Нож в руках, архивное фото

Боздошти боз даҳ “теғзан”-и дигар дар Душанбе

490
Масъулини Раёсати Вазорати умури дохилаи Тоҷикистон дар шаҳри Душанбе эълон намуданд, ки дар як ҳафтаи ахир боз нафарро боздошт намуданд, ки номбурдагон бо худ силоҳи сард мегардониданд

ДУШАНБЕ, 22 янв — Sputnik. Бино бар иттилои дафтари матбуоти Раёсати вазорати умури дохилаи Тоҷикистон дар шаҳри Душанбе, дар давоми як ҳафтаи охир кормандони милитсияи пойтахт дар доираи роҳандозӣ намуданаи амалиёти “Корд” дар марҳилаи навбатӣ боз даҳ нафари дигарро боздошт намуданд.

Сотрудники милиции изъяли ножи у десяти человек
Сотрудники милиции изъяли ножи у десяти человек

Тибқи иттилои манбаъ, боздоштшудагон бо худ силоҳи сард мегардониданд.

“Дар рафти баргузории марҳилаи навбатии амалиёт аз 10-нафар шаҳрвандон 10-адад корд дарёфту мусодира карда шуданд”, - таъкид намудааст манбаъ.

Манбаъ қайд намудааст, ки нисбати он нафароне, ки дар рафти амалиёт боздошт ва аз онҳо чунин силоҳҳо дарёфту мусодира карда шуд, чораҳои гуногуни таъсиррасони қонунӣ, аз ҷумла нисбати ду нафар ҳабси маъмурӣ, нисбати волидайни як нафар ноболиғ протоколи маъмурӣ бо моддаи 90-и Кодекси ҳуқуқвайронкунии маъмурии Тоҷикистон ва нисбати 7-нафари дигар ҷаримаҳои маъмурӣ татбиқ карда шуданд.

Бар иттилои манбаъ, Хочаев Аброр Саидисломович соли таваллудаш 1988 истиқоматкунандаи шаҳри Душанбе, ки пеш бо моддаи 200 кисми 3 КҶ ҶТ маҳкум шуда буд, боздошт ва аз ӯ як-адад корд дарёфт карда шуд.

Ҳамзамон кормандони мақомоти интизомӣ Сатторов Шоҳин соли таваллудаш 1995, истиқоматкунандаи шаҳри Душанбе, Мирзоахмедов Эраҷ Дилшодович, соли таваллудаш 1997 зода ва сокини ноҳияи Ашти вилояти Суғд, Мирзоахмедов Эраҷ соли таваллудаш 1997 зода ва сокини ноҳияи Ашти вилояти Суғд, Ҳикматов Додулло истиқоматкунандаи шаҳри Душанбе кӯчаи Навбаҳор, Раҳимов Холид соли таваллудаш 1998, истиқоматкунандаи вилояти Суғд ноҳияи Б. Ғафуров, Нуриддинов Амирҷон Хуршедович, соли таваллудаш 1996, истиқоматкунандаи шаҳри Душанбе, Соҳибзода Ҳамза Рустам, соли таваллудаш 1997, истиқоматкунандаи шаҳри Душанбе, Мамадқулов Қосим соли таваллудаш 1995, истиқоматкунандаи ноҳияи Фирдавсии шаҳри Душанбе, Умаров Алиҷон, соли таваллудаш 2004, истиқоматкунандаи шаҳри Душанберо боздошт намуданд.

Вобаста ба ин Раёсати ВУД дар шаҳри Душанбе аз кулли шаҳрвандон хоҳиш намудааст, ки барои пешгирии ҳолатҳои бо худ гирифта гаштани силоҳи сард, бе тараф набошанд ва амалу рафтор ва доираи дӯстони фарзандони худро зери назорат қарор диҳанд то нагузоранд онҳо ҳамроҳи худ чунин силоҳи сард гардонанд.

Инчунин Раёсати ВУД дар шаҳри Душанбе зикр намудааст, ки милитсияи пойтахт то охирин лаҳза ва пурра аз байн бурдани ин амали номатлуб дар ҷомеа мубориза бурда, амалиётҳои мақсаднокро дар ҳудуди пойтат идома медиҳад.

