Садамаҳои маргбор дар роҳҳои Тоҷикистон: ҳалокати се нафар дар ду рӯз ахир
(Таҷдидшуда 14:11 25.02.2020)
Дар ду садамаи нақлиётие, ки рӯзҳои 23-24 феврали соли равон дар шоҳроҳи “Душанбе-Хуҷанд-Чанноқ” ва роҳи “Ёвон-Рӯдакӣ” сурат гирифтааст, се нафар ба ҳалокат расидаастДУШАНБЕ, 25 фев — Sputnik. Бино бар иттилои дафтари матбуоти Вазорати умури дохилаи Тоҷикистон дар садамаи нақлиётие, ки рӯзи 24-уми феврали соли равон дар шоҳроҳи “Душанбе-Хуҷанд-Чанноқ”, дар ҳудуди ноҳияи Деваштич сурат гирифтааст, ронандаи 46 сола ба ҳалокат расидааст.
Тавре ВУД хабар додааст, ронандаи автомашинаи тамғаи “ВАЗ-2106”, Эшбоев Лутфулло Фозилович, соли таваллудаш 1974, сокини ҷамоати деҳоти Шаҳристони ноҳияи Шаҳристон, ҳангоми ҳаракат дар шоҳроҳи “Душанбе-Хуҷанд-Чанноқ”, дар ҳудуди ноҳияи Деваштич аз уҳдаи идораи воситаи нақлиёт набаромада, ба автомашинаи тамғаи “Мерседес-Бенс”, таҳти идораи ронанда, Маҳмудов Карим Раҳимович, соли таваллудаш 1967, сокини ноҳияи Айнӣ, бархӯрдааст.
Ду садамаи маргбор дар шоҳроҳи Бохтар-Душанбе ва Хуҷанд дар як рӯз: ду тан ҳалок шуданд
“Дар натиҷа, ронандаи автомашинаи тамғаи “ВАЗ-2106” Эшбоев Л.Ф. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст” – зик намуд манбаъ.
Инчунин тибқи иттилои ВУД Тоҷикистон, як садамаи маргбори дигар санаи 23-юми феврали соли равон, дар ҳудуди деҳаи Гулоб ҳангоми ҳаракат аз самти ноҳияи Ёвон ба самти ноҳияи Рӯдакӣ рух додааст.
“Ронандаи автомашинаи “Опел-Астра”, Намозов Нуралӣ, соли таваллудаш 1991, сокини ҷамоати деҳоти Султонободи ноҳияи Ёвон ҳангоми ҳаракат аз самти ноҳияи Ёвон ба самти ноҳияи Рӯдакӣ, дар ҳудуди деҳаи Гулоб аз уҳдаи идораи воситаи нақлиёт набаромада, ба автомашинаи боркаши тамғаи “Камаз”, таҳти идораи ронанда, Авлақулов Абдурасул, соли таваллудаш 1998, сокини ҷамоати деҳоти Султонобод, бархӯрдааст”, - таъкид доштааст манбаъ.
ВУД Тоҷикистон қайд кардааст, ки дар натиҷаи ин садама ронандаи автомашинаи “Опел-Астра” Намозов Н.Ю ва мусофираш Эшмурзоев Насимхон Абдуҳалимович, соли таваллудаш 1986, сокини ҷамоати деҳоти мазкур, ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд.
Дар ҳоли ҳозир кормандолни Вазорати умури дохилаи Тоҷикистон аз рӯи ин ҳодисаҳо таҳқиқот идома доранд.
Барчаспҳо:
Наҷоти се кӯдак дар Душанбе аз паси дари баста
ДУШАНБЕ, 5 мар— Sputnik. Тибқи иттилои Кумитаи ҳолатҳои фавқулода ин ҳодиса субҳи, 5-март рух додааст.
Аз ин ҳодиса сокини кӯчаи Навбаҳори ноҳияи Синои пойтахт ба қисми навбатдории Раёсати Кумитаи ҳолатҳои фавқулода хабар додааст.
Тибқи иттилои КҲФ, дари манзили истиқоматиаш аз дарун маҳкам шудаву се тифли ноболиғаш дар хона мондаанд.
Шуғнон: Сарбозон духтари 20-соларо, ки худро ба дарёи Панҷ андохт, наҷот доданд
Баъди дарёфти хабар, Дастаи махсуси зудамали наҷоти Раёсат ба ҷои ҳодиса расид ва дари шаҳрвандро бо истифода аз воситаҳои техникӣ боз кард.
