Полицейский сине-красный маячок, архивное фото

"Латукӯб барои 208 сомонӣ аз сӯи ҳамкор": наздикони Шомиров дар бораи марги ӯ - акс

1681
(Таҷдидшуда 17:53 26.03.2020)
Пайвандони Шомиров Диловаршо ҷавони 27 – сола, ки чанд рӯз акси ҷасади беҷони ӯ дар шабакаи иҷтимоии Фейсбук мечархид, мегӯянд ӯ на аз беморӣ, балки аз мушту лагади ҳамкори худ ҷон додааст

ДУШАНБЕ, 26 мар — Sputnik. Хешовандони марҳум мегӯянд, ӯро ҳамкораш дар пайи баҳс ҳангоми тақсими пул шадидан латукӯб намуда, ӯ аз  ҷароҳатҳои бардошта дар ҷойи ҳодиса ҷон додааст.

Погибший Диловаршо Шомиров
© фото предоставлено сестрой Диловаршо Шомирова
Погибший Диловаршо Шомиров

Марҷона Шомирова, хоҳари Диловаршои марҳум дар сӯҳбат ба Sputnik Тоҷикистон гуфт, ки Диловаршо муддати ду рӯз бедарак буд ва онҳо дар пайи ҷустуҷӯяш буданд.

Қатли хоҳар аз сӯи бародар: дар ҳоҷатхона ба сару рӯяш корд задааст

Хабари фавти ӯро хонаводааш аз як хешованди худ дарёфт карданд, чун ӯ акси беҷони Диловаршоро дар шабакаи иҷтимоии Фейсбук дидаасту фавран ин хабарро ба оилаи ӯ расонд.

Марҷона мегӯяд, дар аввал додарашро нашинохт. “Шояд бовар кардан нахостам”, - мегӯяд ӯ.

Диловаршо чанде қабл аз муҳоҷират баргашта, навхонадор ва дар интизори фарзанд будааст.

"Дар Душанбе ӯ дар яке аз нуқтаҳои шустушӯйи мошин кор мекард. Ҳамон рӯз Диловаршо аз саҳар то шом мошин шуста, 208 сомонӣ ҳақмузд гирифтааст. Муноқишаи ҳамкораш маҳз ба хотири ҳамин 208 сомонӣ шурӯъ шудаст. Ба хотири пули ночиз", - бо алам изҳор дошт Марҷона.

Ба нақли ӯ лаҳзаи аз кор баромадани Диловаршо ва ҳамкораш дар дастгоҳи наворбардории коргоҳашон сабт шудааст.

Ба гуфтаи Марҷона, гумонбари куштори бародарашро кормандони Шӯъбаи умури дохилии ноҳияи Шоҳмансур боздошт кардаанду ӯ иқрор шудааст, ки ҳамкасби худро шадидан латукӯб намудаст. Расман мақомоти тоҷик ин иттилоъро ҳанӯз тасдиқ накардаанд.

Назари ҳамкори Диловаршо низ дар бораи иддаои наздиконаш феълан маълум нест.

Ин дар ҳолест, ки расман мақомоти умури дохилии шаҳри Душанбе марги Шомировро беморияш гуфта, таъкид намуданд, ки дар ин ҳодиса кирдори ҷиноие сабт нашудааст.

Ёдовар мешавем, ки акси ҷасади Диловаршоро корбарони шабакаи иҷтимоии Фейсбук нашр намуданд ва аз шаҳрвандони ҷумҳурӣ даъват карданд, ки барои муайян намудани шахсияти ҷавони ҳалокшуда кумак кунанд. Пас аз нашри акси марҳум, Раёсати умури дохилии Душанбе хабар дод, ки шахсият ва сабабҳои марги ӯро муайян карданд. 

РВУД Душанбе хабар дод, ки ҷасади Диловаршо шаби 22-юми март аз назди бинои №2 кӯчаи С. Айнии ноҳияи Шоҳмансур, бе аломатҳои марги маҷбурӣ пайдо карда шуд.

