Knife

ВУД: дузде, ки соҳибхонаро корду каланд зада гурехт, боздошт шуд

348
(Таҷдидшуда 11:35 25.09.2019)
Кормандони милитсияи Тоҷикистон, дуздеро ки соҳибхонаро ба корду каланд зада аз ҷоии ҳодиса гурехт, боздошт намуданд

ДУШАНБЕ, 25 сен — Sputnik. Марде, ки ҳангоми дуздӣ бо соҳибхона рӯ ба рӯ шудаасту, ӯро бо корду каланд зада аз ҷои ҳодиса ғайб зад, аз ҷониби кормандони милитсия дастгир шуд, иттилоъ додааст дафтари матбуоти Вазорати умури дохилаи Тоҷикистон.

Тавре манбаъ қайд намудааст, аз ҷониби кормандони милитсияи ноҳияи Ҷаббор Расулов марди 41-солаи сокини ноҳияи Спитамен бо гумони расонидани зарари миёна ба саломатӣ дастгир карда шуд. 

“Номбурда, рӯзи 17-уми сентбяри соли 2019, тахминан соатҳои 02:00, бо мақсади дуздӣ ба ҳавлии истиқоматии марди 49-солаи сокини ҷамоати деҳоти Гулхонаи ноҳияи Ҷ.Расулов даромада, дар он ҷо бо соҳибхона дарафтода, бо корд як маротиба ба пойи чапи ӯ зада, аз кирдори худ қонеъ нашуда, боз як маротибаи дигар бо каланд ба сараш зада, аз ҷойи ҳодиса ғайб задааст”, таъкид намудааст манбаъ.

ВУД Тоҷикистон зикр намудааст, ки ҷабрдида зарари миёна ба саломатиаш бардошта, дар беморхона бистарӣ гардидааст.

Дар ҳоли ҳозир, нисбати номбурда парвандаи ҷиноятӣ бо моддаи 111 қисми 1 Кодекси ҷиноятии Тоҷикистон оғоз карда шуда, тафтишот идома дорад.

348
Барчаспҳо:
боздошт, хона, дуздӣ, Тоҷикистон
Пассажиры в здании Казанского вокзала во время дезинфекционной обработки вокзала

Анҷумаи ширкатҳои сайёҳии Русия бозшавии сарҳадҳоро пешгӯӣ кард

40
(Таҷдидшуда 12:34 11.07.2020)
Анҷумаи ширкатҳои сайёҳии Русия пешгӯии хушбинонаро барои  барқарор кардани парвозҳои байналмилалӣ гуфт

ДУШАНБЕ, 11 июл – Sputnik. Парвози хатсайрҳои мусофирбари ба минтақаҳои сайёҳие, ки маъмулан мардуми рус ба он таваҷҷуҳ доранд, дар гумон аст пеш аз  охири моҳи сентябр - октябр барқарор шавад,  гуфт  Мая Ломидзе, директори иҷроияи Анҷумани ташкилотҳои сайёҳии Русия (ATOR) зимни суҳбаташ дар эфири радиои "Говорит Москва".

Мая Ломидзе изҳор доштааст, ки пешгӯии аз ҳама хушбинона авохири моҳи сентябр – октябр хоҳад буд.

Ба гуфтаи вай, дар навбати аввал, интиқол ба ҷойҳои маъмултарини туристӣ дубора барқарор карда мешавад.

Вай илова намуд, ки набояд дар илова ба ҳодисаҳои рухдода асабонияти худро зиёд кард.

"Аммо ин маънои онро надорад, ки мо дар соли 2020 ба ҳеҷ ҷо парвоз нахоҳем кард. Албатта, ин саволест, ки ҳама ҳам сайёҳон ва ҳам соҳаи туризм мепурсанд. Ин як саволи муҳим аст, вақте имконпазир мешавад мо на танҳо шаҳрвандони худро фиристем, балки шаҳрвандони хориҷиро низ қабул мекунем".

Ба гуфтаи вай, бояд дарк кард, ки вазъ хеле зуд тағир меёбад.

Ломидзе ёдовар шуд, ки Хорватия охири моҳи июн боз шуд, дар моҳи май Туркия эълом дошт, ки барои қабули шаҳрвандони Русия омода аст.

"Булғория омодагии худро барои қабули шаҳрвандони Русия эълом кард. Ҳама эҳсос доштанд, ки фавран, агар пагоҳ набошад, пас аз фардо, мо ба баъзе кишварҳо парвозро оғоз хоҳем кард" Анҷумани ширкатҳои сайёҳӣ.

Вай афзуд, ки агар вазъи эпидемиологӣ дар ҷаҳон бадтар шавад, маҳдудияти кушодани сарҳадҳо метавонад тамдид ёбад. Бар асоси пешгӯиҳо, равуои байналмилалӣ танҳо дар моҳи декабр дубора барқарор мешавад.

"Ҳоло мо медонем, ки кушодашавии парвозҳо ба ягон минтақаи сайёҳӣ то охиримоҳи июл мӯъҷиза хоҳад буд, ва дар гумон аст. 99 фоиз - не. Август сахт зери суол аст" гуфт ӯ.

Ёдовар мешавем, ки бар асари пандемияи коронавирус, Русия парвозҳои байналмилалии нақшавӣ ва чартериро 27 март ба таъхир андохт.

 

40
Велосипед на тропинке, архивное фото

Боздошти ноболиғи 16-сола, ки қаблан ҳам суд шудааст

53
(Таҷдидшуда 12:26 11.07.2020)
Вазорати умури дохилии Тоҷикистон аз боздошти як навраси 16-cола бо иттиҳоми ғоратгарӣ хабар дода, афзуд, ки муттаҳам қаблан низ суд шудааст

ДУШАНБЕ, 11 июл — Sputnik. Тибқи иттилои ВУД, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ноболиғи 16-сола, сокини ноҳияи Шоҳмансур дастгир гардид, ки пеш бо моддаи 247 Кодекси ҷинояти Тоҷикистон барои қаллобӣ суд шудааст.

ВУД таъкид кард, ки феълан наврасро бо гумони содир намудани ҷинояти ғоратгарӣ дастгир кардаанд.

"Номбурда, санаи 20-уми июни соли 2020, тахминан соати 14:00 дақиқа ҳангоми дар назди беморхонаи №4 қарор доштанаш, бо тариқи ошкоро ноболиғ, 13-солаи сокини ноҳияи Рӯдакиро лату кӯб намуда, аз дасташ 1 адад дучархаро тасарруф карда, аз ҷойи ходиса гайб задааст", - омадааст дар иттилоия.

Муин Ғафуров: ба ҷои UFC, размикор метавонад ба Ҷопон биравад

Манбаъ зарари расонидашударо 500 сомонӣ арзёбӣ карда, таъкид намуд, ки феълан тафтиши ҳодиса идома дорад.

53
Флаги России и Кыргызстана

Сафорати Қирғизистон дар Русия кумак хост: қирғизҳо ба бино ва кормандон он ҳамла мекунанд

0
(Таҷдидшуда 12:58 11.07.2020)
Шаҳрвандони Қирғизистон ба сафорати кишварашон дар Русия ҳамла намуда чандин кормандонро латукӯб намуданд

ДУШАНБЕ, 11 июл – Sputnik. Сафорати Қирғизистон дар Русия тадобири амниятиро тақвият дода, аз мақомоти ҳифзи ҳуқуқ талаб мекунад, ки бо шаҳрвандони Қирғизистон, ки намояндагони дипломатиро латукӯб ва таҳдид мекарданд, мубориза баранд.

Гуфта мешавад, феълан Сарраёсати умури дохилии Русия дар Маскав муайян мекунад, ки кӣ дар WhatsApp ба хароб намудани бинои сафорати Қирғизистон дар ин кишвар даъват карда, кормандони онро мавриди ҳамла қарор доданд.

Фаврӣ: 13 парвози дигар аз Русия ба Тоҷикистон дар моҳи июл - ҷадвали парвозҳо

Зимнан, ду изҳороти кормандони сафорат дар бораи далели расонидани зарари ҷисмонӣ ҳангоми иҷрои вазифаҳои хизматӣ ба қайд гирифта шудааст. Дар робита ба ин ҳолат, нисбати ду шаҳрванди Қирғизистон чораҳои тафтишотӣ бурда мешаванд.

Ҳамин тариқ, сафорат ба Вазорати умури хориҷӣ ва мақомоти ҳифзи ҳуқуқи Федератсияи Русия муроҷиат карда, дархости кумак намуд.

Сафорат дархост намудааст, ки барои ҳифзи бино аз воридшавӣ ва ё вайроншавӣ ва ҳамчунин аз пешгирӣ аз сӯиқасд ба кормандони сафорат  чораҳои дахлдор андешида шаванд.

0
Барчаспҳо:
кумак, Русия, сафорат, Қирғизистон