Пограничники на кыргызско-таджикском участке государственной границы

Сангпартоӣ ва шишаҳои шикаста: “бетартибӣ”-и марзбонони қирғиз дар марз

2106
(Таҷдидшуда 15:27 16.12.2019)
Сокинони деҳаи Сомониёни ҷамоати Чоркӯҳи Исфараи Тоҷикистон хабар доданд, ки дар шикастани шишаҳои мағоза ва мошини сокинони деҳаи назди марзӣ дар баробари сокинон марзбононӣ қирғиз низ даст доранд

ДУШАНБЕ, 16 дек — Sputnik. Имрӯз 16 декабри соли равон дар марзи деҳаи Сомониёни ҷамоати Чоркӯҳи Исфараи Тоҷистон бо деҳаи Кӯктоши ноҳияи Бодканди Қирғизистон байни сокинони ду деҳаи наздимарзӣ муноқишаи нав рух дод.

Бино бар иттилои Салоҳиддин Иброҳимов, раиси деҳаи Сомониёни ҷамоати Чоркӯҳи Исфараи Тоҷикистон чанде пеш як гурӯҳ сокинони маҳалаи  Кӯктош ноҳияи Бодканди Қирғизистон шишаҳои мағозаи як сокини деҳаи Сомониёнро сангпартоӣ карда барқасдона шикаста буданд.

"Сокинон мехостанд барои таъмини амнияти ҳамин мағоза гирду атрофи мағозаро деволпӯш кунанд, аммо маррзбонони қирғиз ба ин кор мамоният нишон медиҳанд", - гуфт Салоҳиддин Иброҳимов

Вай гуфт, марзбонони қирғиз имрӯз омада миёни мардуми ду кишвар иғову дасиса андохтант.

Дар ҳамин ҳол, ба гуфтаи бархе аз сокинони еҳаи Сомониёни ҷамоати Чоркӯҳи Исфара имрӯз як гурӯҳи дигар шишаҳои мошини Сафаров Умромиддинро шикаста ба вай ҳам зарари модиву молиявӣ расониданд.

"Ин ду ҳодиса таҳти назорати марзбонони қирғиз сурат гирифт, ҳангоми шикастани шишаҳои мошин фармондеҳи дидбонгоҳи марзии Қирғизистон бо номи Султанбай шахсан иштирок намуда буд”, - гуфтанд сокинони маҳалӣ.

Ба гуфтаи сокинони Сомониён, сокинони Кӯктош роҳеро, ки аз байни ин ду деҳа мегузарад, худсарона баста, сокинони ҷониби Тоҷикистонро сангборон кардаанд.

Дар ҳоли ҳозир ба ҷои ҳодиса фавран намояндагони мақомоти ду ноҳияи марзӣ ва ниҳодҳои марзбонии ҳарду кишвар омадаанд ва музокирот давом дорад. Дар ҳоли ҳозир, мақомотҳои амниятии Тоҷикистон бо ҳамкорни қирғиз корбарӣ доранд.

Ҷониби Қирғизистон ҳанӯз дар бораи ин муноқишаи навбатӣ изҳори назар накардааст.

Ёдовар мешавем, ки қаблан 16 - уми сентябр дар марзи Тоҷикистону Қирғизистон муноқиша навбатӣ рух дода буд. Дар паи тирпарронӣ се смарзбони тоҷик ҷон бохт.

Мақомоти Тоҷикистону Қирғизистон дар ҷанҷолу тирандозӣ дар марзи ду кишвар ҳамдигарро мутаҳҳам карда буданд.

Мақомти Қирғизистон эълон кардааст, ки дар натиҷаи тирандозӣ як сарбози ин кишвар аз тири нерӯҳои Тоҷикистон ба ҳалокат расидааст.

2106
Барчаспҳо:
марзбонон, мошин, марз, Исфара, Қирғизистон, Тоҷикистон
Мавзуҳо:
То кай?: танишҳои марзӣ миёни Тоҷикистону Қирғизистон (92)
Метро, акс аз бойгонӣ

Як соли пранкери тоҷик дар зиндон: суҳбаташ аз шӯхӣ, ҳабс ва тақдири норӯшан-аксу видео

271
(Таҷдидшуда 14:49 17.01.2021)
Кароматулло Ҷабборов, пранкери тоҷик, ки як сол қабл дар метрои Маскав худро гирифтори коронавирус вонамуд кард, як сол боз бидуни эълони ҳукми додгоҳ дар боздоштгоҳ аст

ДУШАНБЕ, 17 янв — Sputnik. Марина Литвинович, узви Комиссияи ҷамъиятӣ аз вазъи пранкери тоҷик дар боздоштгоҳ хабар гирифта, ҳоли боздоштшуда ва пораҳое аз суҳбаташро баён дошт. 

Ҷабборов аввали моҳи феврали соли гузашта, замоне, ки нав воҳимаи коронавирус паҳн шуду иттилои кофӣ дар бораи он набуд, дар метрои Маскав сулфиду худро ба фарш партофта буд. Шарикони ин саҳнасозӣ изҳор доштанд, ки ӯ гирифтори коронавирус аст, ки ин боиси тарс ва гурези мусофирон шуд.

"Пранк"-е, ки оқибаташ вой шуд: блогери тоҷикро 7 соли зиндон таҳдид мекунад

Кароматулло Ҷабборов он замон боздошт шуд, аввал зери санади берун нарафтан аз ҷои иқомат раҳояш карданд, аммо баъдан боз ба ҳабс гирифтанд.

Литвинович мегӯяд, акнун барои ин пранк як сол боз дар Бутирка нигоҳдорӣ мешавад, дар ҳоле, ки ҳукми додгоҳ ҳанӯз содир нашудааст.

Узр хост, ки аблаҳӣ карду гуфт 2 зан дорад: тамдиди ҳабси блогери тоҷик дар Маскав-видео

Ҷабборов дар боздоштгоҳ ба Литвинович изҳор дошт, ки кори баде накардааст, касе осеб надид, танҳо хост як навори иҷтимоӣ дар бораи коронавирус ва вокуниши мардум сабт кунад.

“Мо махсусан вагони бе кӯдак ва одамони солхӯрда интихоб кардем, то ба касе осеб нарасонем. Ба касе ҳатто бо ангушт нарасидем. Дар натиҷа аллакай як сол дар боздоштгоҳаму ҳанӯз маълум нест, додгоҳ чанд соли дигар ҳукм мекунад”, - изҳор дошт пранкер.

Ба гуфтаи Литвинович, феълан Кароматулло дар як утоқ бо 22 нафар нигоҳдорӣ  мешавад ва ба ӯ то 7 соли зиндон таҳдид мекунад.  Замоне, ки пранкер дар ҳабс буд, писараш Макар таваллуд шудаст ва ҳамагӣ як бор ӯро дар додгоҳ дидааст.

“Ман вақте ин наворро мондам, падарам аз Тоҷикистон занг зад. Гуфт наворро гир, маро шарманда накун. Ман гирифтам, аммо аллакай дер шуда буд”, - изҳор доштаст Ҷабборов.

Ӯ афзудааст, ки дар боздоштгоҳ тағйир ёфт, босабр шуд, китобхонӣ бо забони русӣ оғоз кардааст.

“Китоби зиёд хондам, оқилтар шудам, аммо бо вуҷуд барои касе чунин таҷрибаро намехоҳам”, - илова намудаст пранкер.

Ба гуфтаи Литвинович дар назар аст, ки ҳукми додгоҳ нисбати Кароматулло Ҷабборов аввали моҳи феврал эълон карда шавад.

Дар шабакаҳои иҷтимоӣ бисёре аз корбарон то 7 соли зиндонро барои як шӯхӣ, гарчӣ ноҷо ҳам буд, сангин хондаанд. Бархеи дигар худи Кароматулло айбдор кардаанд, ки бо шӯхии ноҷояш мусофиронро ба таҳлука андохт.

