Бабочка на цветущем дереве, архивное фото

Мутахассиси тоҷик роҳи наҷоти дарахтон аз сардиро гуфт: дуд кунед

860
(Таҷдидшуда 12:42 09.04.2020)
Бар асари бориши барфи рӯзи гузашта дар Тоҷикистон аксар сокинони кишвар изҳори ноумедӣ карданд, ки гулҳои дарахтонро хунук мезанад ва мева камчин хоҳад шуд. Дар пайи ин мутахассиси тоҷик роҳи раҳо аз хунукзании дарахтонро гуфт.

ДУШАНБЕ, 9 апр — Sputnik. Саидҷамол Саидзода, ноиби президенти Академияи илмҳои кишоварзии Ҷумҳурии Тоҷикистон гуфтааст, боғдорон ба хотири ҳифзи гули дарахтон дар гирди он дуд ташкил намоянд, хабар медиҳад “Ховар”.

“Боридани барф барои доманакӯҳҳо ва соҳаи боғдории мамлакат таъсири манфӣ дорад, яъне гули дарахтонро сармо мезанад. Ба хотири бартараф намудани вазъият боғдорон бояд корҳои пешгирикунандаро ба анҷом расонанд. Яъне дар гирди дарахтон дуд ташкил намоянд, то ҳарорати гирди дарахтро гарм нигоҳ доранд. Чунки  дар ҳолати иҷро намудани ин амал оби даруни гули дарахтон ях намекунад. Агар оби гулҳо ях кунад, ҳосили дарахт нобуд мегардад”,-  афзудааст Саидҷамол Саидзода.

Ӯ гуфтааст, дар баробари таъсири манфӣ гузоштани барф ба соҳаи боғдорӣ, он фоида низ дорад. Агар боғдорони мамлакат барфҳои гирди дарахтонро дар зери он ҷамъ намоянд, дар ин ҳолат намии решаи дарахт бештар гардида, хуб инкишоф меёбад.

Ба гуфти ӯ фоидаи барф барои соҳаи кишоварзии мамлакат зиёд аст, яъне оби барф нисбат ба обрасонии маъмулӣ чор маротиба таъсири зиёдтар дорад. Махсусан он барои маҳсулоти зироатӣ, ғалладонагӣ ва пахта фоидаи бештар дорад, зеро миқдори зиёди намиро дар замин нигоҳ медорад

Агентии обуҳавошиносии кишвар низ, пастшавии ҳароати ҳаворо шаби 9  ба 10 апрел зикр карда гуфтааст, то -2 дараҷа хунукӣ аз эҳтимол дур нест.

860
Барчаспҳо:
мева, дарахтон, барфу борон, сардӣ, Тоҷикистон
Тонущий человек, архивное фото

Ғарқшавии кӯдаки 12-сола дар кӯли "Комсомол": ҷасадаш ба хешовандонаш супурда шуд

780
(Таҷдидшуда 16:42 28.05.2020)
Кумитаи ҳолатҳои фавқуллодаи Тоҷикистон аз ғарқшавии кӯдаки 12-сола дар кӯли "Комсомол" - и деҳаи Туғмазори вилояти Хатлон хабар медиҳад

ДУШАНБЕ, 28 май – Sputnik. Тибқи маълумоти Хадамоти наҷоти кӯҳии ҷумҳуриявӣ дар шаҳри Норак рӯзи 27-уми майи соли равон, тахминан соати 16:00 як кӯдаки 12-солаи деҳаи Туғмазор - 4 ҳангоми оббозӣ дар кӯли "Комсомол" аз беэҳтиётӣ дар об ғарқ шудааст.

Тибқи иттилои Кумитаи ҳолатҳои фавқуллода, ҳайати шахсии дастаи Норак ҳамроҳ бо ғаввосони НБО-и шаҳри Норак, ҳайати шахсии шуъбаи Раёсати ҳолатҳои фавқулодда ва мудофиаи граждании вилояти Хатлон дар шаҳри Норак ва мақомотҳои ҳифзи ҳуқуқ соати 17:20 дақиқа ҷасади марҳумро аз об бароварда, ба хешовандонаш супориданд.

Ногуфта намонад, ки ин аввалин ҳодисаи марги ноболиғ ҳангоми оббозӣ дар соли 2020 аст.

Дарёфти ҷасади духтари 16 - сола аз рӯди Вахш: иллати ғарқшавии ӯ номаълум аст

КҲФ мегӯяд, беназорат гузоштани кӯдакон ҳамеша сабабгори ҳодисаҳои нохӯш мешавад.

Дарёфти ҷасад аз ҳавзи моҳипарварии Конибодом: сабаби ғарқшавӣ номаълум аст

Кумитаи аз волидону пайвандон даъват мекунад, ки ҳатман нозири ҷигарбандони худ бошанд.

780
Барчаспҳо:
КҲФ, ғарқшавӣ, Норак
Ликвидация последствий после ливневых дождей в Таджикистане

Сел дар ВМКБ ҳаракати нақлиёт дар шоҳроҳи Душанбе-Кӯлоб-Хоруғ - ро боздошт

967
(Таҷдидшуда 14:53 28.05.2020)
Кумитаи ҳолатҳои фавқуллодаи Тоҷикистон аз боришоти сахти борон дар ду деҳоти ВМКБ хабар медиҳад, ки боиси баста шудани шоҳроҳи Душанбе - Кӯлоб - Хоруғ гардид

ДУШАНБЕ, 28  май — Sputnik. Тибқи маълумоти Раёсати Кумитаи ҳолатҳои фавқулодда ва мудофиаи гражданӣ дар ВМКБ, рӯзи 27 – уми майи соли 2020 тахминан соати 22:20 дақиқа бар асари бориши шадиди борон дар километри 347, мавзеи деҳаи Санғев, ҷамоати деҳоти Қалъаи Хумб воқеъ дар шоҳроҳи Душанбе-Кӯлоб-Хоруғ сел омадааст.

Тибқи иттилои манбаъ, сели азим муддате ҳаракати нақлиёт ба ду самтро боздошт. 

"Бо ҷалби 1 адад техникаи муҳандисӣ, борбардори фронталӣ аз тарафи МДНРА-и ноҳия соати 00:46 дақиқа ҳолати баамаломада бартараф карда шуда, роҳ барои ҳаракати нақлиёт пурра боз шуд", - омадааст дар хабарнома.

Ҳамчунин хабар дода мешавад, ки дирӯз нимишабӣ низ бар асари бориши сахти борони баҳорӣ  дар километри 324, мавзеи деҳаи Шикев, ҷамоати деҳоти Нулванд шоҳроҳи Душанбе-Кӯлоб-Хоруғ сел омад ва он муваққатан роҳи ҳаракати мошинҳоро баст.

Ҳушдори КҲФ аз гармои шадид ва тавсия ба сокинон: либоси тунук пӯшед, дар сар кулоҳ монед

Кумитаи ҳолатҳои фавқуллода мегӯяд, то ин соате, ки хабар омода мешуд, корҳои бартарафсозии паёмади ин сели азим идома дошт ва бо расидани хабари тоза, хонандагонро дар ҷараён хоҳанд гузошт.

Навраси 13 солаи Хоруғ дар руди Ғунд афтиду нопадид шуд

967
Барчаспҳо:
боришоти шадид, сел, ВМКБ
Президент Кыргызской Республики Сооронбай Жээнбеков

Сооронбой Жээнбеков барои таҷлили Рӯзи Пирӯзӣ ба Маскав меравад

0
(Таҷдидшуда 18:43 28.05.2020)
Гузашти низомӣ ба муносибати Рӯзи Пирӯзӣ дар Маскав рӯзи 24 июн баргузор мешавад. Рӯзи таҷлили ид дар Маскав чораҳои амниятӣ шадид мешавад

ДУШАНБЕ, 28  май — Sputnik. Президенти Қирғизистон Сооронбой Жээнбеков дар гузашти низомӣ ба муносибати 75-умин солгарди Рӯзи Пирӯзӣ ширкат хоҳад кард, хабар медиҳад Sputnik Қирғизистон.

Ин хабарро раҳбари хадамоти матбуотии президент, Толгонай Стамалиев таъйид кардааст.

Ёдрас мешавем, ки имсол ба далели паҳншавии коронавируси навъи COVID - 19 таҷлили оммавии Рӯзи Пирӯзӣ дар Русия, ки ҳамасола рӯзи 9 май, баргузор мешуд, лағв шуд.

Президенти Русия Владимир Путин, рӯзи 26 май фармон дод, ки омодагӣ барои таҷлили 75-умин солгарди Пирӯзӣ дар Ҷанги Бузурги Ватаниро дар пойтахти Русия шаҳри Маскав ва дигар шаҳрҳо оғоз шавад.

Беш аз миллион нафар аз 60 кишвари ҷаҳон суруди "Рӯзи Пирӯзӣ" - ро сароиданд - видео

Ӯ қайд кард, ки рӯзи 24 июн барои таҷлили ин иди бузург рӯзи мувофиқ аст, чун маҳз дар ин таърих нахустин бор соли 1945 гузашти низомии қаҳрамонон баргузор шуда буд.

Дақиқаи хомӯшӣ барои поси хотири қурбониёни Ҷанги Бузурги Ватанӣ

Дар баробари ин президент ба вазири дифоъ Сергей Шойгу фармуд, то замони таҷлили ид амнияти шаҳрвандон қатъиян таъмин шавад ва хатари сироятёбӣ ба коронавирус дар он рӯз кам карда шавад.

0
Барчаспҳо:
ҷашни рӯзи Ғалаба, Маскав, сафар, Сооронбой Жээнбеков, Маскав
Мавзуҳо:
Пайомадҳои COVID-19 дар Тоҷикистон ва ҷаҳон