Марзбон Изатуллоҳи Абубакр бо падараш

Ҳалокати марзбон - писари мулло Абубакр ва нозири минтақавӣ дар ҳамлаи "ДОИШ"-аксҳо

9398
(Таҷдидшуда 16:48 06.11.2019)
Марзбон Иззатуллоҳи Абубакр, писари мулло Абубакр аз маҳаллаи Зарафшони шаҳри Душанбе дар пайи ҳамла ба дидбонгоҳ дар марзи Тоҷикистону Узбакистон кушта шудааст

ДУШАНБЕ, 6 ноя — Sputnik. Иззатуллоҳи Абубакр, фарзанди яке аз руҳониёни шинохтаи маҳаллаи Зарафшон, Абубакр Латипов буда, 26 сол дошт, хабар доданд манобеи Sputnik Тоҷикистон. Ӯ навхонадор буд, гуфтанд наздикони Изатуллоҳ.

Погибший пограничник  Изатуллои Абубакр
Погибший пограничник Изатуллои Абубакр

Аз маъмури милисаи кушташуда Баҳром Шоҳзода ном бурда мешавад, ки нозири минтақавии деҳаи Эсанбойи ноҳияи Рӯдакӣ будааст.

Мақомоти Тоҷикистон мегӯянд, дар ҳамлаи шаби 6 ноябр ба дидбонгоҳи “Ишқобод” дар марз бо Узбакистон 15 ҳамлавар кушта шуданд. Дар аксҳое, ки ВУД аз ҷои ҳодиса нашр кардааст, ҷасади зан низ намудор аст.

Кумитаи давлатии амнияти миллии Тоҷикистон мегӯяд, дар пайи пурсиши боздоштшудагон маълум гардид, ки гурӯҳи мусаллаҳи террористӣ, ки шаби 06-уми ноябри соли 2019 ба дидбонгоҳи сарҳадии №4-и “Ишқобод” ҳамла карданд, ҳама аъзои “ДОИШ” буда, шаби 3-юми ноябр аз Афғонистон вориди Тоҷикистон шудаанд.

Ҳабдаҳ кушта: ҳамла ба дидбонгоҳ дар марзи Тоҷикистону Узбакистон-акс

"Гуруҳи мусаллаҳи террористӣ, санаи 3-юми ноябри соли 2019 аз вулусволии Қалъаи Золи Ҷумҳурии Исломии Афғонистон бо супориши махсус, бо истифода аз торикии шаб хати сарҳади давлатиро ғайриқонунӣ убур карда, ба ҳудуди ноҳияи Қубодиён гузаштаанд. Онҳо дидбонгоҳи сарҳадии "Ишқобод"-ро барои худ ҷои муносиб интихоб намуда, ба задухӯрди мусаллаҳона даст заданд", - омадааст дар иттилоияи Қӯшунҳои сарҳадии КДАМ.

Аммо дар мавриди шахсияти ҳамлагарон ва ин ки шаҳрванди кадом кишваранд, феълан маълумоте ироа нашудааст.

9398
Барчаспҳо:
қаҳрамонӣ, ҳалокати ҷавон, марзбонӣ, Тоҷикистон
Сейсмография, архивное фото

Дар Тоҷикистон заминҷунбӣ рух дод

199
(Таҷдидшуда 15:28 14.07.2020)
Маркази заминларза 297 километр дуртар аз самти ҷанубу шарқии Душанбе дар ҳудуди Ҷумҳурии Исломии Афғонистон ҷойгир будааст

ДУШАНБЕ, 14 июл — Sputnik. Имрӯз, соати 12:34 ба вақти маҳаллӣ дар ҳудуди Ҷумҳурии Тоҷикистон заминларза ба қайд гирифта шуд, хабар медиҳад АМИТ "Ховар".

Маркази заминларза 297 километр дуртар аз самти ҷанубу шарқии Душанбе дар ҳудуди Ҷумҳурии Исломии Афғонистон ҷойгир будааст.

Заминҷунбӣ дар Тоҷикобод 100 манзилро хароб кард: хисорот ҳисоб шуду кумак баррасӣ мешавад

Ба иттилои маркази зилзиласанҷии Академияи миллии илмҳои Тоҷикистон, қувваи заминларза дар  марказ 3-4 ва дар шаҳри Душанбе 2 балро ташкил дод.

Ёдрас мешавем, ки 4 июл низ дар Ҷумҳурии Тоҷикистон заминларза ба кайд гирифта шуд.

