Пожарные тушат огонь, архивное фото

Ҳалокати 6 нафар ба асари сӯхторҳои се моҳи ахир дар Суғд

167
(Таҷдидшуда 13:27 12.05.2020)
Дар паи ҳодисаҳои сӯхтор, ки давоми се моҳи охир дар шаҳру навоҳии вилояти Суғд рух додааст, шаш кас ба ҳалокат расида ва аз ин ҳисоб бештар аз як милион сомонӣ хисороти молӣ расидааст

ДУШАНБЕ, 17 апр – Sputnik. Масъулини Раёсати хадамоти давлатии оташнишонии Суғд мегӯянд, вуқӯъи инчунин ҳодисаҳо назар ба ин давраи соли гузашта 10 ҳолат афзуда, шумори ҳалокшудагон ҳам ду нафар зиёд будааст.

Ваҳҳоб Қаҳҳорзода, сардори шӯъбаи назорати давлатии бехтарӣ аз сӯхтор дар РХДО Суғд, ҳодисаҳои сӯхтор дар манзили сокинонро ба камтаваҷҷӯҳӣ ба ҷараёни кори асбобҳои барқию газӣ рабт дод.

“Зиёдшавии ҳодисаҳои нохуши сӯхтор асосан дар шаҳри Панҷакент, ноҳияҳои Спитамен, Бобоҷон Ғафуров, Деваштич ва Айнӣ ба қайд гирифта шудаанд. Ташвишовар он аст, ки дар ин сӯхторҳо шаш нафар фавтиданд, ки аз ин шумор ду ноболиғ мебошад”,- гуфт Қаҳҳорзода.

Сардори шӯъбаи назорати давлатии бехтарӣ аз сӯхтор дар Суғд, cӯхтори рӯзи 25-уми феврал дар манзилиРаҷабовҳо, сокинони ҷамоати Ёваи ноҳияи Бобоҷон Ғафуровро шарҳ дод, ки ба асари он, чор узви як оила падару модар ва ду кӯдаки онҳо фавтидаанд.

Маълум карда шуд, ки ин сӯхтор дар пайи нодуруст истифода бурдани таҷҳизоти барқӣ рух додааст, зикр кард, Қаҳҳорзода.

Масъулини идораи сӯхторнишонӣ мегӯянд, аз 94 сӯхтори баамаломада дар қаламрави Суғд, ҳудуди 80 дарсади он дар манзили истиқоматии сокинон рух додааст, ки сабаби он беэҳтиётӣ ҳангоми истифодаи таҷҳизоти барқию газӣ будааст.

Дар ин давра дар натиҷаи ҳозир шудан ба маҳалли ҳодиса, сӯхторнишонҳо 8 нафарро аз коми оташ наҷот дода ва ба андозаи 10 милион сомонӣ молу ҷиҳози сокинонро наҷот додаанд.

РХДО Суғд мегӯяд, дар се моҳи аввали соли ҷорӣ аз ҷониби нозирони ин ниҳод бинобар вайрон намудани қоидаҳои бехатарӣ аз сӯхтор нисбати роҳбарон, шахсони масъул ва шаҳрвандон 334 санади ҳуқуқвайронкунии маъмурӣ ба маблағи 180 ҳазор сомонӣ тартиб дода шуда, фаъолияти 79 иншоот ва 364 ҳуҷраҳо то бартараф намудани хавфи сар задани сӯхтор, боз дошта шудааст. Мақомот мегӯянд, баҳри пешгирӣ намудан аз ҳодисаҳои нохуши сӯхтор солона ду маротиба миёни аҳолӣ ва муассисаҳои ҷамъиятӣ маъракаи муҳофизатӣ барпо мекунанд.

