Рынок в Душанбе Корвон

“Рӯзҳои санитарӣ”: “Корвон” баста шуд

2328
(Таҷдидшуда 16:11 29.04.2020)
Ҳукумати шаҳри Душанбе ба хотири ҷилавгирӣ аз густариши “вируси корона” кори бозорҳои либосфурӯшии шаҳрро пурра қатъ ва дар онҳо рӯзҳои санитарӣ эълон кард.

ДУШАНБЕ, 29 апр – Sputnik. Абдумаҷид Ҳакимзода, сардори Раёсати иттилоот ва равобити хориҷии ҳукумати шаҳри Душанбе ба Sputnik Тоҷикистон гуфт, ин тасмим ба хотири ҳифзи сиҳатии сокинони пойтахт ва аз рӯи барномаи ҷилагирӣ аз “вируси корона” ё COVID-19 гирифта шудааст.

“Аз 30 апрел то 10 май дар ҳамаи бозорҳои либосфурӯшии шаҳр новобаста аз шакли моликият ва тобеияти идоравӣ рӯзҳои санитарӣ эълон гардида, фаъолияти онҳо дар ин давра пурра қатъ карда мешавад”, - гуфт Абдумаҷид Ҳакимзода.

Дар Душанбе умдатарин бозорҳои матоъу либосфурӯшӣ “Корвон” ва “Ганҷина” ба шумор меоянд, аммо Бозори дӯстии Чину Тоҷикистон ё “Хитойбозор”, “Меҳргон” ва дигар бозорҳои хурди шаҳр низ қисмату гӯшаҳои савдои ин қабил амволро доранд.

Қаблан ҳукумати шаҳри Душанбе бо ҳадафи ҷилавгирӣ аз маризиҳои сироятӣ ва таъмини солимии шаҳрвандон дар пойтахт як қатор иқдомотеро ба унвони “тадбирҳои безараргардонии саросарӣ”, аз ҷумла дар ҷойҳои таҷаммуъи одамон, назири мактабу муассиса, кӯчаву хиёбон, мавзеъҳои фароғатӣ, истгоҳҳои нақлиётӣ ва ғайра ба роҳ монд.

Абдумаҷид Ҳакимзода мегӯяд, ниҳодҳои зидахли шаҳрдорӣ муваззаф шудаанд, ки дар ҳамкорӣ бо роҳбарони ҳамаи бозорҳои фурӯши либос дар рӯзҳои санитарӣ корҳои безараргардонӣ ва дезинфексиониро амалӣ намоянд.

Бозорҳо дар Тоҷикистон ҳамеша макони таҷаммуъи бузурги афрод будаанд. Ба қавли шоҳидон, рӯзҳои ахир бозорҳои серодами пойтахт, қабл аз ҳама “Корвон” хеле камодам шуда, аксари тоҷирон ҳам дӯконҳои худро баста буданд.

Иттилои дигаре, ки имшабу рӯз аз Истаравшан мерасад, ривоят аз густариши маризии “пневмония” дар ин шаҳр дорад. Ба қавли мусоҳибони мо, як манбаъи шуюъи “пневмония” дар Истаравшан маҳз аз бозори ҳамеша серодами ин шаҳри таърихӣ шурӯъ шудааст.

2328
Барчаспҳо:
Истаравшан, "Корвон", бозорҳо баста шуданд, Тоҷикистон
Человек в воде, архивное фото

Оғози мавсими оббозӣ ва ҳушдори КҲФ ба сокинон: эҳтиёт кунед

9
Кумитаи ҳолатҳои фавқулодаи Тоҷикистон бо фаро расиии фасли гармо ва мавсими оббозӣ ба сокинон ҳушдор додааст, ки аввал қоидаҳои шиновариро аз худ карда, пасон вориди об шаванд ва аз эҳтиёт кор бигиранд

ДУШАНБЕ, 4  июн — Sputnik. Тибқи иттилои сомонаи Кумита ин ниҳод чанд қоидаҳоро ба шаҳрвандон пешниҳод карда, хостааст дар масими оббозӣ онро риоя кунанд.

 Кумита сабаби ғарқшавии одамонро шарҳ дода гуфтааст, одамон на барои он ғарқ мешаванд, ки шиноварӣ наметавонанд, балки аз он ба фоҷеа мепечанд, ки аз соҳил дур мераванд ва ҳангоми бозгашт қувваташон намерасад. Дар ин ҳол онҳо ба воҳима дода мешаванд ва ҳисси боварӣ ба худ гум мешавад.

Ин ниҳод чандин тавсияҳоро ба сокинон пешниҳод карда гуфтааст, - танҳо баъди 1,5 - 2 соати ғизо хӯрдан, метавон дар обҳои озод дар ҳарорати на камтар аз 15 дараҷа гармии об оббозӣ кард

Барои оббозӣ ҳатман ҷойеро интихоб кард, ки махсус муайян шудааст ва набояд дар ҷойҳое, ки ношиносанд ғаввосӣ кард, зеро ба қаъри он метавонад санг, кундаҳои гурмдор, арматурҳои сохтмонӣ бошанд; 

Дар ҷойҳое, ки обсабзаҳо мерӯянд, набояд шино кард, чунки хатари ба онҳо печидан ва дар гирдоб ғарқ шудан пайдо мегардад.

