Мошини ёрии таъҷилӣ, акс аз бойгонӣ

Ду садамаи маргбори рӯзи якшанбе дар Тоҷикистон

136
(Таҷдидшуда 13:59 23.09.2019)
Вазорати умури дохилии Тоҷикистон аз ду садамаи маргбор хабар дод, ки рӯзи якшанбеи 22 сентябр дар навоҳии кишвар рух доданд

ДУШАНБЕ, 23 сен — Sputnik. Тибқи иттилои ВУД, рӯзи 22-юми сентябри соли 2019, тахминан соати 08:30, ронандаи трактори тамғаи “Т-16-М”, пиёдагарди хурдсол, хонандаи синфи 1-ро зер кардааст.

“Ронандаи трактор, сокини 38-солаи шаҳри Турсунзода, ҳангоми ҳаракат аз самти деҳаи С.Табаров-1 ба самти деҳаи С.Табаров-2-и шаҳри мазкур аз уҳдаи идораи воситаи нақлиёт набаромада, ноболиғ Асомиддинов Ҷӯрабек Бобошарифович, соли таваллудаш 2012, сокини деҳаи С.Табаров-2, хонандаи синфи 1-уми МТМУ-ро пахш намудааст”, - омадааст дар иттилоия.

Ба иттилои ВУД, дар натиҷа, ноболиғ Асомиддинов, ҷароҳати вазнини ҷисмонӣ бардошта, дар беморхона ба ҳалокат расидааст.

Садамаи дигари маргбори рӯзи 22-юми сентябр, тахминан соати 15:15-дақиқа дар ноҳияи Мастчоҳ рух додааст.

“Ронандаи автомашинаи тамғаи “Опел-Зефира”, Саидзода Ҳалим Маҳмадсаид, соли таваллудаш 1980, сокини ноҳияи Мастчоҳ, ҳангоми ҳаракат бо роҳи нақлиётгарди “Бӯстон-Азизобод”, дар худуди заминҳои хоҷагии деҳқонии Х.Амиров, аз уҳдаи идораи автомашина набаромада, ба симчӯби тарафи чапи роҳ бархӯрда, сипас ба дохили канали обгузар чаппа шудаст”, - тавзеҳ додааст ВУД.

Дар натиҷа, худи ронанда Саидзода ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

ВУД  таъкид намуд, ки феълан таҳқиқи ин ҳодисаҳо идома дорад.

136
Детская игрушка возле дороги

Садамаи мудҳиши маргбор дар Шаҳритус: ронанда модару кӯдаконашро пахш карду гурехт

110
(Таҷдидшуда 13:30 08.08.2020)
Вазорати умури дохилии Тоҷикистон аз боздошти як сокини 32 солаи ноҳияи Шаҳритус хабар медиҳад, ки чор узви як хонаводаро пахш кардааст

ДУШАНБЕ, 8 авг — Sputnik. Бино ба иттилои манбаъ, садамаи маргбор санаи 6-уми августи соли ҷорӣ, тахминан соатҳои 19:50 дақиқа рух додааст.

Манбаъ мегӯяд, ронандаи автомашинаи тамғаи “Опел-Астра”, Менглиев Ҷӯрабек Ҳусанович, соли таваллудаш 1988, сокини ноҳияи Шаҳритус ҳангоми ҳаракат аз самти деҳаи Чоршанбе ба самти маркази ноҳияи Шаҳритус дар ҳудуди деҳаи Чинор бо суръати баланд ҳаракат намуда, аз ӯҳдаи идораи воситаи нақлиёт набаромада, саравал як сар чорвои калони шохдорро пахш намуда, баъдан ба қисми канори рости роҳ баромада пиёдагардонро пахш кардааст.

Гуфта мешавад, пиёдагардон Рузиева Умеда Тургуновнаи 18 сола, Алимардонова Тоҷихол Маматалиевнаи 23 сола ва фарзандони хурдсолаш Рузиева Мафтуна Бурибоевнаи 2 сола ва  Рузиев Неъматулло Бурибоевичи хануз яксола нашуда пас аз пахши мошин ҳалок шудаанд.

Ба иттилои манбаъ, ҳалокшудагон истиқоматкунандагони, ҷамоати деҳоти Х.Холматов буда, ронанда пас аз пахи онҳо аз ҷойи ҳодиса гурехтааст.

Садамаи мудҳиш дар роҳи "Душанбе-Хуҷанд": мард бо чор фарзанд ва занаш ба ҷарӣ чаппа шуд

“Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ронанда Менглиев Ҷ.Ҳ. дастгир карда шуд” ,-афзудааст манбаъ.
ВУД мегӯяд, аз рӯи ин ҳодиса таҳқиқот идома дорад.

110

Ҳабсу парванда алайҳи табибони Хуҷанд: прокурор гуфт, ба қасами хӯрдаатон хиёнат накунед

341
(Таҷдидшуда 12:57 08.08.2020)
Прокурори шаҳри Хуҷанд дар ҷаласа аз табибони шаҳри Хуҷанд таъкид намудааст, ки дигар ба ҷиноятҳои коррупсионӣ даст назананд ва рисолати касбии худро бо дасту дили пок ба иҷро расонанд

ДУШАНБЕ, 8 авг – Sputnik. Авазҷон Назарзода, прокурори Хуҷанд дар мулоқот бо ҳайати кормандони Бемористони клиникавии № 1 и шаҳр дар бораи содиршавии ҷиноятҳои коррупсионӣ аз сӯи шуморе аз табибон гуфтааст.

