ДТП, архивное фото

Ду садамаи марговар дар роҳҳои Тоҷикистон ҷони ду танро гирифт

140
(Таҷдидшуда 11:36 26.02.2020)
Ба иттилои ВКД, дар ҳарду ҳолат ҳам ронанда аз ӯҳдаи идораи автомашина набаромад, ба садама дучор шудааст

ДУШАНБЕ, 26 фев — Sputnik. Вазорати умури дохилаи Тоҷикистон аз рух додани ду садамаи маргбор гузориш додааст, ки дар натиҷа, мутаассифона ду тан ҳалок гаштаанд.

Бино бар иттилои манбаъ, рӯзи 25-уми феврали соли 2020, тахминан соати 22:30-дақиқа, ронандаи автомашинаи тамғаи «Опел-Астра», Қулматов Бобур Обидҷонович, соли таваллудаш 1997, сокини ҷамоати деҳоти Косатароши шаҳри Панҷакент, ҳангоми ҳаракат дар деҳаи Косатарош, аз уҳдаи идора намудани воситаи нақлиёт набаромада, ба канори рости роҳ баромада, ба ҷӯйбори обгузар чаппа шудааст. 

Дар натиҷа, мусофири автомашинаи мазкур Умарова Фотима Бозоровна, соли таваллудаш 1983, сокини хамонҷо, ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

Фавти раиси Додгоҳи шаҳри Истаравшан ва корманди хоҷагии ҷангал дар пайи садамаи нақлиётӣ

Мутаассифона, санаи 25-уми феврали соли 2020, тахминан соати 08:30-дақиқа, ронандаи автомашинаи тамғаи “Форланд”, Расулов Миралӣ Нуруллоевич, соли таваллудаш 1987, сокини кӯчаи Амиршоеви пойтахт, ҳангоми ҳаракат аз тарафи кӯчаи Ҳ.Шерозӣ ба самти кӯчаи Лучоби шаҳри Душанбе, дар рӯ ба рӯи роҳи даромад ба бинои “Маҷмааи Варзишӣ” пиёдагард Рулонов Толибҷон Давлатович, соли таваллудаш 1998, сокини ҷамоати деҳоти М.Маҳмадалии ноҳияи Восеъро пахш намудааст.

Дар натиҷа, ҷабрдида ҷароҳати вазнини ҷисмонӣ бардошта, дар беморхона ба ҳалокат расидааст.
Аз рӯи ҳодисаҳои мазкур таҳқиқот идома дорад.

 

140
Барчаспҳо:
садама, ВКД, Тоҷикистон
Значок немецкого концерна Мерседес на автомобиле,

Дучархадуздӣ рафту мошинро дуздид-видеои ВУД

79
(Таҷдидшуда 17:40 24.01.2021)
Вазорати умури дохилии Тоҷикистон аз ошкор шудани як ҳолати мошиндуздӣ дар ноҳияи Рӯдакӣ хабар додааст

ДУШАНБЕ, 24 янв— Sputnik. Тибқи иттилои Вазорати умури дохилии Тоҷикистон, ба идораи милиса дар ноҳияи Рӯдакӣ Абдулманит Ҷӯраев муроҷиат карда, аз дуздии мошинаш хабар додааст.

Муроҷиаткунанда, сокини деҳаи Алачабофи ноҳияи Рӯдакӣ арз доштааст, ки шаби 16 декабр шахсони номаълум вориди манзили истиқоматияш шуда, мошини “Мерседес бенз”-ашро дуздидаанд.

Маъмурини милиса дар пайи чорабиниҳои оперативӣ-ҷустуҷӯӣ Алиев Ҳасан, сокини ноҳияи Исмоили Сомониро боздошт кардаанд. ВУД мегӯяд, ин ҷавони соли таваллудаш 2002 қаблан низ суд шудааст.

Муттаҳам дар гузориши ВУД изҳор медорад, ки бо ҳадафи дуздии дучарха вориди манзили истиқоматӣ шуд, ки калидҳоро даруни мошин дид ва онро ҳай карда бурдааст.

