Преступник за решеткой

Сокини Шаҳритус хост ҳамсари 29 - солаашро ба қатл расонад

207
(Таҷдидшуда 17:08 11.09.2019)
Вазорати умури дохилаи Тоҷикистон аз боздошти як сокини 29 - солаи ноҳияи Шаҳритус хабар медиҳад, ки дар суйиқасд ба одамкушӣ гумонбар дониста мешавад

ДУШАНБЕ, 11 сен — Sputnik. Ба иттилои дафтари матбуоти Вазорати умури дохилаи Тоҷикистон, кормандони милитсия марди 29 - сола, сокини деҳаи Устокорони ноҳияи Шаҳритусро боздошт намуданд, ки дар суйиқасд ба ҷони ҳамсари худ гумонбар дониста мешавад.

Манбаъ меафзояд, номбурда рӯзи 9 - уми сентябри соли равон, тахминан соати 17:30 - дақиқа, дар заминҳои хоҷагии деҳқонӣ, воқеъ дар Қарашувоқи ноҳияи мазкур бо ҳамсари 29 - солаи худ муноқиша сар мекунад.

Натиҷаи мастӣ кунҷи зиндон: марди маст ҷавони роҳгузарро ду корд зад

Зимнан, дар ҷараёни ҷангу ҷанҷол, номбурда бо мақсади аз ҳаёт маҳрум сохтан, бо корд якчанд маротиба ба узвҳои бадани занаш задааст.

Дар натиҷа, ҷабридида ҷароҳатҳои гуногуни ҷисмонӣ бардошта, дар беморхона бистарӣ гардидаст.

Дар Тоҷикистон сатҳи ҷиноятҳои қаллобӣ ва авбошӣ афзоиш ёфтаст

ВУД мегӯяд, нисбати ин сокини ноҳияи Шаҳритус парвандаи ҷиноятӣ бо моддаи 32 қисми 3 ва 104 қисми 2 Кодекси ҷиноятии Тоҷикистон оғоз карда шуда, тафтишот идома дорад. 

207
Барчаспҳо:
ҳамсар, сӯиқасд, Шаҳритус, Тоҷикистон
Юсуф Зиёев, маҳкумшуда барои таҷовуз ба номуси духтарчаи сесола

Эълони ҷазои Зиёев барои таҷовузи духтарчаи сесола - акс

9124
(Таҷдидшуда 23:53 09.07.2020)
Додгоҳи шаҳри Душанбе Зиёев Юсуфро дар таҷовуз ба номуси духтарчаи сесола гунаҳкор дониста, барои як умр равонаи зиндон кард

ДУШАНБЕ, 9 июл – Sputnik. Тибқи иттилои дафтари матбуотии додгоҳи пойтахт, ҳукми зиндони Зиёев Юсуф имрӯз, 9 июли соли 2020 дар мурофиаи пӯшидаи судӣ эълон гардид.

  • Юсуф Зиёев, маҳкумшуда барои таҷовуз ба номуси духтарчаи сесола
    Юсуф Зиёев, маҳкумшуда барои таҷовуз ба номуси духтарчаи сесола
    дафтари матбуоти додгоҳи Душанбе
  • Судя ҳукми Юсуф Зиёев, маҳкумшуда барои таҷовуз ба номуси духтарчаи сесоларо мехонад
    Судя ҳукми Юсуф Зиёев, маҳкумшуда барои таҷовуз ба номуси духтарчаи сесоларо мехонад
    дафтари матбуоти додгоҳи Душанбе
  • Юсуф Зиёев, маҳкумшуда барои таҷовуз ба номуси духтарчаи сесола
    Юсуф Зиёев, маҳкумшуда барои таҷовуз ба номуси духтарчаи сесола
    дафтари матбуоти додгоҳи Душанбе
1 / 3
дафтари матбуоти додгоҳи Душанбе
Юсуф Зиёев, маҳкумшуда барои таҷовуз ба номуси духтарчаи сесола

Ба иттилои манбаъ,  бо ҳукми суди шаҳри Душанбе, Зиёев Юсуф Раҷабалиевич бо моддаҳои 138 қисми 3 банди “а”, 139 қисми 4 банди “а”  ва  127 қисми 1  КҶ  Ҷумҳурии  Тоҷикистон гунаҳкор дониста шуда, ба ӯ ҷазоҳои зерин таъйин кардааст.

"Бо моддаи 138 қисми 3 банди “а” КҶ Ҷумҳурии Тоҷикистон ҷазо дар намуди якумра аз озодӣ маҳрум сохтан, бо моддаи 139 қисми 4 банди “а” КҶ Ҷумҳурии Тоҷикистон ҷазо дар намуди маҳрум сохтан аз озодӣ ба муҳлати 20 (бист) сол ва бо моддаи 127 қисми 1 КҶ Ҷумҳурии Тоҷикистон ҷазо дар намуди корҳои ислоҳӣ ба муҳлати 2 (ду) сол таъин карда шуд"-афзуд манбаъ.

