Преступник за решеткой

Ҳамсарро қатл ва хушдоманро захмӣ кард: боздошти сокини 27-солаи Норак бо ҷурми одамкушӣ

1003
(Таҷдидшуда 13:08 26.03.2020)
Вазорати умури дохилии Тоҷикистон аз боздошти сокини 27 - солаи шаҳри Норак хабар медиҳад, ки дар куштори бераҳмонаи ҳамсари худ гумонбар дониста мешавад

ДУШАНБЕ, 26 мар — Sputnik. Сокини 27-солаи шаҳри Норак бо ҷурми одамкушӣ аз ҷониби кормандони милитсия боздошт гардидааст.

Ба иттилои котиботи Вазорати умури дохилии Тоҷикистон, ҳодисаи нохуш, рӯзи 25 - уми март, тақрибан соати 15:20 дақиқа дар кӯчаи "Братский" рух додааст.

Манбаъ меафзояд, ҷавони 27-сола бо ҳамсари худ, ки 25-сол дошт, муноқиша намуда, зимнан бо корди кисагӣ ӯро 7 маротиба ба узвҳои гуногуни баданаш зарба задааст.

Куштори падари хонадон аз сӯи ҳамсар ва фарзанд: оташ зада дар назди ҳавлӣ гӯрондаанд

Дар натиҷа ҷабридиа бо бардоштани ҷароҳатҳои вазнини ҷисмонӣ дар ҷойи ҳодиса ба ҳалокат расидаст.

Гуфта мешавад, ҷаҳли ин ҷавон паст нашуда ӯ бо корди дар дасташ буда ба хушдомани худ низ ҳамла овард. Зани 45-соларо ҳам 2 маротиба кор зад, ки дар натиҷа ӯ бистарии беморхона гардид.

ВУД Тоҷикистон мегӯяд, айни замон гумонбаршуда дар боздоштгоҳ қарор дорад ва аз рӯи ин ҳодиса тафтишот идома дорад.

1003
Барчаспҳо:
куштор, Норак
Конверт с деньгами, архивное фото

Мудир боздошт шуд: 49 300 сомонӣ пора гирифту ба Донишгоҳи тиббӣ дохил накард

1722
(Таҷдидшуда 19:25 28.11.2020)
Ожонсии зидди фасод аз боздошти мудири Муассисаи давлатии таълимии томактабии рақами 23 - и шаҳри Бохтар хабар медиҳад, ки дар гирифтани ришва муттаҳам дониста мешавад

ДУШАНБЕ, 28 ноя — Sputnik. Кормандони Ожонси зидди фасод, Сафарова Латофат Саъдиевнаро боздошт намуданд, ки дар фиреби як зан муттаҳам дониста мешавад.

Ба иттилои манбаъ, номбурда дар вазифаи мудири Муассисаи давлатии таълимии томактабии №23-и шаҳри Бохтар кор мекард.

Ӯ бо истифода аз мақоми хизматиаш аз шаҳрванд Раджабова Д.А. барои ба Донишгоҳи тиббии Тоҷикистон дохил намудани ҷиянаш-Раҷабов И.Ф. дар давраи аз моҳи июни соли 2019 то моҳи декабри соли 2020 дар се ҳолат маблағи умумии 49 ҳазору 300 сомониро талаб карда гирифта буд.

Ятимов боздошт шуд: замин ваъда доду беш аз 1 миллион сомонии 6 корафтодаро азхуд кард

Манбаъ меафзояд, Сафарова маблағи мазкурро гирифта ба манфиати номбурда ягон амалро иҷро накардааст.

Ҳоло нисбати Сафарова Л.С. бо моддаи 247 қисми 4 банди "б" Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, ба суд ирсол шудааст.

1722
Барчаспҳо:
пора, боздошт, мудир
Баховаддин Баходурзода, исполняющий обязанности председателя города Исфара

Талоши оромии марз: раиси нави Исфара гуфт як рӯзи ҳафтаи корияшро дар Ворух мегузаронад

428
(Таҷдидшуда 10:10 29.11.2020)
Шаҳрдори нави Исфара Баҳоваддин Баҳодурзода, дуввумин рӯзи кории худро бо боздиду шиносоӣ ва санҷиши раванди корҳои сохтмониву омӯзиши мушкилоти иҷтимоии сокинони ҷамоат ва вохӯриву мулоқотҳо бо мардуми деҳоти Ворух гузаронидааст

ДУШАНБЕ, 28 ноя — Sputnik. Тибқи иттилои сухангӯи шаҳрдори Исфара Иқбол Тешавев, Баҳоваддин Баҳодурзода зимни мулоқот гуфтааст, Ворух мариди таваҷҷуҳи махсуси раҳбарияти кишвар аст.