Ба гузориши ВУД, феълан алайҳи Алиев парвандаи ҷиноӣ оғоз карда шуда, ӯ дар ҳабси пешакӣ қарор дорад. Таъкид шудааст, ки мошин ба соҳибаш баргардонда шуд.

Назари бевоситаи муттаҳам ва ё ҷониби ҳимояаш дар бораи ин қазия маълум нест.

79
Барчаспҳо:
боздошт, дуздӣ, мошин, Тоҷикистон

Марги марди амрикоӣ пас аз чанд соати гирифтани ваксина

158
(Таҷдидшуда 15:28 24.01.2021)
То ҳол маълум нест, ин мард бо кадом навъи ваксина - Moderna ё Pfizer эм карда шудааст. Феълан дар сатҳи маҳаллӣ ва федеролӣ ин қазия тафтиш мешавад

ДУШАНБЕ, 24 январ - Sputnik. Дар ИМА як мард пас аз чанд соати гирифтани ваксина алайҳи коронавирус вафот кард, хабар медиҳад РИА Новости.

Як милисаи минтақаи Плейсер дар саҳифааш дар Facebook хабар дод, ки мард моҳи пеш гирифтори коронавирус шуда буд.

"Хадамоти тандурустии Плейсер округ ва шӯъбаи коронавируси дафтари округи Шериф дар бораи марг огоҳнома дарёфт карданд. Дар авохири моҳи декабр дар бадани ин мард бемории COVID-19 дарёфт шуд... Рӯзи 21 январ ин мард алайҳи коронавирус эм карда шуд ва пас аз чанд соат даргузашт", - омадааст дар хабарнома.

Қайд карда мешавад, ки фавтида, на дар идораи тандурустии шаҳр, балки дар дигар ҷой эм карда шудааст. Тафтишот дар чанд сатҳ -  маҳаллӣ ва федеролӣ гузаронида мешаванд.

Марги 55 нафар дар Амрико пас аз гирифтани ваксина

Ҳанӯз маълум нест, ки шахси фавтида кадом ваксинаро гирифтааст - Moderna ё Pfizer.

158
Барчаспҳо:
мард, марг, эмгузаронӣ, вируси корона, ИМА

Чӣ гуна духтараки 7 - сола кӯҳҳои барфпӯшро фатҳ мекунад - видео

0
(Таҷдидшуда 20:11 24.01.2021)
Комёбиҳои ин духтарак ҳамаро дар ҳайрат гузошт. Ӯ ҳамагӣ 7 сол дорад, вале аллакай чандин нишон ба даст овардаасту қуллаҳои баландро фатҳ намудааст

Василиса Ермакова ҳамагӣ ҳафт сол дорад, аммо аллакай бо ҳунари худ дар Русия се рекорд гузоштааст: ҷаҳидан аз трамплин ба сноуборд бо гардиши 540 дараҷа аз миёни хурдсолон, ҷаҳиш бо гардиши 360 дараҷа ба сноуборд ва ҷаҳиш аз баландӣ бо суръати ( 48 км / соат) дар скейтборд.

Дар баробари ин ӯ дар мусобиқот аз рӯи сноуборд ҳафт нишони тиллоӣ ба даст овардааст. 

Василиса аз сесолагӣ ба ин навъи варзиш шавқ пайдо кард. Ҳамааш замоне оғоз шуд, ки волидонаш ӯро бо худ ба истироҳатгоҳи лижаронӣ бурданд.

"Вақте ман либос мепӯшидам ӯ, тахтаро гирифта бо ду пояш болои он баромад ва аз баландӣ худро ҳаво дод. Дар пеш монеа буд, вале ӯ наафтид, рост лағжида рафт. Мо ҳамаи инро ба навор гирифтем", - нақл кард падари духтарак Антон.

Се лижарони тоҷик барои Ҷоми Қароқурум дар Покистон зӯрозмоӣ мекунанд

Волидон аввал қарор карданд, ки ба духтарак лижабозиро меомӯзанд, вале пас аз як сол Василиса сноубордро низ аз худ кард. Тренери Василиса падараш мебошад, ки пеш ба ҳамин навъи варзиш машғул будааст.

0
Барчаспҳо:
Русия, варзишкор, духтарак, комёбӣ