Задержание, архивное фото

Боздошти ноболиғи 16-сола дар Ҳисор барои дуздии 12 ҳазор сомонӣ

227
(Таҷдидшуда 12:09 09.11.2019)
Вазорати корҳои дихилаи Тоҷикистон хабар доданд дар шаҳри Ҳисор ноболиғи 16-сола бо ҷурми дуздӣ дастгир шудааст

ДУШАНБЕ, 9 ноя — Sputnik. Кормандони милитсия Тоҷикстон дар шаҳри Ҳисор ноболиғи 16-сола, ки дар дуздии 12 ҳазор сомонӣ айбдор мешавад боздошт намуданд, иттилоъ додааст дафтари матбуоти ВКД Тоҷикистон.

Бино бар иттилои манбаъ, ба ШВКД дар шаҳри Ҳисор бо ариза марди 49-солаи сокини деҳаи Ҳамдилони ҷамоати деҳоти Навободи шаҳри мазкур муроҷиат намуд.

Духтари 18-сола барои дуздии телефони “HUAWEI” дастгир шуд

Дар шикояти номбурда қайд шудааст, ки рӯзи 8-уми ноябри соли равон, тахминан соати 09:30-дақиқа, шахси номаълум бо роҳи пинҳонӣ ба хонаи истиқоматиаш даромада, аз он ҷо 12 ҳазор сомониро дуздида, аз ҷойи ҳодиса ғайб задааст. 

Кормандони милитсия дар пайи ҷустуҷӯӣ як ноболиғи 16-солаи сокини деҳаи Ҳамдилонро бо гумони дуздӣ дастгир намуданд.

ВКД ҶТ ба хонаводаи навраси шиканҷашуда 300 ҳазор сомонӣ медиҳад

Тавре масъулини ВКД Тоҷикистон қайд намуданд, дар ҳоли ҳозир аз рӯи ин ҳодисаи мазкур тафтишот идома дорад.

227
Барчаспҳо:
Ҳисор, дастгир, дуздӣ, ноболиғ, Вазорати корҳои дохила, Тоҷикистон
Сейсмография, архивное фото

Бидуни талафоти ҷонию вайронӣ: КҲФ заминларзаи дар Бадахшон рухдодаро шарҳ дод

211
(Таҷдидшуда 15:51 02.12.2020)
Кумитаи ҳолатҳои фавқулоддаи Тоҷикистон мегӯяд, заминларзаи субҳи имрӯз дар қаламрави кишвар рухдода талафоти ҷонӣ надошт

ДУШАНБЕ, 2 дек – Sputnik. Тибқи иттилои дафтари матбуотии ин ниҳод, заминларза соати 05:36 дақиқаи имрӯз, 2-юми декабри соли равон дар қаламрави Вилояти Мухтори Кӯҳистони Бадахшон ба қайд гирифта шуд.

Бино ба маълумоти идораи зилзиласанҷии Тоҷикистон маркази зилзила дар 148 километрии ҷанубу шарқи шаҳри Душанбе ва 10 километр дуртар аз ноҳияи Дарвоз будааст.

Ин манбаъ гуфт, ки қувваи заминларза дар маркази он 3 бал буд.

Манбаъ мегӯяд, аз талафоти ҷониву вайрониҳо гузориш нарасидааст

Ёдрас мешавем, ки ахиран рӯзи 26 ноябр, дар марзи Тоҷикистону Афғонистон дар як рӯз ду маротиба бо фосилаи чанд соат замин ҷунбида буд.

Душанберо заминларза такон дод

Заминҷунбии аввал  соати 13:01 сурат гирифт, ки қувваи зилзила дар маркази он 4,5 баллро ташкил медод, аммо дуввумин заминларза соати 20:27 ба вақти маҳаллӣ сурат гирифт, ки қувваи он ба 4,6 балл расид.

Макони ҳарду заминҷунбӣ наздикии марзи Тоҷикистону Афғонистон буд.