271

Маросими видоъ бо Борис Грачевский дар Маскав шурӯъ шуд

113
(Таҷдидшуда 13:51 17.01.2021)
Борис Грачевский рӯзи панҷшанебе дар бемористон дар синни 72 - солагӣ аз маризии сироятии коронавирус ба ҳалокат расид

ДУШАНБЕ, 17 янв — Sputnik. Маросими видоъ бо раҳбари бадеии "Ералаш" Борис Грачевский дар Маскав дар Хонаи кино оғоз ёфт. Дӯстону ҳамкорон ва мухлисони эҷодиёти Грачевский барои видоъ бо ӯ омаданд, хабар медиҳад РИА Новости.

© Sputnik / Антон Денисов
Прощание с Б. Грачевским

Грачевский рӯзи панҷшанбе дар беморхона дар синни 72-солагӣ бар асари коронавирус даргузашт.

Гуфта мешавад, тобути ӯ дар саҳна бо гулу гулчанбарҳо гузошта шудааст. Дар толор мусиқӣ садо медиҳад, аксҳои Грачевский дар экрани калон намоиш дода мешаванд, дар аксари онҳо ӯ бо дӯстон ва ҳамкоронаш акс гирифтааст.

Борис Грачевский коргардон, сенариянавис, муаллифи ду филм, инчунин офарандаи чанд филми мустанад мебошад.

Пас аз бемории коронавирус иммунитети бадан то кай пойдор мемонад?

Кинохроникаи ҳаҷвии бачагонаи "Ералаш" соли 1974 аз ҷониби Грачевский якҷоя бо драматург Александр Хмелик таъсис дода шудааст. Дар тӯли 10 сол Грачевский директори "Ералаш" буда, аз соли 1984 роҳбари бадеии кинохроника буд.

113
Барчаспҳо:
Маскав, маросими видоъ
Мавзуҳо:
Пайомадҳои COVID-19 дар Тоҷикистон ва ҷаҳон
Даст ба дуо, акс аз бойгонӣ

Даргузашти Дӯстмурод Уроқов, иқтисодшиносу адиби тоҷик-акс

0
(Таҷдидшуда 16:11 17.01.2021)
Дӯстмурод Уроқов, иқтисоддони тоҷик, ки ба эҷоди асарҳои бадеӣ низ шуҳрат дошт, дар синни 78-солагӣ даргузашт

ДУШАНБЕ, 17 янв — Sputnik. Дар шаҳри Душанбе яке аз донишварони пуркори иқтисоддон ва адиби соҳибдилу соҳибқалам Дӯстмурод Уроқов дар синни 78-солагӣ чашм аз ҷаҳон пӯшид, хабар додааст Фаридун Раҳнавард, рӯзноманигори тоҷик.

Дӯстмурод Уроқов, соли 1942 таваллуд шуда, доктори илми иқтисод, профессор, ходими шоистаи илми Тоҷикистон мебошад.

Дар бораи сабаби фавти Уроқов иттилое ироа нашудааст. Раҳнавард дар саҳифааш аз хизматҳои Уроқов барои илму адабиёт гуфтааст.

“Равоншод умри худро вақфи хидмат ба илму маориф ва адабиёт намуда, аз худ як силсила осори арзишманди илмиву адабӣ ба ёдгор гузоштанд. Академики Академияи иқтисодии Авруосиё, Арбоби илму техникаи Тоҷикистон ва Раиси Ассосиатсияи муҳосибон ва аудиторонии Тоҷикистон буд”, - изҳор дошт Раҳнавард.

Таъкид шудааст, ки марҳум дар баробари таълифи осори илмӣ ва фаъолияти пурсамар дар соҳаи иқтисод ба эҷоди асарҳои бадеӣ низ рағбат дошт.

Дар феҳрасти асарҳои бадеияш "Муҳофиз", "Қиссаҳои марғуби зиндагӣ", "Овора", "Диёри файзбори ман", "Меҳрона" ва ғайра зикр шудаанд, ки дар радифи осори илмӣ номашонро зинда медоранд.

0
Барчаспҳо:
даргузашт, Тоҷикистон