Пиво

Ҳамла ба пивофурӯшҳо: тафсилоти парвандаи собиқ кормандони амнияту муҳофизи Нурӣ

985
(Таҷдидшуда 15:56 27.03.2020)
Додгоҳи низомии шаҳри Душанбе тафсилоти парвандаи Муҳаммадӣ Ворисов, собиқ корманди Вазорати амният ва собиқ муҳофизи марҳум Саид Абдулло Нурӣ, роҳбари пешини Ҳизби феълан дар Тоҷикистон мамнӯи наҳзати исломиро нашр кардааст

ДУШАНБЕ, 27 мар — Sputnik. Ба иттилои додгоҳ, Ворисов дар асоси фармони вазири амнияти Тоҷикистон аз 18 январи соли 1998 тариқи шартномавӣ ба кор қабул гардида, ба вазифаи муҳофиз дар шуъбаи 4-уми раёсати муҳофизини Вазорати амният таъйин шуд.

Манбаъ афзуд, Ворисов ҳангоми кор ба ҳайси муҳофизи собиқ раиси ҲНИТ, Саид Абдуллои Нурӣ, санаи 7 июли соли 2000 соати 20:00 дақиқа бо ҳамроҳии як гуруҳ кормандони Вазорати амният, аз ҷумла Баллаев Файзулло Аҳмадович, Бурҳонов Хуршед Толибович ва дигарон маслиҳат кардаанд, ки ба нуқтаи пивофурӯшӣ дар кӯчаи Дустии Халқҳои шаҳри Душанбе рафта, фурӯшандагонро латукӯб намоянд.

Бар асоси парванда, ҳамлагарон хостаанд, фурӯшандаҳои оби ҷавро тарсонанд, то минбаъд бо онҳо дағалона рафтор накунанд.

Додгоҳ афзуд, ки Ворисов бо ҳамроҳонаш бо автомату таппончаи хизматияшон мусаллаҳ шуда, ба бинои пивофурӯшӣ дар назди Корхонаи пивобарории воқеъ дар кӯчаи Дустии Халқҳои шаҳри Душанбе ҳамла кардаанд.

"Онҳо аз автомашинаи "Нексӣ" пиёда гашта,  вориди ин бино шудаанд ва барои тарсонидани бошандагони ин бино ба самти шифт якчанд маротиба тир холӣ карданд, ки дар натиҷа мизоҷони тарсида, аз он ҷо гурехтаанд”, - иттилоъ дод Додгоҳи низомии Душанбе.

Манбаъ афзуд, ки сипас ҳамлагарон фурӯшандаҳои оби ҷав, Файзалиев Зафар Умаралиевич ва Абурашидов Рустам Абдузоҳидовичро, бо баҳонаи он, ки қаблан гапгардонӣ кардаанд, латукӯб намудаанд.

Дар парванда омадааст, ки Ворисов бо ҳамроҳии Баллаев ва Бурҳонов аз хазинаи дӯкони пивофурӯшӣ 600 ҳазор рубли тоҷикиро гирифта, хостаанд, ки тақсим кунанд, аммо дар маҳалли хизматашон ҷинояти кардаашон ошкор шуда, пулро баргардондаанд.

Додгоҳи низомии гарнизони Душанбе бо гузашти тақрибан 20 сол аз замони сар задани ҳодиса, соли равон Ворисов Мухамадиро гунаҳкор дониста, ба 10 соли зиндон маҳкум кардааст ва бо назардошти қонуни афв сеяки онро кам намудаст.

Дар мавриди иштирокдорони дигари ин қазия феълан иттилое дода нашудааст. Назари худи Муҳаммадӣ Ворисов ва ҷониби ҳимояаш низ дар бораи ин ҳукм маълум нест.

985
Барчаспҳо:
амният, ҲНИТ, боздошт, парванда, Тоҷикистон
Служба в армии, архивное фото

Вазорат: Нақшаи даъват 89% иҷро шуд, касе аз “облава” шикоят накардааст

51
(Таҷдидшуда 11:03 21.10.2020)
Вазорати дифои Тоҷикистон аз иҷрои 89 дарсади нақшаи тирамоҳии даъвати ҷавонон ба сафи артиш хабар медиҳад.

ДУШАНБЕ, 21 октябр - Sputnik. Аз ин ниҳод ба Sputnik Тоҷикистон гуфтанд, тайи 20 рӯзи даъват дар баробари вилояти мухтори куҳистони Бадахшон (ВМКБ) нақшаи даъватро шаҳри Душанбе низ сад фисад иҷро кард.

Тибқи иттилои манбаъ, нақшаи даъват дар вилояти Хатлон 91%, дар Суғд 80%  ва ноавҳоии тобеи марказ 92%  иҷро шудааст.

Манбаъ мегӯяд, то ҳол ба унвонии ин вазорат ягон шикоят аз облава ворид нашудааст ва масъалаи даъвати имсола нисбати солҳои пеш дар сатҳи беҳтар ба роҳ монда шуда шумори ихтиёриён бештар шудааст

Дар Бадахшон ҷавононро пеш аз хизмат ронандагӣ меомӯзонанд

Бар асоси фармони Эмомалӣ Раҳмон, раисҷумҳури Тоҷикистон даъвати тирамоҳии ҷавонон ба артиш якуми октябр шурӯъ гардида, то ноябр идома хоҳад кард. Имсол ҷавонони соли таваллудашон 1993-2002 ба хидмати ҳарбӣ мераванд.

 

51
Медсестра держит в руках ампулу с вакциной Гам-Ковид-Вак

Барои эҳтиёт: дастури Бердимуҳаммадов барои харидории ваксина алайҳи COVID-19

92
(Таҷдидшуда 11:07 21.10.2020)
Президенти Туркманистон Қурбонгулӣ Бердимуҳаммадов, сарфи назар аз он, ки расман дар кишвар ягон ҳолати гирифторӣ ба ин беморӣ мавҷуд надорад, амр додааст, ки ваксинаи зидди коронавирус харидорӣ кунанд

ДУШАНБЕ, 21 октябр - Sputnik. Президенти Туркманистон Қурбонгулӣ Бердимуҳамедов фармон додааст, ки ваксинаи зидди сирояти коронавирус харидорӣ шавад, менависад рӯзномаи русизабони ҳукумати "Нейтральный Туркменистан".

"Сарвари давлат оид ба корҳои ташкилӣ доир ба хариди ваксинаҳои нави баландсифат бар зидди сирояти коронавирус, ки ҳоло дар давлатҳои мухталиф истеҳсол мешаванд, дастурҳои мушаххас дод", - гуфта мешавад дар изҳорот.

Дар кадом кишварҳо ваксина харида мешавад, мушаххас нашудааст, аммо ду ҳафта қабл зимни як гуфтугӯи телефонӣ бо президенти Русия Владимир Путин Бердимуҳаммадов гуфт, ки Туркманистон ба дастовардҳои олимони Русия дар эҷоди ваксина алайҳи коронавирус баҳои баланд медиҳад ва мехоҳад дар ин самт ҳамкорӣ кунад.

Дар Туркманистон, бо вуҷуди гузоришҳои мақомот дар бораи набудани ҳолатҳои коронавирус, режими ниқоб ва маҳдудиятҳои дигар ҷорӣ шудааст.

Ёдовар мешавем, Вазорати тандурустии Русия моҳи август аввалин ваксинаро дар ҷаҳон барои пешгирии COVID-19 ба қайд гирифт, ки онро Маркази илмии электрохимиявии Гамалея таҳия карда,  он "Sputnik V" ном дорад.

Русия арзиши як вояи ваксинаи зидди коронавирусро гуфт

Чанд рӯз қабл президенти Русия Владимир Путин аз сабти номи ваксинаи дуюми русии "ЭпиВакКороны"  алайҳи COVID-19 ва инчунин сабти қарибулвуқӯи сеюм ваксина хабар дод.

 

92
Вакцинация против COVID-19 в Москве

Вирусшинос гуфт, ваксинаи зидди COVID-19 ба кӣ кумак намекунад

0
(Таҷдидшуда 11:34 21.10.2020)
Вирусшинох гуруҳи одамонро номбар кард, ки ваксинаи коронавируси COVID-19 метавонад барои онҳо бесамар бошад

ДУШАНБЕ, 21 октябр - Sputnik. Ваксинаи коронавирус метавонад одамонеро, ки норасоии масуният доранд муҳофизат накунад, мегӯяд доктори илмҳои тиб, вирусшинос Анатолий Алтштейн.

Барои чунин гурӯҳи одамон эмкунӣ шояд муассир набошад, менависад портали ura.ru.

Ба гуфтаи табиб, бемороне, ки чунин патология доранд, метавонанд баъди гузаронидани ваксина дар пайдоиши антитело ба коронавирус мушкилӣ кашанд.

Инчунин, вирусшинос шубҳа кард, ки имкон дорад одамонро аз рӯи қобилияти ташаккули иммунитет ба бемориҳо ба гурӯҳҳои махсус тақсим кард.

"Инсонщо бо қобилияти тавлиди антитела аз ҳам фарқ мекунанд, аммо ба гурӯҳҳо ҷудо кардани онҳо хеле душвор аст. Ин на ба вазъи саломатӣ, балки ба хусусиятҳои организм вобаста аст, ки касе намедонад" гуфт табиб.

Ёдовар мешавем, Вазорати тандурустии Русия моҳи август аввалин ваксинаро дар ҷаҳон барои пешгирии COVID-19 ба қайд гирифт, ки онро Маркази илмии электрохимиявии Гамалея таҳия карда,  он "Sputnik V" ном дорад.

Путин аз сабти номи ваксинаи дуввуми Русия алайҳи COVID-19 хабар дод: сеюмаш дар роҳ аст

Чанд рӯз қабл президенти Русия Владимир Путин аз сабти номи ваксинаи дуюми русии "ЭпиВакКороны"  алайҳи COVID-19 ва инчунин сабти қарибулвуқӯи сеюм ваксина хабар дод.

0
Барчаспҳо:
одамон, пизишк, вирус