Медали ветерана ВОВ, архивное фото

4 000 сомонӣ идпулӣ: қадршиносии ҳукумати Суғд аз иштирокчиёни ҶБВ

377
(Таҷдидшуда 12:09 29.04.2020)
Дар остонаи 75-солагии Рӯзи Ғалаба бар фашизм ҳукумати Суғд, барои қадршиносӣ аз иштирокчиёни Ҷанги Бузурги Ватанӣ (солҳои 1941-1945) 740 ҳазор сомонӣ пул ҷудо намудааст

ДУШАНБЕ, 29 апр – Sputnik. Андар Раҳмонӣ, масъули хадамоти матбуоти раиси вилояти Суғд дар суҳбат бо Sputnik Тоҷикистон гуфт, ин миқдор маблағ ба ҳисоби иштирокчиёни ҶБВ, ба маъюбон, ба ҳамсарони танҳо мондаи онҳое, ки дар ин ҷанг ҳалок шудаанд ва ҳам ба ашхосое, ки дар фронти оқибгоҳ заҳмат кашидаанд расонида мешавад.

Андар Раҳмонӣ гуфт, дар ин бора дирӯз 28-уми апрел Раҷаббой Аҳмадзода, раиси вилояти Суғд қарореро ба тасвиб расонидааст.

“Тибқи ин қарор, ба иштирокчиёну маъюбони ҶБВ и солҳои 1941-1945 ва ҳамсарони бесаробонмондаи ҷанговарони дар ин ҷанг ҳалокгардида ба андозаи 4000 сомонӣ ва ба шахсоне, ки дар солҳои ҶБВ дар хизмати ҳарбӣ буданд ва ҳади ақал шаш моҳ дар ақибгоҳ кор кардаанд, инчунин ба шахсоне, ки барои хизмати ҳарбии бенуқсон ва меҳнати фидокорона дар ақибгоҳ дар солҳои ҶБВ бо яке аз медалҳои “Барои Ғалаба бар Германия дар Ҷанги Бузурги Ватании солҳои 1941-1945”, “Барои Ғалаба бар Япония” ва “Барои меҳнати шоён дар Ҷанги Бузурги Ватании солҳои 1941-1945” сарфароз гардидаанд, ба миқдори 2000 сомонӣ кӯмакпулӣ дода мешавад”, афзуд Раҳмонӣ.

Ҳамин тавр ба 46 нафар иштирокчиёну маъюбони ҶБВ ва 2 нафар ҳамсарони бесаробонмондаи ҷанговарони дар ин ҷанг ҳалокгардида 192 000 сомонӣ ва ба 273 нафар шахсони дар ақибгоҳ фаъолият кардаву дорандагони медалҳо 546 000 сомонӣ, дар умум 740 000 сомонӣ кӯпакпулӣ тақдим мегардад.

Қадршиносии Путин аз се иштирокчии 95-солаи ҶБВ аз Суғд

Бар пояи иттилоъи ҳукумати Суғд, ҳоло дар шаҳру ноҳияҳои Истаравшан 4 нафар, Ашт 9 нафар, Бобоҷон Ғафуров 5 нафар, Бӯстон 1 нафар, Деваштич 6 нафар, Исфара 4 нафар, Конибодом 3 нафар, Куҳистони Мастчоҳ 1 нафар, Мастчоҳ 2 нафар, Панҷакент 2 нафар, Спитамен 2 нафар, Ҷаббор Расулов 5 нафар ва Шаҳристон 2 нафар иштирокчиёну маъюбони Ҷанги Бузурги Ватанӣ даврони пирӣ меронанд.

377
Барчаспҳо:
Суғд, Тоҷикистон
Протесты в США

Эътирозҳои густурда дар Амрико: пулис 4400 нафарро боздошт кард

12
Амрико пас аз фавти марди сиёҳпӯсти амрикоӣ аз дасти кормандони пулис ба майдони шадиди тазоҳурот мубаддал гашт

ДУШАНБЕ, 4 июн — Sputnik. Садҳо ҳазор сокинони Амрико пас аз қатли Флоид марди сиёпӯсти амрикоӣ ба кӯчаву хиёбонҳо рехтанд.

Ба гузориши "Форс", эътирозот аз шаҳри Миннеполис ва Миннесота оғоз шуд ва дар даҳҳо шаҳри дигари саросари Амрико густариш ёфт.

