Мошини милиса дар Душанбе, акс аз бойгонӣ

Порадиҳӣ барои кор дар сохторе, ки амнияти Президентро таъмин мекунад: рутбаю мансабфурӯшӣ

4513
(Таҷдидшуда 09:58 20.11.2019)
Файзалӣ Олимов, сокини 44-солаи шаҳри Душанбе барои додани рутбаи майор аз як капитани милиса 6300 сомонӣ гирифта, ба нафари дигар ваъда додааст, ки ба ивази 20 ҳазор сомонӣ писарашро ба кор дар воҳиди махсуси ВУД Тоҷикистон қабул мекунад

ДУШАНБЕ, 20 ноя — Sputnik. Додгоҳи ноҳияи Исмоили Сомонӣ парвандаи Олимовро баррасӣ кард, ки ба ивази маблағ қасди рутба ва мансабфурӯшӣ дар сохтори махсуси ВУД Тоҷикистонро доштааст.

Тибқи иттилои додгоҳ, Файзалӣ Олимов моҳи октябри соли 2018 дар ошхонаи “Хонаи Радио”, дар кӯчаи Шерози шаҳри Душанбе ба боварии собиқ нозири калони ротаи махсуси воҳиди махсуси ВКД Тоҷикистон, капитани милиса Камолов Нурулло даромада, ба ивази 6300 сомонӣ ваъда додааст, ки тавассути шиносҳояш ба ӯ рутбаи навбатии майори милитсияро хоҳад дод.

Манбаъ афзуд, ки Олимов  ҳамчунин тавассути капитан Нурулло Камолов ба боварии шаҳрванд Бобохонов Абдулқосим даромада, ба ивази 20 ҳазор сомонӣ ваъда додааст, ки писараш Шарипов Ҳомидро дар воҳиди махсуси ВКД Тоҷикистон ба кор қабул менамояд.

Бар асоси парванда, ҳар ду ҳолати пулгирӣ моҳи октябри соли 2018 дар ошхонаи “Хонаи Радио” сурат гирифта, Олимов маблағи мазкурро ба фоидаи шахсияш истифода намудаст.

“Воҳиди махсус” ниҳоди хоси ВУД Тоҷикистон мебошад, ки ба таъмини амнияти ҳаракати раисиҷумҳури Тоҷикистон ва меҳмонони олимақом машғул буда, маъмурини он асосан дар роҳҳои маркази Душанбе адои хидмат мекунанд.

Додгоҳи ноҳияи Исмоили Сомонӣ иттилоъ дод, Олимов дар мурофиа иттиҳоми қаллобиро, ки алайҳаш эълон шуд, эътироф карда, аз додгоҳ хоҳиш кардааст, ки ӯро афв кунад.

Тоҷикистон аз ҷиҳати порадиҳӣ мақоми 151-умро сазовор шуд

Додгоҳ бар асоси қонун “Дар бораи афв”, ки моҳи октябри соли равон қабул шуд, қазияи Олимовро баррасӣ карда, ӯро аз ҷавобгарии ҷиноятӣ озод кардааст.

4513
Запись на листе бумаге, архивное фото

Худкушии мудири кӯдакистон дар Ӯзбекистон - сабабҳо маълум шуд

176
(Таҷдидшуда 13:22 12.07.2020)
Пас аз ин ҳодиса барои муайян кардани сабабҳои худкушӣ комиссияи вижа ташкил шуд. Бино ба хулосаи прокуратураи ноҳияи Баликчӣ марҳум ба сабаби мушкилот дар кор ва вазъи саломатияш даст ба худкушӣ задааст

ДУШАНБЕ, 12 июл – Sputnik. Хабарҳои нохуш аз вилояти Андиҷони Ӯзбекистон. Мудири боғчаи баччагонаи рақами 11 - и ноҳияи Баликчӣ худкушӣ кард. Дар ин бора Sputnik Ӯзбекистон бо такя ба хадамоти матбуотии Вазорати маорифи муассисаҳои томактабӣ хабар медиҳад.

Дар хулосаи судӣ ва санҷиши равонӣ омадааст, ки "вазъи номусоиди марҳум дар паи низоъҳои эҳсосотии ботинӣ бархоста, ӯро ба чунин кор овардааст".

Ин ниҳод қайд карда, ки вақтҳои охир дар шӯъбаи маорифи ноҳия, ки кӯдакистони рақами 11 ба он мутааллиқ будааст, мушкилоти зиёд сар задааст. Аз ҷумла нақзи қавонини ҷиддӣ дар бахши хоҷагидорӣ ва молиявии кӯдакистон ошкор шудаанд.

Натиҷаҳои санҷиш дар моҳи майи соли равон муайян кардааст, ки роҳбари шӯъбаи таҳсилоти томактабии ноҳияи Баликчӣ нисбати ӯҳдадорҳои худ бемасъулиятӣ зоҳир кардааст. Маълум шуда, ки директори сохтмонии ширкати "Милано курилиш", ки таъмири кӯдакистонеро, ки Ш. Худжакулова, роҳбарӣ мекард, бар ӯҳда доштааст, тавассути ҳуҷҷатгузории қалбакӣ маблағро аз худ кардааст. Корҳои таъмирӣ бесифат анҷом дода шуда буданду додгоҳи ноҳиявӣ нисбати ин далел парвандаи ҷиноӣ боз кард.

