Девушка в наручниках, архивное фото

Дуздии зани 40 - сола: 14 ҳазор сомониро ба яғмо бурд

117
(Таҷдидшуда 17:59 29.10.2019)
Вазорати умури дохилии Тоҷикистон аз боздошт шудани сокини 40 - солаи Истаравшан хабар медиҳад, ки дар дуздии маблағ гумонбар дониста мешавад

ДУШАНБЕ, 29 окт — Sputnik. Ба иттилои Вазорати умури дохилии Тоҷикистон, кормандони милитсия зани 40 - соларо боздошт намуданд, ки дар дуздии 14 ҳазор сомонӣ даст доштаст.

Манбаъ меафзояд, ба Шӯъбаи ВУД дар шаҳри Истаравшан марди 29 сола бо аризаи шикоятӣ муроҷиат намудаст,, ки шахсони номаълум ба мағозаи  ӯ воқеъ дар маркази савдои "Дилшоди Барно" даромада, аз он ҷо як адад борхалтаи занона дуздида, аз ҷойи ҳодиса ғайб задаанд.

Дар шаҳри Ваҳдат навраси 17 - сола ба рабудани автомашина гумонбар дониста мешавад

Номбурда изҳор намудаст, ки дар дохили ин борхалта 14 ҳазор сомонӣ нигоҳ дошта мешуд, ки тӯъмаи дуздон гардид.

Зимнан, кормандони милитсия зани 40 - сола сокини деҳаи Ругунди шаҳри Истаравшан ҳамчун гумонбар дар содир намудани ҷинояти дуздӣ дастгир намуданд.

Боздошти як гурӯҳ дуздони кисабур дар бозори “Султони Кабир”

ВУД Тоҷикистон мегӯяд, феълан аз рӯи ин ҳодиса тафтишот идома дорад.

117
Барчаспҳо:
пул, зан, дуздӣ
ДТП на дороге Душанбе-Куляб

Садамаи мошин бо 28 тонна бор дар шоҳроҳи Душанбе-Кӯлоб - аксҳо аз ҷои ҳодиса

378
(Таҷдидшуда 18:30 12.08.2020)
Кумитаи ҳолатҳои фавқуллодаи Тоҷикистон аз садамаи мошини боркаш дар шоҳроҳи Душанбе-Кӯлоб хабар медиҳад

ДУШАНБЕ, 12 авг — Sputnik. Тибқи иттилои манбаъ, садамаи мошини боркаш, ки аз Душанбе ба самти шаҳри Кӯлоб равон буд, тақрибан соати 02 шаб иттифоқ афтод.

"Садама дар километри 87-ум дар қаламрави ноҳияи Данғара, ҷамоати Оқсу рух дод. Бино ба гузориши Раёсати Кумитаи ҳолатҳои фавқулодда ва мудофиаи градании назди Ҳукумати Ҷумҳурии Тоҷикистон дар вилояти Хатлон ин мошин 28 тонна тахтаро ба Кӯлоб мебурд", - омадааст дар хабарнома.

Манбаъ афзуда, ки ронанда Хушвақ Абдуллоев беосеб аз мошин берун шудааст, аммо мусофири он Фаррух Абдуллоев дар дохили мошин мондааст.

1 / 2
ДТП на дороге Душанбе-Куляб

Кормандони Кумита якҷо бо сардори БДА, кормандони тиб ва шаҳрвандон бо воситаи 1 мошини ёрии таъҷилӣ, 2 мехлопата, 2 кран ва нақлиёти дигари боркаш  барои наҷот додани мусофири дармонда ҷалб шудаанд.

Бар пояи хабари КҲФ соати 06:20 дақиқа мусофирро аз дохили мошин берун оварданд ва ба бемористон интиқол додаанд.

Дар бораи вазъи саломатии мусофир хабаре нашр нашудааст.

