ДУШАНБЕ, 1 фев — Sputnik. Вазорати корҳои дохилии Тоҷикистон аз боздошти марди 30-сола ба иттиҳоми қасдан расонидани зарари ҷисмонӣ хабар медиҳад.
Гуфта мешавад, ки ҳодиса шоми 30-юми январи соли 2020 ба вуқӯъ пайвастааст.
Бино ба гузориши ин ниҳод, дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия марди 32-солаи сокини ҷамоати деҳоти Ёваи ноҳияи Б.Ғафуров бо гумони қасдан расонидани зарари вазнин ба саломатӣ дастгир карда шудааст.
Тибқи иттилои манбаъ, номбурда, санаи 30-юми январи соли 2020, тахминан соати 19:30-дақиқа, дар манзили истиқоматиашон аз сабаби муноқишаи ба миён омада ҳамсараш, зани 22-соларо бо корд 1-маротиба ба қафаси синааш задааст.
Дашноми қабеҳ доду дар қафаси синааш корд зад: авбошӣ дар Душанбе
"Дар натиҷа, ҷабрдида ҷароҳати вазнини ҷисмонӣ бардошта, дар беморхона бистарӣ гардидааст", - омадааст дар хабарнома.
Манбаъ афзуда, ки аз рӯи ин ҳодиса тафтишот идома дорад.
