ДТП, архивное фото

Дар Суғд бар асари садамаҳои нақлиётӣ 77 нафар ҷон бохтаанд

1662
(Таҷдидшуда 14:30 26.09.2019)
Давоми 8 моҳи охири соли равон дар роҳҳои мошингарди вилояти Суғд дасти кам 205 садамаҳои нақлиётӣ рух доданд, ки муҷиб ба ҳалокати 77 нафар шуданд

ДУШАНБЕ, 26 сен — Sputnik. Дар вилояти Суғд давоми 15 рӯзи ахири моҳи ҷорӣ аз ҷониби пулиси роҳ наздики 30 ронандаи сархуш боздошт гардидаанд, хабар медиҳад сомонаи SUGDNEWS.

Бар хабари манбаъ, дар ҳашт моҳи охири соли равон дар роҳҳои ин вилоят 205 садамаҳои нақлиётӣ рух додаанд, ки бар асари он 77 нафар ҷони худро аз даст дода, 225 тани дигар ҷароҳат бардоштанд.

Манбаъ меафзояд, ки омили асосии сар задани садамаҳои нақлиётӣ, ин аз меъёр баланд рондани нақлиёт ва дар ҳолати сархушӣ ҳай кардани мошин ба ҳисоб меравад.

Ҳалокати ду зан дар садамаҳои нақлиётии рӯзҳои ахир

Феълан кормандони БДА дар вилояти Суғд мегӯянд, ки алайҳи 30 ронандае, ки дар ҳолати сархушӣ боздошт гардиданд, протоколи маъмурӣ тартиб дода ба додгоҳ ирсол гардидааст.

Ёдовар мешавем, ки моҳи августи соли 2017 ба баъзе моддаҳои Кодекси ҳуқуқвайронкунии маъмурӣ ва Кодекси ҷиноятии Тоҷикистон тағйирот ворид карда шуд.

Садамаи нақлиётӣ дар дохили нақби "Озодӣ" як кушта ва як захмӣ барҷой гузошт

Ҳамакнун тибқи моддаи 332 Кодекси ҳуқуқвайронкунии маъмурӣ дар сурати боздошти ронанда дар ҳолати мастӣ, ӯро 300 нишондиҳанда барои ҳисоб ва ё ҳабси маъмурӣ ба мӯҳлати 15 рӯз интизор аст. 

Гузашта аз ин ронанда то панч сол аз ҳаққи рондани воситаи нақлиёт маҳрум мешавад.

1662
Барчаспҳо:
ҳалокат, мошин, садама, Суғд
Президент Кыргызской Республики Сооронбай Жээнбеков

Жээнбеков: дар ҳар як мулоқот бо Раҳмон мо масъалаи сарҳадро муҳокима мекунем

258
Президенти Қирғизистон Сооронбой Жээнбеков дар як мусоҳиба мавзӯи коронавирус ва вазъи сарҳадиро бо Тоҷикистон матраҳ кард

ДУШАНБЕ, 8 авг — Sputnik.  Дар ҳоли ҳозир корҳо барои мушаххас кардани сарҳади Тоҷикистону Ӯзбекистон идома доранд, гуфт п резиденти Қирғизистон Сооронбой Жээнбеков дар мусоҳиба бо радиои "Биринчи Радио".

Президент қайд кард, ки вақте кор беҳтар шуд, музокирот пас аз паҳншавии коронавирус қатъ карда шуд, аммо ба ҳар ҳол, мулоқотҳо оид ба ин масъала, хусусан дар сарҳади Қирғизистону Тоҷикистон, идома доранд.

"Дар ҳама ҷое ки мо бо ҳамтои тоҷикам Эмомалӣ Раҳмон мулоқот мекардем, мо ҳамеша масоили сарҳадро баррасӣ мекунем. Ислоҳотҳо ҳастанд, аммо мушкил тавре ки ман қаблан зикр кардаам, ҳалли худро наёфтааст. Аммо, миёни ду кишвар ҳусни тафоҳум вуҷуд дорад" гуфт Жээнбеков.

Коронавирус ба музокироти марзии Тоҷикистону Қирғизистон таъсир расонд

Сарвари Қирғизистон қайд кард, ки баъзан шиддат дар масъалаҳои марзӣ бо мушкилоти ҳамарӯза афзоиш меёбад, аз ин рӯ мақомоти маҳаллӣ бо мардум зич ҳамкорӣ мекунанд.

