Машина скорой помощи

Фоҷеа: падар бо мошин фарзанди 1 солаи худро пахш кард

816
Вазорати умури дохилии Тоҷикистон аз ҳалокати кӯдаки 1 - сола хабар медиҳад, ки зери чархи мошини падараш ҷон додаст

ДУШАНБЕ, 13 дек — Sputnik. Ҳодисаи фоҷеабор дар шаҳри Турсунзода ба вуқӯъ омадааст. Ба иттилои дафтари матбуоти Вазорати умури дохилии Тоҷикистон, падар аз беэҳтиётӣ фарзанди ноболиғашро бо мошин пахш намудаст.

Манбаъ меафзояд, ҳодисаи нохуш рӯзи 12 - уми декабри соли равон тахминан соати 15:10 дақиқа рух додаст.

Садамаи маргбор: кӯдаки 3-сола зери чархи мошин ба ҳалокат расид

"Ронандаи автомашинаи тамғаи "Мерседес - Бенс", Аскаров Абдуллоҷони 33 сола, сокини шаҳри Турсунзода аз беэҳтиётӣ духтарчаи 1 - солаи худро бо мошин зер кардаст", - омадааст дар хабар.

Номбурда  дар назди ҳавлии истиқоматияш ҳангоми ба самти қафо ҳаракат кардан, духтарчаи ноболиғи худ Аскарова Камолаи 1 - соларо пахш намудааст.

Бозӣ мекард: сокини Рӯшон аснои тоза кардани саҳни мактаб кӯдаки 6 соларо пахш кард

Дар натиҷа хурдсол ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидаст.

Феълан аз рӯи ин ҳодиса таҳқиқот идома дорад.

816
Барчаспҳо:
Турсунзода, мошин, садама