Страшное ДТП в Бишкеке - фото очевидцев

Садамаи маргбор дар Данғара ва Нуробод 2 кушта ва 8 захмӣ барҷой гузошт

2065
(Таҷдидшуда 15:30 21.03.2020)
Вазорати умури дохилаи ТОҷикистон аз ду садамаи маргбор хабар медиҳад, ки дар паи ноуҳдабароии ронандагон сар зада ду кушат а ҳашт зухмӣ бар ҷой гузоштааст

ДУШАНБЕ, 21 мар - Sputnik. Бино ба гузориши ВУД, рӯзи 20-уми марти соли 2020, тахминан соатҳои 09:30, дар шоҳроҳи “Душанбе-Кӯлоб”  81 км дуртар аз шаҳри Душанбе, воқеъ дар ҳудуди ноҳияи Данғара, садамаи маргбор рух додааст.

Тибқи иттилои ин ниҳод, ронандаи худрави тамғаи "Опел-Астра", Валиев Меҳрубон Дилшодович, соли таваллудаш 1984, сокини ноҳияи Шамсиддини Шоҳин, ҳангоми ҳаракат аз самти шаҳри Душанбе ба самти шаҳри Кӯлоб аз ӯҳдаи идораи воситаи нақлиёт набаромада, ба самти чапи роҳ баромада мошинро дар чуқурии канори роҳ чаппа кардааст. 

"Дар натиҷа мусофири дар дохили автомашина буда, Валиев Гадобой Дилшодович, соли таваллудаш 2000, сокини ҳамин ноҳия дар ҷойи ҳодиса ба ҳалокат расидааст, ронандаи автомашинаи мазкур, ҷароҳатҳои гуногуни ҷисмонӣ бардошта, дар беморхона бистарӣ гардидааст", - омадааст дар хабарнома.

Ҳамчунин худи ҳамон рӯз, тахминан соатҳои 12:40-дақиқа, ронандаи худрави тамғаи "Хундай Старекс", Лоиқов Фирӯз Додарбекович, соли таваллудаш 1994, сокини ноҳияи Рашт, ҳангоми ҳаракат аз самти ноҳияи Рашт ба самти ноҳияи Нуробод, дар ҳудуди ҷамоати деҳоти Комсомолободи ноҳияи Нуробод аз уҳдаи идора кардани воситаи нақлиёт набаромада, автомашинаро чаппа кардааст.

"Дар натиҷа мусофири дар дохили автомашина буда, Мирзоев Маҳмаҳаит Ҳаётович, соли таваллудаш 1968, сокини ноҳияи Рашт ҷароҳати вазнини ҷисмонӣ бардошта, дар беморхона ба ҳалокат расидааст".

Мусофирони дигари автомашинаи мазкур Ҳимматова Файзинисо Аюбовна, соли таваллудаш 1978 ва фарзандони ноболиғаш, Ҳаётова Баҳринисо Маҳмаҳаитовна, соли таваллудаш 2011, Ҳаётов Маҳмадиқбол Маҳмадҳаитович, соли таваллудаш 2009, сокинони ҳамонҷо, Зуҳуров Ҷонибек Абдулҳаевич, соли таваллудаш 1977, сокини ноҳияи мазкур, Иброҳими Хайрулло, соли таваллудаш 2000, сокини ноҳияи Нуробод, Хоҷамов Расул, соли таваллудаш 2000, сокини шаҳри Хоруғ ва Сайфиддинов Сайхуҷа, соли таваллудаш 2001, сокини ноҳияи Рашт ҷароҳатҳои гуногуни ҷисмонӣ бардошта, дар беморхона бистарӣ карда шудаанд.

Шарҳи садамае, ки 6 куштаю 2 маҷруҳ барҷой гузошт: Иброҳимов аз уҳдаи идора набаромадаст

Манбаъ афзуда, ки аз рӯи ин ҳодисаҳо таҳқиқот идома дорад.

2065
Барчаспҳо:
маргбор, садама, Нуробод, Данғара

Фавти 20 сарнишини ҳавопаймо дар Ҳиндустон: аснои фурӯд омадан ду қисм шуд - навор

22
(Таҷдидшуда 15:27 08.08.2020)
Ҳавопаймои Boeing 737 аз Дубай самти Ҳиндустон парвоз мекард ва гуфта мешавад дар дохили он аз 170 то 194 сарнишин қарор дошт

ДУШАНБЕ, 8 авг – Sputnik. Дар шаҳри Коҷикоде иёлати Керале дар Ҳиндустон ҳавопаймои ширкати Air India Express аснои дар фурудгоҳ нишастан ба ду қисм тақсим шуд.

Дар ин бора собиқ вазири фарҳанг ва сайёҳати ин кишвар Алфонс Каннантанам дар сафҳаи худ дар Твиттер хабар дод.