Жээнбеков: вазъ дар марз бо Тоҷикистон то ҳол мушкил мемонад

Жээнбеков илова кард, ки ин мавзӯъро яктарафа ҳал кардан мумкин нест. Вай изҳори итминон кард, ки мавзӯи баҳсбарангез тавассути гуфтугӯ ҳаллу фасл хоҳад шуд.

258
Барчаспҳо:
Эмомалӣ Раҳмон, музокирот, сарҳад, Сооронбой Жээнбеков, Қирғизистон, Тоҷикистон

Мақомот: дар ҳамла ба зиндони Нангарҳор чор тоҷик ширкат доштанд

340
(Таҷдидшуда 18:55 08.08.2020)
Вазорати дифоъи Афғонистон мегӯяд, дар ҳамла ба зиндони Нангарҳор аз 11 муҳоҷим чор нафарашон шаҳрванди Тоҷикистон буданд

ДУШАНБЕ, 8 авг — Sputnik. Фавод Амон, муовини сухангӯи вазорати дифоъи Афғонистон ба Sputnik Тоҷикистон гуфт, дар ин ҳамла чаҳор шаҳрванди Тоҷикистон, се тан аз Ҳинд, як нафар аз Покистон ва се тани дигар аз Афғонистон даст доштанд.

"Ҳамаи онҳо аз сӯи нерӯҳои амниятии Афғонистон кушта шудаанд ва шахсияти онҳо таҳқиқ мешавад. Ҳамагӣ узви гуруҳи террористии ДОИШ ҳастанд", - гуфт Фавод Амон.

Тақрибан ҳаволии соати 7 – и шоми рӯзи якшанбеи гузашта як гуруҳи мусаллаҳ худрави бомбгузоришударо дар наздикии дари вурудии зиндони Нангарҳор мунфаҷир карданд ва сипас бо нируҳои муҳофизи зиндон даргир шуданд. Ин даргирӣ ҳудуди 23 соат идома дошт ва муҳоҷимон дар ин муддат девори зиндонро бо инфиҷор шикофта, ба дохили зиндон даромаданд ва 272 зиндониро раҳо сохтанд.

Тибқи иттилои вазорати дифоъи Афғонистон, дар ин ҳамла 11 шӯришӣ даст доштанд, ки илова бар онҳо 29 тан ғайринизомӣ низ кушта ва 50 тани дигар захмӣ шуданд.

Суолу фарзияҳои Серенко дар бораи ҳамла ба дидбонгоҳ: ба “ДОИШ” монанд нест

Бино ба ин манбаъ, ҳудуди 10 узви Толибон низ аз сӯи ҷангиёни муҳоҷим кушта шудаанд. Дар ҳамин ҳол, Фавод Амон мегӯяд, ҳамла ба зиндони Нангарҳор ҷузъи як силсилаҳуҷумҳои гуруҳи террористии ДОИШ дар Нангарҳор буд.

Ба қавли ӯ, гуруҳҳои дигари муҳоҷимон дар амалиётҳои ҷудогона мехостанд шаҳри Ҷалолобод, маркази Нангарҳор ва майдони ҳавоии вилоятро бомбаборон кунанд.

"Неруҳои командуи мо бо ин муҳоҷимон дар вулусволии Беҳсуд вориди ҷанг шуда, онҳоро шикаст доданд. Як гуруҳашонро, ба шумули фармондеҳи қаттоли ДОИШ ба номи Муҳаммад Саид, зинда дастгир кардем, ки сарашон таҳқиқ ҷараён дорад ва ба зудӣ аз натиҷаи ин бозрасиҳо ба расонаҳо иттилоъ хоҳем дод", - гуфт муовини сухангӯи вазорати дифоъи Афғонистон.

Дар ҳамин ҳол, бино ба иттилои расонаҳои Афғонистон, дар зиндони Нангарҳор ҳудуди 1,5 ҳазор маҳбус нигаҳ дошта мешуд, ки аз ин шумора 300 нафарашон доишӣ буданд ва гумон меравад, онҳое, ки муваффақ ба фирор шудаанд, узви ин гуруҳанд.

340

Бомбандози Су-27 ду ҳавопаймои ҷосусии Амрикоро забт кард - видео

0
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

0
Барчаспҳо:
халабон, ҳавопаймо, Русия