Таджикские денежные знаки Сомони

Боздошти мақомдори давлатӣ бо ҷурми тасарруфи пул: беш аз 800 ҳазор ба давлат зиён расонд

1465
(Таҷдидшуда 14:33 27.03.2020)
Ожонси мубориза бо фасод аз қаллобкории як мансабдори давлатӣ хабар медиҳад, ки бо амалкарди худ ба давлат зиёни калони пулӣ расондаст

ДУШАНБЕ, 27 мар — Sputnik. Мудири Ассосиатсияи истифодабарандагони оби "Ҳайдар 2017" барои тасарруфи пули давлат боздошт гардидааст.

Ба иттилои котиботи Ожонси мубориза бо фасод, Юсупов Сайфулло Мирзоалиевич дар вазифаи Раиси Ассотсиятсияи истифодабарандагони оби "Ҳайдар 2017" дар ноҳияи Спитамени вилояти Суғд фаъолият мекард.

Раҳмон Сӯҳроб Сафарзодаро муовини раиси Ожонси мубориза бо фасод таъин кард

Номбурда дар давраи солҳои 2018-2019 аз Идораи давлатии беҳдошти замин ва обёрии ноҳияи мазкур тибқи шартномаҳо ва санадҳои қабул ба миқдори 48456 ҳазор м3. оби полезиро ба маблағи 1.144.544 сомонӣ қабул намудаст.

"Юсупов  бо мақсади тасарруфи молу мулки давлатӣ бо шахсони масъули ҶДММ "Спитамен Текстайл"-и ноҳияи Спитамен маслиҳати пешакӣ намуда, дар ҳисоботҳои муҳосибӣ маблағи хизматрасонии аз ҳисоби оби полезӣ ҷамъовардашударо нишон надода, ба хазинаи Идораи давлатии беҳдошти замин ва обёрии ноҳия танҳо 269.904 сомонӣ пардохт карда, боқимонда  854.640 сомониро бо роҳи азонихудкунӣ тасарруф намудаат". - омадааст дар хабар.

Ожонсии мубориза бо фасод мегӯяд, ки Юсупов бо ин амалкарди худ ба давлат зарари махсусан калони молиявӣ расонидаст.

Зимнан, оиди ин ҳолат, нисбати Юсупов ва дигарон бо модддаи 245 қисми 4 банди "б" Кодекси ҷиноятии Тоҷикистон парвандаи ҷиноӣ оғоз карда шуда, тафтиши пешакии он идома дорад.

1465
Барчаспҳо:
тасарруф, пул, Ожонси зидди фасод
Учения спасательного отряда в водоеме, архивное фото

Боди шадид духтари 11-соларо дар дарёи Сурхоб ғарқ кард

359
(Таҷдидшуда 17:32 30.05.2020)
Кумитаи ҳолатҳои фавқуллодаи Тоҷикистон аз ғарқшавии ноболиғи 11-сола дар дарёи Сурхоб хабар медиҳад

ДУШАНБЕ, 30 май — Sputnik. Бино ба гузориши КҲФ ҷасади Зулайхои 11-сола, ки шаби 27-уми май аз хона баромада бедарак шуда буд, нисфирўзии 29 май дар соҳили дарёи Сурхоб, дар деҳаи Навободи поёни ҷамоати деҳоти Зафари ноҳияи Фархор пайдо шуд.

Ин ниҳод мегӯяд, баъди муайян кардани шахсияти ҷасад ўро ба волидонаш супурдаанд.

Кумитаи ҳолатҳои фавқуллода нақл мекунад, ки ҳодиса шаби 27-уми май, тахминан соати 22:00, ки дар ноҳияи Восеъ ба вуқӯъ пайвастааст.

Ду ғарқшавӣ дар Кофарниҳону Сурхоб: яке худро партофтаву дигаре моҳидорӣ рафтааст

"Боди шадид мевазид ва раъду барқ осмонро гоҳ рушану гоҳ торик мекард. Сокини 11-солаи ҷамоати деҳоти Гулистони ноҳия  аз хона баромад ва дигар касе намедонист ӯ куҷо рафтааст. Волидонаш ҳадс мезаданд, ки ӯ дар дарёи Сурхоб ғарқ шудааст", - омадааст дар хабарнома. 

Манбаъ афзуда, ки ба ҷои ҳодиса гурӯҳи наҷотдиҳандагони Кумитаи ҳолатҳои фавқулодда дар минтақаи Кулоб дар ҳайати 12 нафар ҳамроҳ бо кормандони ШВКД-и ноҳия ва сокинони деҳа сафарбар шуда буданд ва ҷустуҷӯи ӯро оғоз карданд.

Ғарқшавии се ноболиғ ва як ҷавондухтари 25 - сола дар Тоҷикистон

Вале ин кофтуков он рўз натиҷа надод. Танҳо дирўз аз сари субҳ кофтуков оғоз гардид ва ҳоло ҷасад ба волидонаш супурда шудааст.

Ғарқшавии кӯдаки 12-сола дар кӯли "Комсомол": ҷасадаш ба хешовандонаш супурда шуд

359
Барчаспҳо:
ҷасад, пайдо, ғарқшавӣ, Тоҷикистон
Район Мургаб - ГБАО

Марги кӯдаки 3-сола ва захмӣ шудани навраси дигар дар Мурғоб: зери девор монданд

584
(Таҷдидшуда 15:16 30.05.2020)
Кумитаи ҳолатҳои фавқуллодаи Тоҷикистон аз марги кӯдаки се сола ва захмӣ шудани навраси дигаре хабар медиҳад

ДУШАНБЕ, 30  май — Sputnik. Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон иттило дод, ки рўзи 29-уми май дар рустои Аличури ноҳияи Мурғоби ВМКБ девори ҳавлии як сокини ин деҳа чаппа шуд ва ду кӯдаки соҳиби хона зери он монданд.

"Дар натиҷа тифли сесола бо номи Абдурашид дар ҷойи ҳодиса ба ҳалокат расид ва Абдумалики 11-сола бо ҷароҳати вазнин ба бемористони вилоятии шаҳри Хоруғ интиқол дода шуд", - омадааст дар хабарнома.

Манбаъ афзуда, ки сабаби афтиши девори ҳавлӣ маълум нест.

Ғарқшавии кӯдаки 12-сола дар кӯли "Комсомол": ҷасадаш ба хешовандонаш супурда шуд

Ёдрас мешавем, ки КҲФ дирўз аз ғарқи об шудани ду ноболиғ - яке дар ноҳияи Восеъ ва дуюм дар Рашт хабар дода буд.

Ғарқшавии се ноболиғ ва як ҷавондухтари 25 - сола дар Тоҷикистон

Ҳамчунин рӯзи 27-уми майи соли равон, дар шаҳри Норак, тахминан соати 16:00 як кӯдаки 12-солаи деҳаи Туғмазор - 4 ҳангоми оббозӣ дар кӯли "Комсомол" аз беэҳтиётӣ дар об ғарқ шуда буд.

584
Барчаспҳо:
марг, чаппа шудани девор, Мурғоб
Строительство аквапарка в Варзобе

Ширкати чинӣ даст кашид: Ҳукумати Хуҷанд гуфт, сокинон то охири сол соҳиби хона мешаванд

0
(Таҷдидшуда 22:31 30.05.2020)
Ҳукумати шаҳри Хуҷанд сокинонеро, ки заминҳои наздиҳавлигиашон барои бунёди "Чайна тавн" тахриб шуда буд, муҳоҷирони экологӣ номида, гуфтааст, ки онҳо то охири соли равон соҳиби манзил мешаванд

ДУШАНБЕ, 30 мая — Sputnik. Шаҳрдории Хуҷанд дар пайи нашри гузориш дар бораи боз истодани сохтмони шаҳраки чинӣ дар Хуҷанд посухе навишта, ба сокинон ваъдаи манзил кардааст. 

Манбаъ, ин қазияро айби ширкати чинӣ хондаву сабабшро ин иқдоми ширкатро баланд будани сатҳи оби зеризаминии мавзеъ гуфтааст.

"Бояд қайд намоем, ки ин сохтмон на бо айби МИХД шаҳри Хуҷанд, балки дар асоси даст кашидани ширкати чинӣ аз оғози сохтмон рӯйи кор омадааст. Ширкати чинӣ омили асосии даст кашидани сохтмони шаҳракро бинобар баланд будани сатҳи оби зеризаминӣ дар мавзеъи сохтмон арзёбӣ карда, аз ҷиҳати иқтисодӣ идомаи онро зери суол қарор бурд", - омадааст дар изҳороти шаҳрдорӣ.

Манбаъ таъкид мекунад, кииҷорапулии сокинонро феълан шаҳрдорӣ пардохт мекунад.

Шаҳрдорӣ хабар медиҳад, ки баъди бекор намудани қарори вобастакунии замин ба ширкати "Ҳусноро1" ҳанӯз соли гузашта дар маҳалаи 18-уми шаҳри Хуҷанд ба сохтмони бинои истиқоматиии 9 ошёна барои мардуме, ки аз ширкати чинӣ ноумед шуданд, оғоз карда шуда, шаҳрдорӣ барои ин 27 миллион сомонӣ ҷудо кардааст.

"Бино бо маблағгузории Мақомоти иҷроияи ҳокимияти давлатии шаҳри Хуҷанд бунёд гардида, аз 9 ошёна ва таҳхона иборат мебошад. Дар умум 72 манзили истиқоматӣ иборат аз 1,2,3-хуҷрагӣ бунёд мегардад. Қисмати асосии бино бунёд шудааст. Интизор меравад, ки бинои мазкур соли ҷорӣ мавриди истифода қарор гирифта, шаҳрвандони номбурда соҳиби манзили истиқоматӣ хоҳанд шуд", - тавзеҳ медиҳад шаҳрдорӣ.

Гуфта мешавад, тибқи нақшаи генералии шаҳр, заминҳе, ки барои "Чайна тавн" ҷудо шуда буданд, ба ихтиёри шаҳрдорӣ гирифта шуда, дар зудтарин фурсат дар ин макон мавзеъи истироҳату фароғат ва дигар инфрасохтори шаҳрдорӣ бунёд карда мешавад.

Ваъдаҳои хушку интизории чорсола: чаро “China Town” дар Хуҷанд сохта нашуд?

0