Дарёи Сир дар шаҳри Хуҷанд, акс аз бойгонӣ

Ҷустуҷӯи ҷасад дар Сир: шамол заврақ бо 2 ҷавонро чаппа кард

363
(Таҷдидшуда 14:20 06.03.2020)
Кумитаи ҳолатҳои фавқулоддаи Тоҷикистон аз чаппашавии заврақи ҳомили ду нафар бар асари шамоли сахт дар дарёи Сир хабар дод

ДУШАНБЕ, 6 мар – Sputnik. Аз ду нафаре, ки савори як заврақи моторӣ мехостанд аз соҳиле ба соҳили дигари дарёи Сир убур кунанд, яке ғарқи дарё шуд ва то кунун ҷустуҷӯи ҷасади ӯ натиҷа надодааст, хабар дод сомонаи Кумитаи ҳолатҳои фавқулодда.

Манбаъ бо такя ба гузориши раёсати Кумитаи ҳолатҳои фавқулодда ва мудофиаи граждании назди Ҳукумати Тоҷикистон дар вилояти Суғд, афзудааст, ки ин ҳодиса нисфирӯзии 5-уми март рух дод.

"Рӯзи 5-уми марти соли равон, соати 14:20 дақиқа дар ҳудуди ҷамоати деҳоти Унҷии ноҳияи Бобоҷон Ғафуров, минтақаи пойгоҳи обкашии дарёи Сир, шаҳрвандон Қузиев Абдухалили 39-сола ва Саидов Иномҷони 34-сола, истиқоматкунандагони ҷамоати деҳоти Унҷӣ, кӯчаи Сири ноҳияи Б.Ғафуров бо мақсади убур аз соҳили чапи дарёи Сир ба тарафи рост бо қайиқи моторӣ сафар карданд”, - омадааст дар иттилоия.

Кумита тавзеҳ дод, ки дар миёни дарё баногоҳ шамоли сахт вазид ва заврақ чаппа шуд.

"Шаҳрванд Саидов аз дохили дарё зинда берун шуд, вале ҳамсафари вай шояд аз он ки қоидаҳои оббозиро намедонист, дар об ғарқ гардид ва бедарак шуд", - илова намуд Кумита.

Ин ниҳод афзуд, ки айни ҳол ҷустуҷӯи ғарқшуда аз тарафи наҷотдиҳандагон дар вилояти Суғд идома дошта, маълумоти иловагӣ баъдан пешниҳод карда мешавад.

363
Российской военно-транспортной авиации 89 лет

Даргузашти Шоира Бузурукова, вакил ва сартабиби таваллудхонаи вилоятӣ дар Хуҷанд

360
Шоира Бузрукова, сардухтури таваллудхонаи вилояти Суғд санаи 4 июли соли 2020 дар шаҳри Хуҷанд аз олам даргузашт

ДУШАНБЕ, 5 июл — Sputnik. Дар бораи марги табиб Назира Ғаффорӣ дар саҳифаи фейсбукияш иттилоъ додааст.

Баҳодурхон Раҳматов, донишноманигори шинохтаи тоҷик
Сарредаксияи илмии Энсиклопедияи миллии Тоҷик
“4 июли соли 2020 дили яке аз инсонҳои наҷиб, табиби ҳозиқ, вориси арзандаи Сино, бонуи оқилу бафазилат, номзади илмҳои тиб, роҳбари кордону ташаббускор, ташкилотчии моҳир, зани соҳибмаърифату соҳибикром, матиниродаву накӯкор, зиндагидӯсту зебопараст, ҳалиму меҳрубон, хушсухану хушодоб, модари мушфиқу ғамхор Бузурукова Шоирахон Камоловна аз тапиш бозмонд”,-навиштааст хонум Ғаффорӣ.

Ба навиштаи ӯ, Шоирахон Камоловна барои рушди соҳаи тандурустӣ дар вилоят, ҳифзи саломатии модару кӯдак ва ҳамчун вакили мардумӣ дар Маҷлисҳои вакилони халқи шаҳри Хуҷанд ва вилояти Суғд дар ҳалли бисёр масъалаҳои мубрами ҳаёти ҷомеа, хосатан дар соҳаи тиб саҳми шоиста гузоштааст.

Аммо дар бораи аз чи беморӣ фавтидани табиб иттилоъ дода нашудааст.

Гуфта мешавад, Шоира Бузурукова, дар раёсати тандурустии вилояти Суғд кор кардаву муддатҳо  таваллудхонаи шаҳри Хуҷандро роҳбарӣ мекард.

Солҳои охир вай ба ҳайси сардухтури таваллудхонаи вилояти Суғд  ва ҳамзамон вакили мардумӣ дар Маҷлисҳои вакилони халқи шаҳри Хуҷанд ва вилояти Суғд буд.