Ҳамин тавр, додгоҳи пойтахт мутобиқи қисми 4-и моддаи 67 КҶ Ҷумҳурии Тоҷикистон ба Зиёев Юсуф Раҷабалиевич ҷазои ниҳоӣ дар намуди ҳабси якумра дар колонияҳои ислоҳии дорои низоми махсус таъйин кардаааст.

Феълан назари маҳкумшуда ва ҷониби ҳимояаш дар бораи қазия ва ҳукми додгоҳ маълум нест.

9124
Река Варзоб, архивное фото

Ҷаҳиши маргбор ба дарёи Варзоб: ҷавон ҳангоми оббозӣ ба санг заду фавтид

223
(Таҷдидшуда 23:46 09.07.2020)
Як сокини 25-солаи шаҳри Душанбе, ки аз баландии 5-6 метр худро ба оби дарёи Варзоб андохта буд, бар асари ба санги зери об бархӯрдани сараш ба ҳалокат расидааст.

ДУШАНБЕ, 9 июл – Sputnik. Тибқи иттилои дафтари матбуотии Кумитаи ҳолатҳои фавқулода ин ҳодиса баъд аз зӯҳри рӯзи гузашта дар ҳудуди ноҳияи Сино, дар наздикии Донишгоҳи миллии Тоҷикистон рух додааст.

Ба иттилои манбаъ, бо расидани хабар ба Раёсати Кумитаи ҳолатҳои фавқулодда ва мудофиаи граждании Тоҷикистон дар шаҳри Душанбе, дастаи ғаввосон ба маҳалли ҳодиса сафарбар шуданд.

“Ҷустуҷӯ то фаро расидани торикӣ идома дошт, баъди соати 20:00 дигар кофтуков имкон надошт ва субҳи имрӯз наҷотдиҳандагони Раёсат корҳои ҷустуҷӯиро аз сар гирифтанд”.

Кумитаи ҳолатҳои фавқулода таъкид кардааст, ки ҳамеша мегуфтем ва имрӯз ҳам такрор мекунем, ки як сабаби фоҷеа ҷаҳиш аз баландиҳоест, ки он маконҳо барои оббозиву шиноварӣ пешбинӣ нашудаанд.

Дарёфти ҷасади писари 15-сола ва духтари 17-сола аз об

Ин ниҳод аз шаҳрвандон хоҳиш кардааст, ки ҷиддан қоидаҳои маъмулии оббозиву шиновариро донанд ва дар маҳалҳое, ки барои оббозӣ ҷудо нашудаанд, ҷони худро дар хатар наандозанд.

223
Эмомали Рахмон и Рустам Эмомали

Президент ҳамроҳ бо раиси шаҳри Душанбе ду иншооти навро дар пойтахт ифтитоҳ кард

0
Эмомалӣ Раҳмон, раисҷумҳури кишвар бо Раиси раиси шаҳри Душанбе Рустами Эмомалӣ бинои Хадамоти давлатии “Муҳофиза”-и Вазорати умури дохилии Тоҷикистонро баъди таъмиру навсозии пурра ба истифода доданд

ДУШАНБЕ, 10 июл – Sputnik. Бино бар иттилои дафтари матбуоти раисҷумҳур, имрӯз бо ҳузури президенти кишвар инои Хадамоти давлатии “Муҳофиза”-и Вазорати умури дохилии Тоҷикистон, ки дар кӯчаи Неъмат Қарабоеви шаҳри Душанбе ҷойгир аст, ифтитоҳ ёфт.

Гуфта шудааст, ки қаблан ин бино вайрону валангор ва солҳои зиёд бекорхобида буд. Ҳамакнун навсозӣ гардида, дар он барои кормандони Хадамоти давлатии “Муҳофиза”-и Вазорати умурии дохилии Тоҷикистон шароити мукаммали корӣ фароҳам оварда шуд.

Бинои 8-ошёна дорои 43 утоқи корӣ ва дигар иншооти ёрирасон мебошад

Дар асоси Қарори Раиси шаҳри Душанбе муҳтарам Рустами Эмомалӣ оид ба рангу бор ва ороиши иншооти мавҷуда намои берунаи бино оро ёфтааст ва равшании онро дар шаб чароғакҳои ҳархелаи ҷилодиҳанда таъмин менамоянд.

Манбаъ таъкид доштааст, ки корҳои сохтмонӣ аз тарафи сохтмончиёни Раёсати сохтмони асосии ВУД ва ҳашари дастаҷамъонаи кормандони Хадамоти давлатии “Муҳофиза” иҷро гардидаанд.

