Акс аз амалиёти

Ҳамлаи Анвар бо хешон ва дасти тоҷирони Корвон: 21 кушта дар "Ишқобод"

8631
(Таҷдидшуда 16:41 13.11.2019)
Анвар, ки роҳбалади гуруҳи ҳамлагар ба дидбонгоҳи “Ишқобод” муаррифӣ мешавад, қаблан дар ин посгоҳ хидмат кардааст ва ин шабехунро ҳамроҳи хешону ҳамдеҳагонаш анҷом додаст. Манобеъ дар мақомот гуфтаанд, чанде аз ҳамлагарон дар бозори “Корвон” фаъолият доштаанд

ДУШАНБЕ, 13 ноя — Sputnik. Дар ҳамлаи шаби 6 ноябр ба посгоҳи “Ишқобод”, Анвар ном собиқ сарбози дидбонгоҳи мазкур даст дорад,  ки ҳамроҳи хешону ҳамдеҳагонаш ин террорро анҷом додааст, навиштааст ҳафтаномаи "СССР".

Ин нашрияи мустақар дар Душанбе, пойтахти Тоҷикистон бо ин иддао, ки ба манобеи муътамади худ дар мақомоти расмии кишвар такя мекунад, фарзияи хешро дар бораи ҳамлаи шаби 6 ноябр ба посгоҳи марзии “Ишқобод” пешниҳод кардааст.

Дар посух ба ин суол, ки чаро террористон маҳз дидбонгоҳи Ишқободи деҳаи Султонободро мавриди ҳуҷум қарор додаанд, ҳафтанома навиштааст, ки Анвар, яке аз ҳамлагарон дар гузашта дар ин дидбонгоҳ хизмати аскарӣ анҷом дода будааст. Ҳафтанома бо нашри акси ҷасадҳои ҳамлагарон иттилоъ додаст, ки дар миён ҷасади Анвар низ ҳаст.

Манбаъ афзудааст, маҳз Анвар ба ҳаммаслаконаш аз гуруҳи террористии Давлати ба ном исломӣ, гуфтааст, ки ҷои яроқу аслиҳа ва сирру асрори ин дидбонгоҳро медонад ва аз ин хотир, "ин гуруҳи террорист, ки ба Давлати ба ном исломӣ ва халифаи он “байат” кардаанд, қарор медиҳанд, маҳз ин дидбонгоҳро мавриди ҳамла қарор бидиҳанд".

"Онҳо мехостанд силоҳро ба даст оварда, ба маҳаллаҳои аҳолинишин ҳамла кунанд. Мақсадаш қатли одамон буду бас. Онҳо дар дидбонгоҳ чанд афсару аскарро кушта, соҳиби автоматҳои Калашников шуда, ҷониби пойтахт ҳаракат мекунанд. Вале яке аз афсарон ба дидбонгоҳи дигар хабар медиҳад, ки гурӯҳи табаҳкор сӯи онҳо меравад. Бар асари тадбири фаврии марзбонон ва милитсияи маҳаллӣ террористон ба дом (камин) – “засада” меафтанд ва маҳв мешаванд” – менависад СССР.

Инчунин ному насаби чанд нафар аз зодагони шаҳри Истаравшан зикр шуданд, ки гуфта мешавад, дар ҳамла ба дидбонгоҳ даст доранд. Онҳо Малоҳат Ҳайдарова, сокини ноҳияи Бобоҷон Ғафуров, Зулхумор Ҷумъаева ва Раҳбар Боқиева, сокинони шаҳри Истаравшан муаррифӣ шудаанд. Ҳамчунин аз фарди дигар, ки дастгир шудааст, Ҳусейн Исломов, сокини деҳаи Қалъъачаи Араби ҷамоати “Зарҳалол” – и Истаравшан ном бурда шуд. Як кушташудаи дигар аз ин гуруҳ, ки низ сокини ин деҳа ба номи Шавкат Исломов аст, эҳтимолан хешованди Ҳусейн Исломов муаррифӣ шуда буд.

 Ҳафтаномаи “СССР” меафзояд, ду нафари эшон дар бозори “Корвон” - и пойтахт фаъолият доштанд, аммо номи онҳо дақиқ нашудааст. Бино ба иттилои ин нашрия, шахсе ба номи Анвар “наводчик ё раҳбалади террористон” ва “пешбарандаи аъмоли бади ин гуруҳ” будааст. Манбаъи “СССР” гуфтааст, ки “дар ин миён зану кӯдакони ин ба ном инсонҳо низ будаанд, ки барои сирри тафтишот насабашон фош намегардад”.