"Дар натиҷа мувофиқи маълумотномаи Маркази ҷумҳуриявии ташхиси тиббӣ - судӣ муайян карда шуд, ки шаҳрванд Шомиров Диловаршо аз сабаби инсулти геморогӣ, атеросклерози шараёнҳои дил, якхела пурхун набудани мушакҳои дил, гипертрафияи мушакҳои дил, пур аз хуни сиёҳтоб будани ковокии дил ва рагҳои калони хунгард ба ҳалокат расидааст", - омада буд дар иттилоияи РВУД.

Дар сурати дастрас шудани тафсилоти бештар дар бораи ин қазия маълумот дар ин саҳифа нашр хоҳад шуд.

1681
Арест, архивное фото

Боздошти ронандае, ки зани 62 - соларо пас аз пахш кардан ба бемористон бурду гурехт - акс

575
(Таҷдидшуда 18:35 13.07.2020)
Раёсати умури дохилии дар шаҳри Душанбе аз боздошти ронандаи фирорӣ хабар медиҳанд, ки зани 62 - соларо бо мошинаш пахш намуд

ДУШАНБЕ, 13 июл — Sputnik.  Бар хабари РВУД дар шаҳри Душанбе, ронандаи автомашинаи номаълум, рӯзи 11-уми июл, тахминан соатҳои 21:20 дақиқа дар рӯ ба рӯи тарабхонаи "Тоҷ" зани 62 - соларо пахш намуд, ки дар натиҷа пиёдагард ҷароҳати ҷисмонӣ бардоштанд.

Водитель совершивший наезд на пешехода
Водитель совершивший наезд на пешехода

Манбаъ меафзояд, ронанда пас аз пахш намудани пиёдагард ӯро фавран ба бемористон интиқол медиҳад ва худат ба самти номаълум ғайб мезанад.

"Вобаста ба ҳолати мазкур ҷиҳати муайян намудани ронандаи фирорӣ аз ҷониби кормандони мақомоти корҳои дохилӣ як қатор чорабиниҳои дахлдори оперативӣ-ҷустуҷӯӣ роҳандозӣ карда шуда, дар натиҷа ронандаи мазкур боздошт ва ба ШБДА Раёсати ВКД дар шаҳри Душанбе дастрас карда шуд", - таъкид мешавад дар хабар.

“Лада-Приора” бо “Опел-Астра”: Боздошти ду ҷавон барои ташкили пойгаи шабона дар Душанбе

Муайян гардид, ки ронандаи автомашинаи мазкур шаҳрванд Худойназаров Азизҷон Додарович, соли таваллудаш 1994, истиқоматкунандаи ш. Турсунзода деҳаи Ширкент мебошад, ки номбурда тавассути автомашинаи шахсиаш тамғаи Опел-Астра рақами қайди давлатиаш 7994 АТ 01 ин садамаи нақлиётиро содир намудааст.

Айни замон ҷиҳати муайян намудани сабабу омилҳои садамаи мазкур таҳқиқ идома дорад.

575
Барчаспҳо:
акс, ронанда, боздошт
Новорожденный

Вазорат гуфт, дар Тоҷикистон таваллуд каму фавт зиёд шуд

436
Вазорати адлияи Тоҷикистон мегӯяд, тайи шаш моҳи соли ҷорӣ дар Тоҷикистон нисбат ба ҳамин давраи соли гузашта 2540 нафар шаҳрвандон зиёд фавтидаанд

ДУШАНБЕ, 13 июл – Sputnik.  Ин нуктаро Музаффар Ашуриён, вазири адлияи кишвар имрӯз зимни як нишасти хабарӣ ба рӯзноманигорон изҳор дошта гуфт, тайи шаш моҳ дар кишвар 18 ҳазору 777 нафар фавтидаанд.

Ба иттилои манбаъ, ин нишондиҳанда  дар ҳамин давраи соли гузашта ба  16 ҳазору 229 нафар баробар буд.

Музаффар Ашуриён, гуфт шаҳрвандони кишвар ан танҳо аз коронавирус фавтиданд, бал ки аз бемориҳои мисоли қалбу раг ва ғайраҳо.

