В ночном клубе, архивное фото

Мусодираи корд аз як духтар дар "дискоклуб"- и Душанбе

713
(Таҷдидшуда 14:20 05.11.2019)
Раёсати умурии дохилии шаҳри Душанбе аз идомаи амалиёти шартии "Корд" хабар дода, афзудааст, ки ин навбат дар қатори даҳҳо ҷавонону ноболиғон ҳамчунин аз як ҷавондухтар низ силоҳи сард мусодира шуд

ДУШАНБЕ, 5 ноя — Sputnik. Ба иттилои Раёсати ВУД, танҳо дар ду рӯзи ахири марҳилаи саввуми амалиёти шартии "Корд", аз ҷониби кормандони пулис дар кӯчаву паскӯчаҳои шаҳр аз даҳҳо ҷавонону ноболиғон корд ва дигар силоҳи сард дарёфт ва мусодира гардид.

Манбаъ меафзояд, ки ин навбат кормандони милитсия дар маркази дилхушии "Самира" аз як ҷавондухтар, 1 адад корд дарёфт ва мусодира намуданд.

Номбурда, Элназарова Ҳавасмо Орифовна буда, соли таваллудаш 1998, зода ва истиқоматкунандаи шаҳри Ҳисор мебошад.

Зимнан, дар ду рӯзи ин амалиёт, аниқтараш 1 ва 2 - юми ноябри соли равон, дар умум 16 адад корд, 1 ададӣ табар, дастачӯби резинӣ, кастет, ниқоб аз ҷавонону ноболиғон мусодира карда шуд.

Хонандагон ба ҷойи китоб ба мактаб корд мебаранд: боздошти се хонандаи синфи 11 бо корд

Раёсати ВУД мегӯяд, дар рафти гузаронидани амалиёти мазкур аз ҷайби ду нафар хонандагони мактабҳои таҳсилоти миёнаи умумии пойтахт Хуваев Ёсинарофат Саидмуҳаммадов хонандаи синфи 7 "а" МТМУ № 16 ва Маҳмудов Шаҳбоз Қурбонович, хонандаи синфи 11 - МТМУ № 92 кордҳо дарёфт ва мусодира карда шуд.

Қобили зикр аст, ки  аз ибтидои амалиёт то ба имрӯз дар 3 марҳила аз санаи 12 октябр то 2 - ноябри соли ҷорӣ дар умум аз 40 нафар шаҳрвандон (12 нафар хонандагони МТМУ ва Литсейю Коллеҷҳо, 6 нафар донишҷуёни донишгоҳҳои олӣ, 22 нафар ҷавонон) 41 адад силоҳи сард ва предметҳои ба сифати силоҳ истифодашаванда (32 корд, 1 табар, 2 кастет, 2 дастачуб, 3 электрошокер, 1 ниқоб) дарёфт ва мусодира карда шуд. 

Ҳушдори Раёсати ВУД ба сокинони пойтахт пас аз чандин ҳодисаи кордкашии ноболиғон

Раёсати ВУД мегӯяд, амалиёти шартии "Корд" анҷом наёфта ҳамоно идома меёбад.

713
Барчаспҳо:
духтар, корд, мусодира
Машина полиции

Майдаавбошии Одинаевҳо: барои дашному латукӯби ҳамсоя ҳабсу ҷарима шуданд - навор

527
(Таҷдидшуда 18:57 19.09.2020)
Саҳнаи дашномкунӣ ва латукӯби як ҷавон аз ҷониби ду бародар дар шаҳри Душанбе ба шабакаҳои иҷтимоӣ роҳ ёфт ва баҳси гармеро ба миён овард

ДУШАНБЕ, 19 сен – Sputnik. Кормандони Раёсати умури дохилаи шаҳри Душанбе ду ҷавонеро боздошт намуданд, ки дар якҷоягӣ ҷавони дигарро ҳақорат ва шадидан кӯфтанд.

Бар хабари котиботи раёсати мазкур, ин ҳодиса нисфирӯзи 16 - уми сентябр дар кӯчаи Соҳилӣ рух дод.

Бародарон Одинаев Фирӯз ва Одинаев Фаррух, ки сокинони кӯчаи Соҳилӣ мебошанд, ҳамсояи 30  солаашонро нахуст дашном дода, сипас ду каса ӯро шадидан кӯфтанд.

Қиссаи бедаракшавии муҳоҷири тоҷик: аз латукӯб то гум шудани хотира-видео

Аз рӯи наворе, ки ба дасти кормандони РВУД дар пойтахт расид, ҳар ду бародар боздошт ва ба идораи пулис оварда шуданд.

Манбаъ меафзояд, Одинаевҳо барои дағалона вайрон кардани тартиботи ҷамиятӣ яке ба 5 шабонарӯз ҳабси маъмурӣ равона шуда, дар нисбати дигарӣ, ҷарима ба андозаи 10 нишондиҳанда барои ҳисобҳо таъин карда шуд.

527
Барчаспҳо:
ҷарима, ҳабс, ҳамсоя, латукӯб, Душанбе
Ювелирные изделия, архивное фото

Боздошти зани 41-сола бо иттиҳоми дуздии ҷавоҳироти зани дигар

125
(Таҷдидшуда 15:51 19.09.2020)
Вазорати умури дохилии Тоҷикистон аз боздошти зани 41-сола хабар дод, ки дар дуздии ҷавоҳироти зани дигар муттаҳам мешавад

ДУШАНБЕ, 19 сен — Sputnik. Тибқи иттилои ВУД, ба идораи милисаи ноҳияи Сино, зани 43-солаи сокини пойтахт муроҷиат намуда, арз доштааст, ки 5-уми сентябри соли 2020, тахминан соатҳои 10:30-дақиқа, шахси номаълум бо роҳи пинҳонӣ ба хонаи истиқоматиаш даромада, аз он ҷо ҷавоҳироти гуногуни тиллоиро дуздида, аз ҷойи ҳодиса ғайб задааст.

Манбаъ зарари расонидашударо 10 ҳазор сомонӣ арзёбӣ кардааст.

ВУД афзуд, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия зани 41-солаи сокини ҷамоати деҳоти Турдибобои шаҳри Ҳисор, ки пеш барои дуздию қаллобӣ суд шудааст, ҳамчун гумонбар дар дуздӣ боздошт гардид.

Инчунин дар натиҷаи гузаронидани чорабиниҳои оперативӣ ҷустуҷӯӣ аз ҷониби кормандони милитсия ноболиғи 17-солаи сокини ҷамоати деҳоти Саразми шаҳри Панҷакент бо гумони содир намудани ҷинояти дуздӣ дастгир карда шудааст.

“Номбурда, санаи 21-уми августи соли 2020, тахминан соатҳои 01:30-дақиқа, бо роҳи пинҳонӣ аз хонаи истиқоматии марди 46-солаи сокини ҷамоати деҳоти Саразм 1 адад скутери тамғаи “Daylingo”-ро дуздида аз ҷойи ҳодиса ғайб задааст. Зарари расонидашуда 3 ҳазору 500-сомониро ташкил медиҳад”, - омадааст дар иттилоия.

ВУД Тоҷикистон таъкид кард, ки аз рӯи ин ҳодисаҳо тафтишот идома дорад.

125
Барчаспҳо:
боздошт, дуздии ҷавоҳирот, Тоҷикистон
Мусобиқа, акс аз бойгонӣ

Пирӯзии “Гурги куҳӣ” аз Тоҷикистон дар Дубай бар Нуриддин Самир-видео

158
(Таҷдидшуда 10:43 21.09.2020)
Сиёвуш Гулмамадов, бо лақаби “Гурги куҳӣ” аз Тоҷикистон дар вазни 64 кило дар Дубай ҳарифаш аз Марокашро мағлуб кард

ДУШАНБЕ, 21 сен — Sputnik. Гулмамадов, размикори 33-сола аз Тоҷикистон, ки дар Амороти Муттаҳидаи Араб ҳунарнамоӣ мекунад, Нуриддин Самир, размикор аз Марокашро чанд бор бо зарбаҳояш ба пушт хобонд, аммо ӯ таслим нашуд. Дар пайи анҷоми се даври сабқат доварон бо як овоз пирӯзиро ба Сиёвуш Гулмамадов доданд.

Дар пайи пирӯзӣ ва гирифтани ҷоизаи K-1 COMBAT, Гулмамадов аз ин созмон тавсиф намуд, ки хеле зуд пеш рафта истодааст. Ӯ дар ҷамъбасти ҳунарнамоӣ ба тими мураббиён ва мухлисонаш миннатдорӣ карда, бо забони тоҷикӣ илова намуд, “саломат бошед бародарҳо, касе маро дастгирӣ кард”.

Дар мавриди оянда Гулмамадов изҳор дошт, ки тасмимро ҳайати мураббиён мегиранд, аммо худи ӯ омода аст, ки як ҳафта пас боз вориди майдон шаваду бо ҳарифи навбатӣ қувваозмоӣ намояд.

158