Работница коммерческого секса с клиентом, архивное фото

Даллагӣ барои хоҳари худ: боздошти зани солхӯрда барои ташкили фоҳишахона

2459
Вазорати умури дохилаи Тоҷикистон аз боздошти зани солхӯрдае хабар медиҳад, ки барои алоқаи ҷинсии хоҳар ва маъшуқааш шароит фароҳам оварда, бар ивази он маблағ гирифтааст

ДУШАНБЕ, 16 мар — Sputnik. Бино ба иттилои ин ниҳод, дар пайи гузаронидани чорабиниҳои оперативӣ-ҷустуҷӯӣ аз ҷониби кормандони милитсия зани 64-солаи сокини кӯчаи Коммунизми шаҳри Истаравшан бо гумони ташкил ва нигаҳдошти фоҳишахона дастгир карда шуд.

Ба иттилои манбаъ, номбурда, санаи 10-уми марти соли ҷорӣ, тахминан соати 09:30-дақиқа, дар хонаи истиқоматиаш барои алоқаи ҷинсӣ намудан шароит фароҳаи оварда, хоҳараш, зани 35-солаи сокини ҳамон ҷоро бо марди 33-солаи сокини шаҳри Кӯлоб шинос карда, аз онҳо 200-сомонӣ мукофотпулӣ гирифтааст.

Манбаъ мегӯяд, нисбати гумонбаршаванда парвандаи ҷиноятӣ бо моддаи 239 Кодекси ҷиноятии Тоҷикистон оғоз карда шуда, тафтишот идома дорад.

ВУД ҳамчунин бо ин иттиҳом зани 39-солаи сокини кӯчаи Шота Руставелии ноҳияи Исмоии Сомонии пойтахтро боздошт кардааст, ки барои се ҷуфт барои алоқаи ҷинсӣ шаироит фароҳам оварда, пул гирифтааст.

Фоҳишахона дар маркази Душанбе: дар манзилаш ҷой дода, пул мегирифт

“Номбурда, санаи 15-уми марти соли 2020, тахминан соати 10:00, дар хонаи истиқоматиаш, воқеъ дар кӯчаи Бухорои пойтахт барои алоқаи ҷинсӣ намудан ба марди 32-сола ва ҷавонзани 24-солаи сокинони пойтахт шароит фароҳам оварда, аз онҳо 250-сомонӣ мукофотпулӣ гирифтааст”,-афзудааст манбаъ.

Гуфта мешвад, ӯ ҳамчунни санаи 17-уми феврали соли ҷорӣ, барои шароит фароҳам овардан барои алоқаи ҷинсӣ ба ду ҷуфти дигар дар хонаи истиқоматиаш 400 сомонӣ гирифтааст.

ВУД мегӯяд, аз рӯи ин ҳодисаҳо тафтишот идома дорад.

2459
Барчаспҳо:
Тоҷикистон, маблағ, фоҳишахона, зан, боздошт
ДТП, архивное фото

Мақомот ҳалокати сардори шуҳбаи КҲФ дар Ванҷ ва писарашро зимни садамаи нақлиётӣ шаҳр дод

11
(Таҷдидшуда 13:00 02.06.2020)
Кумитаи ҳолатҳои фавқулодаи Тоҷикистон садамаи маргбори рӯзи 31 майро ки дар пайи он Худоиев Аслншоҳ,  корманди ин ниҳод сардори бахши Раёсати Кумитаи ҳолатҳои фавқулода дар ноҳияи Ванҷ бо писараш фавтид, шарҳ дод

ДУШАНБЕ, 2 июн – Sputnik. Бино ба иттилои сомонаи расмии ин ниҳод, ҳодиса баъд аз зуҳри рӯзи  31-уми майи соли равон  дар километри 109 шоҳроҳи Душанбе – Дарвоз - Хоруғ, мавзеъи  Шаҳидони ҷамоати деҳоти Қалъаи Хумб рух дод.

Ба иттилои манбаъ, автомашинаи тамғаи “Опел Астра”, ки аз ҷониби сокини 51-солаи деҳаи Рохарви ҷамоати деҳоти М.Абдуллоеви ноҳияи Ванҷ Озод Қадамов идора мешуд, дучори садама шуд.

“Ин мошин аз ноҳияи Сангвор ба самти ноҳияи Дарвоз дар ҳоли ҳаракат буд ва сабаби садама маълум нест. Бино ба нақли шоҳидон он ба умқи тақрибан 80 метр ба дарёи Хумбов сарозер мешавад”,-афзудааст манбаъ.

Манбаъ мегӯяд, бар асари ин садамаи мудҳиш корманди ин ниҳод бо писараш ба ҳалокат расида, ду нафари дигар бо ҷароҳатҳои вазнин дар бемористони ноҳияи Дарвоз бистарӣ шуданд

Гуфта мешавад, ҷасади Худоиев Умари 9-сола – писари Худоиев Аслншоҳ дирӯз тақрибан 300 метр поёнтар аз ҷойи ҳодиса, дар соҳили дарё пайдо шуд.

11
Барчаспҳо:
фавт, КҲФ Тоҷикистон, Ванҷ, Тоҷикистон
Военный билет. Архивное фото

Боздошти ронандаи Комиссариати ҳарбӣ барои фурӯши билети ҳарбӣ

78
(Таҷдидшуда 12:09 02.06.2020)
Ожонси мубориза бо фасод дар Тоҷикистон аз боздошти Зубайдулло Ҳабибуллоев хабар медиҳад, ки дар фурӯши билети ҳарбӣ муттаҳам мешавад

ДУШАНБЕ, 2 июн – Sputnik. Бино ба иттилои дафтари матбуотии ин ниҳод, Зубайдулло Ҳабибуллоев ронандаи Комиссариати ҳарбии ноҳияи Бобоҷон Ғафурови вилояти Суғд дар фурӯши билети ҳарбӣ муттаҳам мешавад.

Солдат пограничник ГКНБ погранслужба
© Официальная страница пресс-службы президента РТ в Facebook.

Ба иттилои манбаъ, номбурда санаи 14 апрели соли 2020 бо роҳи фиреб ва суиистифодаи боварӣ аз шаҳрванд Матазимов А.С. барои ба номи писараш-Матазимов Р.А. омода карда додани билети ҳарбии номуносиб ба хизмати ҳарбӣ, маблағи 10000 сомонӣ талаб кардааст.

Манбаъ мегӯяд, Ҳабибуллоев ин маблағро дар ду маврид гирифта тасарруф намудааст.

Гуфта мешавад, дар ин асос нисбати Ҳабибуллоев З.С. бо моддаи 247 қисми 3 банди “а”  Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакӣ он идома дорад.

Қаблан ҳолатҳои фурӯши билети ҳарбӣ аз сӯи кормандони комиссариятҳои ҳарбӣ ошкор шуда буд, аммо ин нахустин ҳолат аст, ки аз ҷониби ронандаи комсарият сурат мегирад. 

 

78
Барчаспҳо:
боздошт, Оҷонсии мубориза зидди коррупсия, билети ҳарбӣ, Комиссариати ҳарбӣ, ноҳияи Бобоҷон Ғафуров, Тоҷикистон