490
Барчаспҳо:
Вазорати умури дохилӣ, силоҳ, боздошт, амалиёт, Душанбе, ВУД, Тоҷикистон
Российской военно-транспортной авиации 89 лет

Мотам дар оилаи Тураевҳо: даргузашти тоҷири маъруф, ки “илтиҳоби шуш” дошт

6631
Султон Тӯраев, яке аз тоҷирони маъруфи Истаравшан ва бародари Сайфиддин ва Қурбон Тӯраевҳо, сиёсатмадорони маъруфи Тоҷикистон дар синни 69 – солагӣ бо зиндагӣ падруд гуфт

ДУШАНБЕ, 21 сен — Sputnik. Яке аз наздикони марҳум дар таъйиди ин хабар ба Sputnik Тоҷикистон гуфт, Султон Тӯраев тайи даҳ рӯзи ахир дар Шифохонаи шаҳрии Истаравшан бо ташхиси “илтиҳоби шуш” табобат мешуд.

“Баъди зуҳри имрӯз духтурон хабар доданд, ки вазъашон ба вахомат гароидааст. Соате нагузашта, хабар доданд, ки ҷон ба ҷонофарин таслим кардаанд”, - гуфт ӯ.

Султон Тӯраев дуввумин намояндаи хонаводаи маъруфи Тӯраевҳо дар Истаравшан аст, ки дар замони пандемияи “вируси корона” оламро тарк мекунад.

30 майи соли равон бародари ӯ Сайфиддин Тӯраев дар синни 75 – солагӣ аз маризии дил вафот карда буд. Бародари бузурги онҳо - Қурбон Тӯраев низ дар ин миён як бор ба маризӣ печида, пас аз муддате шифо ёфт.

Сайфиддин ва Қурбон Тӯраевҳо сиёсатмадорони маъруфи Тоҷикистонанд, ки дар солҳои 90 – ум барои истиқрори сулҳ ва як ҳукумати мутамарказ дар Тоҷикистон нақши боризе доштанд.

Сайфиддин Тӯраев дар гузашта вазири хидмати маишӣ (1986-89), муовини аввали раиси Шӯрои Олӣ буд ва дар интихоботи президентии ноябри соли 1999 номзад ба мақоми раисиҷумҳури Тоҷикистон пешниҳод шуд.

Қурбон Тӯраев дар замони Шӯравӣ раиси Кумитаи Ҳизби коммунисти Тоҷикистон дар навоҳии Айнӣ, Мастчоҳ, шаҳри Ӯротеппа, пас аз истиқлолият вазири кишоварзии Тоҷикистон буд.

Ҳарду солҳои 1990 узви Шӯрои олӣ буданд ва дар иҷлосияи XVI – и Шӯрои Олии Тоҷикистон даъвати дувоздаҳум, ки 16 ноябри соли 1992 дар Қасри Арбоби шаҳри Хуҷанд баргузор шуд, ширкат намуда, аз номзадии Эмомалӣ Раҳмон ба раёсати Шӯрои олӣ пуштибонӣ намудаанд.

Дар қиёс бо бародарони худ Султон Тӯраев як умр бо тиҷорат – пешаи хонаводагии Тӯраевҳо машғул буд. Пас аз суқути Иттиҳоди Шӯравӣ ӯ дар заминаи Идораи тиҷорати давлатии ҳукумати шаҳри Ӯротеппа (ҳоло Истаравшан) Ҷамъияти саҳҳомии “Хуросон” – ро таъсис дода, то дами марг мудири кулли он ба шумул мерафт.

Аз сӯи дигар, ба қавли наздикон, Султон Тӯраев ҳарчанд бо сиёсат сарукор надошт, аммо ба шеъру шоирӣ алоқаи зиёд дошт.

Сайфиддин Тӯраев собиқ номзади президентӣ аз олам даргузашт

“Чанд намунаи ашъори он кас низ нашр шудаанд, ки то ҷое дилу нарму дунёи шоиронаи он касро ошкор мекунад”, - гуфтанд онҳо.

Ҷанозаи марҳум асри имрӯз, 21 сентябр, дар қабристони Калламанораи шаҳри Истаравшан ба хок супурда шуд.

6631

Қазоқистон қоидаҳои вуруди шаҳрвандони Тоҷикистонро ба қаламраваш тағйир дод

496
(Таҷдидшуда 17:00 21.09.2020)
Маълум шуд, ки шаҳрвандони Тоҷикистон ҳангоми вуруд ба Қазоқистон бояд кадом ҳуҷҷатҳоро пешниҳод кунанд

ДУШАНБЕ, 21 сен - Sputnik. Қазоқистон қоидаҳои вуруд ба қаламравашро ҳангоми пандемияи коронавирусӣ муқаррар кард, хабар медиҳад Today.kz.

Тибқи фармони сардухтури санитарии Қазоқистон, ҳар касе ки ба ҷумҳурӣ меояд, ба се категория тақсим карда мешавад.

Ба гурӯҳи аввал мусофирон аз Чин, Тайланд, Муғулистон, Малайзия, Миср, Гонконг, Кореяи Ҷанубӣ, Ҷопон, Сингапур, Олмон, Беларус ва Озарбойҷон шомиланд. Онҳое, ки аз ин кишварҳо меоянд, танҳо бояд аз термометрия ва саволномаҳо гузаранд.

Тоҷикистон дар категорияи дуввум якҷоя бо давлатҳои монанди Узбакистон, Русия, Қирғизистон, Украина, Швейтсария, Британияи Кабир, Лаҳистон, Италия, Маҷористон, Австрия, Нидерланд, Шветсия, Руминия, Чехия, Юнон, Туркия, Аморати Муттаҳидаи Араб, Арабистони Саудӣ, Ҳиндустон ва Арманистон шомил аст.

 Ҳангоми вуруд ба Қазоқистон, шаҳрвандони ин кишварҳо на танҳо бояд аз термометрия ва саволномаҳо гузаранд, балки инчунин шаҳодатнома бо ташхиси манфӣ барои коронавирус пешниҳод кунанд.

Кишварҳои боқимонда ба гурӯҳи сеюм шомил карда шудаанд.

Маскав оғози парвозҳо ба Душанбе аз моҳи октябрро баррасӣ дорад-расонаҳо

Бо қарори сардухтури санитарии Қазоқистон парвози мунтазам аз ин иёлот манъ аст, танҳо парвози махсус дар мувофиқа бо мақомот имконпазир аст.

496
Барчаспҳо:
парвоз, Қазоқистон, Тоҷикистон
Жена народного поэта РТ Лоика Шерали - Зебунисси Кутбиддинова

Ду-се моҳи беморӣ ва инсулт: ҳамсари Лоиқ ба "дидор"-и Лоиқ рафт

110
(Таҷдидшуда 10:16 22.09.2020)
Зебуннисо Қутбиддинова, ҳамсари Лоиқ Шералӣ, субҳи имрӯз, 22 сентябр, дар синни 74-солагӣ олами фониро падруд гуфт

 ДУШАНБЕ, 22 сен — Sputnik. Ромиш Шералӣ, писари Лоиқ Шералӣ, дар таъйиди ин хабар ба Sputnik Тоҷикистон гуфт, модараш ду – се моҳи ахир аз маризӣ азият кашида, ҳатто як бор инсултро низ паси сар карданд ва шифо ёфтанд.

“Аммо ин хурсандии мо дер давом накард. Тақрибан 15 рӯзи пеш фишорашон баланд рафт ва он касро ба Шифохонаи Ибни Синои шаҳри Душанбе овардем. Ин субҳ даргузаштанд”, - гуфт Ромиш Шералӣ.

Зебуннисо Қутбиддинова соли 1946 дар шаҳри Панҷакент ба дунё омада, соли 1966 пас аз хатми мактаби миёна ба Донишгоҳи омӯзгории Тоҷикистон дохил шудааст. Соли 1967 риштаи умри худро бо Лоиқ Шералӣ, Шоири халқии Тоҷикистон пайвастааст.

Ҳосили ин издивоҷ се писару ду духтар мебошад. Марҳум то охири умр дар мактаби рақами 54 – и ба номи Лоиқ Шералии шаҳри Душанбе омӯзгор буд.

Ҳамзамон осорхонаи Лоиқ Шералӣ дар ин мактаб бунёд шуд, ки масъулияташро ӯ бар дӯш дошт.

Сӯҳбати ҳамсари Лоиқ: аз ошиқиву гиряҳову нафаси охирини шоир то мисрае, ки чоп нашуд

Лоиқ Шералӣ, Шоири халқии Тоҷикистон 30 июни соли 2000 дар синни 59-солагӣ аз сактаи мағзӣ оламро тарк кард. Ӯ аз камтарин шоирони муосири тоҷик аст, ки на фақат дар Тоҷикистон, балки форсизабонони ҷаҳон ҳаводорони зиёд дорад ва ашъораш ба даҳҳо забони хориҷӣ тарҷума шудаанд.

Яке аз охирин ғазалҳои ӯ ба номи “Рафтам ман аз бари ту, дидор дар қиёмат” унвон дошт, ки ба ҳамсараш бахшида шуда буд.

Як дӯсти хонавода дар таъзияномааш ба марги Зебуннисо Қутбиддинова чунин навишт: “Ин марг нест... Ӯ ба дидори ёри қиёматии худ рафт!”

Ҷанозаи Зебуннисо Қутбиддинова дар қабристони Сарманзили шаҳри Панҷакент пас аз намози пешин баргузор мешавад.

110