Ҳушдори Раёсати ВУД ба сокинони пойтахт пас аз чандин ҳодисаи кордкашии ноболиғон

© PixabayНож в руке
Нож в руке - Sputnik Тоҷикистон
Обуна шудан
Раёсати умури дохилии Тоҷикистон дар бастагӣ ба зиёд рух додани кордкашӣ ва қатли ноболиғон аз зарби корд, ӣа падару модарон ва тамоми сокинони пойтахт ҳушдор додаанд

ДУШАНБЕ, 15 окт — Sputnik.  Раёсати ВКД дар шаҳри Душанбе аз афзоиш ёфтани ҳолатҳои авбошӣ ва кордкашӣ миёни ноболиғон бонги изтироб мезанад.

Фозилов Дилмурод, донишҷӯи Донишгоҳи тиҷорати Тоҷикистон - Sputnik Тоҷикистон
Корд ба қалби Дилмурод: тафсилоти куштори донишҷӯй дар роҳ ба донишгоҳ - акс

Ба иттилои котиботи Раёсати умури дохилаи Тоҷикистон,  аснои баргузор кардани амалиёти шартии "Корд" дар ҳудуди пойтахт маълум гардид, ки новобаста аз чорабиниҳои фаҳмондадиҳӣ, ҳанӯз ҳам ноболиғону ҷавонон корду дигар ашёҳои ба сифати силоҳи сард истифодашавандаро бо худ мегардонанд.

Кордкашии дигари донишҷӯ дар маҳаллаи 103-и Душанбе

Аз ин рӯ, Раёсати ВКД дар шаҳри Душанбе аз тамоми падарону модарон, фаъолони ҷомеаи шаҳрвандӣ, роҳбарон ва масъулини муассисаҳои таълимӣ, омӯзгорон, хоҳиш менамояд, ки дар раванди пешгирии бо худ гардонидани корд ва дигар воситаҳои махсус аз ҷониби ноболиғону ҷавнон саҳми худро гузоранд.

Зимнан роҳбарияти РВУД аз падару модарон талаб намудааст, ки фарзандони худро пайваста таҳти назорати ҷиддӣ қарор диҳанд.

"Зеро тибқи таҳлилҳои тафтишотӣ аксар вақт баҳсу нофамиҳои ночиз оқибат ба ҷиноятҳои вазнин, махсусан ба одамкушӣ бо истифода аз корд оварда мерасонад, ки дар натиҷа чандин нафар ҷавонону наврасон маҳбасӣ мешаванд", - гуфта мешавад дар муроҷиатномаи расмии РВУД.
Лентаи хабарҳо
0