Тибқи иттилои вазир, давоми шаш моҳи соли ҷорӣ нисбат ба ҳамин давраи соли гузашта 5 ҳазору 274 кӯдак кам таваллуд шудааст.

Ба иттилои манбаъ дар нимсолаи  ҷорӣ дар ҷумҳурӣ 101 ҳазору 141 тифли навзод ба қайд гирифта шуда, ки  ин нишондиҳанда  дар ҳамин давраи соли гузашта - 106 ҳазору 415 нафар баробар буд.

436
Наручники висят на дверной ручки.

Ҳукми 7 нафар: Зоирзода дар бораи парвандаи пурсарусадои ҳамлаи "Ишқобод"

0
(Таҷдидшуда 11:50 14.07.2020)
Ҳафт ҳамлагар ба гузаргоҳи "Ишқобод" бо ҳукми Додгоҳи Олии Тоҷикистон аз 2 то 27 сол аз озодӣ маҳрум шуданд

ДУШАНБЕ, 14 июл — Sputnik. Дар Тоҷикистон нисбати 7 иштирокдори ҳамлаи террористӣ ба гузаргоҳи марзии "Ишқобод" ҳукми зиндон таъйид гардидааст. Дар ин бора прокурори ҳарбии Тоҷикистон Икром Зоирзода иттилоъ додааст.

Ҳамин тавр, ҳафт нафаре ки ба гузаргоҳи марзӣ ҳамла оварданд, аз 2 то 27 сол аз озодӣ маҳрум гардиданд.

Ба иттилои манбаъ, парвандаи 7 иштирокдори ҳамлаи террористӣ барои баррасӣ  ба додгоҳ равона шуда буд.

"Ҳамаи маҳкумшудагони парванда оид ба ҳамла ба гузаргоҳи "Ишқобод" шаҳрвандони Тоҷикистон мебошанд", - афзудааст вай.
Нападение на погранпост в Таджикистане: эхо Афганской войны
МВД Таджикистана/RUPTLY/Пресс-служба Минобороны России

Ёдрас мешавем, 3 феврали соли равон Шермуҳаммади Шоҳиён, раиси Суди олии Тоҷикистон зимни  нишасти солонаи хабарии ин ниҳод гуфт, ки санҷишу тафтиши парвандаро Прокуратураи генералӣ ба анҷом расонда, дар ихтиёри Суди олӣ қарор додааст ва парванда 9 муттаҳамро дарбар мегирад.

Тибқи иттилои расмӣ, ки дар рӯзи ҳодиса расонаӣ шуд, шаби 6 ноябри соли гузашта як гурӯҳи ниқобпӯши 20 - нафара ба дидбонгоҳи "Ишқобод", мустақар дар марзи Тоҷикистону Ӯзбекистон ҳамла карда, бо нерӯҳои марзбонии тоҷик даргир шуданд.

8 зану 4 ноболиғ кушта: суҳбати ошкорои Раҳмон аз ҳамлаи "Ишқобод"

Он замон расман эълон шуд, ки дар ин даргирӣ ду тан аз нерӯҳои марзбонӣ ва 15 муҳоҷим кушта шудаанд. Манобеъи ғайрирасмӣ шумораи талафоти нерӯҳои ҳукуматиро 6 нафар ҳисоб карданд. Баъдтар мақомот аз боздошти 5 муҳоҷим хабар доданд, ки мустақим дар ҳамлаи террористӣ ширкат доштанд.

Охирин тафсилоти расмии ин ҳамларо Юсуф Раҳмон, Прокурори генералии Тоҷикистон дар ҷаласаи Маҷлиси миллии кишвар ба миён гузошт. 29 март нашрияи расмии “Садои мардум” гузориши Прокурори генералии Тоҷикистонро ба нашр расонд, ки бино ба он, дар ҳамлаи мусаллаҳона ба дидбонгоҳи сарҳадии рақами 4 – и “Ишқобод” 26 нафар кушта ва 22 нафар ҳам бо иттиҳоми даст доштан дар он ҳабс шудаанд.

 

0