"Пас аз марги фаҷеи марди сиёҳпӯсти амрикоӣ бар асари хушунати афсари сафедпӯст, шаҳрҳои мухталифи Амрико ба саҳнаи эътирозоти саросарӣ ба ин рафтори полиси Амрико алайҳи ақаллияти рангинпӯсти ин кишвар табдил шудааст ва ҳамчунон идома дорад", - таъкид мешавад дар хабар.

Тибқи ин гузориш, садҳо нафар дар авоили ҳафтаи ҷорӣ дар Миннасето ва дигар шаҳрҳои Амрико боздошт шуданд ва полис дар шаҳрҳои Вашингтон, Ню-Йорк ва дигар шаҳрҳои муҳими Амрико алайҳи эътирозгарон аз хушунат истифода кард.

Дар ҳамин ҳол, Доналд Трамп раисҷумҳури Амрико ҳамчунон сиёсати истифода аз зӯр ва саркӯби муътаризонро дар рӯзҳои ахир дар пеш гирифтааст ва бо нодида гирифтани хушунат ва рафторҳои табъизомези полиси Амрико, эътирозотро террористӣ хондааст.

Оташ мезананду ғорат мекунанд: мавҷи эътирозҳо дар Амрико - видео

Раисҷумҳури Амрико гуфт, ки аз нерӯҳои горди миллӣ хостаам то ба теъдоди кофӣ дар иёлатҳои мухталиф мустақар шаванд.  Трамп гуфт, ки нахустин вазифааш ҳимоят ва дифоъ аз мардум ва кишвар буда ва хушунатҳои ахир иқдомоти террористӣ будааст.

12
Барчаспҳо:
боздошт, эътироз, Амрико
Тонущий человек, архивное фото

Ғарқшавии ду ҷавон дар Хатлону Ҳисор: ҷасади яке ёфт ва дигаре то ҳол бедарак аст

61
(Таҷдидшуда 16:04 04.06.2020)
Кумитаи ҳолатҳои фавқулодаи Тоҷикистон аз ду ҳодисаи ғарқшавии сокинони Хатлон ва Ҳисор хабар медиҳад

ДУШАНБЕ, 4 июн — Sputnik. Наҷотбахшони Кумитаи ҳолатҳои фавқулодаи Тоҷикистон давоми ду рӯз ҷасади дар об ғарқшудаи як сокини  23 - солаи деҳаи Пахтакори ноҳияи Кушониёнро меҷӯянд.

Ба иттилои котиботи КҲФ, Дониёр Азизов сокинои ноҳия Кушониён ҳангоми оббозӣ дар дарёи Вахш аз беэҳтиётӣ ғарқ шудааст.

"Хабари ғарқи дарё шудани ӯ ба Раёсати КҲФ дар Хатлон рӯзи 3-уми июн расид ва худи ҳамон лаҳза кормадони наҷот, ба ҷойи ҳодиса рафтанд ва то бегоҳ ҷасадро кофтанд. Вале ҷустуҷӯҳои рӯзи аввал натиҷа надод ва имрӯз, 4-уми июн корҳои кофтуков аз сар гирифта шуданд", - таъкид мешавад дар хабар.

Манбаъ аз ғарқшавии як ҷавони 18 - солаи дигар дар ноҳияи Ҳисор хабар медиҳад, ки баъди аз зуҳри рӯз 3 - уми май иттифоқ афтодааст.

Гуфта мешавад, сокини 18 - солаи деҳаи Мирзочӯли ноҳияи Рӯдакӣ ҳангоми оббозӣ дар канали калони Ҳисор ғарқ шуд.

Боқимондаҳои ҷасади сайёҳи рус, ки дар рӯди Хингоб ғарқ шуда буд, пайдо гардид

"Корҳои ҷустуҷӯи ҷасади ғарқшуда дирӯз то соати 20:05 дақиқа идома дошт, вале он бенатиҷа анҷомид", - омадааст дар хабар.

Зимнан, субҳи имрӯз, соати 03:00 сокинони деҳа ҷасадро тақрибан 70 метр поёнтар аз ҷойи ҳодиса мушоҳида карданд ва он аз об берун оварда шуда, ба пайвандонаш супурда шуд.

61