Нишасти изтирории ҳавопаймои Владимир Путин: нақли сарнишини пешин

1144
Сарнишини пешини ҳавопаймои Ил-96 Владимир Федорушкин дар бораи нишасти изтирории ҳавопаймо бо Владимир Путин нақл кард

ДУШАНБЕ, 8 сен - Sputnik. Собиқ сарнишини ҳавопаймои президентӣ Ил-96 дар мусоҳиба бо шабакаи НТВ дар бораи нишасти изтирории ҳавопаймо, ки дар дохилаш Владимир Путин қарор дошт, зимни парвоз аз Маскав ба Санкт-Петербург, нақл кард.

Ба гуфти ӯ ҳаво он рӯз дар ҳарду шаҳри Русия номусоид буд ва бод хеле сахт мевазид.

Чигуна ман бо раисҷумҳур дар як ҳавопаймо ба Душанбе рафтам

Президенти Русия бояд ба вохӯрӣ мерафт, аз ин рӯ қарор шуд, бар хилофи номусоидии ҳаво парвоз анҷом дода шавад.

Маҷбур шудем ҳавопайморо зери борони шадид фуруд орем. Он замон ҳатто автопилот аз кор монда буд.

Ҳавопаймои президентҳо: кӣ бо кадоме ба Бишкек парвоз кард?

"Мо 9 ҳазор километр боло рафтем ва ҳавопаймо чунон такон мехӯрд, ки агар тасмаҳои бехатарӣ намешуданд, сари мусофирон ба сақфи ҳавопаймо бармехӯрд", - нақл мекунад сарнишин.

Сарнишин изҳор дошт, ки ин парвоз дар таҷибаи 40-солаи ӯ хатарноктарин буд.

1144
Барчаспҳо:
нишасти изтирорӣ, сарнишин, ҳавопаймоӣ, Владимир Путин, Русия
Пограничник на смотровой вышке на границе Кыргызстана. Архивное фото

Баҳс ва тирпаронӣ дар марзи Тоҷикистону Қирғизистон - шарҳи ҷонибҳо: аксу видео

604
(Таҷдидшуда 22:15 25.10.2020)
Хадамоти давлатии марзбонии Қирғизистон аз моҷаро дар марз бо Тоҷикистон ва тирпаронии сарҳадбонҳои қирғиз хабар дод

ДУШАНБЕ, 25 окт — Sputnik.  Хадамоти марзбонии Қирғизистон иттилоъ дод, ки баъди зуҳри 25 октябр, тақрибан соати 16:45, шаҳрвандони Тоҷикистон дар маҳаллаи Уч-Добои ноҳияи Бодканд лӯлаи об гузаронданӣ буданд, хабар додааст Sputnik Қирғизистон.

Манбаъ афзуд, ки ба ҷои ҳодиса ҳайати марзбонҳои қирғиз ҳозир шуда, аз шаҳрвандони Тоҷикистон хостаанд, ки корҳоро дар қисмати аломатгузоринашудаи марз қатъ кунанд.

Кор дар қаламрави Тоҷикистон буд: КДАМ тирпаронии марзбонҳои қирғизро шарҳ дод

Аммо сокинони деҳаи Хоҷа Аълои Тоҷикистон мегӯянд, ба иваз кардани лӯлаи куҳна бо нав дар назди хонаи омӯзгори маҳаллӣ машғул буданд, ки марзбонҳои қирғиз омада ба тирпаронӣ оғоз карданд. Дар навори нашркардаи корбарон, марзбонҳои қирғиз дар ҳоле тирпаронӣ мекунанд, ки марде дар хитоб ба онҳо мегӯяд, он ҷо сокинони мулкиянд.

Иқбол Илёсзода, сухангӯи ҳукумати шаҳри Исфара низ моҷарои 25 октябр ва тирпаронии марзбонҳои қирғизро иғво хонда, афзудааст, ки сокинони Хоҷаи Аъло ба иваз кардани лӯлаи куҳна ба нав машғул буданд.

Аммо ба иттилои Хадамоти марзбонии Қирғизистон, атбои Тоҷикистон ба талаботи марзбонҳо итоат накарда, бо онҳо вориди баҳси лафзӣ шудаанд.

“Бо мақсади ҳифзи ҳаёту саломатии низомиён ва ҷилавгирӣ аз шиддати вазъ марзбонҳо маҷбур шуданд ба ҳаво тирҳои огоҳкунандаро холӣ намоянд”, - тавзеҳ додааст Хадамоти марзбонии  Қирғизистон.