378
Барчаспҳо:
Кӯлоб, Душанбе, садамаи нақлиётӣ
Полнолуние в Московской области, архивное фото

Сафорат дар бораи парвозҳои мунтазам миёни Русияву Тоҷикистон

1487
(Таҷдидшуда 18:26 12.08.2020)
Сафорати Федератсияи Русия дар Тоҷикистон  барқарор шудани иртибототи мунтазами ҳавоиро миёни кишварҳо шарҳ дод

ДУШАНБЕ, 12 авг — Sputnik.   Валерий Катункин, сардори бахши консулгарии сафорати Русия дар Тоҷикистон зимни як нишасти матбуотӣ гуфт, ки ҳукумати Русия аз Вазорати корҳои хориҷии Тоҷикистон барои барқарорсозии парвозҳои мунтазам дархост гирифтааст.

"Масъалаи мазкур ҳал ва ҳамоҳанг карда мешавад. Маълумот дар ояндаи наздик пайдо мешавад" гуфт ӯ.

Катункин қайд кард, ки ниҳодҳо омодаанд, ки бо назардошти ҳама чораҳо ва қоидаҳои эпидемиологӣ парвози ҳавопаймо байни кишварҳоро дубора барқарор кунанд.

"Агар дар дасти ман мебуд,  ҳама парвозҳоеро, ки ҷавобгӯи талабот барои ҳаракати мунтазами миёни Русия ва Тоҷикистон аст, бо ду даст мекушодам. Бале, ман фардо онро мекушодам" гуфт ӯ.

Казантсев сабабҳои барқарор кардани парвозҳо миёни Русия ва кишварҳои ИДМ-ро гуфт

Ёдовар мешавем, ки парвозҳо байни Русия ва Тоҷикистон охири моҳи март ба сабаби пандемияи коронавирус қатъ карда шуд. Дар робита ба ин, шаҳрвандон дар кишварҳое монданд, ки вақти баргаштан ба ватан надоштанд.

Ҳамчун дар доираи барномаи бозгашти ҳамватанон аз хориҷи кишвар, Русия ва Тоҷикистон парвозҳои мунтазами чартерӣ ҷорист.

Дар бораи қаллобон, парвозҳо ва издиҳом: Сатторов вазъи муҳоҷиронро дар Русия шарҳ дод

Дар моҳи август, Русия парвозҳоро бо як қатор кишварҳо дубора барқарор кард, ки дар он ҷо вазъияти паҳншавии коронавирус мӯътадил шудааст. Аммо  парвозҳои муқаррарӣ бо Тоҷикистон то ҳол манъ карда шудааст.

1487
Народный поэт Таджикистана Гулназар Келди

Наздикони Гулназар Келдӣ: вазъаш рӯ ба беҳбуд ва муътадил аст

2314
(Таҷдидшуда 21:57 12.08.2020)
Вазъи саломатии Гулназар Келдӣ, шоири шинохтаи тоҷик, муаллифи суруди миллии Тоҷикистон, ки қаблан ба дастгоҳи нафасдиҳии сунъӣ пайваст шуда буд, феълан муътадил мебошад

ДУШАНБЕ, 12 авг — Sputnik. Табибон дар пайи бадтар шудани вазъи Гулназар Келдӣ, ӯро ба дастоҳи нафасдиҳии сунъӣ пайваст карда буданд, иттилоъ дод хабарнигори Sputnik Тоҷикистон.

"Гулназар Келдӣ худро бадтар эҳсос кард ва табибон тасмими гирифтанд, ки ӯро зери дастгоҳи нафасдиҳии сунъӣ гузаронанд”, - изҳор дошт манбаъ.

Аммо наздикони шоири халқӣ мегӯянд, вазъаш рӯ ба беҳбуд ва феълан муътадил мебошад. Дориюш Раҷабиён, рӯзноманигори шинохтаи тоҷик ва яке аз наздикони Гулназар Келдӣ дар саҳифааш миннатдории устодро ба ҳамаи онҳое, ки ҷӯёи ҳолашанд, баён дошт.

"Яке-ду рӯзи аввал ба дастгоҳи танаффуси маснӯъӣ ниёз доштанду акнун ҳолашон рӯ ба беҳбуд ва муътадил аст. Орзумандем, ки базудӣ бо такмили давраи муъолиҷаи худ ба оғӯши хонавода баргарданд", - навишт Раҷабиён.

Қаблан шоири халқӣ ва муаллифи суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфта буд.

Худи шоир 11 август ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш салоҳ донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода, Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

2314