Дорожная техника расчищает автомобильную дорогу от лавины, архивное фото

Фаромадани нахустин тарма дар соли 2020 дар шоҳроҳи Душанбе-Хуҷанд

833
(Таҷдидшуда 14:22 02.01.2020)
Дар километрҳои 62 ва 69 шоҳроҳи мошингарди  Душанбе-Хуҷанд, воқеъ дар қаламрави ноҳияи Варзоб бар асари бориши барфи тар тарма фаромад

ДУШАНБЕ, 2 янв — Sputnik. Кумитаи ҳолатҳои фавқуллода мегӯяд, тағйири ҳаво, сардиҳо ва резиши барфи тар ҳаракати мошинҳо дар роҳҳои баъзе манотиқи кишвар ба мушкил рӯ ба рӯ кардааст.

Бар асари бориши шадиди барф аввалин тарма дар шоҳроҳи Душанбе-Хуҷанд ба қайд гирифта шуд.

"Дар километрҳои 62 ва 69 шоҳроҳи мошингарди  Душанбе-Хуҷанд, воқеъ дар қаламрави ноҳияи Варзоб бар асари бориши барфи тар тарма фаромад. Айни замон кормандони ширкати “IRS” ва наҷотдиҳандагони Кумитаи ҳолатҳои фавқулодда ва мудофиаи гражадании назди Ҳукумати Ҷумҳурии Тоҷикистон, ки дар дидбонгоҳи Майхура, километри 62 қарор доранд, мавзеъҳои мазкурро аз барф тоза мекунанд", - омадааст дар хабарнома.

Гуфта мешавад, ки барои таъмини амнияти ронандагон дар роҳҳо наҷортдиҳандагони воҳидҳои вокуниши сареъи Кумита навбатдории шабонарӯзӣ ба роҳ мондаанд.

Ҳушдори КҲФ: сафарҳои безарурат накунед, барфу борон ва хатари тарма дар роҳҳо

Дар иртибот ба тағйири обу ҳаво, фаро арсидани сардиҳо, бориши барф, вазиши бодҳои сарду сахт Кумитаи ҳолатҳои фавқулодда аз сокинон ва меҳмонони кишвар хоҳиш мекунад, ки аз сафарҳои безарурат ба минтақаҳои тармахез, роҳҳои дуҳворгузари кӯҳӣ худдорӣ намоянд.

Ин ниҳод аз ронандагон хоҳиш мекунад, беш аз ҳар вақт эҳтиёткор бошанд ва ҷони худу ҳамсафарони худро дар хатар наандозанд.

833
Барчаспҳо:
тарма, Душанбе, Хуҷанд, Тоҷикистон
Автомобили на проезжей части, архивное фото

Шарҳи ВКД дар бораи садамае, ки ҷони Диловари Зуҳуриёнро гирифт

624
(Таҷдидшуда 11:53 20.10.2020)
Вазорати корҳои дохилаи Тоҷикистон иттилоъ додааст, ки дар мошин ҳамроҳ бо оҳангсоз овозхон Диловари Зуҳуриён боз як нафари дигар ҳузур дошт, ки низ дар ҷои ҳодиса ба ҳалокат расид

ДУШАНБЕ, 20 окт — Sputnik. Бино бар иттилои Вазорати умури дохилаи Тоҷикистон садамаи маргбор санаи 19-уми октябри соли равон, тахминан соати 01:00 шаб рӯх додааст.

Тибқи иттилои манбаъ, ронандаи худрави "Мерседес-бенс", Зуҳуров Диловар Тағоймуродович, соли таваллудаш 1974, сокини ноҳияи Данғара, ҳангоми ҳаракат дар роҳи "Душанбе-Ваҳдат-Кулоб", дар ҳудуди деҳоти Бурунови шаҳри Ваҳдат аз уҳдаи идораи нақлиёт набаромада ба боркаши "Шакман", бархӯрдааст.

Мошини боркаш таҳти идораи Орифов Бахтиёр Ибрагимович, соли таваллудаш 1988, сокини ноҳияи Рӯдакӣ будааст.

"Дар натиҷа ронандаи автомашинаи тамғаи "Мерседес-бенс", Зуҳуров Д.Т ва мусофираш Зокиров Искандар Ҷобирович, соли таваллудаш 1970, сокини шаҳри Душанбе ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидаанд", - омадааст дар хабарнома.

Манбаъ афзуда, ки аз руи ҳодисаи мазкур таҳқиқот идома дорад.

Ёдрас мешавем, ки Диловари Зуҳуриён, оҳангсози шинохтаи тоҷик, муаллифи оҳангҳои маъруфи эстрадаи муосири Тоҷикистон мебошад.

Зуҳуриён барои ситораҳои Тоҷикистон, аз ҷумла Сурайё Қосимова, Шабнами Сурайё, Манижа Давлатова, Садриддини Наҷмиддин ва дигарон оҳанг эҷод кардааст.

624
Барчаспҳо:
ҳалокат, нақлиётӣ, садама, Тоҷикистон
Жители города Душанбе в защитных масках на улице

Бидуни фавт: афзоиши гирифторони коронавирус дар Тоҷикистон

440
(Таҷдидшуда 20:24 19.10.2020)
Вазорати тандурустии Тоҷикистон омори тозаи сироят, шифоёбӣ ва марг аз коронавирус дар кишварро нашр кард

ДУШАНБЕ, 19 окт – Sputnik. Вазорати тандурустӣ ва ҳифзи иҷтимоии аҳолии Тоҷикистон иттилоъ додааст, ки дар як шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ дар мамлакат ба  10533 нафар баробар гардид.

Пешбинии анҷоми ҳамагирии коронавирус: як соли дигар "сабр"

Ҳамзамон,  дар як шабонарӯзи охир 52 нафар пас аз табобат ба хонҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 9563  (90,8%)  баробар гардид. Инчунин, бар асари ин беморӣ  80 нафар фавтидаанд.

Путин аз сабти номи ваксинаи дуввуми Русия алайҳи COVID-19 хабар дод: сеюмаш дар роҳ аст

Ҳукумати Ҷумҳурии Тоҷикистон ва Вазорати тандурустӣ аз тамоми сокинони кишвар даъват ба амал меорад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

440
Барчаспҳо:
вируси корона, омор, Вазорати тандурустӣ ва ҳифзи иҷтимоии аҳолии ҶТ, Тоҷикистон
Жители города Душанбе в защитных масках на улице

Кӣ донотар: оғози даври шаҳрии озмуни "Фурӯғи субҳи доноӣ китоб аст" дар Душанбе

0
(Таҷдидшуда 13:48 20.10.2020)
Дар Душанбе аз 20 то 23 октябр даври шаҳрии Озмуни ҷумҳуриявии "Фурӯғи субҳи доноӣ китоб аст" доир мегардад

ДУШАНБЕ, 20 окт — Sputnik. Имрӯз бо ибтикори мақомоти шаҳри Душанбе дар "Маркази кӯдакону наврасон"-и пойтахт даври шаҳрии Озмуни ҷумҳуриявии "Фурӯғи субҳи доноӣ китоб аст" оғоз гардид.

Озмуни мазкур то 23 октябри соли равон  идома меёбад. 

Дар ин бора АМИТ "Ховар" бо такя ба Раёсати иттилоот ва робитаҳои хориҷии дастгоҳи Раиси шаҳри Душанбехабар доданд.

"Дар рӯзи аввали даври шаҳрии озмун 32 нафар довталабон аз ноҳияи Фирдавсии пойтахт аз рӯи номинатсияҳои "Хондан ва аз ёд кардани осори адибони классики тоҷик",  "Хондан ва аз ёд кардани осори адибони муосири тоҷик", "Хондан ва аз ёд кардани ашъори бачагона ва афсонаҳои халқи тоҷик", "Хондан ва аз ёд кардани осори адабиёти ҷаҳон" ва номинатсияи "шоирӣ" байни худ рақобат намуда, ба ҳайати ҳакамон истеъдоди худро муаррифӣ менамоянд",-афзуд манбаъ.

Гуфта мешавад, ки дар даври ноҳиявии озмуни мазкур довталабони зиёд ширкат карда, 170 нафар беҳтаринҳо  ба даври шаҳрӣ роҳхат гирифтаанд.

Ғолибони озмун бо мукофотпулӣ ва диплому сипосномаҳои мақомоти шаҳри Душанбе сарфароз гардонида шуда, соҳиби роҳхат ба даври ниҳоӣ, яъне даври ҷумҳуриявии озмуни "Фуруғи субҳи доноӣ китоб аст" мегарданд.

Духтараки панҷакентие, ки Раҳмонро бо шеърхонияш дар ҳайрат гузошт, Шоҳҷоиза гирифт

Ёдовар мешавем, ки Озмуни "Фурӯғи субҳи доноӣ китоб аст" бо Амри президенти Тоҷикистон аз 5 феврали соли 2020 миёни тарбиятгирандагону хонандагони макотиб ва донишҷӯёни муассисаҳои таҳсилоти ибтидоӣ, миёна ва олии касбӣ, баъд аз муассисаҳои таҳсилоти касбӣ (магистрҳо, аспирантҳо, докторантҳо), калонсолон ва намояндагони касбу кори гуногун баргузор мешавад.

Ин озмун бо мақсади баланд бардоштани завқи китобхонӣ, тақвияти нерӯи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ инкишофи қобилияти эҷодӣ, таҳкими эҳсоси худшиносию худогоҳӣ, такмили захираи луғавӣ, тақвияти ҷаҳони маънавӣ гузаронида мешавад.

0
Барчаспҳо:
даври дуюм, озмун, Душанбе