Девушка в наручниках, фото из архива

Ғуломӣ ба ҷои кор: боздошти зани 48 сола гумонбар дар хариду фурӯши духтарон дар Дубай

1374
(Таҷдидшуда 14:23 18.04.2020)
Мақомоти умури дохилии Тоҷикистон зани 48-солаи сокини кӯчаи Бобоҷон Ғафурови ноҳияи Синои шаҳри Душанберо, ки дар фиребкорӣ ва хариду фурӯши духтарони ҷавони тоҷик дар Дубай гумонбар дониста мешавад, боздошт карданд

ДУШАНБЕ, 18 апр – Sputnik. Бино бар иттилои дафтари матбуоти Вазорати умури дохилаи Тоҷикистон, аз ҷониби корманддони милитсия зани 48-солаи сокини кӯчаи Б.Ғафурови ноҳияи Синои шаҳри Душанбе, ки пеш бо моддаи 130 иловаи-1 Кодекси ҷиноятии Тоҷикистон маҳкум шуда буд, ҳамчун гумонбар дар хариду фурӯши одамон боздошт шудааст.

Тибқи иттилои манбаъ, номбурда, моҳи майи соли 2017, бо роҳи фиреб ба боварии зани 32-солаи сокини ноҳияи Шаҳритус даромада, бо баҳонаи дар шаҳри Дубайи АМА ба кор таъмин намудан, ӯро санаи 6-уми майи соли 2017 ба шаҳри Дубайи АМА даъват намуда, ба истисмори шаҳвонӣ гирифтор карда, бо мардҳои миллаташон гуногун ба ивази маблағи пулӣ барои қонеъ намудани нафси шаҳвониашон фурӯхтааст.

“Ҳамин тариқ, гумонбаршаванда бо маслиҳати пешакӣ бо шаҳрванди Ҷумҳурии Ӯзбекистон “Гули” ном шахси номаълум бо роҳи фиреб ба боварии зани 28-солаи сокини ҷамоати деҳоти Сарикиштии ноҳияи Рӯдакӣ даромада, бо баҳонаи дар шаҳри Дубайи АМА ба кор таъмин намудан, ӯро санаи 14-уми январи 2017, ба шаҳри Дубайи АМА даъват намуда, ба истисмори шаҳвонӣ гирифтор карда, бо мардҳои миллаташон гуногун ба ивази маблағи пулӣ барои қонеъ намудани нафси шаҳвониашон фурӯхтааст”, - тахкид доштааст ВУД Тоҷикистон.

Инчунин манбаъ қайд кардааст, ки ҳамин зани 48-сола, моҳи майи соли 2017 бо роҳи фиреб ба боварии зани 35-солаи сокини кӯчаи Н.Қарабоеви пойтахт даромада, бо баҳонаи дар шаҳри Дубайи АМА ба кор таъмин намудан, ӯро санаи 6-уми майи соли 2017 ба шаҳри Дубайи АМА даъват намуда, ба истисмори шаҳвонӣ гирифтор карда, бо мардҳои миллаташон гуногун ба ивази маблағи пулӣ барои қонеъ намудани нафси шаҳвониашон фурӯхтааст.

Дар ҳоли ҳозир аз ҷониби кормандони милитсияи Тоҷикистон, аз рӯи ин ҳодисаҳои гуфташуда тафтишот идома дорад.

1374
Барчаспҳо:
ҷавон, духтарон, одамон, хариду фурӯш, харидуфурӯш, боздошт, Душанбе, милитсия, Тоҷикистон
Задержание, архивное фото

"Аттестат"-у диплом мефурӯхт: боздошти директори мактаб бо шариконаш

1132
(Таҷдидшуда 17:15 31.05.2020)
Оҷонсии мубориза бо фасод як роҳбари мактаби миёнаро боздошт кардааст, ки дар фурӯши шаҳодатномаи хатм муттаҳам мешавад.

ДУШАНБЕ, 31 май — Sputnik. Бино ба иттилои дафтари матбуотии Оҷонсӣ Ҳусейн Қаюмов дар вазифаи Директори Муассисаи таҳсилоти миёнаи умумии №18-и ноҳияи Деваштич кор карда истода, бо маслиҳати пешакӣ бо омӯзгори МТМУ №2-и шаҳри Истаравшан Фатулло Маҷидов ва Нодир Бобоев ба ин кор даст задаанд.

Генерал-майор Сулаймон Султонзода, сардори Ожонси назорати давлатии молиявӣ ва мубориза бо фасоди Тоҷикистон
акс аз сомонаи Агентии мубориза бо коррупсияи Тоҷикистон

Ба иттилои манбаъ, номбурдагон моҳи феврали соли 2020 аз шаҳрванд Ҷуразода Ш.Ш. барои ба ӯ бидуни таҳсил омода кардани додани шаҳодатномаи хатми мактаби таҳсилоти миёнаи умумӣ, маблағи 5000 сомонӣ талаб карда гирифта, бар ивази он ба ӯ шаҳодатномаи қалбакиро додааст.

“Инчунин, Қаюмов Ҳ.А. дар якҷоягӣ бо Бобоев Н.П. бо тарзу усули болозикр моҳи феврали соли 2020 аз шаҳрванд Ҷуразода Ш.Ш. барои ба номи шиносаш - Ғаффоров Б.Б. омода кардани додани дипломи хатми Омӯзишгоҳи касбии шаҳри Исфара, маблағи 4000 сомонӣ талаб карда гирифта, тасарруф намудаанд”,- афзудааст манбаъ.