“Бо вуҷуди бурдани корҳои тарғиботӣ ва пешгирии қонуншиканӣ дар истеҳсолоти прокуратураи шаҳри Хуҷанд якчанд парвандаи ҷиноятӣ нисбати кормандони соҳаи тандурустии шаҳри Хуҷанд қарор дошта, алакай ду нафари гумонбар дар содир намудани ҷиноятҳои хусусияти коррупсионидошта ба ҳабс гирифта шудаанд”, гуфт Назарзода.

Прокурори Хуҷанд, дар суҳбат бо табибон афзудааст, ки бо вуҷуди дастгириҳои давлатӣ ва афзун намудани маоши кормандони соҳа, мутаассифона духтуроне ҳастанд, ки бо кирдорҳои ношоистаи худ доғ ба номи пуршарафи табибон меоранд ва эътимоди мардумро ба онон коста мегардонанд.

Назарзода аз кулли кормандони Беморхонаи клиникавии № 1 и Хуҷанд қатъӣ талаб намудаст, ки ба амалҳои коррупсионӣ даст назаданд ва шарафи худро поён набаранд.

“Табибон набояд бо ҳаргуна амалҳои номатлуб даст зада, шаъну эътиборашонро дар байни ҷомеа паст намоянд ва хилъати сафеди худро доғдор созанд. Бояд ҳар як нафар корманди ин даргоҳ бо дасту дили пок вазифаи худро иҷро намуда ба қасами ёдкардаи касби худ хиёнат накунад”, гуфтааст прокурор.

Таъкиди прокрор ба табибони Хуҷанд дар ҳолест, ки чанде қабл масъулони Раёсати Агентии назорати давлатии молиявӣ ва мубориза бо коррупсия дар вилояти Суғд аз парвандаи ба порадиҳӣ даст доштани Бобоҷониён Раҳмон, сардори муассисаи давлатии Кумаки аввалияи тиббию-санитарии шаҳри Истаравшан хабар дод.

"Санаи 18 - уми июни соли 2020, вақте кормандони оперативии мо барои санҷиш мераванд, роҳбари муассисаи давлатии Кумаки аввалияи санитарю тиббӣ” и шаҳри Истаравшан Бобоҷониён Раҳмон ба кормандони мо пора пешниҳод мекунад. Дар вақти додани пора 1900 доллари амрикоӣ ва 1000 сомонӣ пора Бобоҷнониён дастгир карда шуда, нисбаташ бо моддаи 320 қисми 1 парвандаи ҷиноятӣ оғоз карда шуда, айни ҳол тафтиши пешакӣ идома дорад”, - иттилоъ дод, Шараф Аваззода, сардори Ожонси мубориза бо фасод дар Суғд.

341
Барчаспҳо:
вохӯрӣ, масъулият, ҳабс, парванда, хиёнат, қасам, муроҷиат ба табибон, прокурор, Тоҷикистон
Медицинские сотрудники перевозят тела в рефрижераторный грузовик

Омори ҷадиди коронавирус дар ҷаҳон: беш аз 6 000 нафар дар як рӯз фавтиданд

0
Созмони ҷаҳонии беҳдошт охирин маълумот дар мавриди сироятшудагону шифоёфтагон ва ҳамчунин қурбониёни маризии коронавирус нашр кард

ДУШАНБЕ, 8 авг – Sputnik. СҶБ мегӯяд, шабонарӯзи гузашта дар ҷаҳон боз беш аз 283 ҳазор мавориди ҷадиди сироятшавӣ ба маризии коронавирус сабт гардид.

Ба ҳамин минвол, алъон теъдоди умумии сироятёфтагон ба ин маризӣ 19 546 748 нафарро ташкил медиҳад.

Дар як рӯзи охир аз ин маризӣ 6448 бемор ҷон бохтанд, ки шумораи умуми қурбониён акнун ба 724 123 нафар расидааст.

Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд

Манбаъ меафзояд, дар минтақаи Амрикои Шимолӣ ва Ҷанубӣ давоми шабонарӯзи охир 154 118 нафар сироят ёфта, 4 598 нафар беморон вафот кардаанд. Дар Аврупо давоми 24 соати охир шумораи гирифторон 25 473 нафар ва ҳолатҳои фавт 416 кас зиёд шуд.

Дар минтақаи Осиёи Ҷанубу Шарқӣ, ки аз рӯи шумораи сироятёфтагон дар ҷаҳон дарн ҷойи сеюм қарор дорад, давоми шабонарӯзи гузашта 67 863 нафар ба COVID-19 гирифтор шуда, 999 беморон вафот кардаанд.

Қобили зикр аст, ки дар Тоҷикистон то ҳол беш аз 7,5 ҳазор дардмандони коронавирус ба қайд гирифта шудааст. Ҳамчунин дасти кам 62 мариз ҷон аз даст доданд.

0
Мавзуҳо:
Пайомадҳои COVID-19 дар Тоҷикистон ва ҷаҳон