167
Женщина в защитной маске на улице города Душанбе

Афзоиши гирифторони COVID - 19 дар Тоҷикистон: ба 4,3 ҳазор наздик шуд

227
(Таҷдидшуда 19:31 04.06.2020)
Вазорати тандурустии Тоҷикистон омори нави мубталоёни коронавирус дар кишварро барои имрӯз  4 июн нашр кард

ДУШАНБЕ, 4  июн — Sputnik. Тибқи иттилои дафтари матбуотии Вазорати тандурустии кишвар давоми шабонарӯзи ахир 98 ҳолати нави гирифторони коронавирус ба қайд гирифта шудааст.

Тибқи маълумот  то имрӯз 4 июн, шумораи умумии беморони коронавирус дар ҷумҳурӣ ба 4289 нафар расид.

Ҳамзамон, дар давоми як рӯзи охир, табибон тавонистанд 54 беморро табобат кунанд.

Сар аз оғози эълони ин бемори дар кишвар то кунун  2 401 нафар шаҳрвандон шифо ёфтанд.

Инчунин то имрӯз, 1418 сокин дар беморхона таҳти назорати кормандони тиббӣ қарор доранд.

Вазорати тандурустӣ гуфтааст,  давоми шабонарӯзи охир аз коронавирус ҳеҷ кас нафавтидааст. Теъдоди қурбониён то имрӯз аз  ин беморӣ дар кишвар ба  48 нафар мерасад.

Ин ниҳод афзудааст, ки ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ мешаванд ва дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

Вазорати тандурустӣ ва ҳифзи иҷтимоии аҳолии Тоҷикистон, рӯзи 30-уми апрел нахустин бор аз гирифтории 15 сокини кишвар ба бемории коронавирус хабар дода буд.

227
Человек в воде, архивное фото

Оғози мавсими оббозӣ ва ҳушдори КҲФ ба сокинон: эҳтиёт кунед

20
Кумитаи ҳолатҳои фавқулодаи Тоҷикистон бо фаро расиии фасли гармо ва мавсими оббозӣ ба сокинон ҳушдор додааст, ки аввал қоидаҳои шиновариро аз худ карда, пасон вориди об шаванд ва аз эҳтиёт кор бигиранд

ДУШАНБЕ, 4  июн — Sputnik. Тибқи иттилои сомонаи Кумита ин ниҳод чанд қоидаҳоро ба шаҳрвандон пешниҳод карда, хостааст дар масими оббозӣ онро риоя кунанд.

 Кумита сабаби ғарқшавии одамонро шарҳ дода гуфтааст, одамон на барои он ғарқ мешаванд, ки шиноварӣ наметавонанд, балки аз он ба фоҷеа мепечанд, ки аз соҳил дур мераванд ва ҳангоми бозгашт қувваташон намерасад. Дар ин ҳол онҳо ба воҳима дода мешаванд ва ҳисси боварӣ ба худ гум мешавад.

Ин ниҳод чандин тавсияҳоро ба сокинон пешниҳод карда гуфтааст, - танҳо баъди 1,5 - 2 соати ғизо хӯрдан, метавон дар обҳои озод дар ҳарорати на камтар аз 15 дараҷа гармии об оббозӣ кард

Барои оббозӣ ҳатман ҷойеро интихоб кард, ки махсус муайян шудааст ва набояд дар ҷойҳое, ки ношиносанд ғаввосӣ кард, зеро ба қаъри он метавонад санг, кундаҳои гурмдор, арматурҳои сохтмонӣ бошанд; 

Дар ҷойҳое, ки обсабзаҳо мерӯянд, набояд шино кард, чунки хатари ба онҳо печидан ва дар гирдоб ғарқ шудан пайдо мегардад.

Ғарқшавии се ноболиғ ва як ҷавондухтари 25 - сола дар Тоҷикистон

Набояд баъди дар офтоб гарм шудан ва ё сардии об, дар ҳоли  мастӣ оббозӣ кардан қаъиян манъ аст.

Тибқи омори Кумита  танҳо дар соли 2019 дар натиҷаи риоя накардани қоидаҳои бехатарӣ дар обҳо ҳангоми оббозиву шиноварӣ 141 нафар дар кишвар ғарқ шуданд.

Аз ин шумор 11 нафари онҳо бачаҳои то 4-сола буданд. 14 нафар бачаҳои аз 5 то 11-сола; 31 нафарашон аз 11 то 16-сола, 50 тани дигар синнашон аз 17 то 35 буд ва 35 нафари боқимонда афроде буданд, ки синнашон аз 35 сол боло будаанд. 

20
Ҳавопаймои Ютайр, акс аз бойгонӣ

Оғози фурӯши чиптаҳо: аз шарҳи мақомоти Тоҷикистон то Росавиатсия

286
(Таҷдидшуда 20:06 04.06.2020)
Ширкатҳои ҳавопаймоии Русия - Utair ва "Уралские авиалинии" дар сомонаҳояшон ба фуӯши чиптаҳо дар масири Маскав – Душанбе ва баръакс оғоз карданд

ДУШАНБЕ, 4 июн — Sputnik. Санаи чиптаи парвозҳо миёни Русия ва Тоҷикистон баъди 30 июн нишон дода шудааст. Аммо расман мақомоти умури хориҷии Русия ва Тоҷикистон дар бораи аз сар гирифтани парвозҳо миёни ду кишвар ҳеч иттилое ироа надодаанд.

Sputnik Тоҷикистон талош кард ба масъалаи оғози парвозҳо миёни Тоҷикистону Русия рӯшанӣ андозад

Ожонси ҳавонавардии мулкии Тоҷикистон сарусадо дар бораи оғози парвозҳои мунтазамро бепоя хонда, таъкид намудаст, ки парвозҳои мунтазам миёни ду кишвар баъди ба эътидол омадани вазъи марбути COVID-19 ва эълони расмии мақомоти ду кишвар аз сар гирифта мешаванд.

Ожонси ҳавонавардии Тоҷикистон аз шаҳрвандон хост, аз хариди чиптаҳо худдорӣ кунанд ва эълон дар бораи оғози парвозҳо расман ироа хоҳад шуд.

Мақомоти Росавиатсия низ масъалаи фурӯши чиптаҳо дар масири Тоҷикистону Русияро шарҳ доданд.

“Ҳеч иттилое дар бораи оғози парвозҳо мутаассифона рӯи даст надорем, мутаносибан чизе барои шарҳ нест. Ширкатҳои ҳавопаймоӣ – субъектҳои хоҷагидори алоҳидаанд, ки фаъолияташонро мустақилона пеш мебаранд”,  - изҳор дошт манбаи наздик ба Росавиатсия.

Сафорати Русия дар Тоҷикистон низ таъкид кард, ки феълан танҳо парвозҳои махсус барои берун овардани шаҳрвандон роҳандозӣ мешаванд, ки аризаашон тариқи Пойгоҳи ягонаи хизматрасонии давлатӣ ворид мешаванд.

“Фурӯши озоди чиптаҳои ҳавопаймоӣ аз ҷониби ширкатҳо барои парвозҳои махсус аз Тоҷикистон истисност. Таъкид мекунем, ки феҳрасти парвозҳои махсус барои берун овардани шаҳрвандони Русия аз Тоҷикистон аз ҷониби мақомоти дахлдор то санаи 12 июн мувофиқа шудааст”,- хабар доданд дар сафорати Русия дар Тоҷикистон.

Сафорат қотеона аз шаҳрвандон хоҳиш кардааст, барои хатсайрҳо аз Тоҷикистон ба Русия, ки шомили парвозҳои махсус нестанд, чипта нахаранд.

Ин ниҳод таъкид кардааст, ки шаҳрвандон дар масъалаи парвозҳо танҳо ба маълумоти расмӣ, ки тариқи Вазорати умури хориҷии Тоҷикистон ва сафорат дар Маскав ироа мешавад, такя намоянд.

Sputnik Тоҷикистон барои шарҳи фурӯши чиптаҳо ба хадамоти матбуоти  ширкатҳои ҳавопаймоии Utair  ва "Уралские авиалинии" дархост ирсол кард.

286
Барчаспҳо:
ҳавопаймо, парвоз, Тоҷикистон