Баҳоваддин Баҳодурзода зимни мулоқот бо сокинон гуфтааст, барои расидагӣ ба мушкилоти мардуми минтақа дар навбати худ гуфтааст, минбаъд ӯ як рӯзи ҳафтаи кории худро дар Ворух хоҳад гузаронид.

Ҳамзамон зимни мулоқот мардум ва шаҳрдор пиромуни масъалаҳои муҳими аҳамияти сиёсию стратегидоштае чун бунёди роҳи мустақими Ворух, ҳалли масъалаи чарогоҳ, пешгирии ҳолатҳои номатлуби рабуда шудани чорвои мардум аз ҷониби ҳамсоягон, баргардонидани чорвои қабалан рабудашуда гуфтугӯ кардааст.

Таъмиру азнавсозии қитъаҳои муайяни ноободи роҳи Исфара-Ворух, ҳуҷҷатгузории қитъаи азнавсозишудаистодаи кӯчаи ҳамшафати кӯдакистони деҳа, бунёди корхоҳои истеҳсолӣ ва ташкили ҷойҳои нави корӣ дар деҳа, баланд бардоштани масъулияти роҳбарони корхонаю ташкилотҳои шаҳрӣ ҷиҳати баррасӣ ва ҳаллу фасли саривақтии арзу муроҷиатҳои ворухиён, таъсис бахши идораи нотариалӣ дар деҳаи Ворух бо мақсади хотима додани сарсониҳои мардум ба марказ низ аз масоили гуфтугӯи шаҳрдор бо сокинон будааст.

Аз оҳангарию боғдорӣ то оши девзираи Исфара: филми “Чоркӯҳ” намоиш дода шуд

Манбаъ мегӯяд, азбаски  Баҳоваддин Баҳодурзода қаблан дар вазифаи муовнии раиси вилоят буду бо вазъи ин минтақа огоҳ аст, ворухиён умед доранд ба мукилоташон расидагӣ мекунад.

Минтақаҳои Ворух ва Чоркӯҳи Исфараи Тоҷикистон дар марз бо Қирғистон қарор дорад, ки аз ҳисоби заминҳои тақсимношуда сари ҷанд муддат ихтилофоте сар мезанад ва ҳатто кор то тиркушоӣ мерасад.

Об, роҳ, замин: мушкилоте, ки сокинони Чоркӯҳ аз Аҳмадзода тақозои ҳаллашро мекунанд

Ихтилофҳои марзӣ миёни Тоҷикистону Қирғизистон ҳанӯз аз солҳои 70 – 80–и асри гузашта идома дорад. Ду кишвар дар ҳоли ҳозир комиссияеро барои таъйин ва аломатгузории марзҳо эъзом кардаанд.

428
Барчаспҳо:
мулоқот, раис, Ворух, Исфара, Суғд, Тоҷикистон
Самолет Узбекских авиалиний

Ӯзбекистон шаҳрвандонашро аз Сурия ба Ватан меорад

0
(Таҷдидшуда 12:56 29.11.2020)
Барои баргардонидани шаҳрвандони Ӯзбекистон ба Ватан, ҳайати махуси Ӯзбекистон ба Сурия сафар кардааст

ДУШАНБЕ, 28 ноя — Sputnik. Ӯзбекистон нақша дорад, ки як гурӯҳ шаҳрвандонашро аз Сурия ба Ватан баргардонад, хабар медиҳад Sputnik Ӯзбекистон.

Ҳайати Ӯзбекистон ба Сурия барои баррасии масъалаҳои ташкили бозгашти зану кӯдакон ва шаҳрвандони кишвар, ки дар ин давлат ба вазъияти мушкил рӯбарӯ шудаанд, сафар кардааст.

Пештар Вазорати умури хориҷаи Ӯзбекистон аз Кумитаи байналмилалии Ҳилоли аҳмар ва ЮНИСЕФ барои кӯмаки башардӯстона дар роҳи наҷоти шаҳрвандони кишвар изҳори сипос карда буд.

Бори охир Ӯзбекистон соли 2019 шаҳрвандонашро ба Ватан баргардонида буд. Дар умум кишвар ду аксияи башардӯстона анҷом дод.

Пушаймон шуд: Шерафганро барои ҳамкорӣ бо ДОИШ ба 13 сол маҳкум карданд

Тоҷикистон низ соли 2019 шаҳрвандон, пеш аз ҳама занону кӯдаконро аз Сурия баргардонид.

 

0
Барчаспҳо:
баргардонд, шаҳрвандон, Сурия, Ӯзбекистон