Вазорати корҳои дохилии Тоҷикистон дар аввалин иттилоияи худ чанд аксеро нашр карда буд, ки дар яке аз онҳо дасти як нафари зоҳиран кушташуда рӯ ба замин хобидааст ва ин акс суолҳоеро дар шабакаҳои иҷтимоӣ ба вуҷуд овард. Аз ҷумла гуфта шуд, ки ин фарди аз қабл кушта шуда, ба ҷои ҳодиса партоб шудааст. “СССР” дар шарҳи ин акс навиштааст, ки шахси ба даҳон хобу дастонаш баста, мурда нест, балки боздоштшудаву захмӣ аст ва табиист, ки “дасти террористро мебанданд”. Зимнан, “СССР” аксҳои кушташудагонро бо рӯйҳои боз нашр кардааст ва шинохтани онҳо ба осонӣ муяссар мешавад.

Дар маҷмуъ ҳаводиси шаби 6 ноябр 21 кушта, аз ҷумла 6 сарбозу афсари тоҷикро барҷой гузошт. “СССР” аз амали мақомот, ки ба ҷои муаррифӣ чун қаҳрамон, номи бархе аз сарбозони кушташударо пинҳон доштаанд, зери суол гузоштааст. Нашрия аз омодабоши хуби сарбозони тоҷик ситоиш карда, менависад, ки ин ҳамла “заъфи дастгоҳҳои хабарии кишвар” – ро фош намудаст ва бо зикри бохти иттилоотӣ дар ин қазия,  масъалаи бознигарии кори расонаҳои расмиро ба миён гузоштаст.

Ин дар ҳолест, ки дар расонаҳо фарзияҳои гуногун нашр шудааст. Аз ҷумла хабар дода шуд, ки ин ҳамла ба тиҷорати шираи камол дар Тоҷикистон рабт дорад, ки нархгузориҳо дар ин бозор боиси норозигии ҷамъоваранадаҳояш шудаст. 

Мақомоти Тоҷикистон дар тамосҳо бо Sputnik Тоҷикистон бар ин нукта таъкид мекунанд, ки ин як ҳодисаи хеле пурдомана аст ва таҳқиқи амиқро талаб мекунад, аз ин хотир, ҳоло тафтиш идома дорад ва пас аз такмил шудани парванда онро ба мардум шарҳ хоҳанд дод.

Гуруҳи террористии ДОИШ бо интишори баёнияе дар сомонаи Аъмоқ масъулияти ҳамла ва куштани 10 тан аз низомиёни тоҷикро бар уҳда гирифтааст.

Пеш аз ин мақомоти амниятӣ ва интизомии Тоҷикистон шумори нерӯҳои ҳукуматии кушта шуда дар ин даргириро ду нафар ва талафоти муҳоҷимонро 15 тан эълом карда буданд.

Аммо манобеи хабарии мустақил бо истинод ба маросими хоксупории ҷанозаи низомиёни кушташуда дар минтақаҳои мухталифи Тоҷикистон шумори талафоти марзбонони тоҷикро 6 нафар эълом кардаанд.

Мақомоти марзбонии Тоҷикистон бо нашри иттилоияи расмӣ хабар дода буданд, ки шаби 6 - уми ноябр як гурӯҳи 20-нафарии ниқобдор ба дидбонгоҳ дар марз бо Узбакистон ҳамла карданд, ки ба гуфтаи мақомот 15 ҳамлагар кушта шуда, 5 нафарашон боздошт гардиданд. ВУД Тоҷикистон хабар дод, ки 4 нафар дастгир шудаанд.

8631
Барчаспҳо:
сарбоз, қатл, амалиёт, ДОИШ, ҳамла, Тоҷикистон
Детская игрушка возле дороги

Боз садама дар шоҳроҳи "Душанбе-Хуҷанд": кӯдаки худрдсол ҳалок шуд

264
(Таҷдидшуда 12:39 18.09.2020)
Бино бар иттилои Вазорати корҳои дохилии Тоҷикистон ронанда аз ӯҳдаи идораи худрав набаромадааст, ки дар натиҷа як нафар ҳалок шудааст

ДУШАНБЕ, 18 сен — Sputnik. Тавре манбаъ менависад, ҳодиса дирӯз, 17 сентябр рух додааст.

Бино бар иттилои манбаъ, тақрибан соатҳои 13:30 ронандаи "Мерседе-Бенс" Бобоев Шоҳрухи 25-сола, сокини Истаравшан ангоми ҳаракат бо роҳи мошингарди "Душанбе-Хуҷанд-Чаноқ" дар ҳудуди деҳаи Лакати шаҳри мазкур аз уҳдаи идораи воситаи нақлиёт набаромадаст.