Манбаъ илова намудааст, ки феълан корҳо қатъ шуда, намояндагони Тоҷикистону Қирғизистон мулоқот гузаронда истодаанд.  Вазъ дар марз муътадил арзёбӣ мешавад.

604
Барчаспҳо:
тирпаронӣ, моҷаро, Қирғизистон, Тоҷикистон
Букет гвоздик в руке, архивное фото

Ли Ҳонг Хи, мудири ширкати ҷаҳонии Samsung даргузашт

279
(Таҷдидшуда 10:56 25.10.2020)
Соҳибкори бузурги Кореяи Ҷанубӣ, роҳбари консерни Samsung Ли Ҳонг Хи, дар синни 79-солагӣ дар Сеул вафот мекунад

ДУШАНБЕ, 23 окт — Sputnik. Роҳбари Samsung Ли Ҳонг Хи 25 октябр дар беморхонаи Сеул дар синни 79-солагӣ даргузашт.

Вориси ин соҳибкор писари ӯ Ли Ҷэ Ён мебошад, ки додситонии Кореяи Ҷанубӣ дар қаллобӣ гумонбар медрнд.

Дар бораи марги соҳибкори маъруф хабаргузории “Ренхап”  хабар додааст.

Сабаби марг мушаххас нашудааст.

Samsung Group соли 1938 аз ҷониби падари Ли Ҳон Хи, Ли Бён Чхол таъсис дода шудааст. Пас аз марги ӯ, корпоратсия ба фарзандонаш мерос монд ва Ли Ҳонг Хи (писари сеюм) роҳбари Шӯрои директорон шуд.

Таҳти роҳбарии ӯ, ширкат аз як истеҳсолкунандаи хурди Корея ба як корпоратсияи бузурги байналмилалӣ табдил ёфт.

Соли 2014 Ли Ҳонг Хи сактаи қалбро аз сар гузаронд, пас аз он, назорати корпоратсия ба писараш ва ноиби президенти ширкати фаръии ин гурӯҳ, Samsung Electronics Ли Ҷэ Янг гузашт, ки боварӣ дорад, ворис аст.

Дар гузориши хабаргузории Кореяи Ҷанубӣ гуфта мешавад, ки додситонӣ Ли Ҷэ Янгро ба ин далел гумонбар мекунад, ки дар ҷараёни ба даст овардани қудрат дар консерн, Ли Ҷэ Янг дар тақаллуби ғайриқонунӣ дар якҷояшавии ширкатҳои корпоратсия бо мақсади ба даст овардани назорат аз болои Samsung Group ширкат кардааст.

279
Марзбони тоҷик, акс аз бойгонӣ

КДАМ Тоҷикистон моҷаро дар марз ва тирпаронии марзбонҳои қирғизро шарҳ дод

371
(Таҷдидшуда 22:44 25.10.2020)
Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд

ДУШАНБЕ, 25 окт — Sputnik. Тибқи иттилои нерӯҳои марзбонии КДАМ, рӯзи 25-уми октябри соли 2020, соати 15:30 дақиқа, сокинони деҳаи Хоҷаи Аълои ноҳияи Исфара дар дохили деҳа қубури обгузарро, ки кӯҳнаву афсурда шудааст, иваз мекарданд.

"Дар ин вақт 25-30 нафар сарҳадбонони мусаллаҳи Ҷумҳурии Қирғизистон ба назди деҳаи мазкур ҳозир шуда, аз сокинон талаб мекунанд, ки корро қатъ созанд.  Онҳо даъво пеш меоранд, ки маҳали кори шаҳрвандони Тоҷикистон минтақаи баҳсӣ дониста мешавад ва аз силоҳи оташфишон ҷониби сокинони Хоҷаи Аъло тир мекушоянд", - омадааст дар изҳороти КДАМ.

КДАМ таъкид кардааст, ки ин қитъа қаламрави Ҷумҳурии Тоҷикистон буда, иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Манбаъ афзуд, хушбахтона, аз тирпаронии марзбонони қирғиз сокинони Хоҷаи Аъло осеб надидаанд. Корҳо дар маҳали муноқиша муваққатан қатъ карда шуданд.

Байни сарҳадбонони Ҷумҳурии Тоҷикистон ва Ҷумҳурии Қирғизистон, бо иштироки намояндагони мақомоти иҷроияи ҳокимияти давлатии ду кишвар  гуфтушунид идома дорад.

Хадамоти марзбонии Қирғизистон қаблан бо нашри як изҳорот гуфт, марзбонҳои қирғиз барои ҳифзи ҳаёту саломатӣ ва ҷилавгирӣ аз шиддати вазъ ба ҳаво тир холӣ карданд.

371
Барчаспҳо:
тирпаронӣ, марз, Тоҷикистон