Корманди пулис, акс аз бойгонӣ

Наврас, ҷавонзан ва марди миёнсол бедарак шудаанд: кумакхоҳии ВУД - видео

340
(Таҷдидшуда 10:52 28.10.2019)
Вазорати умури дохилии Тоҷикистон аз мардум хост, дар пайдо намудани се нафаре, ки ба таври мармуз бедарак шудаанд, кумак кунанд

ДУШАНБЕ, 28 окт — Sputnik. ВУД дар гузориши ахираш сурати як ҷавонзан, наврас ва марди миёнсолро намоиш дода, таъкид намуд, ки ин афрод бо сабабҳои номаълум бедарак гашта, феълан мавриди ҷустуҷӯ қарор доранд.

ВУД дар охири гузориши ҳафтаинааш дар феҳрасти бедаракшудаҳо, Савринисои Саидаҳмад, зодаи соли 1992, сокини шаҳри Бохтарро ном бурд. Манбаъ афзуд, ки Савринисо мубталои бемории руҳӣ буда, аз 14 октябри соли равон бедарак мебошад.

Бедаракшудаи дигар наврас Сино Сангов, мутаваллиди соли 2004, сокини ноҳияи Файзобод, мебошад, ки аз 15 октябри соли ҷорӣ сарнавишташ номаълум мебошад.

Мақомот инчунин Фахриддин Назаров, зодаи соли 1955, истиқоматкунандаи шаҳри Ҳисорро меҷӯянд, ки ба гузориши ВУД, номбурда 8 августи соли ҷорӣ аз хона баромада бедарак гаштааст.

ВУД аз мардуми кишвар даъват кардааст, ки дар сурати пайдо кардани иттилое дар бораи тақдири афроди зикршуда, тариқи рақамҳои 2 21 21 21 ва 227 98 98 ба мақомоти умури дохилии Тоҷикистон хабар диҳанд.  

340
Барчаспҳо:
бедарак шудан, ВУД, Тоҷикистон
Молния в небе

Фавти ноболиғи 16 - сола аз оташак дар Панҷакент: подабонӣ рафт

105
(Таҷдидшуда 14:21 15.07.2020)
Кумитаи ҳолатҳои фавқулода аз рух додани офати табиӣ дар вилояти Суғд хабар медиҳад, ки ҷони ноболиғи 16 - соларо рабуд

ДУШАНБЕ, 15 июл — Sputnik. Оташак дар вилояти Суғд ҷони як кудаки 16 - соларо гирифт, хабар медиҳад КҲФ Тоҷикистон.

Ба иттилои манбаъ, ҳодисаи нохуш дар ҷамоати деҳоти Моғиёни шаҳри Панҷакент рух дод. Навраси 16 - сола ба хотири нигоҳубини чорва ба айлоқ рафт ва дар соати муайяншуда ба хона барнагашт.

Раъду барқ ва борон: пешгӯии дақиқи ҳавошиносон барои имрӯз

Дер омадани ӯ боиси нигаронии волидонаш шуда, онҳо ба хотири пайдо кардани фарзанди худ ба кормандони наҷот муроҷиат карданд.

Манбаъ меафзояд, наҷотбахшон бо гузашти як шабонарӯз ҷисми беҷони ноболиғро пайдо карданд ва мақомоти дахлдор таслим намуданд.

Муайян карда шуд, ки ноболиғ бар  асари оташак ҷон аз даст додааст.

105
Барчаспҳо:
ҳалокат, ноболиғ, раъду барқ, Панҷакент
Нефть

Саридораи геологияи гуфт, дар Тоҷикистон чи қадар кони нафту газ аст

75
Саридораи геологияи назди ҳукумати Ҷумҳурии Тоҷикистон шумораи конҳои нафту гази кишварро номбар кард

ДУШАНБЕ, 9 июл – Sputnik. Дар Тоҷикистон 24 кони нафту газ мавҷуд аст, гуфт сардори Саридораи геологияи назди ҳукумати кишвар Илҳомҷон Оймуҳаммадзода зимни нишасти хабарӣ дар Душанбе.

Ба гуфтаи Оймуҳаммадзода, то имрӯз бо 17 ширкат шартномаҳо оид ба истифодаи сарватҳои зеризаминӣ баста шудаанд.

Вай қайд кард, ки пас аз ҳамоҳангсозӣ бо вазорату идораҳо Саридораи геологияи Тоҷикистон чаҳор лоиҳаро барои баррасӣ ба ҳукумат барои ҳуқуқи гузаронидани корҳои иктишофи геологӣ пешниҳод кард.

Оймухаммадзода илова намуд, ки дар шаш моҳи аввали соли 2020 Саридораи геология дар доираи 22 лоиҳа таҳқиқотщои зериразминӣ гузаронидааст.

Корҳо оид ба ҷустуҷӯи конҳои металлҳои сиёҳ, ранга, қиматбаҳо ва нодир, сангҳои нимқиматбаҳо ва ороишӣ анҷом дода шуданд.

75

Толибон боз ба ҳамалоти худ шурӯъ карданд: созишномаи сулҳ чӣ мешавад? - видео

0
(Таҷдидшуда 15:54 15.07.2020)
Толибон дар Афғонистон боз ба ҳамалоти худ шурӯъ намудаанд ва ба ин минвол созишномаи сулҳро, ки чанде пеш дар Амрико ба тасвиб расида буд, халалдор мекунад

Давоми ҳамагӣ чанд рӯзи охир дар Афғонистон аз ҷониби Ҷунбиши ҳаракати Толибон пайдар ҳам ҳамлаҳои интиҳорӣ сурат гирифатнд.

Таркиши шадид дар бинои Раёсати миллии амнияти Афғонистон дар шаҳри Айбак дар вилояти Самангон рух дод. Тибқи маълумоти расмӣ, шумораи кушташудагон ба 10 нафар расид, 50 нафари дигар маҷрӯҳ шуданд.

Ғайр аз он, толибон як қатор ҳамлаҳоро дар нуқтаҳои гузаргоҳ дар минтақаҳои наздисарҳадии Тоҷикистон анҷом доданд. ҳамлаҳои густурдаи Толибон ба ҷузъ аз музофотҳои Қундуз ва Бадахшон дар вилояти вилояти Нангарҳор низ афзоиш ёфтааст.

Гурӯҳи Толибон 34 нафар низомиёни давлатиро озод кард

Вазъияти шиддатнок дар Афғонистон ба як қатор интишорот дар расонаҳои ғарбӣ дар бораи тавтиаи эҳтимолии Русия ва Толибон рост омад.

Вазорати корҳои хориҷии Русия ин маълумотро рад мекунад ва президенти ИМА Доналд Трамп ин мақолаҳоро қалбакӣ номидааст.

Сарфи назар аз созишномаи сулҳ бо Иёлоти Муттаҳида дар соли равон шумораи ҳамлаҳои Толибон дар Афғонистон меафзояд.

Эҳтимол аст, ки ахбори охирини расонаҳои амрикоӣ дар бораи ин иттиҳом танҳо кӯшиши таваҷҷӯҳи ҷомеа аз нокомии амрикоиҳо дар Афғонистон аст.

0
Барчаспҳо:
навор, Афғонистон, ҳамла, Толибон