ДУШАНБЕ, 26 мар — Sputnik. Субҳи омрӯз, соати 09:45 дақиқа бо вақти маҳаллӣ дар қаламрави кишвар замин ларзид, хабар дод сомонаи КҲФ бо такя ба маълумоти Идораи зилзиласанҷии Тоҷикистон.
Манбаъ афзуд, маркази зилзила 220 киллометрии шимолу шарқи шаҳри Душанбе, 98 киллометрии шимолу шарқи шаҳри Хуҷанд ва 24 километр аз шаҳраки Шайдони ноҳияи Ашт дуратр будааст.
Бино ба гузориши маркази зилзиласанҷии кишвар қувваи зилзила дар маркази он 3-4 балл ва дар шаҳри Хуҷанд 3 баллро ташкил додааст.
Бино ба ҳамин гузориш дар шаҳри Душанбеди низ заминларза эҳсос шуд, хисорот ва талафоти ҷонӣ низ дар ҷумҳурӣ ба қайд гирифта нашудааст.
Қаблан як заминларзаи дар наздикии шаҳри Роғун сабт шуда буд, ки ба иттилои зилзилашиносон қувваи он дар марказ 3 дараҷа ва дар шаҳри Роғун 2-3 баллро ташкил дод.