ВКД меафзояд, дар натиҷа худрави Бобоев пиёдагарди худрсоли Юсуфҷони 10-соларо, ки сокини деҳоти Зарҳалоли Истаравшан будааст, пахш намудааст.

Дар натиҷа, пиёдагарди хурдсол Ҳоҷиев Ю.Б. ҷароҳати вазнини ҷисмонӣ бардошта, дар беморхона ба ҳалокат мерасад.

Аз рӯи ҳодисаҳои мазкур таҳқиқот идома дорад.

Садамаи мудҳиш дар роҳи "Душанбе-Хуҷанд": мард бо чор фарзанд ва занаш ба ҷарӣ чаппа шуд

 

264
Продавец в магазине считает сдачу

Боздошти ҷавони 23-сола барои ғоратгарӣ дар варзишгоҳи мактаб

193
Вазорати умури дохилии Тоҷикистон аз боздошти як сокини 23-солаи шаҳри Панҷакент хабар дод, ки дар ғоратгарӣ муттаҳам мешавад

ДУШАНБЕ, 17 сен — Sputnik. Тибқи иттилои Вазорати умури дохилӣ, маъмурини милиса дар пайи чорабиниҳои оперативӣ - ҷустуҷӯӣ ҷавони 23-солаи сокини шаҳри Панҷакентро бо гумони содир намудани ҷинояти ғоратгарӣ дастгир карданд.

Манбаъ таъкид кард, ки ҳолати ғоратгарӣ шабона дар майдони варзишии мактаби рақами 29 рух дод.

“Номбурда, санаи 4-уми августи соли 2020, тахминан соати 22:30-дақиқа, дар ҳолати мастӣ дар майдони варзишии МТМУ №29 бо роҳи зӯроварӣ аз дасти ҷавони 18-солаи сокини шаҳри мазкур 7 ҳазору 190 сомониро тасарруф намуда, аз ҷойи ҳодиса ғайб задааст”, - омадааст дар иттилоияи ВУД.

Қарори Ҳукумат: хоҷагии зотпарварии Хуросон ба тавозуни “Чашмаи Нуқра”-и Данғара гузашт

Манбаъ таъкид кард, ки нисбати гумонбаршаванда бар асоси моддаи 248 қисми 2-и Кодекси ҷиноятии Тоҷикистон  парванда оғоз карда шуда, тафтишот идома дорад.

193
Барчаспҳо:
ғоратгарӣ, Варзишгоҳ, Тоҷикистон
Парламентские выборы в Таджикистане

Мастчоҳ ба интихоботи президентӣ омодааст: ифтитоҳи 35 участкаи интихоботӣ дар ноҳия

0
(Таҷдидшуда 19:39 18.09.2020)
Мақомоти ноҳияи Мастчоҳ ҷидди ба интихоботи президентӣ омодагӣ гирифтааст. Дар ноҳия 35 участкаи интихоботӣ таъсис дода шудааст

ДУШАНБЕ, 18 сен — Sputnik. Бино бар иттилои дафтари матбуоти мақомоти вилояти Суғд, дар ноҳияи Куҳистони Мастчоҳ ба баргузории интихоботи Президенти Тоҷикистон, ки санаи 11-уми октябри соли 2020 баргузор мегардад, омодагӣ гирифтааст.

Президент Таджикистана Эмомали Рахмон
© Официальная страница пресс-службы президента РТ в Facebook.

Бино ба иттилои​ Ҳотамбек Аҳмадзода, роҳбари дастгоҳи раиси ноҳияи Кӯҳистони Мастчоҳ​ омодагиҳо ба интихоботи президентӣ дар сатҳи зарурӣ ба роҳ монда шуда, маводи иттилоотӣ дастраси аҳолӣ ва шиору овезаҳо дар гӯшаву роҳравҳо ва ҷойҳои ҷамъиятӣ насб гардидаанд.

Гуфта шудааст, ки дар ноҳияи Куҳистони Мастчоҳ як ҳавза ва 35​ участкаи интихоботӣ таъсис дода шудааст.

Шумораи умумии интихобкунандагон дар ҳавзаи №39-и ноҳияи Кўҳистони Мастчоҳ 14987 нафар буда, аз инҳо 429 нафарашон бори аввал дар интихобот ширкат мекунанд.

Мутобиқи қарори муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аз 6 августи соли 2020 интихобот дар Тоҷикистон 11 октябри соли ҷорӣ баргузор хоҳад шуд.

0
Барчаспҳо:
мақомот, таъсис, участкаҳо, Интихоботи президентӣ, интихобот, Тоҷикистон