чизе гум нашудааст. Зикр шудааст, ки ҷинояткор ба роҳрави хона тариқи тиреза ворид шудааст. 

352
Барчаспҳо:
гумонбар, боздошт, ниқоби сиёҳ, ҳамла, Русия
Президент Кыргызской Республики Сооронбай Жээнбеков

Жээнбеков: дар ҳар як мулоқот бо Раҳмон мо масъалаи сарҳадро муҳокима мекунем

71
Президенти Қирғизистон Сооронбой Жээнбеков дар як мусоҳиба мавзӯи коронавирус ва вазъи сарҳадиро бо Тоҷикистон матраҳ кард

ДУШАНБЕ, 8 авг — Sputnik.  Дар ҳоли ҳозир корҳо барои мушаххас кардани сарҳади Тоҷикистону Ӯзбекистон идома доранд, гуфт п резиденти Қирғизистон Сооронбой Жээнбеков дар мусоҳиба бо радиои "Биринчи Радио".

Президент қайд кард, ки вақте кор беҳтар шуд, музокирот пас аз паҳншавии коронавирус қатъ карда шуд, аммо ба ҳар ҳол, мулоқотҳо оид ба ин масъала, хусусан дар сарҳади Қирғизистону Тоҷикистон, идома доранд.

"Дар ҳама ҷое ки мо бо ҳамтои тоҷикам Эмомалӣ Раҳмон мулоқот мекардем, мо ҳамеша масоили сарҳадро баррасӣ мекунем. Ислоҳотҳо ҳастанд, аммо мушкил тавре ки ман қаблан зикр кардаам, ҳалли худро наёфтааст. Аммо, миёни ду кишвар ҳусни тафоҳум вуҷуд дорад" гуфт Жээнбеков.

Коронавирус ба музокироти марзии Тоҷикистону Қирғизистон таъсир расонд

Сарвари Қирғизистон қайд кард, ки баъзан шиддат дар масъалаҳои марзӣ бо мушкилоти ҳамарӯза афзоиш меёбад, аз ин рӯ мақомоти маҳаллӣ бо мардум зич ҳамкорӣ мекунанд.

Жээнбеков: вазъ дар марз бо Тоҷикистон то ҳол мушкил мемонад

Жээнбеков илова кард, ки ин мавзӯъро яктарафа ҳал кардан мумкин нест. Вай изҳори итминон кард, ки мавзӯи баҳсбарангез тавассути гуфтугӯ ҳаллу фасл хоҳад шуд.

71
Барчаспҳо:
Эмомалӣ Раҳмон, музокирот, сарҳад, Сооронбой Жээнбеков, Қирғизистон, Тоҷикистон

Мақомот: дар ҳамла ба зиндони Нангарҳор чор тоҷик ширкат доштанд

192
(Таҷдидшуда 18:55 08.08.2020)
Вазорати дифоъи Афғонистон мегӯяд, дар ҳамла ба зиндони Нангарҳор аз 11 муҳоҷим чор нафарашон шаҳрванди Тоҷикистон буданд

ДУШАНБЕ, 8 авг — Sputnik. Фавод Амон, муовини сухангӯи вазорати дифоъи Афғонистон ба Sputnik Тоҷикистон гуфт, дар ин ҳамла чаҳор шаҳрванди Тоҷикистон, се тан аз Ҳинд, як нафар аз Покистон ва се тани дигар аз Афғонистон даст доштанд.

"Ҳамаи онҳо аз сӯи нерӯҳои амниятии Афғонистон кушта шудаанд ва шахсияти онҳо таҳқиқ мешавад. Ҳамагӣ узви гуруҳи террористии ДОИШ ҳастанд", - гуфт Фавод Амон.

Тақрибан ҳаволии соати 7 – и шоми рӯзи якшанбеи гузашта як гуруҳи мусаллаҳ худрави бомбгузоришударо дар наздикии дари вурудии зиндони Нангарҳор мунфаҷир карданд ва сипас бо нируҳои муҳофизи зиндон даргир шуданд. Ин даргирӣ ҳудуди 23 соат идома дошт ва муҳоҷимон дар ин муддат девори зиндонро бо инфиҷор шикофта, ба дохили зиндон даромаданд ва 272 зиндониро раҳо сохтанд.

Тибқи иттилои вазорати дифоъи Афғонистон, дар ин ҳамла 11 шӯришӣ даст доштанд, ки илова бар онҳо 29 тан ғайринизомӣ низ кушта ва 50 тани дигар захмӣ шуданд.

Суолу фарзияҳои Серенко дар бораи ҳамла ба дидбонгоҳ: ба “ДОИШ” монанд нест

Бино ба ин манбаъ, ҳудуди 10 узви Толибон низ аз сӯи ҷангиёни муҳоҷим кушта шудаанд. Дар ҳамин ҳол, Фавод Амон мегӯяд, ҳамла ба зиндони Нангарҳор ҷузъи як силсилаҳуҷумҳои гуруҳи террористии ДОИШ дар Нангарҳор буд.

Ба қавли ӯ, гуруҳҳои дигари муҳоҷимон дар амалиётҳои ҷудогона мехостанд шаҳри Ҷалолобод, маркази Нангарҳор ва майдони ҳавоии вилоятро бомбаборон кунанд.

"Неруҳои командуи мо бо ин муҳоҷимон дар вулусволии Беҳсуд вориди ҷанг шуда, онҳоро шикаст доданд. Як гуруҳашонро, ба шумули фармондеҳи қаттоли ДОИШ ба номи Муҳаммад Саид, зинда дастгир кардем, ки сарашон таҳқиқ ҷараён дорад ва ба зудӣ аз натиҷаи ин бозрасиҳо ба расонаҳо иттилоъ хоҳем дод", - гуфт муовини сухангӯи вазорати дифоъи Афғонистон.

Дар ҳамин ҳол, бино ба иттилои расонаҳои Афғонистон, дар зиндони Нангарҳор ҳудуди 1,5 ҳазор маҳбус нигаҳ дошта мешуд, ки аз ин шумора 300 нафарашон доишӣ буданд ва гумон меравад, онҳое, ки муваффақ ба фирор шудаанд, узви ин гуруҳанд.

192