Ҳамчунин дар фаъолияти раҳбарӣ ва интизомӣ низ дар ин муассисаи томактабӣ нуқсонҳои зиёд дида шуда, ба вокуниши нохубе аз ҷониби аҳолӣ дучор шудааст. Ҳамин тавр, моҳи июни соли равон мудири кӯдакистон аз вазифа сабукдӯш карда шуд.

Тибқи таҳлилҳои комиссия ҳамаи ин омилҳо ба саломатии рӯҳию равонии мудири муассиса таъсир карданд ва ӯ ба хушкушӣ даст зад. Пизишкон натавонистанд ӯро наҷот диҳанд.

Вазорати маорифи муассисаҳои томактабӣ нисбати даргузашти мудир ба аҳли хонаводаи ӯ изҳори ҳамдардӣ мекунад.

176
Барчаспҳо:
боғчаи бачагон, мудир, сабаб, худкушӣ, Ӯзбекистон
Пляжный зонт

Наҷоти як кӯдак аз ғарқшавӣ ба марги 11 нафар анҷомид

515
(Таҷдидшуда 17:20 11.07.2020)
Ин ҳодиса дар яке аз пляжҳои Миср рух додааст. Ба далели зиёд сар задани чунин ҳодисаҳо, сокинон онр "пляжи марг" ном гузоштаанд

ДУШАНБЕ, 11 июл – Sputnik. Ёздаҳ нафар дар пляжи Александрияи Миср ғарқ шуданд, хабар медиҳад Akhbar el-Youm.

Ҷавони 26 - сола, ки гирифтори бемории рӯҳӣ буд, дар канали Чузӣ ғарқ шуд

Ба иттилои манбаъ, ғарқшавии 11 нафар дар ҳолест, ки қаблан мақомоти давлатӣ дар доираи чораҳои пешгирикунанда аз паҳншавии коронавирус пляжро баста буданд ва аз сокинон дархост намуданд, ки дар ин манотиқ дигар ба шиноварӣ машғул нашаванд.

Гуфта мешавад, ҳодиса соати 05:20 дақиқаи ба вақти маҳаллӣ рух додааст. Сокинон ба хотири ба дасти кормандони пулис науфтодан, субҳи барвақт ба пляж рафтанд.

"Даҳ нафар ба ҳангоми наҷот додани як кӯдак аз ғарқшавӣ худ зери об рафтанд. Наҷотбахшон танҳо ҷасади 6 нафарро берун оварданд. Корҳои кофтукобӣ идома дорад", - таъкид мешавад дар хабар.

Зикр мегардад, ки дар Миср сар аз моҳи март, аз замони авҷ гирифтани маризии коронавирус ҳамаи пляжҳо баста шудаанд ва кормандони пулис ҳамарӯза аз ҳузури одамон назорат мебаранд.

515
Барчаспҳо:
Миср, ғарқ, кӯдак
Жители Тегерана идут по одной из центральных улиц в медицинских масках

Охирон омори коронавирус дар Эрон: фавти 194 нафар дар як рӯз

0
(Таҷдидшуда 17:44 12.07.2020)
Дар тӯли 24 соати гузашта, 194 нафар аз беморони коронавирус ҷони худро аз даст додаанд ва маҷмӯи ҷонбохтагони ин беморӣ ба 12 829 нафар расидааст.

ДУШАНБЕ, 12 июл — Sputnik. Сухангӯи Вазорати дармон, омӯзиш ва пизишкии Эрон аз шиносоии беш аз 2000 бемори ҷадиди мубтало ба коронавирус ва беҳбудии ҳудуди 220 000 нафар дар кишвар хабар дод.

Симо Содоти Лорӣ, сухангӯи Вазорати беҳдошт, дармон ва омӯзиши пизишкии Эрон рӯзи якшанбе дар бораи охирин омори мубталоён ба коронавирус дар кишвар эълом кард.

Бар асоси меъёрҳои қатъии ташхисӣ, дар 24 соати гузашта, 2 186 бемори ҷадиди мубтало ба коронавирус дар Эрон шиносоӣ шуд, ки 1 499 маврид бистарӣ в шуданд ва ба бақия низ ба сурати сарпоӣ хадамоте ироа шуд.

Рӯҳонӣ: Эрон ба ғайр аз ду кишвар бо ҳамсоягони худ равобити хуб дорад

Лорӣ бо баёни ин, ки маҷмӯи беморони коронавирус дар Эрон ба 257 303 нафар расидаст, афзуд: Дар тӯли 24 соати гузашта, 194 нафар аз беморони коронавирус ҷони худро аз даст додаанд ва маҷмӯи ҷонбохтагони ин беморӣ ба 12 829 нафар расидааст.

 

0