Ғарқшавии се ноболиғ ва як ҷавондухтари 25 - сола дар Тоҷикистон

Набояд баъди дар офтоб гарм шудан ва ё сардии об, дар ҳоли  мастӣ оббозӣ кардан қаъиян манъ аст.

Тибқи омори Кумита  танҳо дар соли 2019 дар натиҷаи риоя накардани қоидаҳои бехатарӣ дар обҳо ҳангоми оббозиву шиноварӣ 141 нафар дар кишвар ғарқ шуданд.

Аз ин шумор 11 нафари онҳо бачаҳои то 4-сола буданд. 14 нафар бачаҳои аз 5 то 11-сола; 31 нафарашон аз 11 то 16-сола, 50 тани дигар синнашон аз 17 то 35 буд ва 35 нафари боқимонда афроде буданд, ки синнашон аз 35 сол боло будаанд. 

9
Дуздӣ, акс аз бойгонӣ

Студияи “Тоҷикон групп”-ро дузд зад

46
Вазорати умури дохилии Тоҷикистон мегӯяд, студияи “Тоҷикон групп” дар шаҳри Душанбе ҳадафи дуздон қарор гирифтааст

ДУШАНБЕ, 4 июн — Sputnik. Тибқи иттилои ВУД, ба идораи милиса дар доҳияи Фирдавсӣ бо ариза ҷавони 21-сола, сокини ноҳияи Ҳамадонӣ, муроҷиат намудаа, аз дуздӣ дар студияи “Тоҷикон групп” хабар додаст.

Муроҷиаткунанда арз доштааст, ки санаи 26-уми майи соли 2020, тахминан соати 11:00-дақиқа, шахси номаълум бо тариқи пинҳонӣ ба студияи “Тоҷикон Групп”, воқеъ дар кӯчаи Неъмат Қарабоев ворид шуда, аз он ҷо 1-адад блоки системавиро дуздида, аз ҷойи ҳодиса ғайб задааст. 

“Зарари расонидашуда 6 ҳазор сомониро ташкил медиҳад, таъкид кардааст Вазорати умури дохилии Тоҷикистон.

Бобоҷонов боз 1 миллион сомониро барои мубориза бо COVID - 19 дод

Манбаъ афзуд, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милиса ҷавони 25-солаи сокини пойтахт ҳамчун гумонбар дар содир намудани кирдори дуздӣ дастгир карда шуд.

ВУД илова намуд, ки феълан аз рӯи ин ҳодиса тафишот идома дорад.

46
Барчаспҳо:
боздошт, дуздӣ, Тоҷикистон
Открытие нового здания хирургии в районе Шахристан, архивное фото

Хушхабар: Пажӯҳишгоҳи гастроэнтерология дар Душанбе аз маризони COVID - 19 орӣ шуд

0
Тамоми маризони COVID -19, ки дар Пажӯҳишгоҳи гастроэнтерология дар шаҳри Душанбе бистарӣ буданд, шифо ёфта мураххас шуданд

ДУШАНБЕ, 4 июн — Sputnik. Вазорати тандурустии Тоҷикистон аз орӣ шудани Пажӯҳишгоҳи гастроэнтерология дар шаҳри Душанбе аз маризони коронавирус хабар дод.

Ба иттилои манбаъ, ҳамаи маризони коронавирус, ки дар ин беморхона бистарӣ буданд, шифо ёфта ба хонаҳои худ баргаштанд.  

Ду донишҷӯи тоҷик мубталои коронавирус шуда, ба бемористон бистарӣ шуданд

Зимнан, вазорат таъйид намудаст, ки дар чанд рӯзи ахир қисме аз муассисаҳои тандурустӣ, ки  муддати муайян дар онҳо беморони гирифтори коронавирус табобат мегирифтанд, ба фаъолияти муқаррарӣ баргаштанд.

"Муассисаи давлатии "Маркази ҷумҳуриявии клиникии бемориҳои дил" ва Маркази бемориҳои урологӣ, воқеъ дар Муассисаи давлатии Маркази миллии тиббии Тоҷикистон "Шифобахш" ва бахши таваллудхонаи Муассисаи давлатии Маҷмааи тандурустии "Истиқлол", ки ба муоинаву муолиҷаи гирифторони бемории коронавирус машғул буданд,  ба фаъолияти муқаррарии корӣ баргардонида шуданд", - таъкид мешавад дар хабар.

Манбаъ меафзояд, ҳоло  дар аксар минтақаҳои мамлакат, бахусус дар шаҳри Душанбе ҳолатҳои сироятёбии сокинон аз бемории  COVID-19 то андозае поён рафта, ҳамзамон муроҷиати шаҳрвандони мамлакат низ ба муассисаҳои тиббӣ бо нишонаҳои сироятёбӣ аз коронавирус кам шудааст.

Мутахассисони соҳаи тандурустӣ бар он назаранд, ки дар Ҷумҳурии Тоҷикистон давраи авҷи сироятёбии сокинон ба бемории COVID-19 паси сар шудааст.

0
Барчаспҳо:
маризон, бемористон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон