Манотиқи наздимарзии Тоҷикистону Қирғизистон, акс аз бойгонӣ

Низомиёни қирғиз монеъи манорасозии марзбонҳои тоҷик шудаанд

407
(Таҷдидшуда 18:12 15.09.2019)
Гурӯҳи афсарону сарбозони Қирғизистон монеъи сохтмони манораҳои назоратӣ дар сарҳади ноҳияи Бобоҷон Ғафуров шудаанд

ДУШАНБЕ, 15 сен — Sputnik. Мақомоти марзбонии Тоҷикистон ба бунёди манораҳои назоратӣ дар ҳудуди ҷамоати Овчӣ-Қалъачаи ноҳияи Бобоҷон Ғафуров машғул шудаанд. Мақомоти тоҷик ҳадафи сохтмони манораҳоро таъмини амнияти сокинон ва пешгирӣ аз ҳодисаҳои номатлуб арзёбӣ мекунанд.

Манобеъ аз Раёсати сарҳадбонии Тоҷикистон гуфтанд, ки 14 сентябр қабл аз зуҳр, як гурӯҳ афсарони қирғиз ба сарҳади ҷамоати Овчӣ-Қалъаҷаи ноҳияи Б. Ғафуров ворид шуданд, то марзбонони тоҷикро аз бунёди манораҳои назоратӣ дар қаламрави назоратии худ боздоранд.

Ҳоло вазъи сарҳади миёни ноҳияи Бобоҷон Ғафуров ва ноҳияи Лайлаки Қирғизистон ором аст, вале сокинон мегӯянд, шумори афсарону сарбозони мусаллаҳи қирғиз дар марз аз дирӯз боз бештар ба назар мерасад.

Як сокини ҷамоати Овчӣ-Қалъача, ки аз бурдани номаш худдорӣ кард, гуфт, дида мешавад, ки шумори афсарон то ба 150 нафар афзоиш ёфта ва дар масофаи наздик ба марзи деҳоти ҷамоати Овчӣ-Қалъача дар боми бинои мактаб ва иморатҳои ҳудуди деҳаи Мақсади ноҳияи Лайлак ҷойгир шудаанд.

Бархе аз сокинону шореҳон ин амали ҷониби Қирғизистонро иғво ва талоши фишор ба кори Комиссияи муайянсозию аломатгузории хатти марз медонанд.

Ноҳияи Б. Ғафуров бо ноҳияи Лайлаки Қирғизистон ҳамсарҳад  буда, миёни ҳам 34 километр замини ҳамҳудуд доранд. Марзи муштараки ин ду ноҳия дар ҷамоати деҳоти Овчӣ-Қалъачаи ноҳияи Б. Ғафуров ва ҷамоати деҳоти ноҳияи Лайлаки Қирғизистон қарор дорад. Минтақаҳои баҳсӣ миёни ин ду ноҳия вуҷуд доранд ва дар айни ҳол назорати қисмате аз онро сарҳадбонони Тоҷикистон ва қисми дигарро марзбонони қирғиз ба зимма доранд.

Ҷониби қирғизҳо дар минтақаи таҳти назорати худ, чандин манораҳои назоратӣ бунёд кардаанд.

407
Барчаспҳо:
сохтмон, манора, Сарҳадбонони тоҷик, марз, Қирғизистон, Тоҷикистон

Роспотребнадзор гуфт, кӯмакҳояшро ба Тоҷикистон дар мубориза алайҳи COVID-19 идома медиҳад

59
Мутахассисони Роспотребнадзор натиҷаҳои талошҳои муштаракро дар мубориза бар зидди коронавирус дар кишварҳои ИДМ, аз ҷумла Тоҷикистон зикр карда гуфтаанд, шиддати афзоиши беморӣ коҳиш ёфтааст

ДУШАНБЕ, 10 авг — Sputnik.  Мутахассисони Роспотребнадзор маслиҳатдиҳии онлайниро ба ҳамкасбони худ дар Тоҷикистон, Қирғизистон ва Қазоқистон идома дода, умедвори ба эътидол овардани вазъ дар ин кишварҳо ҳастанд, гуфт роҳбари ин ниҳод Анна Попова.

"Ҳамкасбон аз Тоҷикистон, Қирғизистон ва Қазоқистон баргаштанд ва мо машваратҳо дар самти онлайнро барои расонидани кӯмак идома медиҳем. Имрӯз натиҷаҳои кӯшишҳои муштарак дар ин кишварҳо аллакай аёнанд: суръати афзоиш коҳиш меёбад, динамика беҳтар шуда истодааст”,-гуфтааст, роҳбари Роспотребнадзор дар ҷаласаи Раёсати Шӯрои ҳамоҳангсозии назди ҳукумати Федератсияи Россия оид ба мубориза бо коронавирус.

Ӯ гуфтааст, ба дастовардҳои муштараки мусбати натиҷаҳо барои ба эътидол овардани вазъ берун аз қаламрави Федератсияи Русия, умедвора аст.

Вай қайд кардааст, ки Роспотребнадзор мувофиқи дастурҳои президенти Федератсияи Русия ва роҳбари ҳукумат корашро дар самти расонидани кӯмак дар мубориза бар зидди COVID-19 ба ҳамкорон аз кишварҳои пасошӯравӣ ва хориҷи дур идома медиҳад.

Раҳбари Роспотребнадзор  ҳамчунин гуфтааст, кормандонаш ҳамзамон дар Гвинея ва Ветнам барои мубориза бо коронавирус кори худро идома медиҳанд.

"Роспотребнадзор": мавҷи дуюми коронавирус ва зуком дар тирамоҳ шадидтар мешавад

Вай шарҳ дод, ки дар Гвинея таҳқиқоти теъдоди зиёди одамон, аз ҷумла роҳбарияти кишвар, дар заминаи лабораторияи Роспотребнадзор дар шаҳри Киндия гузаронида мешавад.

Номбурда гуфтааст, ҳамзамон гурӯҳи корӣ дар Бейрут ва Абхозистон фаъолият доранд.

59
Золотые монеты царской чеканки

Боздошти сокини Суғд барои фурӯши 12 тангаи тиллоии замони Русияи подшоҳӣ-видео

278
(Таҷдидшуда 21:04 10.08.2020)
Вазорати умури дохилии Тоҷикистон нисбат ба як сокини ноҳияи Бобоҷон Ғафуров парвандаи ҷиноӣ боз кардааст, ки барои ба муомилот баровардани тангаҳои таърихӣ муттаҳам мешавад

ДУШАНБЕ, 10 авг — Sputnik.  Бино ба гузориши Акбар Шариф, сухангӯи РВКД дар вилояти Суғд, парвандаи ҷиноӣ нисбат ба сокини 45 солаи ин ноҳия Абдусалом Зикриллоев кушода шудааст.

Ба иттилои манбаъ, Абдусалои Зикриллоев барои ба муомилот баровардани тангаҳои Русияи подшоҳӣ, ки аз тиллои холис омода шудааст, муттаҳам мешавад.

Манбаъ мегӯяд, сиккаҳои тиллоӣ 94,47 грамм вазн дошта, иёр ва ё пробаи он ба 900 баробар аст, ки ҳамчун метали қимматбаҳо додугирифти озодонаи он манъ карда шудааст.

Гуфта мешавад, тангаҳои мусодирашуда 2 адад панҷрубла ва 10 адад даҳрубла бо навиштаҷоти Николайи 11 аз метали холис сохта шуда, ба салтанати Русияи подшоҳӣ мансубият доранд, ки муомилоти он ба асри 19 рост меояд.

Дар навори видеоӣ Абдусалом Зикриллоев мегӯяд аз мамнуъияти муомилоти тангаҳо огоҳӣ надошт.

Номбурда тасмим доштааст, тангаҳоро бар ивази 6 ҳазору 600 доллар ба муомилот баровара, ки замони фурӯхтан аз сӯи маъмурини пули боздошт шудааст.

Соли барориши тангаҳо аз 1894 то 1904-ро ташкил медиҳад, афзудааст манбаъ.

ВУД мегӯяд нисбат ба ҳодисаи мазкур парвандаи ҷиноӣ оғоз шудааст.

278
Неделя моды в Душанбе. архивное фото

Фарзонаи Хуршед дар бораи бегонагӣ бо Фаридун ва "шери нар" - и наваш - видео

1375
(Таҷдидшуда 20:58 10.08.2020)
Сарояндаи машҳури тоҷик Фарзонаи Хуршед дар бораи бегонагӣ бо собиқ ҳамcараш овозхони шинохта Фаридуни Хуршед ва ишқи наваш гуфт

ДУШАНБЕ, 10 авг – Sputnik. Сарояндаи машҳури эстрадаи тоҷик Фарзонаи Хуршед дар барномаи шабакаи "Пешсаф" дар бораи зиндагии шахсияш нақл кард.

Ӯ гуфт бо ҳамсари пешинаш Фаридуни Хуршед чор сол шуд ягон иртиботе надорад ва аз тавлиди фарзанд дар хонаводаи Фаридун хушҳол аст.

"Вақте дар хонае тифл ба дунё меояд дар он хонавода 60 рӯз фариштаҳо фурӯд меояд. Закияҷони азиз ба табрики додараш рафт, ман хушҳол шудам. Хурсандии як банда барои ман хурсандӣ аст. Худованд шоҳид ҳаст, ки ман нисбати Фаридун ғайр аз он кӣ ӯ падари фарзандонам ҳаст, ягон эҳсосоти дигар надорам. Фақат ҳурматаш мекунам ба он хотире кӣ ӯ падари фарзандонам аст", - гуфт Фарзона ва афзуд, ки Закияро худ барои табрикоти падараш равон кард.

Фарзона ба мухлисонаш муроҷиат карда хоҳиш намуд, ки ба ӯ аз Фаридун суол накунанд, чун аллакай барои ӯ инсони бегона аст.

"Шавҳар наздиктарин шахс барои зан аст, вале вақте ҷудо шудӣ бегонатарин инсон барои ту мешавад", - таъкид мекунад Фарзона.

Фарзонаи Хуршед аз камтарин сарояндаҳоест, ки бо дигар ҳунармандон дӯстӣ надорад ва ба қавли аксари мардум бисёр ҳавобаланд аст.

Фарзона мегӯяд аз тарси халалдор кардани ин ё он нафар ӯ бо касе ошноӣ намекунад ва дӯстони наздиктаринаш модару аппаҳояш ҳастанд.

"Вақте касе бо ман аз наздик ошно мешавад, мегӯяд ту чӣ қадар духтари хуб будаӣ, вале ман фикр мекардам, ки ту бисёр ҳавобаланд ҳастӣ".

Фарзонаи Хуршед такаббури худро кори ген гуфт.

"Бобои падариям рус ҳаст ва бибии падарам бошад эронист. Шояд аз ин сабаб виқори баланд дорам, вале дилам соф аст", - мегӯяд Фарзона.

Сароянда дар хотимаи барнома ҳамчунин дар бораи ишқи наваш гуфт ва ҳатто акси марди ҳаёташро ба муҷрии барнома нишон дод.

"Марди воқеъӣ - шери нар интихобатро нигоҳ намекунад. Албатта дар зиндагии ман шери нар ҳаст",- гуфт Фарзона.

1375
Барчаспҳо:
бегона, шавҳар, ҳамсар, Фаридуни Хуршед, Фарзонаи Хуршед