Поврежденный в результате ДТП автомобиль, архивное фото

Ронандаи “Опел” баъд аз садама ронандаи “Камаз”-ро пахш карду ба қатл расонд

1590
(Таҷдидшуда 14:08 15.10.2019)
Ронандаи мошини боркаши тамғаи “Камаз”, ки пас аз садама дар назди мошинаш меистод, аз дасти ронандаи дигар пахш шуд. Вай аз ҷароҳати бардоштааш дар ҷои ҳодиса ба ҳалокат расид

ДУШАНБЕ, 15 окт — Sputnik. Бино бар иттилои Вазорати корҳои дохилии Тоҷикистон садамае, ки ба марги як ронанда анҷом ёфт, рӯзи 13-уми октябри соли равон дар ноҳияи Муъминобод рух дод.

Тавре манбаъ қайд намудааст, ронандаи автомашинаи “Опел-Астра”, Муродов Хуршед Комилович, соли таваллудаш 1984, сокини деҳаи Ғеши ноҳияи Муъминобод, ҳангоми ҳаракат аз самти маркази ноҳия ба самти деҳаи Ғеш аз уҳдаи идораи воситаи нақлиёт набаромада, ба автомашинаи тамғаи “КАМАЗ” бархӯрда аст.

Сипас ронандаи мошини “Опел-Астра”, Муродов Хуршед ронандаи мошини боркаши “Камаз” Самадов Мустафо Нуралиевич, соли таваллудаш 1960, сокини ноҳияи Муъминободро, ки дар назди мошинаш истода буд, пахш намудааст.

“Дар натиҷа, ронандаи мошини боркаши “КАМАЗ” Самадов М.Н. ҷароҳати вазнини ҷисмонӣ бардошта, дар ҷойи ҳодиса ба ҳалокат расид”, - таъкид намудааст манбаъ.

Дар ҳамин ҳол, худи ронандаи автомашинаи тамғаи “Опел-Астра” Муродов Хуршед ҷароҳати ҷисмонӣ бардошта, дар беморхона бистарӣ гардидааст.

Дар ҳоли ҳозир, кормандони ВКД Тоҷикистон аз рӯи ҳодисаи мазкур таҳқиқотро идома доранд.

1590
Барчаспҳо:
қатл, садама, пахш, ҷароҳат, ҳалокат, ронанда
ДТП, архивное фото

Мошини боркаши “ДОЛУН” ба чуқурии канори роҳ чаппа шуд: ронанда ба ҳалокат расид

30
(Таҷдидшуда 12:07 30.05.2020)
Вазорати умури доохилаи Тоҷикистон дар бораи садамаи маргбор дар шоҳроҳи “Душанбе-Кӯлоб” хабар доданд

ДУШАНБЕ, 30  май — Sputnik. Бино бар иттилои дафтари матбуоти вазорати умури дохилаи Тоҷикистон санаи садамаи маргбор санаи 29-уми майи соли равон тахминан соати 02:30-и шаб дар шоҳроҳи “Душанбе-Кӯлоб” рух додааст.

Тавре манбаъ хабар додааст ронандаи мошини боркаши тамғаи “ДОЛУН”, таҳти идораи Зиёхолов Саидбек Ҷӯраевич, соли таваллудаш 1959, сокини ҷамоати деҳоти Гулистони шаҳри Ваҳдат ҳангоми ҳаракат кардан дар шоҳроҳи “Душанбе-Кӯлоб” аз самти шаҳри Душанбе ба самти шаҳри Кӯлоб дар 84-км аз шаҳри Душанбе, воқеъ дар ҳудуди ҷамоати деҳоти Ёхсу аз уҳдаи идораи воситаи нақлиёт набаромада, мошинашро дар чуқурии канори роҳ чаппа кардааст.

ВУД Тоҷикистон қайд кардааст, ки дар натиҷаи ин садама худи ронанда Зиёхолов Саидбек ҷароҳатҳои гуногуни ҷисмонӣ бардошта, дар беморхона ба ҳалокат расидааст.

Ҳамзамон манбаъ зикр кардааст, ки мусофири дар дохили автомашинаи мазкур буда, Қурбонов Ҷаҳонбек Шарифович, соли таваллудаш 1987, сокини шаҳри Ваҳдат ҷароҳати ҷисмонӣ бардошта, дар беморхона бистарӣ гардидааст.

Дар ҳоли ҳозир, кормандни милитсияи ҷумҳурӣ аз рӯи ҳодисаи мазкур таҳқиқотро идома доранд.

30
Барчаспҳо:
мошин чаппа шудааст, шоҳроҳи Душанбе-Кӯлоб, шоҳроҳ, маргбор, Тоҷикистон, садама
Детская игрушка возле дороги

Духтараки ду сола зери чархи мошини боркаш ба ҳалокат расид

137
(Таҷдидшуда 12:38 30.05.2020)
Вазорати умури дохилаи Тоҷикистон аз ҳодисаи нохуше, ки дар ҷамоати деҳоти Дӯстии ноҳияи Абдураҳмони Ҷомӣ сурат гирифтааст, хабар дод

ДУШАНБЕ, 30  май — Sputnik. Бино бар иттилои дафтари матбуоти вазорати умури дохилаи Тоҷикистон, фавти кӯдаки ду сола зери чархи мошини боркаш санаи 29-уми майи соли равон сурат гирифтаат.

Манбаъ қайд намудааст, ки ронандаи автомашинаи боркаши тамғаи “Зил ММЗ-554”, Тошматов Эшонқул Добулович, соли таваллудаш 1974, сокини ҷамоати деҳоти Қ.Ғиёсови ноҳияи А.Ҷомӣ ҳангоми ба қафо ҳаракат кардан дар роҳи байнидеҳавии деҳаҳои Б.Ҳилолӣ ва Шерободи ҷамоати деҳоти Дӯстии ноҳияи мазкур хурдсол Ватаниева Солеҳамоҳ Маҳмадюнусовна, соли таваллудаш 2018, сокини ҷамоати деҳоти Дӯстии ҳамин ноҳияро пахш намудааст.

ВУД Тоҷикистон таъкид намудааст, ки дар натиҷаи ин ҳодиса хурдсол, Ватаниева Солеҳамоҳ ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

Дар ҳоли ҳозир? кормандони милитсия аз руи ин ҳодиса таҳқиқотро идома доранд.

Ёдрас мешавем, ки чанде пеш вазорати умури дохилаи Тоҷикистон хабап дода буд, ки  як ронанда дар шаҳри Хуҷанд аз беэҳтиётӣ духтарчаи панҷ соларо дар назди нуқтаи шустушӯи воситаҳои нақлиётӣ ба номи “AUTO SPО” пахш намуд.

Дар натиҷа, хурдсол Хайруллоева Нозия ҷароҳати вазнини ҷисмонӣ бардошта, дар ҷойи ҳодиса ба ҳалокат расид.

137
Барчаспҳо:
дӯстӣ, ҳодисаи нохуш, ҳодиса, садама, Тоҷикистон
Сотрудники птицефабрики, архивное фото

Соҳибкорони Суғд иқтисоди вилоятро мечархонанд: бунёди ду фермаи нав дар Деваштич

0
(Таҷдидшуда 12:38 30.05.2020)
Дар Ҷамоати деҳоти Яхтани ноҳияи Деваштич бо кумаки соҳибкорони маҳалӣ фермаи мурғпарварӣ ва фермаи чорводорӣ бунёд хоҳад шуд

ДУШАНБЕ, 30  май — Sputnik. Дафтари матбуоти мақооти вилояти Суғд, эълон даштааст, ки дар Ҷамоати деҳоти Яхтани ноҳияи Деваштич соҳибкорони маҳаллӣ сохтмони фермаи мурғпарварӣ барои 20 ҳазор сар аз ҷониби ширкати “Ҳоҷирасул” ва сохтмони фермаи чорводорӣ барои 350 сар чорвои хушзот аз ҷониби ширкати “Нури Дален” идома дорад.

Манбаъ зикр намудааст, ки сохтмони иншооти мазкур то ҷашни Истиқлолияти Тоҷикистон ба итмом расонида шуда, ба фаъолият оғоз менамоянд.

Гуфта шудааст, ки дар он 50 нафар сокинон бо ҷои кори доимӣ таъмин гашта, бозорҳои мамлакатро бо маҳсулоти хушсифат- тухми парранда ва гӯшти моли калон таъмин хоҳанд кард.

Ҳамчунин мнабаъ хабар додааст, ки дар ин ҷамоат сардхона барои 400 тонна маҳсулот, нуқтаи ченаки вазни маҳсулот ва маркази хизматрасонӣ бунёд мегардад.

Ин иншоот аз ҷониби соҳибкори маҳалӣ бо маблағгузории зиёда аз 4 миллион сомонӣ амалӣ гардида истодааст”, - таъкид доштааст мақомоти вилояти Суғд.

Мақомоти вилоят амалӣ шудани чунин иқдомотро дар ноҳияи Деваштич омили рушди иқтисодӣ ноҳия арзёбӣ карданд.

0
Барчаспҳо:
бунёд, мурғпарварӣ, Деваштич, Тоҷикистон