360
Мужчина с ножом в руках, архивное фото

Донишҷӯи Донишкадаи технологӣ ҳамраҳи 22 - солаи худро корд зада кушт - акс

232
(Таҷдидшуда 14:41 05.07.2020)
Раёсати умури дохилии Тоҷикистон аз боздошти донишҷӯйи бахши 2 - юми Донишкадаи технологӣ хабар медиҳад, ки ҳамраҳи 22 солаи худро бо корд зада куштаст

ДУШАНБЕ, 5 июл — Sputnik. Кормандони пулиси Душанбе ҷавони 20 - соларо бо гумони даст доштан дар ҳодисаи куштор боздошт намуданд.

акс аз сафҳаи РВУД Тоҷикистон
Бабаев Ансор гумонбар дар қатли сокини 22 - солаи пойтахт

Котиботи Раёсати умури дохилии дар пойтахт хабар медиҳад, ҳодисаи куштор шоми 29 - уми июн дар ноҳияи Фирдавсии шаҳри Душанбе рух дод.

Манбаъ меафзояд, миёни Бабаев Ансор соли таваллудаш 18-уми октябри 2000, сокини шаҳри Душанбе маҳаллаи Гулбутта, донишҷӯи курси 2-и Донишкадаи технологии Тоҷикистон ва Маҷидов Аюбҷони 22 - сола сокини шаҳри Душанбе муноқиша бархост.

Шавҳар ба милиса шикоят бурд: занам маро бо корд зад

Дар натиҷа Ансор, ки бо корд мусаллаҳ буд ба қисмати рони пои чапи Маҷидов якчанд маротиба зарба задааст.

Гуфта мешавад, Маҷидов аз ҳисоби талаф додани хуни бисёр дар беморхона ба ҳалокат расид.

РВУД Тоҷикистон мегӯяд, айни замон нисбати донишҷӯи гумонбаршуда, бо моддаи 110 қисми 3 банди "в"-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, нисбаташ чораи пешгирӣ дар намуди ба ҳабси пешакӣ гирифтан татбиқ карда шудааст.

232
Барчаспҳо:
боздошт, донишҷӯ, куштор, Тоҷикистон

Марди ҳиндӣ барои ҳифозат аз коронавирус ниқоби тиллоӣ бо арзиши 4 000 доллар мепӯшад

0
Ин мард мегӯяд, ниқоби тиллоиро пас аз он фармоиш дод, ки нафареро бо ниқоби нуқрагӣ дида буд. Ниқоби ӯ 2,5 кило вазн дорад

ДУШАНБЕ, 5 июл — Sputnik. Шанкар Кударе шаҳрванди Ҳиндустон бо арзиши 4 ҳазор доллар ниқоби тиллоӣ харида барои муҳофизат кардани худ аз коронавирус мепӯшад. Дар ин бора худи ӯ ба РИА Новсоти хабар додааст.

Сокини иёлати Махараштра изҳор доштаст, ки пас аз дидани нафаре бо ниқоби нуқрагӣ, хост барои худ айнан чунин ниқоб, вале тиллоиро фармоиш диҳад.

"Он замон дар сарам фикре дар бораи фармоиш додани ниқоби тиллоӣ пайдо шуд. Азбаски ман тиллоро дӯст медорам ва занҷирҳои тиллоро мепӯшам, қарор додам чаро ниқоби тиллоиро напӯшам? Сипас аз заргари маҳаллӣ хоҳиш кардам, ки барои ман ниқоби тиллоиро омода созад", - афзудааст Кударе.

Дунёи ниқобпӯшон: роҳҳои пешгирӣ аз коронавирус дар кишварҳои гуногун - акс

Ниқоби ӯ 2,5 кило вазн дошта 3870 доллар арзиш дорад.

Ӯ мегӯяд, барои муҳофизат кардан аз маризии коронавирус танҳо пӯшидани ниқоб кумак намекунад. Аз ин рӯ, номбурда дар баробари бо ниқоби тиллоӣ ба кӯча баромадан, риоя кардани фосилаи иҷтимоиро низ фаромӯш намекунад.

Кударе мегӯяд, ниқобаш ӯро миёни мардум ва ҳамчунин ВАО шӯҳратёр кард.

"Вақте бо ниқоби тиллоӣ ба берун баромадам, диққати ҳамаро ба худ ҷалб кардам, зеро ин гуна ниқоб тамоман чизи нав аст ва ҳайрати одамонро ба бор овард", - мегӯяд вай.

Бар тибқи маълумоти ахир, дар Ҳиндустон 648 ҳазор нафар мубталои коронавиурс шуда, 18 ҳазор мариз ҷон аз даст доданд.

0
Барчаспҳо:
тилло, Ҳиндустон
Мавзуҳо:
Пайомадҳои COVID-19 дар Тоҷикистон ва ҷаҳон