Манбаъ мегӯяд,вобаста ба ҳолатҳои мазкур нисбат ба Ҳусейн Қаюмов, Фатулло Маҷидов ва Нодир Бобоев бо моддаи 247 қисми 3 банди “а” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

Ба иттилои Сулаймон Султонзода, раҳбари Оҷонсии зидди фасод, давоми соли гузашта 122 корманди Вазорати маориф ва илмро бо гумони даст доштан дар амалҳои коррупсионӣ боздошт карда буданд.

 

1132

Ҳушдори муовини вазири беҳдошти Афғонистон аз афзоиши гирифторони коронавирус

109
(Таҷдидшуда 14:00 31.05.2020)
Ваҳиди Маҷруҳ, муовини вазири беҳдошти Афғонистон дар бораи паёмадҳои густариши коронавирус ба мардуми ин кишвар ҳушдор дод

ДУШАНБЕ, 31  май — Sputnik. Ваҳиди Маҷруҳ рӯзи якшанбе ҳушдор дод, ки агар мардум дар мубориза бо бемории КОВИД-19 бо ин вазоратхона ҳамкорӣ накунанд, Афғонистон ба мусибати бузург гирифтор хоҳад шуд, навиштааст хабаргузории "Парстудей".

Манбаъ аз қавли ин мақоми Вазорати беҳдошти Афғонистон илова намуд, ки мутаассифона доманаи коронавирус дар ин кишвар дар ҳоли густариш аст ва танҳо роҳи муқобила бо он, истифода аз ниқоби тиббӣ, ҳифзи фосилагирии иҷтимоӣ, пешгирӣ аз ҳузур дар маконҳои серодам ва шустани дастҳо аст.

Бар асоси Вазорати беҳдошти Афғонистон то кунун 13 ҳазору 660 нафар дар ин кишвар ба коронавирус гирифтор ва 246 нафар низ фавт шудаанд.

Дар ҷаҳон низ то кунун ҳудуди шаш миллиону 200 ҳазор нафар ба бемории КОВИД-19 мубтало шуда ва 380 ҳазор нафар низ ҷон бохтаанд.

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, Амрико(1 805 745 нафар), Бразилия (498 440), Русия (396 575), Испания (239 228), Британияи Кабир (272 826), Италия (232 264), Олмон (183 234), Ҳиндустон (182 143) ва Туркия (163 103) Перу (155 671) дохил мешаванд.

109
Барчаспҳо:
гирифторони беморӣ, беҳдошт, вазир, Афғонистон
Самолет компании Уральские авиалинии, архивное фото

49 муҳоҷиру 13 ҷасад: ҳавопаймои Русия шаҳрвандони Тоҷикистонро ба Ватан расонд

61
Мақомоти Тоҷикистон элон намудааст, ки аз 19 то 30 майи соли равон дар ҳамоҳангӣ бо Русия 680 нафар шаҳрвандони кишвар ба Ватан баргардонида шуд

ДУШАНБЕ, 1 июн - Sputnik. Санаи 29 май бо парвозҳои махсуси ширкати “Уральские авиалинии” 49 нафар шаҳрвандони Тоҷикистон, ки тайи чанд моҳи охир дар марказҳои нигоҳдории муваққатии шаҳрвандони хориҷии Русия қарор доштанд, аз Маскав ба Душанбе баргардонида шуданд, иттилоъ додааст дафтари матбуоти Вазорати умури хориҷаи Тоҷикистон.

Ҳамчунин тибқи иттилои манбаъ бо ин парвози махсус 13 ҷасади шаҳрвандони кишвар ба Ватан интиқол ёфтанд.

Манбаъ зикр кардааст, ки ҳамин тариқ, аз 19 то 30 майи соли равон дар ҳамоҳангӣ бо Русия аз марказҳои нигоҳдории муваққатии шаҳрвандони хориҷии он кишвар ба Тоҷикистон дар маҷмӯъ 680 нафар шаҳрвандони Тоҷикистон, ки ҳуҷҷатҳои омодашудаи зарурӣ барои сафар доштанд, инчунин ҷасадҳои 58 ҳамватан баргардонида шуданд.

Вазорат умури хориҷаи Тоҷикистон таъкид доштааст, ки барои иҷрои дастури раисҷумҳури кишвар доир ба татбиқи нақшаи тадриҷан ва марҳила ба марҳила баргардонидани шаҳрвандон, айни замон имконияти анҷом додани парвозҳои махсус (чартерӣ) ба/аз Русия ва дигар кишварҳо аз ҷониби ширкатҳои ҳавоии ватанӣ мавриди корбарӣ қарор дорад.

Ҳамзамон манбаъ қайд кардааст, ки раванди бозгардонидани шаҳрвандон аз хориҷа ба Ватан ба фароҳам оварда шудани шароити зарурӣ, аз ҷумла омода будани ҷойҳои кофӣ барои карантин ё муроқибати тиббии онҳо дар Тоҷикистон вобаста хоҳад буд.

61
Барчаспҳо:
ҷасад, Ватан, баргардонидан, кишварҳо, Тоҷикистон