Милисаҳои Душанбе, акс аз бойгонӣ

Ҷанҷол барои собун бо занозании як ба як ва марг дар кӯчаи Айнӣ анҷомид-видео

6376
(Таҷдидшуда 20:08 09.04.2020)
Вазорати умури дохилии Тоҷикистон навори ҷанҷоли ду мошиншӯй, ки баъдан ба занозании як ба як печидаасту боиси марги яке аз онҳо шуд, нашр кардааст

ДУШАНБЕ, 9 апр — Sputnik. ВУД бо нашри як гузориши видеоӣ дар марги Диловаршо Шомиров, сокини 27 – солаи  Душанбе, ҳамкораш Абдулмумин Халилови 31-сола, сокини ноҳияи Рӯдакиро муттаҳам донист.

Мақомоти умури дохилӣ навори ҷанҷоли ҳамкоронро дар ҷои кор нишон дода, шарҳи Халиловро овардаанд. Ҷавони муттаҳамон дар шарҳи ҷанҷол бо Шомиров гуфтааст, ки “омадум гуфтам, собун дар куҷоай, ки вай хест, гуфт бирав аз магазин бихар”.

Гумонбар дар куштори сокини 27 - солаи Душанбе боздошт шуд - акс

Манӣаъ афзуд, ки дар пайи хусумати доштаашон шоми 22 март миёни ин ду ҳамкор занозанӣ рух додааст. Халилов дар навор мегӯяд, ин занозании як ба як бо даъвати Шомиров рух дода, нахустин зарбаро низ марҳум задааст. Ба гузориши мақомот, Шомиров бо як зарбаи Халилов ба ҳалокат расидааст.

Қаблан раёсати умури дохилии Душанбе марги Шомировро, ки акси ҷасадаш чанд рӯз дар шабакаҳои интернетӣ мечархид, табиӣ унвон карда, дар пайи таҳқиқи иловагӣ изҳор дошт, ки он дар пайи занозанӣ бо ҳамкораш рух додааст.

Мақомоти умури дохилӣ мегӯянд, феълан алайҳи Халилов бо иттиҳоми расондани зарари вазнини ҷисмонӣ, ки аз беэҳтиётӣ бо марг анҷомидааст, парванда оғоз карда, тафтиш идома дорад.  

6376
Авария на трассе Р-22 Тамбов - Волгоград - Астрахань

ВУД: дар ду рӯзи истироҳат дар се садамаи нақлиётӣ панҷ нафар ба ҳалокат расид

103
(Таҷдидшуда 10:47 01.06.2020)
Вазорати умури дохилаи Тоҷикистон эълон доштааст, ки дар садамаҳои нақлиётие, ки санаи 30-31 май, рӯзҳои шанбе ва якшанбе дар роҳҳои ҷумҳурӣ рух додааст, се нафар ҷони худро аз даст додааст

ДУШАНБЕ, 1 июн - Sputnik. Бино бар иттилои дафтари матбуоти вазорати умури дохила, санаи 30-уми майи соли равон, ронандаи автомашинаи тамғаи “ДЭУ-Сиело” Мусоев Мамараҷаб, сокини ҷамоати шаҳраки 20-солагии Истиқлолияти ноҳияи Дустӣ ҳангоми ҳаракат аз самти ноҳияи Хуросон, ба самти ноҳияи Қубодиён, дар ҳудуди деҳаи Тоҷикобод, аз ӯҳдаи идораи воситаи нақлиёт набаромада, хкдравашро ба ҷуйбори обгузари канори роҳ чаппа намудааст.

Тибқи иттилои манбаъ, дар натиҷа ронанда Мусоев М.Ҳ ва мусофири худрави мазкур Холиқов Маҳмадбобо, сокини ҷамоати шаҳраки 20-солагии Истиқлолияти ноҳияи мазкур дар ҷойи ҳодиса ба ҳалокат расиданд.

Ҳамзамон, мусофирони дигари ин худрав Бобоев Рустам ва Қурбоналиев Абдувалӣ, ки ҳарду сокинони ҷамоати шаҳраки 20-солагии Истиқлолияти ҳамин ноҳия мебошанд дар беморхона бистарӣ гардидаанд.

Инчунин ВУД ТОҷикистон хабар медиҳад, ки як садамаи марговар санаи 30-уми май дар ҳудуди ҷамоати шаҳраки Оби-киики ноҳияи Хуросон рух додааст.