Ҳамчунин имрӯз Эмомалӣ Раҳмон, раисҷумҳури Тоҷикистон ва раиси шаҳри Душанбе Рустами Эмомалӣ дар маҳаллаи Чортеппаи пойтахт марҳилаи аввали Корхонаи дӯзандагии “Тоҷтекс”-ро ифтитоҳ карданд.

Иншооти навбунёд аз се ошёна иборат буда, дар он истеҳсоли сару либоси мардонаву занона ба роҳ монда шудааст. Ҳамчунин коргоҳ барои кӯдакон низ либосҳо  истеҳсол менамояд.

Гуфта шудааст, ки “Тоҷтекс” ҳамзамон истеҳсоли таҳпӯшро низ роҳандозӣ кардааст ва барои истеҳсоли маҳсулоти мувофиқ ба стандартҳои байналмилалӣ мутахассисони соҳибтаҷриба ба кор ҷалб гардидаанд.

Манбаъ таъкилд доштааст, ки корхонаи дӯзандагии “Тоҷтекс” дар як шабонарӯз имкон дорад то 20 ҳазор адад сару либоси гуногунро истеҳсол карда, дар маҷмӯъ, дар як моҳ аз 250 то 500 ҳазор дона либосро омода ва ба харидорон пешниҳод намояд. Дар маҷмӯъ, корхона тавлиди бештар аз 50 навъи маҳсулотро роҳандозӣ кардааст, ки мувофиқ ба талаботи ҷаҳонӣ истеҳсол мегардад.

“Иқтидори тавлидотӣ ва сифати маҳсулоти истеҳсолнамуда имконият медиҳад, ки минбаъд сару либоси он чун маҳсулоти рақобатпазиру ивазкунандаи воридот дар бозорҳои мамлакат ба фурӯш бароварда шавад”, - зикр намудааст дафтари раисҷумҳури кишвар.

Роҳбарияти корхона дар оянда ҳадаф доранд, ки содироти маҳсулоти корхонаро ба дигар кишварҳо роҳандозӣ намуда, маҳсулоти Тоҷикистонро дар бозорҳои ҷаҳонӣ муаррифӣ кунанд.

Мавриди зикр аст, ки боқимондаи маҳсулоти коркардшуда низ харидорони худро дошта, партови он ба дигар корхонаҳо интиқол меёбаду дар соҳаи саноат истифода бурда мешавад.

Гуфта шудааст, ки коргоҳи нав аз ҷониби соҳибкори ватанӣ Азиза Қосимӣ бунёд гардида, ба истиқболи 30-юмин солгарди Истиқлолияти Тоҷикистон ба истифода дода шуд.

Корхонаи навтаъсис таҷҳизоти муосири истеҳсолӣ, ки аз Тайван ва Туркия дастрас гардидаанд, насб шуда, сифати баланди маҳсулотро таъмин хоҳанд кард.

“Барои ородиҳии маҳсулоти ниҳоӣ дастгоҳи махсуси чопӣ дар коргоҳ насб гардидааст, ки мувофиқи завқи харидорон дар рӯи либосҳо расму навиштаҷоти гуногунро чоп мекунад. Бо истифода аз ин дастгоҳ, ки ба иттилои масъулин айни замон дар мамлакат ягона мебошад, чопи манзараҳои зебои кишвар, навиштаҷоти гуногун ва нақшу нигори миллӣ дар рӯи либосҳои мардонаву занона роҳандозӣ гардидааст. Дар маҷмӯъ таҷҳизоти кории корхонаи навтаъсис аз ширкатҳои пешқадам харидорӣ гардида, дар муқтадиртарин ширкатҳои нассоҷии ҷаҳонӣ истифода мегарданд”, - қайд кардааст манбаъ.

Бо истифода аз имконот дар коргоҳи навтаъсиси “Тоҷтекс” тамоми марҳилаҳои истеҳсолии сару либос мувофиқ ба талаботи ҷаҳонӣ истеҳсолот сурат мегирад.

Ҳамзамон масъулини ин корхона ба раисҷумҳури кишвар иттилоъ доданд, ки айни замон сохтмони навбати дигари иншооти мазкур идома дошта, дар он сехи дӯзандагӣ, марказҳои хизматрасонӣ, маркази савдо, намоишгоҳи махсуси сарулибос ва дафтари корӣ ҷой дода мешавад.

Манбаъ таъкид доштааст, ки дар давоми ду соли баъдӣ иншооти мазкур бунёд хоҳад ёфт, ки ин иқдом ба таъсиси ҷойҳои нави кориву рушди истеҳсоли сару либоси ватанӣ мусоидат хоҳад кард.

0
Барчаспҳо:
ВУД, ифтитоҳ, истифода, пойтахт, раиси шаҳр, президент, Рустам Эмомалӣ, Эмомалӣ Раҳмон, Тоҷикистон