211
Барчаспҳо:
вайрониҳо, талафоти ҷонӣ ба қайд нарасид, заминларза, ВМКБ, Тоҷикистон
ДТП, архивное фото

Ҳалокати Абдулло ва Меҳриниссо дар пайи ду садамаи нақлиётӣ

403
(Таҷдидшуда 14:45 02.12.2020)
Вазорати умури дохилаи Тоҷикистон хабар додааст, ки санаи 1 декабри соли равон дар пайи ду садамаи нақлиётӣ дар роҳҳои ҷумҳурӣ ду пиёдагард ба ҳалокат расидааст

ДУШАНБЕ, 2 дек — Sputnik. Бино бар иттилои дафтари матбуоти вазорати умури дохилаи Тоҷикистон, дар як садамаи нақлиётие, ки дар ҳудуди деҳаи Мирзоободи ноҳияи Вахш сурат гирифтааст, пиёдагард Қосимов Абдуллои 13-сола ба ҳалокат расидааст.

Тибқи иттилои манбаъ, санаи 1-уми декабри соли равон, ронандаи автомашинаи тамғаи “Чинбей”, Наботов Бобо, сокини деҳаи Якатути ноҳияи Вахш, дар ҳудуди деҳаи Мирзоободи ҳамин ноҳия аз уҳдаи идораи воситаи автомашина набаромада, ноболиғ Қосимов Абдулло, хонандаи синфи 7-уми МТМУ №17-и ноҳияи Кӯшониёнро пахш намудааст.

Гуфта шудааст, ки дар натиҷа ноболиғ Қосимов Абдулло ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

Садамаи дуюми маргбор дар пойтахти кишвар сурат гирифтааст.

Тибқи иттилои ВУД Тоҷикистон, санаи 1-уми декабр, ронандаи автомашинаи тамғаи “Мерседес-Бенс”, Қозиев Неъматулло, сокини ноҳияи Рӯдакӣ, ҳангоми ҳаракат бо кӯчаи Н.Қарабоеви пойтахт аз самти кӯчаи Деҳотӣ ба самти кӯчаи Абай, дар рӯ ба рӯи Маркази миллии ташхисӣ аз уҳдаи идораи воситаи автомашина набаромада, пиёдагард Умарова Меҳриниссо, соли таваллудаш 1955, сокини шаҳри Душанберо пахш намудааст.

Қайд шудааст, ки дар натиҷа, Умарова Меҳриниссо ҷароҳати вазнини ҷисмонӣ бардошта, ҳангоми ба беморхонаи “Истиқлол” дастрас намудан,  дар роҳ ба ҳалокат расидааст.

Дар ҳоли ҳозир ба иттилои ВУД Тоҷикистон аз рӯи ин ҳодисаҳо таҳқиқот идома дорад.

403
Барчаспҳо:
ҳалокат, пиёдагард, садама, Тоҷикистон
Почетный японский караул с флагами Японии и Таджикистана

Ҷопон ба таҳсили кормандони Тоҷикистон ҳудуди 2,5 миллион доллар кумак мекунад

0
(Таҷдидшуда 21:14 02.12.2020)
Вазири молияи Тоҷикистон ва раиси намояндагии Ожонси ҳамкориҳои байналмилалии Ҷопон дар Душанбе тавофуқномаи кумаки билоиваз барои иҷрои тарҳи бурсияи таҳсилӣ (стипендия) барои омӯзиши кадрҳои давлатӣ ба имзо расониданд

ДУШАНБЕ, 2 дек — Sputnik. Ба гузориши хабаргузории Форс, дар чорчӯби ин тавофуқнома, ки ба имзои Файзиддин Қаҳҳорзода ва Токосако Монио расид, барои тақвияти тавонмандии кормандони давлат ва дигар ниҳодҳо дар Тоҷикистон, Токио аз тариқи Ожонси ҳамкории байналмилалӣ (Ҷойко) ба ин кишвар ҳудуди 2,5 миллион доллар кумак мекунад.

Таҳсил дар Ҷопон: Муҳриддин ва Мияшита ёддошти тафоҳум имзо карданд

Ҳадаф аз ин тарҳи кумак ба тавсеаи Тоҷикистон аз тариқи тақвияти тавони кормандони давлатӣ, ҳимоят аз тавсеаи манобеи инсонии Тоҷикистон бо тамаркуз бар кормандони ҷавон ва тақвияти равобит байни Душанбе ва Токио аст.

Донишҷӯёни се донишгоҳи Тоҷикистон ба Ҷопон мераванд

Созмони хадамоти давлатии вобаста ба раёсати Ҷумҳурии Тоҷикистон ин тарҳро бо ҳимояти молии намояндагии Ожонси ҳамкориҳои байналмилалии Ҷопон, мавсум ба Ҷойко иҷро мекунад.

0
Барчаспҳо:
кумак, таҳсил, бурсия, Ҷопон, Тоҷикистон