Ба изҳори собиқ вазир қисмати аввали ҳавопаймо ҷудо шуд ва ҳамаи сарнишинонро фавран аз дохили ҳавопаймо кӯч доданд. Аммо халабону чанд сарнишини дигар бар асари ин ҳодиса ҷон бохтанд, - изҳор дошт собиқ вазир.

Каннантанам аз он изҳори хушнудӣ намуд, ки ҳавопаймо оташ нагирифт ва аз ин рӯ теъдоди қурбониёни ин ҳодисаи нохуш ҳам ба маротиб кам шудааст.

Зимнан, бар хабари расонаҳои ин кишвар, бар асари суқути ҳавопаймо дасти кам 20 нафар ҷон бохтанд ва 140 сарнишини дигар сахт ҷароҳатдор шуданд.

22
Город Худжанд, архивное фото

Кам шуд, аммо ҳанӯз ҳаст: бӯи ғализ дар Хуҷанд кай бартараф мешавад?

25
(Таҷдидшуда 15:15 08.08.2020)
Сокинони шаҳри Хуҷанд мегуянд, ҳанӯз мушкили олудаги ҳаво бартараф нашудааст. Ин дар ҳолест, ки ахиран раиси Хуҷанд сарчашмаи паҳншавии бӯи ғализ дар шаҳрро гуфта буд

ДУШАНБЕ, 8 авг – Sputnik. Сокинони маҳаллаҳои соҳили рости руди Сир дар Хуҷанд мегуянд, то ба ҳол мушкили паҳншавии бӯи ғализ дар шаҳр ҷой дорад.

Нуриддин Шарифов як сокини маҳаллаи 17-уми Хуҷанд дар сӯҳбат ба Sputnik Тоҷикистон гуфт, ки ба ҳангоми вазидани шамол бӯи бад ба кӯчаву манзили онҳо паҳн мешавад.

“Дар гармои тобистон ҳама вазидани шамолро интизор мешаванд, аммо аз вазидани шамол мо дилгир мешавем, зеро дар вақти шамоли форам бӯи бад маҳаллаи моро фаро мегирад”, гуфт ӯ.

Як сокини дигари Хуҷанд аз маҳаллаи 8-ум ҳам зикр кард, ки шому саҳар ба ҳангоми вазидани шамол бӯю тафи бад ҳавои хонаю дари онҳоро олуда месозад. Ин сокини Хуҷанд гуфт, ин мушкил чанд вақт ба ин тараф ҳалношуда боқӣ мондааст.

“Паҳншавии бӯи бад дар шаҳр, назар ба як моҳи пеш нисбатан камтар шудааст, аммо ҳанӯз пурра бартараф нашудааст”, таъкид кард, ҳамсуҳбати мо.

Ин дар ҳолест, ки рӯзи 15-уми июл Маъруф Муҳаммадзода, раиси шаҳри Хуҷанд дар нишасти матбуотӣ манбаъи паҳншавии бӯи ғализ дар маҳаллаҳои Хуҷандро ошкор кард.

Муҳаммадзода таъкид кард, ки бӯи бад дар Хуҷанд аз ҳисоби порӯи мурғхонаҳое паҳн мешавад, ки дар ҳудуди маҳаллаҳои ноҳияи ба номи Бобоҷон Ғафуров сохта шудаанд.

"Паҳни бӯи бад дар шаҳр мо ҳама маъмурони шаҳрро нигарон кардааст. Мо оиди ин масъала 10-12 рӯз ба ин тараф машғул ҳастем. Гурӯҳҳои корӣ иборат аз кормандони санитарию эпидемологии шаҳр, Раёсати экология вилоят маълум намуданд, ки дар мавзеъҳои доманакӯҳи шаҳр, воқеъ дар ҳудуди ноҳияи Бобоҷон Ғафуров аз ҷониби баъзе ашхос фермаҳои мурғпарварӣ ташкил карда шуда ва порӯи чунин фермаҳо дар фазои кушод нигоҳ дошта мешудааст, ки ба ҳангоми вазидани шамол ба микроноҳияҳои шаҳр паҳн мегардад", - гуфт раиси шаҳри Хуҷанд.

Раиси шаҳри Хуҷанд он замон гуфта буд, ки унвонии Зариф Назирӣ, раиси ноҳияи Бобоҷон Ғафуров ва сардори Раёсати ҳифзи муҳити зисти вилояти Суғд мактуб ирсол намудаанд, то ин масъаларо ба баррасӣ гиранд.

Аммо бо гузашти қариб як моҳ ҳамоно паҳншавии бӯи ғализ дар Хуҷанд бартараф нашудааст ва сокинон аз ин вазъ изҳори нигаронӣ мекунанд. Воқеан порӯи мурғхонаҳо ҳавои шаҳрро олуда мекунад, ё чизи дигар? Оё бӯи ғализ дар Хуҷанд кай бартараф мешавад?

25
Барчаспҳо:
шикоят, Маъруф Муҳаммадзода, сокинон, бӯйи бад, Хуҷанд, Тоҷикистон