Маркази заминларза 201 километр дуртар аз самти шимолу шарқии Душанбе, дар ҳудуди ноҳияи Тоҷикобод воқеъ буд. Қувваи заминларза дар марказ 5 ва дар шаҳри Душанбе 3 балро ташкил дод.

Ба асари заминҷунбӣ 26 манзили истиқоматӣ қисман зарар дидаанд, 85 хонаи истиқоматӣ ва биноҳои ёрирасони воқеъ дар деҳаҳои Ганишоб, Сафедоб, Дараи Назараки ҷамоати деҳоти Қалъаи Лаби об, Себистон, Ширинчашма, Сари Най ва Полезаки ҷамоати деҳоти Ширинчашма, Нушори ҷамоати деҳоти Нушор, Зарафшон ва Шаҳристони ҷамоати деҳоти ба номи М. Шогадоев каму беш осеб диданд.

199
Барчаспҳо:
такон, марказ, заминҷунбӣ, Тоҷикистон
Мужчина тянет за волосы женщину, архивное фото

Аввал занашро корд зад, сипас худашро: шарҳи ВУД аз бистарӣ шудани ду ҷавон дар беморхона

272
(Таҷдидшуда 14:09 14.07.2020)
Ҷавони муттаҳам ба расонидани зарари вазнини ҷисмонӣ соати 1-и шаб, ба манзили падарарӯсаш ба назди ҳамсараш рафта, ҷанҷол намуда, сипас кордкашӣ кардааст

ДУШАНБЕ, 14 июл — Sputnik. Вазорати умури дохилаи Тоҷикистон ҳодисаи кордкашӣ дар ноҳияи Кушониёнро, ки дар пайи онр ду ҷавон - зану шавҳар дар беморхона бистарӣ шудаанд, тавзеҳ додаст.

Бино бар иттилои манбаъ, ҳодиса шаби 13 июл рух додааст.

ВУД менависад, "дар натиҷаи гузаронидани чорабиниҳои оперативӣ-ҷустуҷуӣ аз ҷониби кормандони милитсия муайян карда шуд, ки марди 30-солаи сокини ҷамоати деҳоти Навбаҳори ноҳияи Кушониён шаби 13-уми июли соли 2020, тахминан соати 01:00 ба хонаи падарарусаш рафтааст".

Гуфта мешавад, ӯ бо ҳамсараш, зани 25-солаи сокини ҷамоати шаҳраки Бохтариёни ҳамин ноҳия ҷангу ҷанҷол намуда, бо корди дар дасташ буда, 2-маротиба ба узвҳои муҳими бадани охирон зада, сипас бо корди дар дасташ буда, 2-маротиба ба узвҳои бадани худаш зада ҷароҳати вазнини ҷисмонӣ бардошта, дар беморхонаи ноҳия бистарӣ гардидаанд.

Боздошти сокини ноҳияи Кушониён, ки дар ҳолати мастӣ ҳамсарашро шаш корд зад

Сабаби ин амали ҷвон маълум нест.

Аз руи ин ҳодиса тафтишот идома дорад.

 

272
Соль

Намакоб аз сирояти коронавирус нигоҳ медорад?

0
(Таҷдидшуда 16:49 14.07.2020)
Пажӯҳишгарон дар мутолиоти худ дарёфтанд, истифода аз маҳлули намакоб аз сирояти вируси корона пешгирӣ мекунад

ДУШАНБЕ, 14 июл – Sputnik. Натоиҷи пажӯҳиши олимон бар рӯйи вируси корона нишон дод, ки ин вирус фақат монанд Сорс 2002 дар шуш таксир мешавад, иттилоъ додааст радиои бурунмарзии Садои Хуросон. 

Бино бар иттилои манбаъ, дар ин таҳқиқ зикр шуда, ки вируси корона пас аз вуруд ба бадани инсон як ҳафта дар маҷрои гулӯ мемонд ва дар онҷо шурӯъ ба таксир мекунад.

Муҳаққиқон эълом карданд, ки афрод метавонанд фақат бо ғарғара кардан рӯзона чанд мартаба бо маҳлули об ва намак муҳити гулӯи худро   номуносиб барои таксири вируси корона кунанд.

Бо ин кори содда барои таксири корона дигар фурсате  дода намешавад. 

Ин пажӯҳишгарон ҳамчунин ба ин натиҷа расиданд, ки агар арфрод чанд мартаба дар рӯз , шаб қабл аз хоб ва субҳ баъд аз бедор шудан бо маҳлули об ва намак ғур-ғура кунанд ин вирус дигар таксир нахоҳад шуд.

0
Барчаспҳо:
сироят, вирус, об, нону намак, истифода, Олимон