“Ронандаи худрави “Лексус”, Хусрави Маҳмасаид, сокини ҷамоати деҳоти Навободи ноҳияи Ҷ.Балхӣ, ҳангоми ҳаракат кардан аз самти шаҳри Бохтар ба самти шаҳри Душанбе, дар ҳудуди ҷамоати шаҳраки Оби-киики ноҳияи Хуросон пиёдагардон, Шералиев Убайдулло Абдуҷалилович, соли таваллудаш 1952, сокини ҷамоати деҳоти Ғаллаободи ноҳияи мазкур ва Олимова Гулбаҳор Абдуҷалиловна, соли таваллудаш 1975, сокини ҳамон ҷоро пахш намудааст”, - таъкид дошт ВУД Тоҷикистон.

Дар натиҷа Шералиев У.А. ва Олимова Г.А. ҷароҳатҳои вазнини ҷисмонӣ бардошта, дар беморхона бистарӣ гардидаанд.

Мутаасифона Шералиев Убайдулло дар беморхона ба ҳалокат расидааст.

Ин ҳам дар ҳолест, ки рӯзи 31-уми май тахминан соати 16:10-дақиқа, ронандаи худрави “Опел-Астра” Қадамов Озодӣ, сокини ноҳияи Ванҷ ҳангоми ҳаракат кардан дар шоҳроҳи “Душанбе-Сангвор-Дарвоз”, воқеъ дар мавзеи “Шаъидон”-и ноҳияи Дарвоз аз уҳдаи идораи воситаи нақлиёт набаромада, ба чуқурии баландиаш 300-метр чаппа шудааст.

Дар натиҷа мусофирони автомашинаи мазкур Худоиев Асламшо Ақбердиевич, ва Худоиев Умар, сокиони ноҳияи, ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд.

Худи ронанда, Қадамов Озодӣ ва мусофири дигар, Нодулёбов Амруло Аҳёевич, сокини ноҳияи Ванҷ, ҷароҳатҳои гуногуни ҷисмонӣ бардошта, дар беморхона бистарӣ гардидаанд.

Дар ҳоли ҳозир кормандони милитсияи кишвар аз руи ин ҳодисаҳо таҳқиқотро идома доранд.

103
Барчаспҳо:
истироҳат, ҳалокат, ҷумҳурӣ, роҳҳо, нақлиёт, садама, Тоҷикистон
Задержание, архивное фото

"Аттестат"-у диплом мефурӯхт: боздошти директори мактаб бо шариконаш

1154
(Таҷдидшуда 17:15 31.05.2020)
Оҷонсии мубориза бо фасод як роҳбари мактаби миёнаро боздошт кардааст, ки дар фурӯши шаҳодатномаи хатм муттаҳам мешавад.

ДУШАНБЕ, 31 май — Sputnik. Бино ба иттилои дафтари матбуотии Оҷонсӣ Ҳусейн Қаюмов дар вазифаи Директори Муассисаи таҳсилоти миёнаи умумии №18-и ноҳияи Деваштич кор карда истода, бо маслиҳати пешакӣ бо омӯзгори МТМУ №2-и шаҳри Истаравшан Фатулло Маҷидов ва Нодир Бобоев ба ин кор даст задаанд.

Генерал-майор Сулаймон Султонзода, сардори Ожонси назорати давлатии молиявӣ ва мубориза бо фасоди Тоҷикистон
акс аз сомонаи Агентии мубориза бо коррупсияи Тоҷикистон

Ба иттилои манбаъ, номбурдагон моҳи феврали соли 2020 аз шаҳрванд Ҷуразода Ш.Ш. барои ба ӯ бидуни таҳсил омода кардани додани шаҳодатномаи хатми мактаби таҳсилоти миёнаи умумӣ, маблағи 5000 сомонӣ талаб карда гирифта, бар ивази он ба ӯ шаҳодатномаи қалбакиро додааст.

“Инчунин, Қаюмов Ҳ.А. дар якҷоягӣ бо Бобоев Н.П. бо тарзу усули болозикр моҳи феврали соли 2020 аз шаҳрванд Ҷуразода Ш.Ш. барои ба номи шиносаш - Ғаффоров Б.Б. омода кардани додани дипломи хатми Омӯзишгоҳи касбии шаҳри Исфара, маблағи 4000 сомонӣ талаб карда гирифта, тасарруф намудаанд”,- афзудааст манбаъ.

Манбаъ мегӯяд,вобаста ба ҳолатҳои мазкур нисбат ба Ҳусейн Қаюмов, Фатулло Маҷидов ва Нодир Бобоев бо моддаи 247 қисми 3 банди “а” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

Ба иттилои Сулаймон Султонзода, раҳбари Оҷонсии зидди фасод, давоми соли гузашта 122 корманди Вазорати маориф ва илмро бо гумони даст доштан дар амалҳои коррупсионӣ боздошт карда буданд.

 

1154
Свечка, архивное фото

Марги боз як афсари тоҷик: подполковиник Мӯминҷон Раҳимзода даргузашт

0
(Таҷдидшуда 11:13 01.06.2020)
Мӯминҷон Раҳмизода, подполковники милитсия ва сардори Шуъбачаи минтақавии мубориза бар зидди ҷиноятҳои муташаккил дар гурӯҳи ноҳияи Панҷакент аз олам даргузашт

ДУШАНБЕ, 1 июн – Sputnik. Манобеъ аз мақомоти милитсия бо тасдиқи ин хабар гуфтанд, ки Раҳимзода дар бемористони сироятии вилояти Суғд, воқеъ дар шаҳри Хуҷанд табобат мегирифт, аммо аз коми беморие, ки ба ӯ дарафтод раҳо ёфта натавонист ва аз ин дунёи фонӣ реҳлат кард.

“Ӯ ҳамагӣ 36 сол дошт, вале дар кори пешакардаи худ рағбати зиёд дошт. Сатҳи одобу ахлоқаш низ хеле баланд буд ва ҳамеша бо ҳамкорон бо самимият муносибат мекард”, - гуфт манбаъ.

Ин манбаъ дар бораи бемории Раҳмизода изҳори бехабарӣ кард, вале гуфт, эҳтимол марҳум аз хуруҷи “бемории сироятӣ” даргузашт, зеро дар бемористони сироятии Хуҷанд, ҳоло беморон барои гирифтори ин навъ беморӣ ба он ҷо интиқол дода мешаванд.

Бино ба иттилоъи дарёфтӣ Мӯминҷон Раҳмизода, 13-уми сентябри соли 1984 дар шаҳри Конибодом таваллуд шуда, ахиран дар мақомоти милитсия ба вазифаи сардори Шуъбачаи минтақавии мубориза бар зидди ҷиноятҳои муташаккил дар гурӯҳи ноҳияи Панҷакент таъин карда шуд.

Баъзе аз дӯстонаш бо нашри хабари даргузашти Раҳимзода, дар ҳаққи марҳум дуои хайр карда, барои пайвандонаш изҳори тасаллият арз намудаанд.

 Даргузашти подполковник Раҳимзода, дар ҳолест, ки ахиран аз мусибати ҷуброннопазири фавти ду бародар собиқ кормандони мақомоти милитсия дар оилаи Искандарзодаҳо дар вилояти Хатлон иттилоъ дода мешуд.

Абдулваҳҳоб Искандарзода, сардори пешини Раёсати вазорати корҳои дохилии Тоҷикистон дар минтақаи Кӯлоб ва Вилояти Мухтори Куҳистони Бадахшон ва бародараш, Абдусалом Искандарзода, собиқ сардори Раёсати Бозрасии давлатии автомобилии ВКД Тоҷикистон дар гуруҳои навоҳии минтақаи Кӯлоб дар тули ду ҳафтаи охир ҷон ба ҷонофарин супориданд.

 Пештар аз даргузашти ин ду бародар, собиқ кормандони мақомоти милитсия, Абдулло Ҳабибов, собиқ муовини вазири дифоъ, Абдураҳмон Азимов, фармондеҳи собиқи нирӯҳои сарҳадии Тоҷикистон, Абдулназар Абдуласанов, собиқ муовини вазири дифоъи Тоҷикистон айни даврони бознишастагӣ даъвати ҳақ пайвастанд.

0
Барчаспҳо:
Рёсати мубориза бо ҷинояти мутташакили ВКД, Афсар, даргузашт, Панҷакент, милитсия, Тоҷикистон