"Кӯдакони дар хонамонда беосебу саломат ба модарашон супурда шуданд", - омадааст дар хабарнома.
Ёдрас мешавем, ки чанде пеш низ дар Душанбе ҳодисаи ба ҳамин монанд рух дода буд. Он замон, ду ноболиғ дар манзили сокини пойтахт дар паси дари баста монда буданд ва низ аз ҷониби наҷотдиҳандагони КҲФ наҷот ёфтанд.
Барчаспҳо:
Мард қарз доду чанде пас фавтид: қазияи бозпас гирифтани 200 ҳазор доллар то пулис рафт
(Таҷдидшуда 15:47 05.03.2021)
Сокини 59 - солаи пойтахт соли 2011 ба як мард 200 ҳазор доллар дода, пас аз чанд сол бар асари маризӣ фавтидаст. Ҳоло қазияи баргардондани ин миқдор маблағ ба фарзанди ӯро кормандони пулис зери назорати худ гирифтандДУШАНБЕ, 5 мар— Sputnik. Кормандони милитсия марди 56 - сола, сокини шаҳри Душанберо боздошт намуданд, ки дар содир намудани кирдори қаллобӣ муттаҳам дониста мешавад.
Ба иттилои котиботи Вазорати умури дохилӣ, боздоштшуда ҳанӯз соли 2011 ба боварии сокини 59 - солаи пойтахт даромада, аз ӯ 200 ҳазор доллари амрикоӣ қарз гирифтааст.
Гуфта мешавад, қарздиҳанда бинобар бемор будан, соли 2013 фавтидааст.
Боздоштшуда бо гузашти 10 сол, маблағи гирифтаро бозпас надодааст, ки аз ин кор фаранди ӯ зарари махсусан калон дидааст.
Дар асоси шикояти писари марди марҳум, қарзгиранда боздошт шуд ва феълан кормандони пулис дар ин самт тафтишот мегузаронанд.
Фиреби тоҷик аз ҷониби ҳамватан дар Маскав: 20 мошинашро гирифтаст
ВУД Тоҷикистон мегӯяд, боздоштшуда қаблан низ бо моддаи 156 Кодекси ҷиноятии Ҷумҳурии Тоҷикистон суд шудааст.
Чанде пеш, ВУД Тоҷикистон аз қаллобии марди 49 - сола хабар дод, ки ба сокинони ноҳияи Вахш ба маблағи 20000 сомонӣ зарар расонидааст.
Барчаспҳо:
Футболбозони клуби “Хуҷанд” ба Туркия мераванд: мақсад чист?
(Таҷдидшуда 20:34 05.03.2021)
Футболбозони клуби “Хуҷанд” ба Туркия сафар карда 10 рӯз он ҷо мемонанд. Пеша аз сафар раиси вилояти Суғд бо онҳо мулоқот кардДУШАНБЕ, 5 март - Sputnik. Раиси вилояти Суғд Раҷаббой Аҳмадзода бо футболбозони клуби "Хуҷанд" дидору мулоқот кард.
Бино ба гузориши мақомоти вилояти Суғд, раиси вилоят аснои мулоқот бо ҳайати даста гуфтааст, ки роҳбарияти вилоят дар партави дастурҳои Эмомалӣ Раҳмон ба рушди намудҳои варзиш, аз ҷумла футбол таваҷҷуҳи зарурӣ зоҳир намуда, клубҳои футболро мунтазам дастгирӣ менамояд.
Дар ин росто бозингарони дастаи "Хуҷанд" бо мақсади баланд бардоштани маҳорату малака ва омодагӣ ба мавсими нави футбол, инчунин омӯзиши техникаҳои нави бозии футбол ба Ҷумҳурии Туркия сафарбар карда мешаванд.
"Бозингарони "Хуҷанд" давоми 10 рӯз дар Туркия се бозии рафиқона анҷом дода, барои иштирок дар чемпионатҳо омодагӣ мебинанд", - омадааст дар хабарнома.
Таъкид гардида, ки минбаъд дастаҳои футболи "Эсхата" ва "Истаравшан" низ барои такмили маҳорат ва мубодилаи таҷриба ба кишварҳои дуру наздик фиристода мешаванд.
Раиси вилоят дар поёни мулоқот ба шахсони масъул ҷиҳати беҳтар намудани шароити бозингарон, омодагии ҳамаҷонибаи дастаҳои футбол дар лигаи олӣ, рушди варзиш дар шаҳру навоҳӣ супоришҳои мушаххас додааст.
Барчаспҳо: