Сӯхтор дар бинои 11-ошёнаи Душанбе: ҳалокати шаҳрванди Қазоқистон аз таъсири дуди ғализ

© МВД РТПожар в Душанбе
Пожар в Душанбе  - Sputnik Тоҷикистон
Обуна шудан
Дар як сӯхтори бинои 11-ошёнаи истиқоматӣ дар шаҳри Душанбе иҷоранишин Гогинава Нателла Хуррамовна, шаҳрванди вилояти Чимкенти Қазоқистон ба ҳалокат расидааст

ДУШАНБЕ, 16 дек — Sputnik. Бино бар иттилои дафтари матбуоти Вазорати укорҳои дохилаи Тоҷикистон сӯхтор дар бинои 11-ошёнаи истиқоматӣ дар хиёбони Рӯдакӣ 55/1-и ноҳияи И.Сомонӣ шаҳри Душанбе соати 15-43 дақиқаи санаи 15-уми декабри соли равон сурат гирифтааст.

Российские военные в Таджикистане потушили пожар  в жилом доме на окраине Душанбе - Sputnik Тоҷикистон
Сӯхтор дар меҳмонхонаи нотамоми “Исмоили Сомонӣ” дар маркази шаҳри Душанбе - навор

Тавре манбаъ қайд намудааст, Хадамоти давлатии оташнишонии ВКД Тоҷикистон бо қабули хабар фавран ба ҷойи ҳодиса сафарбар карда шуданд.

“Ҳангоми ба маҳалли ҳодиса расидани кормандони Хадамоти давлатии оташнишонӣ шахтаи барқии бинои истиқоматиро дар долонҳои подъезди он аз ошёнаи 8-ум то 11-ум оташ фаро гирифта, дуди ғализи бошиддат паҳншавандаи он сокинони биноро ба таҳлуқа оварда буд”, - таъкид доштааст манбаъ.

Сӯхтор дар Роштқалъа: супориши Ёдгор Файзов ба раис барои ҳисоби хисорот - акс

ВКД гуфт,  дар натиҷаи гузаронидани амалиёти саривақтӣ сӯхтор ба ҳуҷраҳои истиқоматӣ паҳн нагардида, дар масоҳати аввалааш ба зуддӣ хомӯш карда шуд.

Сӯхтори мудҳиш дар Бишкек - Sputnik Тоҷикистон
"Сӯхтор" дар бозори "Корвон плюс"-ро 634 корманди мақомот хомӯш карданд

Ҳамзамон манбаъ зикр намудааст, ки ҳангоми хомӯш намудани сӯхтор як нафар ба ҳалокат расидааст.

“Мутаасифона то ба ҷойи ҳодиса расидани оташнишонон аз таъсири дуди ғализ иҷоранишини бинои мазкур Гогинава Нателла Хуррамовна соли таваллудаш 1980, миллаташ гурҷӣ, шаҳрванди вилояти Чимкенти Ҷумҳурии Қазоқистон ба ҳалокат расидааст”, - қайд намудааст ВКД.

Ҳамчунин ВКД хабар додааст, ки дар рафти азназаргузаронии ҷойи ҳодиса коршиносони соҳа муайян намуданд, ки сабаби сӯхтор сарбории зиёд дар кабелу ноқилҳои барқӣ, бинобар сабаби аз меъёр зиёд истифодабарии нерӯи барқ аз тарафи сокинон, мебошад.

Лентаи хабарҳо
0